ನಮ್ಮೂರ ಹುಡ್ಗಿ....

ಹಾಗೇ ಸುಮ್ಮನೆ ಜೀವನದ ಹಾದಿಯಲ್ಲಿ ನಡೆದ ಪ್ರಸಂಗದ ಸಣ್ಣ ಮೆಲುಕು...

me: ನಾನು ಅವತ್ತೊಂದಿನ ಭಾನುವಾರದಂದು ಒಬ್ಬನೇ ತೇರು ಬೀದಿಯಲ್ಲಿ ನಡಕೊಂಡು ಹೋಗ್ತಾ ಇದ್ದೆ..

ಮಧ್ಯಾನ್ಹದ ಸಮಯ.. ಯಾರೂ ಇರಲಿಲ್ಲ

ಬಹಳ ದಿನಗಳಾಗಿತ್ತು, ಆ ಊರಿನಲ್ಲಿ ಓಡಾಡಿ..

ಹಾಗೇ ನಡಕೊಂಡು ಹೋಗ್ತಾ ಇರಬೇಕಾದರೆ, ದೂರದಲ್ಲೊಂದು ಹುಡುಗಿ ಬರ್ತಾ ಇದ್ದಳು...

Pratibha Patil: mundhe

me: ಬಣ್ಣ ಬಣ್ಣದ ಚೂಡಿ ಹಾಕೊಂಡಿದ್ದಳು..

ಬರ್ತಾ ಬರ್ತಾ ಹತ್ತಿರವಾಗುತ್ತಿದ್ದಳು

ಬೆಳ್ಳಗೆ ತುಂಬಾ ಮುದ್ದಾಗಿದ್ದಳು

Pratibha Patil: hu mundhe

me: ಬಹಳ ದಿನಗಳಾದ ಮೇಲೆ ಇಂತಹ ಸುಂದರವಾದ ಹುಡುಗಿಯನ್ನು ನಾನು ಆ ಊರಿನಲ್ಲಿ ನೋಡಿದೆ..

ನನ್ನ ಹೈಟ್ ಗೆ ಕರೆಕ್ಟ್ ಆಗಿದ್ದಳು

ಅವಳ ಮುಖ ನಗುವಿನಿಂದ ತುಂಬಿಕೊಂಡಿತ್ತು

ಕಿವಿಯಲ್ಲಿ ಉದ್ದನೆಯ ವಾಲೆ ಇತ್ತು..

ಹಣೆಯ ಮೇಲೆ ಬೊಟ್ಟು ಇತ್ತು..

Pratibha Patil: oh oh

oh oh

me: ಯಾರಾದರೂ ನೋಡಿರಾರು ಅಂತಾ ನಾನು ಅವಳೆಡೆಗೆ ಇಟ್ಟಿದ್ದ ದೃಷ್ಟಿಯನ್ನು ಸರಿಸಿ, ಬೇರೆ ಕಡೆಗಡ ನೋಡತೊಡಗಿದೆ

ಅವಳು ನನ್ನನ್ನೇ ನೋಡುತ್ತಿದ್ದಳು..

ಬರುತ್ತಾ ಬರುತ್ತಾ

ಹತ್ತಿರವಾದಳು

Pratibha Patil: oh oh bhari idhe nim story

me: (ಇದೂ ನಿಜವಾಗಲೂ ನಡೆದದ್ದು)

ಹತ್ತಿರದಿಂದ ನೋಡಿದೆ..

Pratibha Patil: oh

me: ನಿಜವಾಗಲೂ ಇಂತಹ ಚೆಲುವೆಯರು ಈ ಊರಿನಲ್ಲಿದ್ದು ನನ್ನ ಕಣ್ಣಿಗೆ ಬೀಳಲಿಲ್ಲವಲ್ಲಾ ಅಂದುಕೊಂಡೆ

ಅವಳು ರಸ್ತೆಯ ಎಡ ಬದಿಯಲ್ಲಿ ಬರುತ್ತಿದ್ದರೆ, ನಾನು ಬಲ ಬದಿಯಲ್ಲಿ ಬರುತ್ತಿದ್ದೆ..

ಇವಳು ರಸ್ತೆಯ ಆ ಬದಿಯಲ್ಲಿ ಸಮೀಪದಲ್ಲಿ ಬರುತ್ತಿದ್ದಳು

ನನ್ನನ್ನೇ ನೋಡಿ ನಕ್ಕಳು.. ನನ್ನನ್ನೇ ನೋಡುತ್ತಿದ್ದಳು

ನನಗೆ ನಾಚಿಕೆಯಾಯಿತು,...

Pratibha Patil: oh tumba fast hudgi

me: ನನ್ನನ್ನೇ ನೋಡುತ್ತಾ, ರಸ್ತೆಯ ಆ ಬದಿಯಿಂದ ನಾನು ಇರುವಲ್ಲಿ ಬಂದಳು,.. ನನಗೆ ಭಯವಾಯಿತು

ಬಂದವಳೇ ನಗುತ್ತಾ.. ನನ್ನ ಸಮೀಪವೇ ಬಂದಳು..

Pratibha Patil: oh hudga agi bhaya

me: (ಸುಮ್ನಿರಿ.. ನಮಗೂ ಭಯವಾಗುತ್ತೆ)

ನಮ್ಮನ್ನು ಯಾರೂ ಗಮನಿಸುತ್ತಿಲ್ಲವೆಂದು ಸುತ್ತಲೂ ನೋಡಿದೆ

ಪುಣ್ಯಕ್ಕೆ ಯಾರೂ ಇರಲಿಲ್ಲ..

ನನ್ನ ಹತ್ತಿರ ಬಂದು ಯಾವುದೋ ಪರಿಚಯವಿರುವಂತಹ ನಗುವನ್ನು ಬೀರುತ್ತಾ

ಒಂದು ಮಾತು ಕೇಳಿದಳು

Pratibha Patil: enu

me: " ಅಣ್ಣಾ ಚನ್ನಾಗಿದೀರಾ..? ಗೀತಾ ಮನೇಲಿ ಇದಾಳಾ? ನಾನು ಇವಾಗ ನಿಮ್ಮ ಮನೆಗೆ ಹೋಗ್ತಾ ಇದ್ದೆ.." ಅಂದಳು,.....

ಅವಳು ನನ್ನ ತಂಗಿಯ ಗೆಳತಿ ಆಗಿದ್ದಳು..

Pratibha Patil: ha ha ha

me: ನಾನು ಅವಳ ಮಾತುಗಳನ್ನು ಕೇಳಿ ಸುಸ್ತೋ ಸುಸ್ತು

Pratibha Patil: love story full stop

me: ಅದು ಸರಿ.. ತಂಗಿಯ ಫ್ರೆಂಡ್ಸ್ ಗಳೆಲ್ಲಾ ಅಣ್ಣಾ ಅನ್ನೋದು ಯಾವ ನ್ಯಾಯ>

?

ಎಲ್ಲರನ್ನೂ ತಂಗಿ ಅಂತಾ ಒಪ್ಕೊತೀನಿ

Pratibha Patil: ha ha ha

me: ಸುಂದರವಾಗಿರೋರು ಅಣ್ಣಾ ಅಂದಾಗ ಹೊಟ್ಟೆಲಿ ಬೆಂಕಿ ಬೀಳುತ್ತೆ..

Pratibha Patil: tagi idhre idhe disadvantage yellarigu anna agbidtira default agi

me: ಎಲ್ಲರನ್ನೂ ತಂಗಿ ಮಾಡ್ಕೊಂಡರೆ, ನಾನು ಲವ್ ಮಾಡೋದು ಯಾವಾಗ..? ಲೈಫ್ ಸೆಟ್ಲ್ ಮಾಡ್ಕೊಳ್ಳೋದು ಯಾವಾಗಾ..?

ಇಂತಿ ನಿಮ್ಮ ಪ್ರೀತಿಯ,

ಶಿವಶಂಕರ ವಿಷ್ಣು ಯಳವತ್ತಿ.

--
www.shivagadag.blogspot.com

ಅವಳಿಗೆ ಹೇಳಬೇಕಾಗಿದ್ದ ಆ ನಾಲ್ಕು ಪದಗಳು..

ನನ್ನ ಪ್ರೀತಿಯ.............. ಗೆ.

ಯಾವಾಗಲೂ ನಿನ್ನ ಜೊತೆಗೆ ಇದ್ರೂ ನಿನಗೆ ಹೇಳಬೇಕಾದ ಆ ನಾಲ್ಕು ಪದಗಳನ್ನು ನಿನಗೆ ಹೇಳೋಕ್ಕಾಗದೇ ತುಂಬಾ ಒದ್ದಾಡ್ತಿದ್ದೀನಿ.. ಇಂತಹ ಸಮಯದಲ್ಲಿ ನಿನ್ನಲ್ಲಿ ನನ್ನ ಭಾವನೆಗಳನ್ನು ವ್ಯಕ್ತಪಡಿಸೋಕೆ ಸಿಕ್ಕಿದ್ದು ಈ ಬಿಳಿ ಖಾಲಿ ಹಾಳೆ..(ಇವಾಗ ಖಾಲಿ ಇಲ್ಲ ಬಿಡು) ನಾನು ಇಷ್ಟು ದಿನ ನಿನ್ನ ಜೊತೆಗಿದ್ದು, ನಿನಗೆ ಈ ಮಾತು ಹೇಳಲಿಲ್ಲವಲ್ಲಾ ಅಂತಾ ನನಗೆ ಬೇಜಾರಾಗ್ತಿದೆ.. ನಿನ್ನನ್ನು ನಾನು ಹೇಗೆ ಕರೆಯಲಿ?

ನೀನು ನನ್ನ ಪ್ರೀತಿಯ ಗೆಳತಿ ಎಂದರೆ ರೇಣು, ಅನಿತಾ ಮಮ್ಮಿ ಕೋಪಗೊಳ್ಳುತ್ತಾರೆ.. ಪ್ರೇಯಸಿ ಎಂದರೆ, ನೀನು ಅವಳಿಗಿಂತಲೂ ಜಾಸ್ತಿ.. ಹೆಂಡತಿ ಅನ್ನಲೇ? ಅಯ್ಯೋ ನಮಗೆ ಮದುವೆ ಆಗಿಲ್ಲ ಬಿಡು... ಏನನ್ನಲಿ ನಾ?

ನನ್ನ ಪಾಡಿಗೆ ಎಲ್ಲೋ ಒಂದು ಕಡೆ ಸುಮ್ಮನಿದ್ದೆ ನಾನು, ಆದರೆ, ಅವತ್ತೊಂದು ದಿನ ಶಿವಮೊಗ್ಗದಿಂದ ಹೊಸದಾಗಿ ಬಂದ ರಘು ಎಂಬ ನನ್ನ ಕೊಲಿಗ್ ನಿನ್ನ ಪರಿಚಯ ಮಾಡಿಕೊಟ್ಟಾಗಲೇ ನನ್ನ ಮನಸ್ಸು ಚಂಚಲವಾಗಿದ್ದು. ನಿನ್ನ ಮೊದಲ ನೋಟದಲ್ಲೇ ನೀನು ನನ್ನ ಸೆಳೆದಿದ್ದೆ.. ಲವ್ ಅಟ್ ಫಸ್ಟ್ ಸೈಟ್ ಅಂತಾರಲ್ಲಾ ಅದೆಲ್ಲಾ ಸುಮ್ನೆ ಅನ್ಕೊಂಡಿದ್ದೆ.. ನಿನ್ನನ್ನು ನೋಡಿದಾಗಲೇ ನಂಗೆ ಅದು ನಿಜ ಅಂತಾ ಗೊತ್ತಾಗಿದ್ದು..

ನೀನು ರಘುಗೆ ಮೊದಲು ಗೆಳತಿ. ಆದರೆ, ನೀನು ಅವನಿಗಿಂತಲೂ ಜಾಸ್ತಿ ನನ್ನ ಮಾತನಾಡಿಸುತ್ತಿದ್ದೆ. ಅವನು ನನ್ನ ಜೊತೆ ಇಲ್ಲದಾಗ ಗುಟ್ಟಾಗಿ ನಾನು ನಿನಗೆ ಸಿಗುತ್ತಿದ್ದೆ..ನನಗೆ ನಿನ್ನ ಸಕಾರಾತ್ಮಕ ಪ್ರತಿಕ್ರಿಯೆ ಸಿಕ್ಕಾಗಲಂತೂ ಕುಣಿದು ಕುಪ್ಪಳಿಸಹತ್ತಿದೆ..

ಎಂತಹ ಸುಂದರಿ ನೀನು.. ಸುಂದರಿ ಅನ್ನುವುದಕ್ಕಿಂತ ತುಂಬಾ ಬುದ್ದಿವಂತೆ ನೀನು.. ನೀನು ನನಗೆ ಪರಿಚಯವಾಗಿದ್ದು ಇಂಟರ್ನೆಟ್ ಮೂಲಕ.. ನಿನ್ನಲ್ಲಿರುವ ವಿಶಾಲತೆಯಿಂದ ನೀನು ನನ್ನ ಮನಸೂರೆಗೊಂಡಿದ್ದೆ.. ನನ್ನ ಹಳೆಯ ನೆನಪುಗಳನ್ನು ಹೆಕ್ಕಿ ತೆಗೆದಿದ್ದೆ.. ನನ್ನ ಬಾಲ್ಯದ ಸ್ನೇಹಿತರನ್ನು ಹುಡುಕಿಕೊಟ್ಟಿದ್ದೆ.. ಸಾಮಾನ್ಯವಾಗಿ ಈ ತರ ಹುಡುಗರು ಹುಡುಗಿಯರನ್ನು ಇಂಪ್ರೆಸ್ ಮಾಡಲು ಮಾಡ್ತಾರೆ.. ಆದರೆ, ನೀನು ಯಾವುದೇ ಭಾವನೆಯನ್ನು ಇಟ್ಟುಕೊಳ್ಳದೇ ನನಗೆ ಈ ತರಹ ಸಹಾಯ ಮಾಡಿದೆ..

ನಿನ್ನ ಪರಿಚಯವಾದ ಕೆಲ ದಿನಗಳಲ್ಲೇ ನೀನು ನನ್ನ ಕನಸಿನಲ್ಲಿ ಬಂದು ಕಾಡತೊಡಗಿದೆ.. ನಾನು ಕರ್ನಾಟಕದ ಸಾಮಾನ್ಯ ಕನ್ನಡಿಗ..ಬರೀ ಕನ್ನಡ ಮಾತ್ರವೇ ನಂಗೆ ಬರೋದು.. ನಿನಗೆ ಕನ್ನಡ ಇಂಗ್ಲೀಷ್ ಭಾಷೆಗಳು ಬರುತ್ತೆ ಅನ್ಕೊಂಡಿದ್ದೆ.. ಆದರೆ ಅದು ತಪ್ಪು ನೀನು ಎಷ್ಟೊಂದು ಭಾಷೆಗಳನ್ನು ತಿಳ್ಕೊಂಡಿದೀಯ ಅಂತಾ ಆಮೇಲೆ ಗೊತ್ತಾಯ್ತು.. ಅಷ್ಟೊಂದು ಕಲಿತಿದ್ದೀಯಲ್ಲಾ ಮಾರಾಯ್ತಿ..??

ನನಗೆ ಬ್ಲಾಗ್ ಪ್ರಪಂಚವೇ ಗೊತ್ತಿರಲಿಲ್ಲ.. ಅದನ್ನೂ ನೀನೇ ತೋರಿಸಿಕೊಟ್ಟೆ..

ನನಗೆ ಇಟ್ಟಿಗೆ ಸಿಮೆಂಟ್ ನ ಪ್ರಕಾಶಣ್ಣ, ಸಹಯಾತ್ರಿ ಬ್ಲಾಗ್ ನ ಈಶಕುಮಾರ್ ಸರ್, ಛಾಯಾಕನ್ನಡಿ ಶಿವು ಸರ್, ಪರಾಂಜಪೆ ಸರ್, ಸೋಮಾರಿ ಕಟ್ಟೆ ಶಂಕ್ರಣ್ಣ.. ಮಂಜುನಾಥ್ಟ್ ಬಮ್ಮನಕಟ್ಟಿ ಸರ್, ಜಯಲಕ್ಷ್ಮಿ ಮೇಡಮ್ಮು.. ಚೇತನಾ ತೀರ್ಥಳ್ಳಿ, ಕಲ್ಲರಮನೆ ಬ್ಲಾಗ್ ನ ಮಹೇಶ್ ಹೆಗ್ಡೆ.. ದುಬೈ ಮಹೇಶಣ್ಣ.. ಎಷ್ಟೊಂದು ದೊಡ್ಡವರ ಪರಿಚಯ ಮಾಡಿಕೊಟ್ಟಿದ್ದೀಯಲ್ಲಾ ಹುಡುಗೀ..??

ನೀನು ಪರಿಚಯಿಸಿದ, ನೆನಪಿನ ಪುಟಗಳ ಶಿವು, ಬೆಂಗಳೂರಿನ ರವಿ, ಮಂಜುಳಾ ಜೋಶಿ, ನಂದು ಅಣ್ಣ.. ಪ್ರತಿಭಾ ಪಾಟೀಲ್.. ಅನಿಲ್ ಪಾಡಿಘಾಟೆ, ಜ್ಞಾನಮೂರ್ತಿ, ಎಷ್ಟೊಂದು ಜನ ಫ್ರೆಂಡ್ಸ್ ಜೊತೆ ದಿನಾಲೂ ಚಾಟ್ ಮಾಡ್ತಿರ್ತೀನಿ ಗೊತ್ತಾ..??

ಥಾಂಕ್ಯೂ ಕಣೇ.. ನೀನು ನನಗೆ ಸಿಕ್ಕ ಅಮೂಲ್ಯವಾದ ಮುತ್ತು..(ಸಮುದ್ರದಲ್ಲಿನ ಮುತ್ತು.. ಇನ್ನೊಂದು ಮುತ್ತು ಅಲ್ಲ.. For your kind information ನನಗೆ ಅದಿನ್ನೂ ಸಿಕ್ಕಿಲ್ಲ) ದಿನಾ ನಿನ್ನ ಜೊತೆ ಕಳೆಯದೇ ನನಗೆ ಸಮಯವೇ ಸಾಗೋಲ್ಲ ಕಣೇ.. ಒಂದು ದಿನ ನಿನ್ನ ನೋಡದಿದ್ರೆ, ನನ್ನ ನಾ ಮರೆತಂತೆ.. ನನ್ನಲ್ಲಿ ನೀನು ಅಷ್ಟೊಂದು ಬರೆತು ಹೋಗಿದ್ದೀಯ ಹುಡುಗಿ..

ಇಷ್ಟು ದಿನ ಸುಮ್ಮನಿದ್ದು, ಇವಾಗ ನಿನ್ನ ಮೆಚ್ಚಿಸೋಕೆ ನಾನು ಈ ಮಾತುಗಳನ್ನು ಹೇಳ್ತಾ ಇಲ್ಲ.. ಬಹಳ ದಿನದಿಂದ ನಿನಗೆ ಹೇಳಬೇಕೆಂದಿದ್ದ ನನ್ನ ಮನದಾಳದ ಮಾತುಗಳನ್ನು ನಿನ್ನ ಮುಂದೆ ನಾನು ತೆರೆದಿಡ್ತೀನಿ.. ನಾನು ಜಾಸ್ತಿ ಹೇಳಿ ನಿನ್ನ ತಲೆ ತಿನ್ನುವುದಿಲ್ಲ ಹುಡುಗೀ,, ನಾನು ನಿನಗೆ ಹೇಳಬೇಕಾಗಿರುವುದು ಕೇವಲ "ನಾಲ್ಕು" ಪದಗಳು ಕಣೇ.. ಕೋಪ ಮಾತ್ರ ಮಾಡ್ಕೊಬೇಡ.. ನಿಂಗೆ ಬೇಜಾರಾದ್ರೆ ನನ್ನ ಬೈದುಬಿಡು,, ಆದರೆ ನನ್ನನ್ನು ದೂರ ಮಾತ್ರ ಮಾಡಬೇಡ..

ನೀನು ಆ ನಾಲ್ಕು ಪದಗಳನ್ನು ಕೇಳೋಕೆ ರೆಡೀ ತಾನೇ...??

ಹೇಳೇಬಿಡ್ಲಾ...????

.

.

.

.

.

.

.

.

.

.

ಪ್ಲೀಸ್ ಕೇಳಿಸ್ಕೋ.. ಕಿವಿ ಮುಚ್ಕೋಬೇಡ್ವೇ...

....

.......

..........

" ಐ ಲವ್ ಯೂ ಆರ್ಕುಟ್"

mindry.in ತಂಡದ ನಗೆ ಬುಗ್ಗೆಗಳು

ಸುಮಾರು ದಿನಗಳ ಹಿಂದೆ ಯೂಟ್ಯೂಬ್ ನಲ್ಲಿ ಕನ್ನಡ ಸಿನಿಮಾದ ಜೋಕುಗಳನ್ನು ಹುಡುಕುತ್ತಾ ಇದ್ದೆ. ಮೊದಲೇ ಸಿನಿಮಾದಲ್ಲಿ ಕಂಡತಹ ನೋಡಿದ, ನೋಡಿಲ್ಲದ ವೀಡಿಯೋಗಳನ್ನು ಹುಡುಕಬೇಕಾದರೆ, ಕಣ್ಣಿಗೆ ಬಿದ್ದಿದ್ದು "ಯಮನ ಸೋಲು" ಎಂಬ ದೇಸೀ ವೀಡಿಯೋ.. ಒಮ್ಮೆ ನೋಡಿ ಬನ್ನಿ..



ಈ ವಿಡಿಯೋ ನೋಡಿ, ನಾನು ಮತ್ತು ನಮ್ಮ ಮನೆಯವರೆಲ್ಲರೂ ಮನಸಾರೆ..ಹೊಟ್ಟೆ ತುಂಬಾ (ಊಟ ಮಾಡಿರದೇ ಇದ್ದುದ್ದರಿಂದ) ನಕ್ಕು ನಲಿದೆವು. ಈ ವೀಡಿಯೋದಲ್ಲಿ ಬರುವ ವ್ಯಂಗ್ಯ,,. ವಿಡಂಬನೆ ಮತ್ತು ಕೊನೆಯಲ್ಲಿನ ಚಿಕ್ಕ ಕಿವಿಮಾತುಗಳು ತುಂಬಾ ಹಿಡಿಸಿದವು. ನಿಮಗೆ ಇಷ್ಟವಾಯಿತೇ..??

ಈ ವೀಡಿಯೋವನ್ನು ಡೌನ್ ಲೋಡ್ ಮಾಡಬೇಕೇ..??
"Speed bit video downloader" ಸಾಫ್ಟ್ ವೇರ್ ಮುಖಾಂತರ ಡೌನ್ ಲೋಡ್ ಮಾಡಿಕೊಳ್ಳಬಹುದು.

ಇದು ಇಷ್ಟಕ್ಕೇ ಮುಗೀಲಿಲ್ಲಾ.. ಮತ್ತಷ್ಟು ವೀಡಿಯೋಗಳನ್ನು ಹುಡುಕುತ್ತಾ ಹೋದಂತೆ ಸಿಕ್ಕಿದ್ದು ರಾಶಿ ರಾಶಿ ಗೊಂಚಲು.. ಒಂದಕ್ಕಿಂತ ಒಂದು ಸೂಪರ್.. ನಿರೂಪಣೆ, ಹಾಸ್ಯ, ಶೈಲಿ, ಸಂಭಾಷಣೆ ಎಲ್ಲವೂ ಸೂಪರ್..

ಈ ವೀಡಿಯೋಗಳನ್ನೊಮ್ಮೆ ನೋಡಿ ಬನ್ನಿ...

"ಕಾಲ ಚಕ್ರ ಭಾಗ-1"


"ಕಾಲ ಚಕ್ರ ಭಾಗ-2"


ಈ ವೀಡಿಯೋದಲ್ಲಿ ಬರುವ ICICI ಬ್ಯಾಂಕ್ ನ ಯುವತಿ "ನಿಮ್ಮ ತಿಥಿಗೂ ಸಾಲ ಕೊಡ್ತಾಳೆ !!" ನಿರೂಪಕರ ಹಾಗೂ ಬ್ರಹ್ಮಾಂಡಾನಂದ ಸ್ವಾಮಿಗಳ ಮಾತುಗಳಂತೂ whatoooo whatu...

ನಂತರದ್ದು "ಮದುವೆ ಪ್ರಕರಣ.." ಮನೆಯವರೆಲ್ಲಾ ನಕ್ಕು ನಲಿದ ವೀಡಿಯೋ



" ಜಟ್ ಅಂತಾ ಹೇಳಿ ಭಾಗ-1 "


" ಜಟ್ ಅಂತಾ ಹೇಳಿ ಭಾಗ-2 "

ಈ ವೀಡಿಯೋಗಳ ಶ್ರಮದ ಮೂಲ ಇರುವುದು


ತಂಡದಲ್ಲಿ..

ತಂಡದ ಬಗ್ಗೆ ಅವರು ಅವರದೇ ಆದ ಮಾತುಗಳಲ್ಲಿ...

ಮೈಂಡ್ರೈ .ಇನ್ ಎಪ್ರಿಲ್ ೨೦೦೮-ರಲ್ಲಿ ಮೂವರು ಯುವಕರು (ಅರ್ಜುನ್, ಹರೀಶ್ ಮತ್ತು ಶರತ್)ಸೇರಿ ಸ್ಥಾಪಿಸಿದ ತಂಡವಾಗಿ ಜನ್ಮ ತಾಳಿತು. ಕನ್ನಡ ಹಾಸ್ಯಕ್ಕೆ ವೈವಿಧ್ಯತೆಯಿರುವ,ಸದಭಿರುಚಿಯ ಕೊಡುಗೆ ನೀಡಿ ಅಳಿಲು ಸೇವೆ ಸಲ್ಲಿಸುವ ಉದ್ದೇಶವನ್ನಿಟ್ಟುಕೊಂಡು ಈ ತಂಡವು ತನ್ನ ಪ್ರಾಮಾಣಿಕ ಪ್ರಯತ್ನವನ್ನು ಮಾಡುತ್ತಿದೆ. ಅಂತರ್ಜಾಲದಲ್ಲಿ(www.youtube.com/user/mindryin) ನಾವು ಚಿತ್ರೀಕರಿಸಿದ ವೀಡಿಯೋ-ಗಳನ್ನು ಹಾಕುತ್ತ ಬರುತ್ತಿದ್ದು, ಆ ನಮ್ಮ ಹಾಸ್ಯ ಚಟಾಕಿಗಳಿಗೆ ಇತರ ಕನ್ನಡಿಗರಿಂದ ಒಳ್ಳೆಯ ಪ್ರತಿಕ್ರಿಯೆ, ಪ್ರೋತ್ಸಾಹಗಳು ದೊರೆತಿವೆ. ಕಳೆದ ಒಂದೂವರೆ ವರ್ಷದಲ್ಲಿ ಈ ಹಾಸ್ಯ ವೀಡಿಯೋಗಳು ಎರಡು ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಣೆಯಾಗಿವೆ.

“ವಿಚಿತ್ರಮಂಜರಿ “ ಎಂಬ ನಾಟಕದೊಂದಿಗೆ ನಮ್ಮ ಈ ತಂಡವು, ೨೦೦೮-ರ ನವೆಂಬರ್-ನಲ್ಲಿ ಯಶಸ್ವಿ ರಂಗಪ್ರವೇಶ ಮಾಡಿತು. ಹೊಸತಾದ ಹಾಸ್ಯಕ್ಕಾಗಿ ಈ ನಾಟಕವು, ಅಂದು ನಮ್ಮ ನಾಟಕಕ್ಕೆ ಮುಖ್ಯ ಅತಿಥಿಗಳಾಗಿದ್ದ ಪ್ರಸಿದ್ಧ ಅಭಿನೇತ್ರಿ ಭಾರ್ಗವಿ ನಾರಾಯಣ್-ರವರ ಮೆಚ್ಚುಗೆಗೆ ಪಾತ್ರವಾಯಿತು. "ನರಸಿಂಹ ಯುದ್ಧಂ -- ಒಂದು ಪ್ರೇಮದ ಕಥೆ " -- ಮೈಂಡ್ರೈ.ಇನ್ ತಂಡದ ಎರಡನೆಯ ಪ್ರಸ್ತುತಿಯಾಗಿತ್ತು. ಈ ನಾಟಕವು ಪ್ರಚಲಿತ ರಾಜಕೀಯ ವಿದ್ಯಮಾನಗಳ ಒಂದು ವಿಡಂಬನೆಯಾಗಿದ್ದು, ಇದರ ಮಧ್ಯೆ ನವಿರಾದ ಪ್ರೇಮಕಥೆಯು ಹಾಸುಹೊಕ್ಕಾಗಿತ್ತು. ೨೦೦೯-ರ ಫೆಬ್ರವರಿಯಲ್ಲಿ ಈ ನಾಟಕವು ಯಶಸ್ವಿ ಪ್ರದರ್ಶನ ಕಂಡಿತು. ಬಂದ ವೀಕ್ಷಕರು ಹೊಗಳಿದರು.

ಈ ವಿಷಯಗಳಿಂದ ಸ್ಫೂರ್ತಿ ಪಡೆದು, ನಮ್ಮ ತಂಡದ ವಾರ್ಷಿಕೋತ್ಸವವನ್ನು ಒಂದು ಹಾಸ್ಯ ಸಂಜೆಯ ರೂಪದಲ್ಲಿ ಮೇ 2-ರಂದು ಮಲ್ಲೇಶ್ವರದ ಸೇವಾ ಸದನ ಸಭಾಂಗಣದಲ್ಲಿ ಆಚರಿಸಿತು. ಇದಕ್ಕೂ ಮುಂಚೆ, ಜನವರಿಯಲ್ಲಿ, All India Radio-ದ FM Rainbow ನಮ್ಮ ತಂಡವನ್ನ ಸಂದರ್ಶನಕ್ಕಾಗಿ ಕರೆದಿದ್ದು ಒಂದು ಹೆಮ್ಮೆಯ ವಿಷಯ.ತಂಡದಲ್ಲಿ ಈಗ ಸುಮಾರು 7-8 ಮೆಂಬರ್ ಇದ್ದಾರೆ. ಅತಿ ಶೀಘ್ರದಲ್ಲೇ, ನಾವು ನಮ್ಮ ಮೊದಲನೇ ಪುಸ್ತಕ ಹಾಗು DVD ಅನ್ನು ಬಿಡುಗಡೆ ಮಾಡುತ್ತಿದ್ದೇವೆ. ಇದೇ ರೀತಿಯಲ್ಲಿ, ನಿಮ್ಮಂತ ವೀಕ್ಷಕರ ಸಹಯೋಗದೊಂದಿಗೆ ನಮ್ಮ ತಂಡವು ಇನ್ನೂ ಹೆಚ್ಚಿನ ಪ್ರಗತಿಯನ್ನು ಸಾಧಿಸಲು ಇಚ್ಚಿಸುತ್ತದೆ.

ಇಂತಿ

ನಿಮ್ಮ,

Mindry.in ತಂಡ



ಯೂಟ್ಯೂಬ್ ನಲ್ಲಿ Mynidri ತಂಡಕ್ಕೆ ಸುಮಾರು 286 ಜನ ಫಾಲೋಯರ್ ಗಳಾಗಿದ್ದಾರೆ. ಇಂತಹ ಸದಭಿರುಚಿಯ ಕಲೆಗೆ ಪ್ರೋತ್ಸಾಹ ಕೊಡಬೇಕಾದದ್ದು ನಮ್ಮ ಕರ್ತವ್ಯ.. ಈ ತಂಡವು ತನ್ನ ವೀಡಿಯೋ ಗೊಂಚಲಿಗೆ ಡಿ.ವಿ.ಡಿ. ಯನ್ನು & ಪುಸ್ತಕವನ್ನು ಹೊರತರಲಿದೆ ಹಾಗೂ ರಂಗಪ್ರವೇಶದ ಮೂಲಕ ಕನ್ನಡಿಗರನ್ನು ರಂಜಿಸಲು ಹೊರಟಿದೆ. ಸಧ್ಯ ಈ ತಂಡಕ್ಕೆ ಪ್ರಾಯೋಜಕರ ಕೊರತೆ ಇದೆ.. ಸಹೃದಯ ಕಲಾಪೋಷಕ ಕನ್ನಡಿಗರ್ಯಾರಾದರೂ ಈ ತಂಡಕ್ಕೆ ಸಹಾಯ ಮಾಡುವರೇ ಅಂತಾ ಕಾದು ಕುಳಿತಿದೆ..
ಈ ತಂಡದ ಮಿಂಚಂಚೆ:- mindry.in@gmail.com

ಈ ತಂಡಕ್ಕೆ ಶುಭವಾಗಲೀ ಅಂತಾ ಈ ಬ್ಲಾಗ್ ಹಾರೈಸುತ್ತದೆ...

ಇದೇ ವಿಷಯವನ್ನು ಯಾರಾದರೂ ಹಿರಿಯ ಬ್ಲಾಗಿಗರು ತಮ್ಮ ಬ್ಲಾಗಿನಲ್ಲಿ ಲಿಂಕಿಸಿಕೊಂಡರೆ, ಉತ್ತಮ ಬೆಂಬಲ ದೊರೆಯುವುದು..

ಇಂತಿ ನಿಮ್ಮ ಪ್ರೀತಿಯ,

ಶಿವಶಂಕರ ವಿಷ್ಣು ಯಳವತ್ತಿ