ಖಾಯಂ ಓದುಗರು..(ನೀವೂ ಸೇರಬಹುದು)

10 December 2015

ಇನ್ನೂ ಮುಂದೈತೆ ಮಾರಿ ಹಬ್ಬ..

ರಾಜಸ್ಥಾನದಲ್ಲಿ ಹುಟ್ಟಿದೆ ಎನ್ನಲಾದ ವಿಚಿತ್ರ ಆಕಾರದ ಮಗು ನೋಡಿ ನನಗನ್ನಿಸಿದ್ದು...
ಮಕ್ಕಳು ಈ ರೀತಿ ಜನಿಸುವುದು ಅಪರೂಪ. ಅಷ್ಟೊಂದು ಅಶ್ಚರ್ಯಪಡುವಂತಹ ಘಟನೆಯೇನಲ್ಲ. ಮುಂದೆ ಇಂತಹ ಘಟನೆಗಳು ಹೆಚ್ಚಾದರೂ ಮತ್ತೆ ಆಶ್ಚರ್ಯಪಡುವ ಅವಶ್ಯಕತೆ ಇಲ್ಲ. ಇದಕ್ಕೆ ಕಾರಣರು ನಾವುಗಳೇ.. ಮಗು ಹೊಟ್ಟೆಯಲ್ಲಿದ್ದಾಗ ಸೇವಿಸಬೇಕಾದ ವಿಟಮಿನ್ ಮಾತ್ರೆಗಳ ಅತಿಯಾದ ಸೇವನೆಯಿಂದ, ರಾಸಾಯನಿಕಯುಕ್ತ ರಸಗೊಬ್ಬರದಿಂದ ಬೆಳೆದ ಅಹಾರವನ್ನು ಸೇವಿಸುವುದರಿಂದ, ರಾಸಾಯನಿಕಯುಕ್ತ ನೀರು ಸೇವನೆಯಿಂದಲೂ ಸಹ ಈ ರೀತಿ ಅನಿಮಿಯತ ಮಗುವಿನ ಬೆಳವಣಿಗೆಗೆ ಕಾರಣಗಳು.
ಸ್ನೇಹಿತರೇ, ನಾವು ಈಗಲಾದರೂ ಎಚ್ಚೆತ್ತುಕೊಳ್ಳಬೇಕು. ನಮ್ಮ ದೇಶದಲ್ಲಿ ನಾವು ಸೇವಿಸುತ್ತಿರುವ ಆಹಾರವು ಕೆಳದರ್ಜೆಮಟ್ಟದ್ದಾಗಿದೆ. ಉತೃಷ್ಟ ಆಹಾರಗಳೆಲ್ಲವೂ ವಿದೇಶಕ್ಕೆ ರಫ್ತಾಗುತ್ತಿವೆ. ಕಳೆದ ವರುಷ ನಮ್ಮ ದೇಶದ ಮಾವಿನ ಹಣ್ಣು ಅತೀ ಹೆಚ್ಚಿನ ರಾಸಾಯನಿಕ ಅಂಶ ಇದ್ದುದರಿಂದ ದುಬೈ ಮುಂತಾದ ದೇಶಗಳಿಂದ ತಿರಸ್ಕರಿಸಲ್ಪಟ್ಟಿತು. ಅದೇ ಹಣ್ಣನ್ನು ನಾವೆಲ್ಲರೂ ಚಪ್ಪರಿಸಿಕೊಂಡು ತಿಂದೆವು. ಮ್ಯಾಗಿಯಲ್ಲಿ ಅತೀ ಹೆಚ್ಚು ರಾಸಾಯನಿಕ ಅಂಶವಿದೆ ಎಂದು ನಮ್ಮ ದೇಶದ ಲ್ಯಾಬೊರೇಟರಿಗಳಲ್ಲಿ ಸಾಬೀತಾಯಿತು. ಆದರೆ ವಿದೇಶದಲ್ಲಿನ ಲ್ಯಾಬ್ ಗಳಲ್ಲಿ ಮ್ಯಾಗಿ ಪಾಸಾಯಿತು. ಇಷ್ಟು ಸಾಕಲ್ಲವೇ ನಮ್ಮ ಆಹಾರದ ಗುಣಮಟ್ಟಕ್ಕೆ ಸಾಕ್ಷಿ..?
ಇದಕ್ಕೆಲ್ಲ ಪರಿಹಾರವೆಂದರೆ, ಸಾವಯುವ ಆಹಾರದ ಬೆಳೆಗಳನ್ನೇ ಸೇವಿಸಿ ಆರೋಗ್ಯದಿಂದಿರುವುದು. ಬೆಂಗಳೂರಿನಂತಹ ದೊಡ್ಡ ಸಿಟಿಗಳಲ್ಲಿ ಇಂದು ಅನೇಕ ಸಾವಯುವ ಮಳಿಗೆಗಳು ತಲೆಯೆತ್ತಿ ಯಶಸ್ವಿಯಾಗಿ ವ್ಯಾಪಾರ ಮಾಡುತ್ತಿವೆ. ಆದರೆ, ಅದು ಶ್ರೀಮಂತರಿಗಷ್ಟೆ.. ಅಲ್ಲಿ ಅತಿ ಹೆಚ್ಚು ದರವಿರುತ್ತದೆ. ನಮ್ಮಂತಹ ಮಧ್ಯಮ ವರ್ಗ ಮತ್ತು ಬಡವರಿಗೆ ಕೈಗೆಟುಕುವುದಿಲ್ಲ.
ನಾವೇ ನಮ್ಮ ಮನೆಯ ಮೇಲ್ಛಾವಣಿಯಲ್ಲಿ, ಹಿತ್ತಲಿನಲ್ಲಿ, ಹೊಲಗಳಲ್ಲಿ ಸಾವಯುವ ಪದ್ಧತಿಯಿಂದ ತರಕಾರಿ/ಆಹಾರ ಧಾನ್ಯಗಳನ್ನು ಬೆಳೆಯೋಣ. ರೈತರುಗಳಿಗೆ ಸಾವಯುವ ಪದ್ಧತಿಯ ಕುರಿತು ತಿಳುವಳಿಕೆ ನೀಡೋಣ. ಇಷ್ಟಾದರೂ ಒಳ್ಳೆಯ ಕೆಲಸ ಮಾಡೋಣ. ಹೊಸ ಸಾವಯುವ ಕ್ರಾಂತಿ ಪ್ರಾರಂಭಿಸಲು ನಮ್ಮಗಳ ಅಳಿಲುಸೇವೆ ನೀಡೋಣ.
ಯಾಕೆಂದರೆ, ಮುಂದೆ ಹುಟ್ಟುವ ನಮ್ಮ ಮಕ್ಕಳು, ಮೊಮ್ಮಕ್ಕಳು, ಮರಿಮಕ್ಕಳು ಏಲಿಯನ್ ಗಳ ಹೋಲಿಕೆಯಾಗಬಾರದಲ್ಲವೇ??
ಪ್ರೀತಿಯಿಂದ
ಶಿವಶಂಕರ ವಿಷ್ಣು ಯಳವತ್ತಿ