ಯಳವತ್ತಿ ಬ್ಲಾಗ್.. ಕನ್ನಡದ ಹಾಸ್ಯ ಶಾಯರಿ ಎಸ್ಸೆಮ್ಮೆಸ್ಸು ಬ್ಲಾಗ್ (ಕಮೆಂಟಿನ ಹಂಗಿಲ್ಲದ ಬ್ಲಾಗ್)

ಟ್ವೀಟುಗಳು ಮತ್ತು ಒಂದೆರಡು ಸಾಲಿನ ಕಥೆಗಳು

2012-01-30T09:49:00.004+05:30

1) ಯಳವತ್ತಿ ಟ್ವೀಟ್:- (ಪ್ರಥಮ ಬಾರಿಗೆ ಹಿಂದಿಯಲ್ಲಿ)

PYaar ka mathlab jaanthe nahin hum..
sirf, aapka intejaar karna hi pYaar maanthe hain..

Hum aapka intezaar karenge thab thak,
jab aap milne thak, yaa hum marne thak...

2) ಯಳವತ್ತಿ ಟ್ವೀಟ್:- ನಿನ್ನನ್ನು ಕೊನೆಯ ಬಾರಿ ನೋಡಿ ಸತ್ತು ಹೋಗುತ್ತೇನೆಂದು ಫೋನ್ ಮಾಡಿದಳು.. ಅವನು ಯಾಕೆ ಹೋಗಲಿಲ್ಲ ಅಂತಾ ಅವನ ಕಣ್ಣೀರಿಗೆ ಬಿಟ್ಟು ಮತ್ಯಾರಿಗೂ ಅರ್ಥ ಆಗಲಿಲ್ಲ.

3) ಯಳವತ್ತಿ ಟ್ವೀಟ್:- ನಾ ಕಳುಹಿಸಿದ ಕೈಬರಹದ ಲೇಖನವನ್ನು ಬೆರಳಚ್ಚಿಸಿ, ಐದು ಪ್ರತಿಗಳಲ್ಲಿ ಮುದ್ರಿಸಿ ಕೊಡಿರೆಂದು ಟಿಪ್ಪಣಿ ಕಳುಹಿಸಿದೆ. ಮುದ್ರಣಾಲಯದವರು ನಾನು ಕಳುಹಿಸಿದ್ದನ್ನೇ ನೆರಳಚ್ಚು ಮಾಡಿಸಿ ಕಳುಹಿಸಿದ್ದಾರೆ. ಕೊನೆಗೆ, ಯಾಕ್ರೀ ಟೈಪ್ ಮಾಡಿ ಕಳಿಸಿಲ್ಲ ಅಂತಾ ಕೇಳಿದ್ರೆ, ಟೈಪ್ ಮಾಡಿ ಕಳುಹಿಸಿ ಅಂತಾ ಕನ್ನಡದಲ್ಲಿ ಮೊದಲೇ ಹೇಳೋದಲ್ವಾ ಅಂದ್ರು..

4) ಯಳವತ್ತಿ ಟ್ವೀಟ್:- ಶತ್ರುಗಳನ್ನು ಸೋಲಿಸಬೇಕೇ ಅಥವಾ ಗೆಲ್ಲಬೇಕೇ.....?

ಯಾವುದೇ ಪ್ರತಿಫಲಾಪೇಕ್ಷೆಯಿಲ್ಲದೇ, ಅವರಿಗೆ ಸಹಾಯ ಮಾಡಿ..

5) ನ್ಯಾನೋ ಕಥೆ..

ಒಂದು ಸುಂದರವಾದ ಹುಡುಗಿಯ ಬಳಿ ಒಬ್ಬಳು ಚಿಕ್ಕ ಹುಡುಗಿ ಬಂದು,

ಹಾಯ್ ಆಂಟಿ.. ಎಂದು ಕರೆದಳು..

ಆ ಮುದ್ದು ಮುಖವನ್ನು ನೋಡಿ, ಎತ್ತಿಕೊಂಡು ಮುತ್ತು ಕೊಟ್ಟು ಮಾತನಾಡಿಸಿದಳು..

"ನಾನು ನಿಮಗೆ ಇಷ್ಟವಾದ್ನ ಎಂದು ಕೇಳಿತು ಪುಟ್ಟ ಹುಡುಗಿ..?

ನಿನ್ನ ಮುದ್ದು ಮುಖ ನೋಡಿದ ಕೂಡಲೇ ಇಷ್ಟವಾದೆ.. ಎಂದಳು..

ಅಲ್ಲೇ ಇವರನ್ನು ನೋಡುತ್ತಾ ನಿಂತಿದ್ದ ಸುರದ್ರೂಪಿ ಯುವನಕ ಬಳಿಗೆ ಕರೆದೊಯ್ದ ಹುಡುಗಿ,

ಆಂಟಿ.. ಇವರು ನಮ್ಮ ಅಂಕಲ್.. ಎಂದು ಪರಿಚಯಿಸುತ್ತಾ..

ಈ ಮುದ್ದು ಮುಖದ ನನ್ನ ಆಂಕಲ್ ಕೂಡಾ ಇಷ್ಟವಾದ್ರಾ? ಅಂತಾ ಕೇಳಿದಳು... ಆ ದೊಡ್ಡ ಹುಡುಗಿ ಮತ್ತು ದೊಡ್ಡ ಹುಡುಗ ಇಬ್ಬರೂ ನಾಚಿಕೊಂಡರು...

6) ಯಳವತ್ತಿ ಟ್ವೀಟ್:- ದೇವರು ನಮಗೆ ಎರಡನ್ನು ಕೊಡಲು ಸಾಧ್ಯವಿಲ್ಲ.

1) ಕಷ್ಟ 2) ಇತರರ ಕಣ್ಣೀರು ಒರೆಸುವ ತಾಖತ್ತು..

ಮೊದಲನೆಯದು ನಮ್ಮ ಪಾಪ ಕರ್ಮಗಳಿಂದ ಬರುವಂಥದ್ದು.. ಎರಡನೇಯದು ನಮ್ಮ ಪಾಪ ಕರ್ಮಗಳನ್ನು ಹೋಗಲಾಡಿಸುವಂಥದ್ದು..

7) ಒಂದೆರಡು ಸಾಲಿನ ಕಥೆ:-

"ಅಂಥಹ ದಿಲ್ಲಿಯ ಚಳಿಯೂ ಸೋತುಹೋಯಿತು.. ವಿರಹಿ ಪ್ರೇಮಿಗಳ ಬಿಸಿ ಅಪ್ಪುಗೆಯ ಮುಂದೆ..

8) ಯಳವತ್ತಿ ಟ್ವೀಟ್:- ನಕ್ಕರೆ ಮುತ್ತು ಉದುರುತ್ತವೆ ಅನ್ನೋ ಮಾತು 100% ನಿಜ.. ನನ್ನವಳನ್ನು ನಗಿಸಿದಾಗಲೆಲ್ಲಾ, ನನ್ನ ಕೆನ್ನೆ ಮೇಲೆ ಮುತ್ತು ಉದುರಿಸುತ್ತಾಳೆ.

9) ಯಳವತ್ತಿ ಟ್ವೀಟ್:- ನೀನು ಬಿಟ್ಟು ಹೋದಾಗಿನಿಂದ ನಿನ್ನ ಪ್ರತಿ ಕ್ಷಣ ನೆನಪಾಗುತ್ತೆ. ನೀನಂದು ನನ್ನ ಹೃದಯಕ್ಕೆ ಮಾಡಿದ ಗಾಯ ಇನ್ನೂ ನೋಯ್ತಾನೇ ಇದೆ..

10) ಒಂದೆರಡು ಸಾಲಿನ ಕಥೆ:- ಟಿಕೆಟ್ ಹಿಂದೆ ಚಿಲ್ಲರೆ ಬರೆದುಕೊಟ್ಟ ಕಂಡಕ್ಟರ್ ನೊಂದಿಗೆ ಜಗಳವಾಡಿ, ತನ್ನ ಮೂರು ರೂ. ಚಿಲ್ಲರೆ ಪಡೆದುಕೊಂಡ.. ಗದ್ದಲದಲ್ಲಿ ಅವನು ಲಂಚವಾಗಿ ತೆಗೆದುಕೊಂಡ ಹತ್ತು ಸಾವಿರ ರೂ.ಗಳನ್ನು ಯಾರೋ ಎಗರಿಸಿದ್ದರು.

ಇವತ್ತಿನ ಟ್ವೀಟ್

2011-12-14T10:18:00.000+05:30

ಯಳವತ್ತಿ ಟ್ವೀಟ್:-

ನಾ ನಿನ್ನನ್ನು ತುಂಬಾನೇ ಮಿಸ್ ಮಾಡ್ಕೊಂಡೆ...

ನಿನ್ನ ನೋಡದೇ ಇರೋಕ್ಕಾಗದೇ, ದೂರು ಕೊಡೋಕೆ ಹೋದರೆ, ಇಲ್ಲಿ Missing Compliant ಮಾತ್ರ ತಗೋಳ್ತೀವಿ ಅಂತಾ ಪೋಲೀಸ್ನೋರು ವಾಪಸ್ಸು ಕಳ್ಸಿದಾರೆ ಕಣೇ...

ಟ್ವೀಟುಗಳು...

2011-12-02T09:52:00.001+05:30

1) ಯಳವತ್ತಿ ಟ್ವೀಟ್:-

ನೀ ನನ್ ಮಗು ಕಣೇ ಅಂತಾ ಹೇಳಿದ್ದೇ ತಪ್ಪಾಯ್ತು..

ಇವತ್ತು (ಮಕ್ಕಳ ದಿನಾಚರಣೆ) ಗಿಫ್ಟ್ ಕೊಡಿಸಿ ಅಂತಾ ಗಂಟು ಬಿದ್ದಿದಾಳೆ..

(ಮಕ್ಕಳ ದಿನಾಚರಣೆಯ ಶುಭಾಷಯಗಳು)

2) ಯಳವತ್ತಿ ಟ್ವೀಟ್:- ಹೃದಯದುರಿಯ ಶಾಖ ತಾಳಲಾರದೆ ಮನಸ್ಸು, ಕಣ್ಣೀರ ಹೊರ ಹಾಕಿತ್ತು.. ಅದಕ್ಕೆ ಅದು ಬಿಸಿಯಾಗಿತ್ತು.

3) ಯಳವತ್ತಿ ಟ್ವೀಟ್-

ಕೆಟ್ಟ
ಜನರೊಡನೆ
ಹೋರಾಡಿ,
ಸೋತು ಸುಣ್ಣವಾಗಿ
ನನ್ನವಳ
ಮಡಿಲು ಸೇರಿದೆ..

ಪ್ರಪಂಚವನ್ನೇ ಗೆದ್ದ ಹಾಗಾಯ್ತು..

4) ಯಳವತ್ತಿ ಟ್ವೀಟ್:-

ಗೆಳತಿ..

ನೀನಿಲ್ಲದೇ
ನಾ
ಬದುಕಬಲ್ಲೆ..

ಒಂದರೆಕ್ಷಣದವರೆಗೆ
ಮಾತ್ರ..

5) ಯಳವತ್ತಿ ಟ್ವೀಟ್:-

ಡಿಸೆಂಬರ್ 21ಕ್ಕೇನೇ ಪ್ರಳಯ ಆಗ್ಲೇಬೇಕು ಅಂತೇನಿಲ್ಲಾ..

ಪ್ರತಿಯೊಬ್ಬರ ಲೈಫ್ ನಲ್ಲೂ ಒಂದಲ್ಲಾ ಒಂದು ದಿನ ಪ್ರಳಯ ಆಗೇ ಆಗುತ್ತೆ..

ಅದನ್ನು ಈ ನಮ್ ಜನ "ಮದುವೆ" ಅಂತಾರೆ...

ಟ್ವೀಟುಗಳು

2011-11-13T10:19:00.003+05:30

1)ಯಳವತ್ತಿ ಟ್ವೀಟ್:-

ಪ್ರೀತಿ ಪ್ರೇಮದ ಕಥೆ ಕವನಗಳು ಯಾರಿಗೂ Like ಆಗಲಿಲ್ಲ.. ಭಗ್ನ ಪ್ರೇಮಿಯ ನೋವುಗಳನ್ನೆಲ್ಲಾ ಸೇರಿಸಿ ಚಂದವಲ್ಲದ ಕಥೆ ಬರೆದೆ. ಎಲ್ಲರಿಗೂ ಇಷ್ಟವಾದರೂ ನನಗೆ ಮಾತ್ರ ನೋವಾಯಿತು.. ಕಥೆಯೊಳಗೆ ನಾನಿದ್ದೆ.

2) ಯಳವತ್ತಿ ಟ್ವೀಟ್:- ಪ್ರೀತಿಲಿ ಬೀಳದೇ ಇದ್ರೆ, ಏನೋ ಕಳಕೊಂಡ ಹಾಗೆ... ಪ್ರೀತಿಲಿ ಬಿದ್ದರೆ, ಎಲ್ಲವನ್ನೂ ಕಳಕೊಂಡ ಹಾಗೆ..

3) ಯಳವತ್ತಿ ಟ್ವೀಟ್:-

ಈ ದೇವರ ಸೃಷ್ಟಿನೇ ಒಂಥರಾ ವಿಚಿತ್ರ ಕಣ್ರೀ.. ಶತ್ರುಗಳಿಗೆ ನೋವು ಕೊಟ್ಟರೆ, ಅವರಿಗೆ ಮಾತ್ರ ನೋವಾಗುತ್ತೆ.. ಪ್ರೀತಿಸುವವರಿಗೆ ನೋವು ಕೊಟ್ಟರೆ, ಅವರಿಗಿಂತ ನಮಗೇ ಜಾಸ್ತಿ ನೋವಾಗುತ್ತೆ..

4) ಯಳವತ್ತಿ ಟ್ವೀಟ್:-

ಪರೀಕ್ಷೆಯಲ್ಲಿ Distinction ಬಂದಿದ್ದಕ್ಕೆ ನನ್ನವಳಿಗೆ ಸ್ವೀಟ್ ಕೇಳಿದೆ.. ಸ್ವೀಟ್ ಅಂದ್ರೆ ಜಿಲೇಬಿ, ಜಾಮೂನು, ಲಾಡು, ಪೇಡಾ ಅಂತೆಲ್ಲಾ ಇರುತ್ತೆ ಅಂತಾ ನಂಗೆ ಇವತ್ತೇ ಗೊತ್ತಾಗಿದ್ದು.

5) ಯಳವತ್ತಿ ಟ್ವೀಟ್:- ನೀನು ನನ್ನ ಬಿಟ್ಟು ಹೋದ ಮೇಲೆ ನಾನು ತುಂಬಾ ಸಂತೋಷವಾಗಿದ್ದೇನೆ.. ಯಾವತ್ತೂ ನಿನ್ನನ್ನು ನೆನಪಿಸಿಕೊಳ್ಳಲಾಗಲಿಲ್ಲ. ನಿನ್ನ ಮೊಬೈಲ್ ನಂಬರ್ ಕೂಡಾ ಮರೆತು, ನೀ ಕೊಟ್ಟ ಮುತ್ತುಗಳ ಸಂಖ್ಯೆಗಳನ್ನು ಕಳೆದುಕೊಂಡಿದ್ದೇನೆ.. ನಾನಿವತ್ತಿನವರೆಗೂ ಬದಲಾಗಿಲ್ಲ... ಒಂದೇ ಬದಲಾವಣೆ ಎಂದರೆ, ಈಗ ನಾನು ಸುಳ್ಳು ಹೇಳೋದು ಕಲಿತುಕೊಂಡಿದ್ದೇನೆ ಅಷ್ಟೇ..

6) ಯಳವತ್ತಿ ಟ್ವೀಟ್:-

ನೀ ನನ್ನ ಬಿಟ್ಟು ಹೋದಾಗಿನಿಂದ, ಫೇಸ್ ಬುಕ್ ನಲ್ಲಿ ಪ್ರಕಟವಾಗುತ್ತಿರುವ ವಿರಹ ಗೀತೆಗಳನ್ನು Like ಮಾಡೋಕ್ಕೆ ತುಂಬಾನೇ ನೋವಾಗ್ತಿದೆ..

7) ಯಳವತ್ತಿ ಟ್ವೀಟ್:-

ಅವಳ ನೆನಪುಗಳಲ್ಲಿ ಬರೆದ ಕವನಗಳನ್ನೆಲ್ಲಾ ಸೇರಿಸಿ, ಸುಟ್ಟು ಹಾಕಬೇಕೆಂದು ಬೆಂಕಿ ಹಚ್ಚಿದೆ.. ಏನು ಮಾಡಿದರೂ ಬೆಂಕಿ ಹತ್ತಲೇ ಇಲ್ಲ.. ಎಲ್ಲವೂ ಕಣ್ಣೀರಿನಲ್ಲಿ ತೊಯ್ದು ತೊಪ್ಪೆಯಾಗಿತ್ತು..

8) ಯಳವತ್ತಿ ಟ್ವೀಟ್:-

ನೀ ನನ್ನ ಹೃದಯವನ್ನು ಒಡೆದುಹಾಕುವ ಮುನ್ನ ಕೊಂಚವಾದರೂ ಯೋಚಿಸಬೇಕಿತ್ತು.... ಮತ್ತೆ ಅದನ್ನು ಯಾರಿಂದಲೂ ಜೋಡಿಸಲು ಸಾಧ್ಯವಿಲ್ಲವೆಂದು...

9) ಯಳವತ್ತಿ ಟ್ವೀಟ್:-

ಈ ಅಪಘಾತಗಳೇ ಹೀಗೆ, ಹುಡುಗಿಯರ ಪ್ರೀತಿಯ ಥರಾ.. ಇದ್ದಕ್ಕಿದ್ದಂತೆ ಆಗಿಬಿಡುತ್ತೆ, ಆಮೇಲೆ ನೋವು ಕೊಡುತ್ತೆ.. ಕೊನೆಗೆ ಎಲ್ಲವನ್ನೂ ಮರೆತಾಗ, ಹಳೆ ನೋವುಗಳ ನೆಪದಲ್ಲಿ ಕಾಡಿಸುತ್ತೆ.

10) ಯಳವತ್ತಿ ಟ್ವೀಟ್:-

ನಾನು ತಗೋಳ್ಳೋದು ಅರ್ಧ ಬಾಟಲ್ ಮಾತ್ರ... ಐದಾರು ಅರ್ಧ ಬಾಟಲ್ ಆಗಬಹುದು ಅಷ್ಟೇ..

11)

ಪ್ರೇಮರಾಹಿತ್ಯದ

ಗಾಢ ಮೌನದ ಹಿಂದೆ ಸಿಗೋದು ಬರೀ ನೋವು..

12) ಹತ್ತಿರವಿದ್ದಾಗ ಬಿಟ್ಟುಹೋಗಲೊಲ್ಲದ ಮನಸ್ಯಾಕೆ?

ದೂರವಿದ್ದಾಗ ಸದಾ ನೀ ತರುವ ಕನಸ್ಯಾಕೆ..? ಮನಸಿಲ್ಲದಿದ್ದರೂ ತರಿಸುವ ಮುನಿಸ್ಯಾಕೆ? ನೂವು ಕೊಟ್ಟವರಿಗೂ ನೂವಾಗಲು ಕಾರಣ ನೀನು ಆದರೂ ಏ ಪ್ರೀತಿ ನಾ ನಿನ್ನ ನಂಬೋದ್ಯಾಕೆ? -ಯಳವತ್ತಿ

13)

ಕಾಡುವ

ಕನಸುಗಳಿಗೆ ಕೈ ಕಾಲುಗಳಿಲ್ಲ. ಮನಸ್ಸೇ ಇಲ್ಲದ ಮೇಲೆ ಖಾಲಿ ಉಳಿದಿದ್ದೆಲ್ಲಾ....

14)

ಯಳವತ್ತಿ ಟ್ವೀಟ್ 106:-

2011-10-05T12:50:00.000+05:30

"ಹುಡುಗಿಯರ ವಯಸ್ಸು ಕೇಳಬಾರದು ಅಂತಾರೆ.."

ಅದಕ್ಕೇ ನಾವು ಅವರ Date of Birth ಕೇಳ್ತೀವಿ...

ಆದರೂ ಈ ಹಿರಿಯರೇ ಹೀಗೇ.. ಹೇಳಿದ್ ಮಾತ್ ಕೇಳೋಲ್ಲ ಅಂತಾ ನಮ್ಮನ್ನು ಮೂದಲಿಸ್ತಾರೆ..

Something is Wrong...

ಯಳವತ್ತಿ ಟ್ವೀಟ್ 105:-

2011-10-05T10:32:00.000+05:30

ದಿನ ರಾತ್ರಿ ಮಲಗಿ ಬೆಳಿಗ್ಗೆ ಎದ್ದಾಗ, ಅದು ಮನುಷ್ಯನ ಹೊಸ ಹುಟ್ಟು ಅಂತಾರೆ.
ಇಂತಹ ಹೊಸ ಹುಟ್ಟುಗಳ ವರ್ಷಾಂತ್ಯದ ನೆನಪಿಗೆ ಹುಟ್ಟು ಹಬ್ಬ ಎನ್ನಬಹುದು.

-ಯಳವತ್ತಿ

ಯಳವತ್ತಿ ಟ್ವೀಟ್ 104:-

2011-09-30T18:46:00.000+05:30

ವಸ್ತು ಕಳೆದು ಹೋದಮೇಲೇನೇ ಅದರ ಬೆಲೆ ಗೊತ್ತಾಗೋದು..

ಹಾಗೇನೇ,

ಹುಡುಗಿ ಕೈ ಕೊಟ್ಟ ಮೇಲೇನೇ ಎಣ್ಲೆಯ ರುಚಿ ಹತ್ತೋದು..

ಯಳವತ್ತಿ ಟ್ವೀಟ್ 103:-

2011-09-30T11:22:00.000+05:30

ಹೊಸದಾಗಿ ಮದುವೆಯಾದ ಸ್ನೇಹಿತನ ಹೆಂಡತಿಯನ್ನು "ಅಕ್ಕಾ" ಎಂದು ಬಾಯಿ ತುಂಬಾ ಕರೆದು ಮಾತನಾಡಿಸಬೇಕೆಂದಕೊಂಡೆ.. ಆದರೆ,

ಅವಳ ಸುಂದರವಾದ ತಂಗಿಯನ್ನು ನೋಡಿ, "ಅತ್ತಿಗೆ" ಎಂದು ಕರೆದೆ..

ಯಳವತ್ತಿ ಟ್ವೀಟ್ 102:-

2011-09-30T11:21:00.002+05:30

ನನ್ನವಳು ಕೂಡಾ ಒಬ್ಬಳು ಭಯೋತ್ಪಾದಕಳು...!!!

"ಬೇರೇ ಹುಡುಗಿಯರನ್ನು ನೋಡಿದ್ರೆ,
ನಿನ್ ಕಣ್ಣು ಕಿತ್ತಾಕಿ ಬಿಡ್ತೀನಿ.."ಅಂತಾ ಆಗಾಗ ನನ್ನಲ್ಲಿ ಭಯವನ್ನು ಉತ್ಪಾದನೆ ಮಾಡ್ತಾ ಇರ್ತಾಳೆ..!!

ಯಳವತ್ತಿ ಟ್ವೀಟ್ 101 :- (After a long time)

2011-09-30T11:19:00.001+05:30

ನಾನು ನಿನ್ನ ಬಿಟ್ಟು ಬಿಡ್ತೀನಿ ಅಂತಾ ಅವಳೀಗೆ ಹೇಳಿದೆ... ನಾ ಬಿಟ್ಟರೂ, ನನ್ನ ಬಿಡೋಕೆ ನಿಂಗೆ ಶಕ್ತಿ ಇಲ್ಲ ಅಂತಾ ಚಾಲೆಂಜ್ ಮಾಡಿದಳು.. ಈ ಬಾರಿಯೂ ನನಗೆ ಮೋಸವಾಯಿತು. ಈ ಬಾರಿಯೂ ಸಹ ಸೋಲು ನನ್ನದಾಯಿತು.

-ಯಳವತ್ತಿ

ಒಂದು ಸೀಕ್ರೇಟ್ ಶೇರ್ ಮಾಡಬೇಕು.. ಹೇಳಲಾ?

2011-06-22T18:11:00.000+05:30

ಹೌದು..ನಾನಿದನ್ನು ನಿಮ್ಮೆಲ್ಲರ ಮುಂದೆ ಒಪ್ಪಿಕೊಳ್ಳಬೇಕೆಂದು ತೀರ್ಮಾನಿಸಿದ್ದೀನಿ...

ಅದೂ ಹುಡುಗಿಯ ವಿಚಾರ..,

ನನಗೆ ಇತ್ತೀಚೆಗೆ ನಿಮ್ಮೆಲ್ಲರ ಸಮಕ್ಷಮ ಮದುವೆಯಾಗಿದ್ದರೂ ನನ್ನ ಹೆಂಡತಿಯನ್ನು ಬಿಟ್ಟು ಇನ್ನೊಬ್ಬಳ(?)
ಪ್ರೇಮ ಪಾಶದಲ್ಲಿ ಸಿಲುಕಿದ್ದು ನಿಜವೆಂದು ಒಪ್ಪಿಕೊಳ್ಳಬೇಕಿದೆ..

ನಾನವಳ ಪ್ರಭಾವಳಿಗೆ ಒಳಗಾಗಿದ್ದು ನಿಜ..ಕಟ್ಟಿಕೊಂಡವಳಿಗೆ ನನಗೇ ತಿಳಿಯದೇ ಮೋಸ ಮಾಡಿದ್ದು ನಿಜ..
ನನ್ನ ನಿಯತ್ತು ಬದಲಾಗಿದ್ದು ನಿಜ..

ಹೊಸದಾಗಿ ಮದುವೆಯಾಗಿದ್ದರೂ ನನ್ನವಳು ನನ್ನ ಬಳಿಯಿದ್ದರೂ ಮನಸು ಅವಳೆಡೆಗೆ ಹರಿಯುತ್ತಿದೆ...

ಇಷ್ಟು ದಿನ ಅವಳು ನನ್ನ ಜೊತೆಯಿದ್ದರೂ ಅವಳ ಬಗ್ಗೆ ನನಗೆ ಅಂತಹ ಒಲವು ಇರಲಿಲ್ಲ...

ಅವಳು ನನ್ನಿಂದ ದೂರಾದ ಮೇಲೆಯೇ ಅವಳ ನೆನಪಾಗುತ್ತಿದೆ. ಛೆ!! ಈ ಮನಸ್ಸು ಎಷ್ಟೊಂದು ಚಂಚಲ??

ಆದರೂ ನಾನು ಸತ್ಯವನ್ನು ಒಪ್ಪಿಕೊಳ್ಳಲೇಬೇಕಿದೆ. ನಿಮ್ಮೆಲ್ಲರ ಮುಂದೆ ಮನಸ ತುಮುಲವನ್ನು
ಬಯಲಿಗೆಳೆದು ಹಗುರಾಗಬೇಕೆಂದು ತೀರ್ಮಾನಿಸಿದ್ದೇನೆ.. Really I am Love with her......

ನನ್ನ ಬಗ್ಗೆ ನೀವು ಹಗುರಾಗಿ ತಿಳಿದುಕೊಂಡರೂ ಪರವಾಗಿಲ್ಲ.. ನನಗೆ ನಿಮ್ಮಿಂದ ಒಂದು ಸಹಾಯವಾಗಬೇಕಿದೆ..

ಅವಳು ನನ್ನಿಂದ ದೂರ ಓಡುತ್ತಿದ್ದಾಳೆ.. ಅವಳೇನಾದರೂ ನಿಮಗೆ ಸಿಕ್ಕಲ್ಲಿ ನನ್ನ ಒಂದೆರಡು
ಮಾತುಗಳನ್ನು ಅವಳಿಗೆ ತಲುಪಿಸುತ್ತೀರಾ???

"ಐ ಲವ್ ಯೂ MONEY" ಎಂದು........

ಒಂದೇ ಒಂದು ಪತ್ರ

2011-06-03T20:43:00.003+05:30

ಮೊನ್ನೆ ಸೋಮವಾರ ಅದ್ಹೆಂಗೆ ನನ್ ಕಣ್ಣಿಗೆ ಬಿದ್ಯೆ ನೀನು? ನಿನ್ನ ನೋಡಿದ ಕೂಡಲೇ ನಂಗೆ ಅನುಮಾನ ಅದು ನೀನೇನಾ ಇಲ್ಲ ಬೇರೆ ಯಾರೋ ಅಂತಾ.. ಅಯ್ಯೋ ಕೋತಿ, ನೀ ನನ್ ನೋಡಿ ಪಿಳಿ ಪಿಳಿ ಕಣ್ ಬಿಟ್ಟಾಗಲೇ ಕನ್ ಫರ್ಮ್ ಆಗೋಯ್ತು ಅದು ನೀನೇ ಅಂತಾ.. ಈಗಲೂ ಅದೇ ಸ್ಮೈಲ್.. ನಗಬೇಕಾದರೆ ಹಲ್ಲು ಬಿಡೋದು ಮಾತ್ರ ನೀನು ಇನ್ನೂ ಮರೆತಿಲ್ಲ ನೋಡು..

ನಾನು ನೀನು ಚಿಕ್ಕೋರಾಗಿದ್ದಾಗಿನಿಂದಲೂ ಹೆಂಗಿದ್ವಿ ಅಲ್ವೇನೇ? ಐದನೇ ಕ್ಲಾಸಿನಿಂದ ಹಿಡಿದುಕೊಂಡು ಸೆಕೆಂಡ್ ಪಿ.ಯು.ಸಿ. ವರೆಗೂ ಜೊತೆಯಲ್ಲೇ ಓದಿದ್ದು ನಾವಿಬ್ಬರೇ ತಾನೆ?? ಏಳನೇ ಕ್ಲಾಸ್ ಪಾಸಾದ ಮೇಲೆ ಮುಂದೆ ಯಾವ ಹೈಸ್ಕೂಲಿಗೆ ಸೇರಬೇಕು ಅಂತಾ ಗೊತ್ತಾಗದೇ, ನೀನ್ಯಾವ ಸ್ಕೂಲಿಗೆ ಸೇರಿದ್ಯೋ ನಾನೂ ಸಹ ಅದೇ ಸ್ಕೂಲಿಗೆ ಸೇರಿದ್ದು ನಿಂಗೆ ಇನ್ನೂ ನೆನಪಿದ್ಯಾ?

ಒಂದು ಸಾರಿ ನೀನು ನಾನು ಕುಂಟಬಿಲ್ಲೆ ಆಟ ಆಡಬೇಕಾದರೆ, ಇಬ್ಬರೂ ಕಿತ್ತಾಡಿದ್ದು, ನಿನ್ ಹತ್ತಿರ ಇದ್ದ ಕಾಫಿ ಬೈಟ್ ಚಾಕಲೇಟನ್ನು ನೀನು ಕಾಗೆ ಎಂಜಲು ಮಾಡಿ ತಿನ್ನಲು ಕೊಟ್ಟಿದ್ದು, ನೀನಿಲ್ಲದಿದ್ದ ಸಮಯ ನೋಡ್ಕೊಂಡು ನಾನೊಬ್ಬನೇ ಪೆಪ್ಸಿ ಆಲೈಸ್ ತಿಂದಿದ್ದು, ನೀ ನೋಡಿ ಅದನ್ನು ಕಿತ್ತು ಬಿಸಾಕಿದ್ದು... ಇನ್ನೂ ಏನೇನೋ...... ನಿನ್ನ ನೋಡಿದ ಕೂಡಲೇ ಫಳ್ ಅಂತಾ ಎಲ್ಲವೂ ನನ್ ಕಣ್ ಮುಂದೆ ಬಂದು ಹೋದ್ವು ಕಣೇ..

ಐದನೇ ಕ್ಲಾಸಿಂದನೂ ನೀನು ಯಾವುದೇ ಹುಡುಗರ ಜೊತೆ ಮಾತನಾಡದೇ ಇರೋ ನೀನು ನನ್ ಒಬ್ಬನ್ ಜೊತೆ ಯಾಕೆ ಮಾತಾಡ್ತಿದ್ದೆ? ಕಿತ್ತಾಡ್ತಿದ್ದೇ? ಅವತ್ಯಾವತ್ತೂ ಕೇಳಬೇಕು ಅನ್ನಿಸಿರದ ಪ್ರಶ್ನೆ ಇವತ್ತು ಕೇಳಬೇಕು ಅನ್ನಿಸ್ತಿದೆ ಕಣೇ.. ಆದರೆ, ಅದ್ಯಾವೂ ಬಾಲ ಇಲ್ಲದ ಪ್ರಶ್ನೆ ಗಳು ಅಲ್ವಾ?

ನಮ್ ಹಳೇ ದಿನಗಳನ್ನು ನೆನಪಿಸಿಕೊಳ್ತಾ ಹೋದ್ರೆ, ಎಷ್ಟೊಂದು ಖುಷಿ ಆಗುತ್ತೆ ಗೊತ್ತಾ? ನಾನು ನೀನು ಶೇರ್ ಮಾಡಿದ ಪೆನ್ನುಗಳೆಷ್ಟೋ, ಮುರಿದು ಹಾಕಿದ ಪೆನ್ಸಿಲ್ಲುಗಳು, ಕಳೆದುಹಾಕಿದ ರಬ್ಬರ್ ಗಳು, ಏನೆಲ್ಲಾ ನೆನಪಾಗುತ್ತೆ ಕಣೇ.. ಆದರೆ,

ಇವತ್ತು ಸೀರಿಯಸ್ಸಾಗಿ ಒಂದು ಪ್ರಶ್ನೆ ಕೇಳಬೇಕಾಗಿದೆ.. ಪಿ.ಯು.ಸಿ. ಗೆ ಸೇರಿದ ಮೇಲೆ ನನ್ ಜೊತೆ ಯಾಕೆ ನೀನು ಮಾತು ಬಿಟ್ಟಿದ್ದು, ಹೋಗ್ಲಿ, ಯಾವ್ ಹುಡುಗನ ಜೊತೇನೂ ಮಾತಾಡ್ತಿರ್ಲಿಲ್ಲವಲ್ಲಾ ಯಾಕೆ? ಮೋಸ್ಟ್ಲಿ ನಿಮ್ಮ ಅಮ್ಮನ ಭಯ ಅನ್ಸುತ್ತೆ ನಿಂಗೆ.. ನಂಗೆ ಇವಾಗಲೂ ನಿನ್ ಅಮ್ಮನ್ನ ಕಂಡ್ರೆ ಭಯ ಆಗುತ್ತೆ ಕಣೆ.. ಅದ್ಯಾಕೆ ಅಂತಾ ಗೊತ್ತಿಲ್ಲ..

ಇದ್ದೂರು ಬಿಟ್ಟು ಎಲ್ಲೂ ಹೋಗದ ನೀನು ಇದ್ದಕ್ಕಿದ್ದಂತೆ ಅಚಾನಕ್ ಆಗಿ ಬೆಂಗಳೂರಿನಲ್ಲಿ ಒಬ್ಬಳೇ ಕಂಡ್ಯಲ್ಲಾ ಅದೇ ನಂಗೆ ದೊಡ್ಡ ಆಶ್ಚರ್ಯ..ಇವತ್ತೂ ಸಹ ನೀನು ಅವತ್ತಿನ ಹಾಗೇನೇ ಇದ್ದೀಯ.. ಬೆಂಗಳೂರಿನ ಕಾವೇರಿ ನೀರು ನಿಂಗೆ ಚನ್ನಾಗಿ ಹಿಡಿಸಿದೆ ಅನ್ಸುತ್ತೆ, ಬೆಳ್ಳಗಾಗಿಬಿಟ್ಟಿದ್ದೀಯಲ್ಲಾ? ಮನೇಲಿ ನಿಮ್ ಆಂಟಿ ಸರಿಯಾಗಿ ಅಡಿಗೆ ಮಾಡಿ ಹಾಕ್ತಾರೆ ಅನ್ಸುತ್ತೆ, ಗುಂಡ ಗುಂಡಗೆ ಟಮಾಟೋ ಹಣ್ಣಿನ ಥರಾ ಆಗಿದ್ದೀ.. ಜಾಸ್ತಿ ತಿನ್ನಬೇಡ್ವೇ.. ಡುಮ್ಮಿ ಥರಾ ಕಾಣ್ತೀಯ..

ಸುಮಾರು ಎಂಟು ವರ್ಷ ಆದಮೇಲೆ ನಿನ್ನನ್ನು ನೋಡಿ ಸಕತ್ ಖುಷಿ ಆಯ್ತು.. ಅದಕ್ಕೇ ನಿನ್ ಬಳಿ ಬಂದು ಮಾತಾಡ್ಸಿದ್ದು, ಹೇಗಿದ್ದೀಯ? ಅಂತಾ ಕೇಳಿದಾಗ, ನಗುತ್ತಿದ್ದವಳು (ಆ ಥರಾ ನಟನೆ ಮಾಡ್ತಿದ್ದೆ ಅಲ್ವಾ?) ಇದ್ದಕ್ಕಿದ್ದಂತೆ ಕಣ್ ತುಂಬಿಕೊಂಡು ಅಳೋಕೆ ಶುರು ಮಾಡಿದ ಮೇಲೆ ನನಗೆ ಸಕತ್ ದಿಗಿಲಾಯ್ತು..

"ನೋಡೋ ಹೀಗಿದ್ದೀನಿ.. ಇನ್ನೂ ಸಾಯದೇ ಬದ್ಕಿದ್ದೀನಿ" ಅಂದ್ಯಲ್ಲಾ..
ಯಾಕೇ ಕೋತಿ ಹೀಗಂತೀಯ? ಹ್ಞಾಂ?

"ಇಷ್ಟು ದಿನ ಬೇಕಾಯ್ತೇನೋ ನೀನು ನನ್ನ ನೆನಪಿಸಿಕೊಳ್ಳೋಕೆ? ಅಥವಾ ಪೂರ್ತಿ ನೀನು ನನ್ನ ಮರೆತುಬಿಟ್ಟಿದ್ಯಾ? ಇಲ್ಲಾ ನನ್ನಂಥೋಳು ಯಾಕಾದ್ರೂ ಫ್ರೆಂಡ್ ಆಗಿದ್ಲು ಅಂತಾ ನನ್ ಮೇಲೆ ನಿಂಗೆ ಏನಾದ್ರೂ ಕೋಪ ಇತ್ತೇನೋ" ಅಂತಾ ನನ್ನ ಕೇಳ್ತೀಯಲ್ಲೇ ನೀನು?

ಹೀಗ್ಯಾಕೆ ಅಂತೀ? ನಿನ್ ಮೇಲೆ ನಾನ್ಯಾಕೇ ಕೋಪ ಮಾಡಿಕೊಳ್ಳಲಿ? ಪಿ.ಯು.ಸಿ. ಮುಗಿಸಿ ಬೇರೆ ಊರಿನಲ್ಲಿ ಕೆಲಸಕ್ಕೆ ಸೇರಿದ ಮೇಲೆ ಅಲ್ವಾ ನಿನ್ನ ಕಾಂಟ್ಯಾಕ್ಟ್ ತಪ್ಪಿದ್ದು? ಆಮೇಲೆ ನಾನು ಸುಮಾರು ಐನೂರು ಕಿಲೋಮೀಟರ್ ದೂರ ಹೋದ ಮೇಲೆ ಇದೇ ನನ್ ಪ್ರಪಂಚ ಆಗಿತ್ತು. ಹಿಂಗೆ ಬೆಂಗಳೂರಿಗೆ ಕೆಲಸದ ಮೇಲೆ ಬಂದಾಗ ನೀನು ಸಿಕ್ಕಿದ್ದು..

ನಿನ್ನ ನೋಡಿ ಎಷ್ಟು ಸಂತೋಷ ಆಯ್ತೋ, ಅಷ್ಟೇ ದುಃಖ ಕೂಡಾ ಆಯ್ತು ಕಣೇ.. ಈ ಹಾಳು ವಿಧಿ ನಿನ್ ಲೈಫಲ್ಲಿ ಏನೇನೆಲ್ಲಾ ಆಟ ಆಡ್ತು.. ಒಹ್..!! ನೆನಸಿಕೊಂಡರೆನೇ ಭಯ ಆಗುತ್ತೆ. ಸೋದರ ಮಾವನ ಜೊತೆ ನಿನ್ ಮದ್ವೆ ಹೇಗೆ ಆಯ್ತು ಅನ್ನೋದು ನಿಂಗೆ ಎಷ್ಟು ಆಶ್ಚರ್ಯಾನೋ ನಂಗೂ ಅಷ್ಟೇ ಆಶ್ಚರ್ಯ.. ಹತ್ತೊಂಬತ್ತು ವರ್ಷಕ್ಕೇ ನಿಂಗೆ ಮದ್ವೆ ಮಾಡಿದ್ರು ಅಲ್ವಾ? ನನ್ ಫ್ರೆಂಡ್ಸ್ ಗಳ ಪೈಕಿ ಅಷ್ಟು ಬೇಗ ಮದ್ವೆ ಆಗಿದ್ದು ನಿಂದೇ..? ನಿಮ್ ಮಾವ ತುಂಬಾ ಒಳ್ಳೇವ್ರಂತೆ, ಹೆಂಗೂ ಸರಕಾರಿ ಕೆಲಸ ಇತ್ತಲ್ವಾ? ಒಳ್ಳೇದೇ ಆಯ್ತು ಬಿಡು ಅನ್ಕೊಂಡಿದ್ದೆ...

ಆ ವಯಸ್ಸಿನಲ್ಲಿ ನಿನ್ನ ಅಂದ ಚಂದಕ್ಕೆ ಬೆರಗಾಗಿ, ನಿನ್ನ ಒಲಿಸಿಕೊಳ್ಳೋಕೆ ಅಂತಾ ನಿಮ್ ಮನೆ ಬೀದೀಲಿ ಎಷ್ಟೊಂದು ಜನ ಹುಡುಗರು ಓಡಾಡ್ತಿದ್ರು ಸಹ ಒಮ್ಮೇನೂ ನೀನು ಅವರನ್ನು ಕಣ್ ಎತ್ತಿ ನೋಡಿರ್ಲಿಲ್ಲ ಅಂತಾ ನನಗೂ ಗೊತ್ತು..

ಮಧ್ಯಮ ವರ್ಗದ ಹುಡುಗಿಯರು ಸುಂದರವಾಗಿರೋದೂ ಒಮ್ಮೊಮ್ಮೆ ಶಾಪ ಅನ್ನಿಸಿಬಿಡುತ್ತೆ.. ಪಿ.ಯು.ಸಿ. ನಲ್ಲಿ ನಮ್ ಜೊತೆ ಓದ್ತಿದ್ಲಲ್ಲಾ "ಕಿಜ" ಅಂತಾ, ಅವಳ ಅಂದ ಚಂದಕ್ಕೆ ಎಷ್ಟು ಜನ ಹುಡುಗರು ಪ್ರಪೋಸ್ ಮಾಡಿದ್ರು, ಗುಲಾಬಿ ಕೊಟ್ಟಿದ್ರು, ಅವಳಿಗೋಸ್ಕರ ಕಿತ್ತಾಡ್ತಿದ್ರು, ಅವಳನ್ನು ಎಷ್ಟು ಸತಾಯಿಸಿದ್ರು ಅಂತಾ ನಿಂಗೂ ಗೊತ್ತಲ್ಲ.. ನಿನ್ ಪುಣ್ಯ ನೀನು ಅವಳಷ್ಟು ಸೂಪರ್(?) ಇರಲಿಲ್ಲ ಬಿಡು.. ಅವಳೂ ಸಹ ನಿಂಥರಾನೇ, ನೆಲ ನೋಡ್ಕೊಂಡೇ ಓಡಾಡ್ತಿದ್ಲು, ನಮ್ ಚೇತ ಅವಳ ಮೇಲೆ ಕಾಲೇಜಿನ ಗೋಡೆ ಪತ್ರಿಕೆಯಲ್ಲಿ ಕವನ ಬರೆದಿದ್ದ.. ಅವನೂ ಸಹ ಅವಳ ಮೇಲೆ ಫಿದಾ ಆಗಿದ್ದ.. ಒಂದೆರಡು ಕಾಲೇಜಿನ ಪ್ರೊಗ್ರಾಮ್ ಗಳಲ್ಲಿ ಅವಳು ಭಾಗವಹಿಸಿ ಭಾಷಣ ಮಾಡಿದ್ಲಲ್ಲ.. ಅವತ್ತು ಅನ್ಸಿತ್ತು, ಓಹೋ ಇದು ನಮ್ ಥರಾ ಪುಸ್ತಕಕ್ಕೆ ಅಂಟಿಕೊಂಡು ಹುಟ್ಟಿರೋ ಪ್ರಾಣೀನೇ ಅಂತಾ.. ನಾನೂ ಅವಳನ್ನು ಮಾತಾಡ್ಸೋಣ ಅನ್ಕೊಂಡಿದ್ದೆ.. ಎಲ್ಲಿ ಅವಳು ನನ್ನನ್ನು ಬೇರೆ ಹುಡುಗರ ಥರಾ ತಿರಸ್ಕಾರ ದೃಷ್ಟಿಯಿಂದ ನೋಡ್ತಾಳೋ ಅಂತಾ ಸುಮ್ಮನಿದ್ದುಬಿಟ್ಟಿದ್ದೆ.. ಆಕೆ ಮತ್ತು ಅವರಮ್ಮ ನಮ್ಮ ಮನೆಗೆ ಒಂದೆರಡು ಸಲ ಬಂದಿದ್ದರಂತೆ, ನನ್ ಅಮ್ಮನಿಗೆ ಅವಳಮ್ಮ ಪರಿಚಯ ಅಂತೆ.. ಅವಳ ಚಂದಾನೇ ಅವಳಿಗೆ ಮಾರಕ ಆಯ್ತು ಅನ್ಸುತ್ತೆ, ಸಾಕಷ್ಟು ಹುಡುಗರು ಅವಳ ಬೆನ್ನಿಗೆ ಬಿದ್ದಿದ್ದರಿಂದ ಪಾಪ ಅವಳನ್ನು ಕಾಲೇಜು ಬಿಡಿಸಿ, ನಿಂ ಥರಾ ಸೋದರ ಮಾವನಿಗೆ ಕೊಟ್ಟು ಮದುವೆ ಮಾಡಿದ್ರಂತೆ.. ನೆನಸಿಕೊಂಡ್ರೆ ಏನೋ ಒಂಥರಾ ಬೇಜಾರು ಕಣೇ..

ಹೋಗಲಿ ಬಿಡು.. ನಿನ್ ಪುಣ್ಯಕ್ಕೆ ನೀನು ಅವಳಷ್ಟು ಜಾಸ್ತಿ ಚಂದ ಇರಲಿಲ್ಲ.. ಅದಕ್ಕೆ ನಿಂಗೆ ಹುಡುಗರ ಕಾಟ ಸ್ವಲ್ಪ ಕಮ್ಮಿ.. ಒಮ್ಮೆ ನಾನು ಊರಿಗೆ ಬಂದಾಗ ನೀನು ಸಿಕ್ಕಾಗ, ಟಿ.ಸಿ.ಎಚ್. ಮಾಡ್ತಿದ್ದೀನಿ ಅಂದೆ ಅಲ್ವಾ? ಜೊತೆಗೆ ಬಗಲಲ್ಲಿದ್ದ ಮುದ್ದು ಹುಡುಗೀನ ಮಗಳು ಅಂತಾ ನೀನು ತೋರಿಸಿದಾಗ ನಂಗೆ ನಂಬೋಕೇ ಆಗಲಿಲ್ಲ.. ನೀನೇ ಇನ್ನೂ ಒಂದು ಮಗು ಥರಾ ಇದ್ದೀಯ.. ಮಗೂಗೆ ಒಂದು ಮಗೂನ ಅಂತಾ ನಿನ್ನ ರೇಗಿಸಿದ್ದೆ ನಾನು..

ಈಗ್ಗೆ ಒಂದು ವರ್ಷದ ಹಿಂದೆ ನಿನ್ನ ಗಂಡ ಬೈಕಲ್ಲಿ ಹೋಗ್ಬೇಕಾದ್ರೆ, ಕಾಡೇನಹಳ್ಳಿ ಹತ್ರ ಭಯಂಕರವಾದ ಆಕ್ಸಿಡೆಂಟ್ ಆಗಿ, ಸ್ಪಾಟಲ್ಲೇ ತೀರ್ಕೊಂಡಿದ್ದು ಕೇಳಿ ಸಕತ್ ದುಃಖ ಆಯ್ತು ಕಣೇ.. ನೇತ್ರಾ ಮತ್ತು ಅನಿತ ಫೋನ್ ಮಾಡಿ ಸಕತ್ ಅತ್ಕೊಂಡು ಬಿಟ್ರು.. ಅನಿತ, ನೇತ್ರಾ ನಾನು ಎಲ್ಲರೂ ಹೊರಟಿದ್ವಿ.. ಆದರೆ, ನಾವು ಬರೋ ವೇಳೆಗಾಗಲೇ ಎಲ್ಲ ಮುಗಿದು ಹೋಗಿರುತ್ತಿತ್ತು.. ನಿನ್ ನಗು ಮುಖಾನ ನೋಡಿದ ನಮಗೆ ನಿನ್ ಅಳುವನ್ನ ನೋಡೋಕೆ ಇಲ್ಲಾ ಕಲ್ಪನೆ ಮಾಡಿಕೊಳ್ಳೋಕೆ ಆಗಲಿಲ್ಲ ಕಣೇ.. ಅದಕ್ಕೇ ನಾವ್ಯಾರೂ ಬರೋಕೆ ಆಗಲಿಲ್ಲ.. ಇದೆಲ್ಲಾ ಆಗಿ ಒಂದೂವರೆ ವರ್ಷ ಆಯ್ತು..

ಈಗ ನೀನು ಸ್ವತಂತ್ರವಾಗಿ ಒಂದ್ ಕೆಲಸ ಮಾಡ್ಕೊಂಡು ಹೇಗೋ ಜೀವನ ಸಾಗಿಸ್ತಿದ್ದೀಯಲ್ಲಾ. ಅಷ್ಟೇ ಸಾಕು. ನಿನ್ನ ಗಂಡ ತೀರಿಕೊಂಡ ದಿನವೇ ನಿಮ್ಮ ಮನೆ ಮಹಡಿ ಮೇಲಿಂದ ಬಿದ್ದು ಬಿಟ್ಟಿದ್ಯಂತಲ್ಲಾ? ಅಬ್ಬಾ.. ನನಗೆ ಮೇಲಿಂದ ಕೆಳಗೆ ನೋಡೋಕೇ ಭಯ.. ಬಿದ್ದಿದ್ದಕ್ಕೆ ಒಂದಿಷ್ಟು ದಿನ ಆಸ್ಪತ್ರೆಯಲ್ಲಿ ಕಳೆದಂತ್ಯಲ್ಲಾ?? ಇದೆಲ್ಲಾ ಬೇಕಾಗಿತ್ತಾ?? ಸುಮಾರು ಇಪ್ಪತ್ತು ವರುಷಕ್ಕೆ ನಿನಗೆ ಆ ಯೋಚನೆ ಬಂದಿದ್ದು ಸಹಜ. ಜೀವನ ಇಷ್ಟಕ್ಕೇ ಮುಗಿದಿಲ್ಲ. ಇನ್ನೂ ನೀನು ಸಾಧಿಸಬೇಕಾದ್ದು ಬಹಳ ಇದೆ. ಇನ್ನೂ ಯುದ್ಧವೇ ಶುರುವಾಗಿಲ್ಲ.. ಆಗಲೇ ಶಸ್ತ್ರಾಸ್ತ್ರ ಇಟ್ಟು ಶರಣಾಗೋದು ಬೇಡ ಕಣೀ.. ನೀನು ಸಿಕ್ಕಾಗಿನಿಂದ ತಲೆಯಲ್ಲಿ ನಿನ್ನದೇ ಗುಂಗು.. ನಿನ್ನೆಲ್ಲಾ ಕಷ್ಟಗಳನ್ನು ನೆನಸಿಕೊಂಡರೆ, ಬೆಂಬಲಕ್ಕಾಗಿ ನಿನಗೆ ನನ್ನಂಥ ಅಣ್ಣ ಸಿಗಬೇಕಿತ್ತು ಅಥವಾ ನಾನೇ ನಿನ್ನ ಅಣ್ಣನಾಗಬೇಕಿತ್ತು ಅಂತಾ ಅನ್ನಿಸಿದ್ದು ಸುಳ್ಳಲ್ಲ.. ಈಗಲೂ ನೀನು ಭಯ ಪಡೋ ಅಗತ್ಯ ಇಲ್ಲ.. ನಿನ್ನ ಬೆಂಬಲಕ್ಕೆ ಎಲ್ಲರೂ ಇದ್ದೀವಿ.

ಇನ್ನೋಂದು ಬಾರಿ "ಸತ್ತು ಹೋಗ್ತೀನಿ" ಅನ್ನು ಬೆಂಗಳೂರಿಗೆ ಬಂದು ಜಾಡಿಸಿ ಒದೀತೀನಿ ನಿಂಗೆ..

-ಇಂತಿ ನಿನ್ನ ಲಂಗ ದೋಸ್ತ್..

ಚಿತ್ರಾನ್ನ ಚಿತ್ರಾನ್ನ... ಟ್ವಿಟರ್ ನ ಟ್ವೀಟುಗಳು.. ಭಾಗ-6

2010-12-07T08:02:00.002+05:30

ಟಿಪ್ಪಣಿ:- ಈ ಟ್ವೀಟುಗಳನ್ನು ಈಗಾಗಲೇ ಬಜ್ ನಲ್ಲಿ ಪೋಸ್ಟ್ ಮಾಡಿರುತ್ತೇನೆ. ನನ್ನ ಬಜ್ ಖಾತೆ ಲಿಂಕ್:- http://www.google.com/profiles/shivagadag#buzz

ಬಜ್ ನೋಡದೇ ಇರೋರಿಗೆ ಇಲ್ಲಿ ಪ್ರಸ್ತುತಪಡಿಸಲಾಗಿದೆ..

1) ಯಳವತ್ತಿ ಟ್ವೀಟ್:-

ಎಲ್ಲಾ ಗರ್ಲ್ ಫ್ರೆಂಡ್ ಗಳಿಗೂ Catch you Later ಅಂತಾ ಮೆಸೇಜ್ ಕಳಿಸಬಾರದು..

catch ಮಾಡೋಕೆ ಕೆಲವರು ತುಂಬಾನೇ ಭಾರ ಇರ್ತಾರೆ.

2) ಯಳವತ್ತಿ ಟ್ವೀಟ್:-

ಈ ಪ್ರಪಂಚದಲ್ಲಿ ಕೆಟ್ಟವರಿಲ್ಲ.. ಕೆಟ್ಟ ಮನಸ್ಸುಗಳು ಅಷ್ಟೇ ಇರುತ್ತೆ. ಅವರ ಜೊತೆ ಬದುಕೋದು ನಮಗೆ ಅನಿವಾರ್ಯ.. ಅವರಿಗೆ ಹೆದರಿಕೊಂಡು ಪಲಾಯನ ಮಾಡುವುದು ಸರಿಯಲ್ಲ.. ಆ ಕೆಟ್ಟ ಮನಸ್ಸುಗಳನ್ನು ಬದಲಾಯಿಸಲು ಪ್ರಯತ್ನಿಸಬೇಕು. ಒಂದಲ್ಲಾ ಒಂದು ದಿನ ನಾವು ಗೆದ್ದೇ ಗೆಲ್ತೀವಿ...

3)ಚಿಕ್ಕವರಿದ್ದಾಗ ಯಾರಾದ್ರೂ ಬಿದ್ರೆ ಹೇಳ್ತಾ ಇದ್ದಿದ್ದು..

"ಹಿಂಗೆ ಆಗಬೇಕು.. ಹಲ್ಲು ಮುರಿಬೇಕು.. ನೀನು ಅಳಬೇಕು.. ನಾನು ನಗಬೇಕು..ಹ್ಹ ಹ್ಹ ಹ್ಹ.......

4) ಯಳವತ್ತಿ ಟ್ವೀಟ್:-

"ನೀ ನನ್ನ ಎಷ್ಟು ಪ್ರೀತಿಸ್ತೀಯಾ?" ಅಂತಾ ಕೇಳಿದಳು..

"ಸತ್ತು ಹೋಗುವಷ್ಟು ಕಣೇ" ಅಂದೆ...

"ಹಾಗಾದ್ರೆ, ಬೇಗ ಮದುವೆ ಮಾಡಿಕೊಂಡುಬಿಡು" ಅಂದಳು...

ಕೊನೆಗೆ, ನಾನು ಹೇಳಿದ್ದು ಜೋಕು ಅಂತಾ ಅವಳನ್ನು ನಂಬಿಸೋಕೆ ಸಖತ್ ಕಷ್ಟ ಪಟ್ಟೆ ಕಣ್ರೀ.....

5) ಯಳವತ್ತಿ ಟ್ವೀಟ್:-

ಪಡ್ಡೆ ಹುಡುಗರುಗಳು ದಿನಾ ಬೆಳಿಗ್ಗೆ 6 ಗಂಟೆಗೆ ಎದ್ದು ತಮ್ಮ ಬೀದಿಯಲ್ಲಿ ವಾಕಿಂಗ್ ಮಾಡೋದು ಒಳ್ಳೇದು..

ಇಲ್ಲಾ ಅಂದ್ರೆ, ತಮ್ಮ ಬೀದಿಲಿ ಯಾವ ಯಾವ ಒಳ್ಳೊಳ್ಳೆ ಫಿಗರ್ ಗಳು ಇದಾವೆ ಅಂತಾ ಗೊತ್ತಾಗಲ್ಲ..

ಟಿಪ್ಪಣಿ:- ಇದು ಪಡ್ಡೆ ಹುಡುಗರಿಗಾಗಿ ಬರೆದಿದ್ದು. ಸುಮ್ಕೆ ಯಾಕೆ ನನ್ನ ಬೈಯ್ಯೋ ಕಷ್ಟ ನಿಮಗೆ ಕೊಡಲಿ ಅಲ್ವಾ?

Moral:- ವಾಕಿಂಕ್ ಮಾಡೋದು ದೇಹಕ್ಕೂ ಒಳ್ಳೇದು.. ಮನಸ್ಸಿಗೂ ಒಳ್ಳೇದು..

6) ಯಳವತ್ತಿ ಟ್ವೀಟ್:-

ಇಂಟರ್ನೆಟ್ ನಲ್ಲಿ ಸಿಕ್ಕಿರೋ ಒಬ್ಬಳು ಸೂಪರ್ರಾಗಿರೋ ಹುಡುಗೀ ಫೋಟೋನ ಕಾಪಿ ಮಾಡಿ ನನ್ ಕಂಪ್ಯೂಟರ್ ನಲ್ಲಿ ಸೀಕ್ರೆಟಾಗಿ ಇಟ್ಟಿದ್ದೆ..

ಬೇಜಾರಾದಾಗ ನೋಡಿ ಖುಷಿ ಪಡ್ತಿದ್ದೆ..

ಮದುವೆಯಾದ ಮೇಲೆ ಒಂದು ದಿನವೂ ನೋಡಿರಲಿಲ್ಲ..

ನನ್ ಅರ್ಧಾಂಗಿ ಅಡುಗೆ ಮನೇಲಿದ್ದಾಗ, ಅವಳಿಗೆ ಗೊತ್ತಾಗದ ಹಾಗೆ ಆ ಫೋಟೋ ನೋಡ್ತಾ ಇದ್ದೆ..

ಅದ್ಯಾವ ಮಾಯದಲ್ಲಿ ಬಂದಳೋ ನನ್ನವಳು, ಫೋಟೋ ನೋಡಿ ಯಾರ್ರೀ ಇವಳು ಅಂತಾ ಕೇಳಿದಳು..

ನಾನು ಗಾಬರಿಯಾಗಿ, ಬಾಯಿ ತಪ್ಪಿ ನನ್ ತಂಗಿ ಆಗ್ಬೇಕು ಕಣೇ ಅಂದುಬಿಟ್ಟೆ..

ಅವಳು "ಹೌದಾ..?" ಅಂತ್ಹೇಳಿ, ಒಳಗೊಳಗೆ ಮುಸಿ ಮುಸಿ ನಗುತ್ತಾ ಅಡಿಗೆ ಮನೆಗೆ ಹೋದಳು..

ತಂಗಿ ಅಂದ ತಪ್ಪಿಗೆ ಫೋಟೋನ ಪರ್ಮನೆಂಟಾಗಿ ಡಿಲೀಟ್ ಮಾಡಬೇಕಾಯ್ತು..

Moral:-
1) ಅಪ್ಪಿ ತಪ್ಪಿಯೂ ಸೂಪರ್ರಾಗಿರೋ ಹುಡುಗೀರ್ ಫೋಟೋನ ಹೆಂಡ್ತಿಗೆ ತೋರಿಸಬೇಡಿ..

2) ಸುಳ್ಳು ಹೇಳೋಕೆ ಮೂಲ ಕಾರಣ ಹೆಂಡ್ತಿ

7) ಯಳವತ್ತಿ ಟ್ವೀಟ್:-

ಸಮಯದ ಜೊತೆಗೆ ಸಂಬಂಧಗಳು ಪಕ್ವಗೊಳ್ಳಬೇಕು ಅಥವಾ ಹೊಸ ಸಂಬಂಧಗಳು ಹುಟ್ಟಿಕೊಳ್ಳಬೇಕು.. ಅದೇ ಪ್ರಕೃತಿ ನಿಯಮ ಅನ್ಕೊಂಡಿದ್ದೀನಿ...

8) ಯಳವತ್ತಿ ಟ್ವೀಟ್:-

ಅವಳ ಪ್ರೀತಿ ನನ್ನ ಮನಸ್ಸಿನಲ್ಲಿ ಗರಿಕೆ ಹುಲ್ಲಿನ ಥರಾ ಬೆಳೆದಿತ್ತು.. ನನ್ನವಳು ಸ್ವಲ್ಪ ನೀರುಣಿಸಿದಳು.. ಕಬ್ಬಿನ ಜಲ್ಲೆ ಥರಾ ಬೆಳೆದು ನಿಂತಿದೆ..ಪ್ರೀತಿಗೆ ಪೋಷಣೆ ಬೇಕು.. ಇಲ್ಲದಿದ್ದರೆ ಬರೀ ಗರಿಕೆ ಹುಲ್ಲಾಗಿ ಕಮರಿ ಹೋಗ್ತಿತ್ತು..

9) ಯಳವತ್ತಿ ಟ್ವೀಟ್:-

ಹೆಂಡತೀಗೂ ಗರ್ಲ್ ಫ್ರೆಂಡ್ ಗಳಿಗೂ "ಬಂಗಾರಿ" ಅಂತಾ ಒಂದೇ ಹೆಸರಲ್ಲಿ ಕರೆಯೋದು ಒಳ್ಳೇದು..

ನಿದ್ದೆಯಲ್ಲಿ ಯಾರನ್ನು ನೆನಪಿಸಿಕೊಂಡು ಕನವರಿಸಿದರೂ ಹೆಂಡತಿಗೆ ಅನುಮಾನ ಬರಲ್ಲ.

10) ಯಳವತ್ತಿ ಟ್ವೀಟ್:-
ನೀ ನನ್ನ ಮರೆತರೆ ನಾನು ಆ ಕ್ಷಣವೇ ಸತ್ತು ಹೋಗ್ತೀನಿ ಅಂತಾ ನನ್ನವಳಿಗೆ ಮಾತು ಕೊಟ್ಟಿದ್ದೆ..

ಒಮ್ಮೆ ನನ್ನವಳು ನನ್ನನ್ನು ಮರೆತಂತೆ ನಾಟಕವಾಡಿದಳು..
ಅದಕ್ಕೆ ನಾನೂ ಸತ್ತಂತೆ ನಾಟಕವಾಡಿದೆ..

Moral:- ಪ್ರೀತಿ ಅಂದ್ರೆ ಬರೀ ನಾಟ್ಕ ಕಣ್ರೀ.

11) ಯಳವತ್ತಿ ಟ್ವೀಟ್:-

ವೈಸ್ ವರ್ಸಾ (Vice Versa) ಅಂತಾ ಕೇಳಿದ್ದೀರಾ??

ಅದೇ ಥರಾ ಹೊಸ ಟ್ವೀಟ್

"ದುಃಖವೇ ಆಸೆಗೆ ಮೂಲ"

12) ಯಳವತ್ತಿ ಟ್ವೀಟ್:-
ಕಬ್ಬಿಣವನ್ನು ಚಿನ್ನ ಮಾಡುವ ಸುಲಭ ವಿಧಾನ..

ಕಬ್ಬಿಣಕ್ಕೆ ಚಿನ್ನ ಅಂತಾ ಹೆಸರು ಬದಲಾಯಿಸಿಬಿಡಿ.. ಅಷ್ಟು ಸಾಕು...

13) ಯಳವತ್ತಿ ಟ್ವೀಟ್:-

ನಮ್ಮ ದೇವಿ ಇಲ್ಲದಾಗ ಅವಳ ಜಾಗಕ್ಕೆ ನಿದ್ರಾದೇವಿ ಬರುವ ಸೂಚನೆಗೆ ಆಕಳಿಕೆ ಎನ್ನಬಹುದು

ಯಳವತ್ತಿ ಕವನ ಶೀರ್ಷಿಕೆ:- "ಅತಿ ಆಸೆ"

2010-11-16T18:01:00.000+05:30

ಯಳವತ್ತಿ ಕವನ

ಶೀರ್ಷಿಕೆ:- "ಅತಿ ಆಸೆ"

ನನ್ನವಳ ಬರಸೆಳೆದು ಬಿಗಿದಪ್ಪಿ
ಮುತ್ತು ನೀಡದೇ
ಕಾಡಿಸುವಾಸೆ

ನಮ್ಮಿಬ್ಬರ ಮಾತಿನ ಮಧ್ಯೆ
I LOVE YOU ಅಂತ್ಹೇಳಿ
ಅವಳ ಮಾತು ಮರೆಸುವಾಸೆ

ನಿದ್ದೆ ಮಾಡುತ್ತಿರುವಾಗಲೇ
ಮನೆಗೆಲೆಸಗಳನ್ನು ಮುಗಿಸಿ,
ಕಾಫಿ ಹಿಡಿದು Surprise ಕೊಡುವಾಸೆ

ಆಸೆಯಿಂದ ನೋಡಿದ ಸೀರೆಗಳನ್ನು
ಅವಳಿಗೆ ಪ್ರೆಸೆಂಟ್ ಮಾಡಿ
ಖುಷಿಪಡಿಸುವಾಸೆ

ಪಕ್ಕದಲ್ಲೇ ಕುಳಿತಿದ್ದರೂ
"ನೀ ನನ್ ಪ್ರಾಣ ಕಣೇ" ಅಂತಾ
ಮೆಸೇಜ್ ಕಳಿಸಿ
ತೆಳುನಗೆ ತರಿಸುವಾಸೆ

ಗೆಳತಿಯರ ಜೊತೆ ನಿಂತಾಗ
ಅವಳನ್ನೇ ನೋಡುತ್ತಾ ನಿಂತು
ಅವಳಿಗೆ ನಾಚಿಕೆ ಬರಿಸುವಾಸೆ

ಹುಡುಗಿಯರ ಹೆಸರ ಲಿಸ್ಟ್ ತೋರಿಸಿ
ಇವರೆಲ್ಲಾ ನನ್ ಫ್ರೆಂಡ್ ಅಂತೇಳಿ,
ಅವಳಿಗೆ ಮತ್ಸರ ತರಿಸುವಾಸೆ

ಅಡಿಗೆ ಮಾಡುವಾಗ ಹಿಂದಿನಿಂದ
ಸೊಂಟವನ್ನು ಬಳಸಿ,
ಕಾಡಿಸಿ,
ಅಡುಗೆ ಕೆಡಿಸುವಾಸೆ

ಕುಡಿಯೋಲ್ಲವೆಂದು ಹೇಳಿ
ಟೈಟಾಗಿ ಬಂದು
ನನ್ನ ಮೇಲೆ ಕೋಪ ಬರಿಸುವಾಸೆ

ತವರಿಗೆ ಹೋದಾಗ
"ನಿನ್ನ ಬಿಟ್ಟು ಇರೋಕ್ಕಾಗ್ತಿಲ್ಲ ಕಣೇ"
ಅಂತಾ ಮೆಸೇಜ್ ಕಳಿಸಿ
ನನ್ನ ನೆನಪು ಮೂಡಿಸುವಾಸೆ

ಹೊರಗಡೆ ಊಟ ಮಾಡಿ ಬಂದಿದ್ದರೂ
ನಿನ್ ಕೈ ರುಚೀನೇ ಬೇರೆ ಅಂತಾ
ಅವಳ ಕೈ ತುತ್ತು ತಿನ್ನುವಾಸೆ..

-ಯಳವತ್ತಿ

ಚಿತ್ರಾನ್ನ ಚಿತ್ರಾನ್ನ... ಟ್ವಿಟರ್ ನ ಟ್ವೀಟುಗಳು.. ಭಾಗ-5

2010-11-11T07:22:00.002+05:30

1)ಯಳವತ್ತಿ ಟ್ವೀಟ್:-

ಬೈಕ್ ಕೊಡಿಸ್ಲಿಲ್ಲ ಅಂತಾ ಅಪ್ಪ ಅಮ್ಮನ ಜೊತೆ ಜಗಳ ಆಡ್ಕೊಂಡು, ಮನೆ ಬಿಟ್ಟು ಬಂದು ಪಾರ್ಕಲ್ಲಿ ಕೂತಿದ್ದೆ..

ದೇವರ ಜಪ ಮಾಡಿದ್ರೆ ದೇವರು ಪ್ರತ್ಯಕ್ಷ ಆಗಿ ವರ ಕೊಡ್ತಾರಂತೆ ಅಂತಾ ಎಲ್ಲೋ ಕೇಳಿದ್ದೆ..
ಇರಲಿ ನೋಡೋಣ, ದೇವರನ್ನೇ ಬೈಕ್ ಕೇಳೋಣ ಅಂತಾ ಪಾರ್ಕಲ್ಲಿ ದೇವರ ಜಪ ಮಾಡ್ತಾ ಕೂತೆ..

ಅರ್ಧ ರಾತ್ರಿ ಕಳೆದಿತ್ತು..ಆದರೂ ಆಸೆ.. ಒಮ್ಮೆಯಾದರೂ ಪ್ರತ್ಯಕ್ಷವಾಗಲಿ ಅಂತಾ..

ಅಂತೂ ಸುಮಾರು ರಾತ್ರಿ ಮೂರೂವರೆಲಿ ಇಬ್ಬರು ದೇವರುಗಳು ಪ್ರತ್ಯಕ್ಷವಾದರು..
"ದೇವರೇ ನಂಗೆ ಬೈಕ್ ಕೊಡಿಸಿ" ಅಂತಾ ಬಾಯಿ ತೆಗೆದೆ..

ಅಷ್ಟರಲ್ಲಿ..

"ಏ ಲೋಫರ್, ಎಲ್ಲಿ ಅಂತಾ ಹುಡುಕೋದೋ ನಿನ್ನ.. ಇಲ್ಲಿ ಕೂತ್ಕೊಂಡು ಏನ್ ಮಾಡ್ತಾ ಇದ್ದೀಯಾ? ನಡೀ ಮನೆಗೆ" ಅಂತಾ ಆ ದೇವರುಗಳು (ನನ್ ಅಪ್ಪ ಅಮ್ಮ) ಬಯ್ದು ಎಳಕೊಂಡು ಹೋದರು..

ಮಧ್ಯಾನ್ಹವಾಗುವಷ್ಟರಲ್ಲಿ ನಮ್ ಮನೆ ಮುಂದೆ ಹೊಸ ಬೈಕ್ ನಿಂತಿತ್ತು..

2)ಯಳವತ್ತಿ ಟ್ವೀಟ್:-

ನಮ್ಮ ದೇವಿ ಇಲ್ಲದಾಗ ಅವಳ ಜಾಗಕ್ಕೆ ನಿದ್ರಾದೇವಿ ಬರುವ ಸೂಚನೆಗೆ ಆಕಳಿಕೆ ಎನ್ನಬಹುದು

3) ಯಳವತ್ತಿ ಟ್ವೀಟ್:-

ನೆನಪಿಸಿಕೊಂಡಾಗಲೆಲ್ಲಾ ಬಿಕ್ಕಳಿಕೆ ಬರುತ್ತೆ ಅನ್ನೋದು ಶುದ್ಧ ಸುಳ್ಳು..
ಇದೇನಾದ್ರೂ ನಿಜ ಆಗಿದ್ದಿದ್ರೆ, ನನ್ನವಳು ಯಾವಾಗಲೂ ಬಿಕ್ಕಳಿಸ್ತಾನೇ ಇರಬೇಕಿತ್ತು..

(ಸಾಲ ಪಡೆದವರೆಲ್ಲರೂ ಬಿಕ್ಕಳಿಸ್ತಾ ಇರಬೇಕಿತ್ತು...)

(ಪ್ರಿಯತಮೆ ನೆನಪಿಸಿಕೊಂಡಾಗ ಆಕಳಿಕೆ..
ಹೆಂಡತಿ ನೆನಪಿಸಿಕೊಂಡಾಗಲೆಲ್ಲಾ ಬಿಕ್ಕಳಿಕೆ............ ಸ್ನೇಹಿತ ಅನಿಲ್ ಪಾಡಿಘಾಟೆ ಹೇಳಿದ್ದು)

4) ಮರೆಯೋದು ಸಹಜ ಕಣ್ರೀ.. ಆದರೆ, ಈ ವಯಸ್ನಲ್ಲಿ ಅದಕ್ಕೆ ಅಸಹಜ ಅಂತಾರೆ..

ನನ್ನನ್ನು ಮರೆತವರಿಗಾಗಿ ಇದು..............

5) ಯಳವತ್ತಿ ಟ್ವೀಟ್:-

Hot ಅನ್ನೋ ಕಾರಣಕ್ಕೆ Kaspersky Antivirus ನನ್ನ ಬ್ಲಾಗನ್ನು ಬ್ಲಾಕ್ ಮಾಡ್ತು.. ಇದ್ಯಾಕಪ್ಪ ಅಂತಾ ತಡಕಾಡಿ ನೋಡಿದರೆ, ನನ್ನ ಫಾಲೋಯರ್ ಲಿಸ್ಟ್ ನಲ್ಲಿ ಮಲ್ಲಿಕಾ ಶೆರಾವತ್ ಹೆಸರಿತ್ತು..

6)ಯಳವತ್ತಿ ಟ್ವೀಟ್:-

ನಾ ಕೆನ್ನೆಗೆ ಮುತ್ತು ಕೊಡಲು ಹೋದಾಗಲೆಲ್ಲಾ ನನ್ ಬಂಗಾರಿ ದೂರ ಓಡ್ತಿದಾಳೆ..

"ಅಪ್ಪಾ ನಿನ್ ಗಡ್ಡ ಚುಚ್ಚುತ್ತೆ" ಅಂತಾ ತೊದಲುತ್ತಾಳೆ..

ಚಿತ್ರಾನ್ನ ಚಿತ್ರಾನ್ನ... ಟ್ವಿಟರ್ ನ ಟ್ವೀಟುಗಳು.. ಭಾಗ-4

2010-11-01T20:44:00.003+05:30

1) ಯಳವತ್ತಿ ಟ್ವೀಟ್:-

ಅವರಿಬ್ಬರೂ ಒಬ್ಬರನ್ನೊಬ್ಬರು ತುಂಬಾ ಪ್ರೀತಿಸಿಕೊಂಡಿದ್ದರೂ, ಯಾವುದಕ್ಕೂ ಒಮ್ಮತಕ್ಕೆ ಬಂದವರಲ್ಲ. ಮದುವೆಯಾದ ಮೇಲೆ ಒಂದು ವಿಷಯದಲ್ಲಿ ಮಾತ್ರ ಒಮ್ಮತಕ್ಕೆ ಬಂದಿದ್ದರು..

"ರಾತ್ರಿಗಳು ತುಂಬಾ ಚಿಕ್ಕದಾಗಿರುತ್ತೆಂದು"

2) ಯಳವತ್ತಿ ಟ್ವೀಟ್:-

ಯಾವಾಗಲೊಮ್ಮೆ ನಾವು ಬೇಗ ಏಳುವುದರ ನಷ್ಟವೆಂದರೆ, ನಾವು ಯಾವತ್ತು ಬೇಗ ಎದ್ದಿರ್ತೀವಿ, ಅವತ್ತೇ ಪೇಪರ್ ನವನು ಮತ್ತು ಹಾಲಿನವನು ಲೇಟಾಗಿ ಬಂದಿದಾರೆ ಅನ್ಸುತ್ತೆ..

-ಯಳವತ್ತಿ

3) ಯಳವತ್ತಿ ಟ್ವೀಟ್:-

ನಾನು ಇವಳನ್ನು ಪ್ರೀತಿಸುತ್ತಿದ್ದರೂ, ಬೇರೇ ಹುಡುಗಿಯನ್ನು ನೋಡಿ ಒಪ್ಪಿಕೊಂಡಿದ್ದರಲ್ಲಿ ನನ್ನದೇನೂ ತಪ್ಪಿಲ್ಲ.. ಎಲ್ಲ ಹುಡುಗಿಯರೂ ಅವಳಂತೆಯೇ ಕಾಣುತ್ತಾರೆ..

ಬದುಕಲು ಪ್ರೀತಿ ಬೇಕು ವಿನಾಃ ಪ್ರೀತಿಯೇ ಬದುಕಲ್ಲ. ಪ್ರೀತಿ ಅಂತ್ಯವಾಯಿತೆಂದು ಬದುಕನ್ನು ಅಂತ್ಯಗಾಣಿಸುವುದು ನಿಜವಾಗಲೂ ಸರಿಯಲ್ಲ.

(ಶರಶ್ಚಂದ್ರ ಕಲ್ಮನೆ ಯವರ "ನಿನಗೊಂದು ನಿಜ ಹೇಳ್ತೀನಿ" ಲೇಖನ ಓದ್ತಾ ಇರಬೇಕಾದ್ರೆ ಅನುಭವಕ್ಕೆ ಬಂದಿದ್ದು.. ನೀವೂ ಓದಿ, http://bhaavayaana.blogspot.com/2010/05/blog-post_08.html )

ಸುಲಭವಾದ ಪ್ರಶ್ನೆಗೆ ಉತ್ತರಕ್ಕೆ 100/- ಬಹುಮಾನ. ಪುಸ್ತಕ ಓದುಗರಿಗಾಗಿ ಕಾಂಪಿಟೇಶನ್. ಯಳವತ್ತಿ ಪ್ರಶ್ನೆಗಳು-02

2010-10-28T08:42:00.001+05:30

ಸುಲಭವಾದ ಪ್ರಶ್ನೆಗೆ ಉತ್ತರಕ್ಕೆ 100/- ಬಹುಮಾನ. ಪುಸ್ತಕ ಓದುಗರಿಗಾಗಿ ಕಾಂಪಿಟೇಶನ್.

ಯಳವತ್ತಿ ಪ್ರಶ್ನೆಗಳು-02

ರೂ. 100/- ಬಹುಮಾನ..

ಈ ಕೆಳಗೆ ಕಾಣಿಸಿದ ಸಾಲುಗಳು ಯಾವ ಪುಸ್ತಕದ್ದು ಮತ್ತು ಯಾರು ಬರೆದಿದ್ದು ಅಂತಾ ಹೇಳಬೇಕು,

1)ಯಾವ ಪುಸ್ತಕ ಎಂದು ಹೇಳಿದರೆ ರೂ. 50/-

2)ಪುಸ್ತಕದ ಲೇಖಕರು ಯಾರು ಅಂತಾ ಹೇಳಿದರೆ 50/-

3)ಉತ್ತರವನ್ನು ಬಜ್ ನಲ್ಲಿ ಅಥವಾ ಬ್ಲಾಗ್ನಲ್ಲಿ www.shivagadag.blogspot.com ಕಮೆಂಟ್ ಮೂಲಕ ಉತ್ತರಿಸಬಹುದು ಅಥವಾ shivagadag@gmail.com ಗೆ ಮಿಂಚಂಚೆ ಕಳುಹಿಸುವುದರ ಮೂಲಕ ಉತ್ತರಿಸಬಹುದು.

4)ನಕಾರಾತ್ಮಕ ತಂತ್ರಗಳಿಗೆ ಅವಕಾಶವಿಲ್ಲ..

ಸೂಚನೆಗಳು:-

1) ಎರಡೂ ಪ್ರಶ್ನೆಗಳಿಗೆ ಒಬ್ಬರೇ ಒಟ್ಟಿಗೇ ಹೇಳಬೇಕು..

2) ಮೊದಲು ಉತ್ತರ ಹೇಳಿದವರಿಗೆ ಮಾತ್ರ ಬಹುಮಾನ..

3) ಒಂದು ಪಾಯಿಂಟ್ ಮಿಸ್ ಆದರೂ ಬಹುಮಾನ ಇಲ್ಲ..

4) ಇವತ್ತಿನಿಂದ ನಾಳೆವರೆಗೆ ಮಾತ್ರ ಸಮಯ. ಅಂದರೆ, ದಿನಾಂಕ: 29-10-2010 ರ ರಾತ್ರಿ 12.00 ಗಂಟೆವರೆಗೆ

ಮಾತ್ರ ಸಮಯ ಇದೆ..

5) ಈ ಪ್ರಶ್ನೆ ಕೇಳಿದ ಉದ್ದೇಶವೆಂದರೆ, ಪುಸ್ತಕಗಳನ್ನು ಓದಲು ಪ್ರೋತ್ಸಾಹಿಸುವುದು ಹಾಗೂ ನಿಮ್ಮ ಬುದ್ದಿಮತ್ತೆಯನ್ನು ಪರೀಕ್ಷೆ ಮಾಡುವುದು..

6) ಈ ಬಜ್ ನ್ನು ದಯವಿಟ್ಟು ರೀಶೇರ್ ಮಾಡಿ, ಓದುವುದನ್ನು ಪ್ರೋತ್ಸಾಹಿಸಿ..

ಕ್ಲೂ:- ಇದು ಒಬ್ಬರು ಸ್ವಾಮೀಜಿಗಳು ಬರೆದ ಪುಸ್ತಕ.

ಪುಸ್ತಕದ ಒಂದು ಪ್ರಸಂಗ:-

"ಭೂ ಸಂಚಾರಿ ಮಾರ್ಕೊಪೋಲೋ ಹೇಳಿದ: 'ಭೂಲೋಕದಲ್ಲಿ ಅತ್ಯಂತ ಒಳ್ಳೆಯವರೂ, ಸತ್ಯವಂತರೂ ಆದ ವ್ಯಾಪಾರಿಗಳು. ಯಾವ ಕಾರಣದಿಂದಲೂ ಇವರು ಸುಳ್ಳು ಹೇಳುವವರಲ್ಲ."

ಮಹಮ್ಮದ್ದೀಯ ಭೂವಿವರಣೆಗಾರ ಇದ್ರಿಸಿ 'ಇಂಡಿಯಾ ದೇಶದ ಜನರು ನಂಬಿಕೆ, ಸತ್ಯನಿಷ್ಠೆಗೆ ಪ್ರಸಿದ್ಧರಾಗಿದ್ದಾರೆ' ಎಂದಿದ್ದಾನೆ. ಇದು ಕ್ರಿಸ್ತಶಕ ಹನ್ನೊಂದನೆ ಶತಮಾನದಲ್ಲಿ ಆತನು ಹೇಳಿದ್ದ ಮಾತು.

ಮುನ್ನೂರು ವರ್ಷಗಳ ಹಿಂದೆ ಇಲ್ಲಿಗೆ ಬಂದ ಪೋರ್ಚುಗೀಸರು ಬರೆದಿಟ್ಟರು "ಹಿಂದುಗಳು ಯುದ್ಧ ಮಾಡುವಾಗ ಮೊದಲು ಸೂಚನೆ ನೀಡದೇ ಎಷ್ಟಕ್ಕೂ ಯುದ್ಧ ಮಾಡರು. ವೀರರಾದ ಅವರು ಶತ್ರುವಿನ ಬಗ್ಗೆ ಸ್ವಲ್ಪವೂ ದ್ವೇಷ ಇಟ್ಟುಕೊಂಡವರಲ್ಲ. ಆದುದರಿಂದ ಯುದ್ಧದ ವಿರಾಮ ಕಾಲದಲ್ಲಿ ಒಂದೇ ನದಿಯಲ್ಲಿ ಸ್ನಾನ ಮಾಡಿ, ಎಲೆ ಅಡಿಕೆಯನ್ನು ಪರಸ್ಪರ ವಿನಿಮಯ ಮಾಡಿಕೊಳ್ಳುತ್ತಿದ್ದರು. ಅಪಮಾನದ ಬದುಕು ಸಾವಿಗಿಂತಲೂ ಕಳಪೆ ಎಂದು ಅವರು ಭಾವಿಸುತ್ತಿದ್ದರು.

'ತಾವು ಯುದ್ಧದಲ್ಲಿ ಸೆರೆ ಹಿಡಿದವರನ್ನು ಬಿಡುಗಡೆ ಹಣ ತರುವುದಕ್ಕಾಗಿ ದೂರದ ಊರುಗಳಿಗೆ ಹೋಗಲು ಪೂರ್ಚುಗೀಸ್ ಅಧಿಕಾರಿಗಳು ಬಿಡುತ್ತಿದ್ದರು. ಕೆಲವರು ಹಣ ತರಲು ಸಮರ್ಥರಾಗಿದ್ದರೆ, ಹಲವರು ಸಮರ್ಥರಾಗುತ್ತಿರಲಿಲ್ಲ. ಊರಿಗೆ ಹೋದ ಅವರಿಗೆ ತಪ್ಪಿಸಿಕೊಳ್ಳಲು ಅವಕಾಶವಿದ್ದರೂ, ಆಡಿದ ಮಾತಿಗೆ ತಪ್ಪಬಾರದು, ಸುಳ್ಳು ಹೇಳಬಾರದು- ಎಂಬ ದೃಢನಿಷ್ಠೆಯಿಂದ ಮತಾಂತರ ಅಥವಾ ಮರಣ ದಂಡನೆಯ ಶಿಕ್ಷೆಯನ್ನು ಎದುರಿಸಲು ಹಿಂತಿರುಗಿ ಬರುತ್ತಿದ್ದರು! ಇವರ ಸತ್ಯನಿಷ್ಠೆ, ಶೀಲ ಬಲವನ್ನು ಕಂಡು ಪೂರ್ಚುಗೀಸರೂ ಅಚ್ಚರಿಪಡುತ್ತಿದ್ದರು.'

-ಯಳವತ್ತಿ

500/- ಬಹುಮಾನ. ಪುಸ್ತಕ ಓದುಗರಿಗಾಗಿ ಕಾಂಪಿಟೇಶನ್.

2010-10-25T08:33:00.004+05:30

ಯಳವತ್ತಿ ಪ್ರಶ್ನೆಗಳು-01

ರೂ. 500/- ಬಹುಮಾನ..

ಈ ಕೆಳಗೆ ಕಾಣಿಸಿದ ಸಾಲುಗಳು ಯಾವ ಕಾದಂಬರಿಯದ್ದು ಅಂತಾ ಹೇಳಬೇಕು, ಯಾವ ಕಾದಂಬರಿ ಎಂದು ಹೇಳಿದರೆ ರೂ. 100/- ಕಾದಂಬರಿಯ ಕತೃ ಯಾರು ಅಂತಾ ಹೇಳಿದರೆ 100/- ಯಾವ ಸಂದರ್ಭದಲ್ಲಿ ಅಂತಾ ಹೇಳಿದರೆ 100/- ಕಾದಂಬರಿಯ ಬಗ್ಗೆ ನಿಮ್ಮ ಅಭಿಪ್ರಾಯಕ್ಕೆ 100/-, ಅಲ್ಲದೇ ನಾನು ಕೇಳಿದ ಪ್ರಶ್ನೆಯಲ್ಲಿ ಒಂದು ತಪ್ಪಿದೆ ಅದನ್ನು ಗುರುತಿಸಿ ಹೇಳಿದರೆ 100/- ಆದರೆ, ಇವನ್ನೆಲ್ಲಾ ಒಬ್ಬರೇ ಒಟ್ಟಿಗೇ ಹೇಳಬೇಕು.. ಮೊದಲು ಉತ್ತರ ಹೇಳಿದವರಿಗೆ ಮಾತ್ರ ಬಹುಮಾನ.. ಒಂದು ಪಾಯಿಂಟ್ ಮಿಸ್ ಆದರೂ ಬಹುಮಾನ ಇಲ್ಲ.. ಇವತ್ತಿನಿಂದ ಒಂದು ತಿಂಗಳವರೆಗೆ ಸಮಯ ಅಂದರೆ,

ಕ್ಲೂ:- ಇದು ನನ್ನ ಫೇವರಿಟ್ ಕಾದಂಬರಿ..ಸುಮಾರು 20 ಸಲ ಓದಿರಬಹುದು...

ಪ್ರಸಂಗ 01:-

"ಕರೆಕ್ಟ್, ಯಾರೋ ಬಂದು ಬಸ್ನಲ್ಲಿ ನೋಡಿದ. ಅದೇ ಕ್ಷಣವೇ ಪ್ರೇಮಿಸುತ್ತಿದ್ದೇನೆ ಎಂದು ಹೇಳಿದರೆ ಯಾವ ಹುಡುಗಿಗೂ ಸದಭಿಪ್ರಾಯವುಂಟಾಗುವುದು ಸಾಧ್ಯವಿಲ್ಲ..ಇನ್ನು ಎರಡನೆಯ ಮಾರ್ಗ ಈ ಪ್ರೇಮವನ್ನು ಮನದಲ್ಲಿ ಅಡಗಿಸಿಕೊಂಡು ಸಾಧಾರಣವಾಗಿ ಪರಿಚಯವನ್ನು ಬೆಳೆಸಿಕೊಂಡು, ಮನದ ಆಸೆಯನ್ನು ಮನಸ್ಸಿನಲ್ಲಿಯೇ ಅಡಗಿಸಿಕೊಂಡು ಪರಸ್ಪರ ಅರಿತಂತೆ ಕೆಲವು ಕಾಲ ಸ್ನೇಹ ಬೆಳೆಸಿ 'ನಾವು ಮದುವೆ ಮಾಡಿಕೊಳ್ಳೋಣ, ನೀನಿಲ್ಲದೇ ನಾನು ಬದುಕುವುದು ಸಾಧ್ಯವೇ ಇಲ್ಲವೆಂದು ಹೇಳಬೇಕು. ಅದೂ ಕೂಡ ಒಂದು ರೀತಿಯಲ್ಲಿ ಆತ್ಮವಂಚನೆ ತಾನೇ? ನಿಜವಾದ ಪ್ರೇಮವೆಂದರೆ ಇನ್ನೊಬ್ಬರ ದೌರ್ಬಲ್ಯಗಳನ್ನು ಮನಸಾ ಪ್ರೇಮಿಸಬೇಕು. ಇನ್ನೊಂದು ರೀತಿ ಹೇಳಬೇಕೆಂದರೆ ಒಮ್ಮೆ ಪ್ರೇಮ ಉಂಟಾದರೆ ನಂತರ ಬದುಕಿನುದ್ದಕ್ಕೂ ಅದೇ ಪ್ರೇಮದೊಂದಿಗೆ ಇರಬೇಕು, ಅಥವಾ ಸಾಯಬೇಕು. ಈ ಮಾತು ನಿಜವೋ ಸುಳ್ಳೋ ಎಂದು ತಿಳಿಯಲು ನನಗೆ ಇಷ್ಟು ವರ್ಷ ಬೇಕಾಯಿತು. ನೀವಿಲ್ಲದೇ ನಾನು ಬದುಕುವುದು ಸಾಧ್ಯವಿಲ್ಲ..

ಪ್ರಸಂಗ02:-
"ಈ ಪ್ರೇಮರಾಹಿತ್ಯವು ನನ್ನನ್ನು ಕೊಲ್ಲುತ್ತಿದೆ" ಅವಳು ಬಿಕ್ಕುತ್ತಾ ಹೇಳಿದಳು.
"ಪ್ರೇಮರಾಹಿತ್ಯವೆಂದರೆ ನಿನ್ನನ್ನು ಯಾರೂ ಪ್ರೇಮಿಸದೆ ಇರುವುದು ಅಥವಾ ನೀನೇ ಯಾರನ್ನೂ ಪ್ರೇಮಿಸದೆ ಇರುವುದೋ?"

"ನನ್ನನ್ನು ಯಾರೂ ಪ್ರೇಮಿಸುವುದಿಲ್ಲ. ಯಾರಾದರೂ ಪ್ರೇಮಿಸಿದರೆ ಅದು ಅವರ ಸ್ವಾರ್ಥಕ್ಕಾಗಿ ಮಾತ್ರವೇ ಪ್ರೇಮಿಸುತ್ತಾರೆ. ಆದ್ದರಿಂದ ನಾನು ಯಾರನ್ನೂ ಪ್ರೇಮಿಸಲಿಲ್ಲ."

"ನಾನು ಬರ್ತೇನೆ" ಎಂದ ಸಹಾನುಭೂತಿಯಿಂದ ಅವನು, ಆ ಸಹಾನುಭೂತಿ ತನ್ನ ಮೇಲೋ, ಅವಳ ಮೇಲೋ, ಅವನಿಗೆ ಗೊತ್ತಿರಲಿಲ್ಲ.

ತತ್ ಕ್ಷಣವೇ ಅವನ ಕೈ ಹಿಡಿದು "ಇಷ್ಟು ಬೇಗನೆ ಹೋಗುತ್ತೀಯಾ?" ಎಂದು ಕೇಳಿದಳು..

ಅವನು ನಕ್ಕು "ನನಗೂ ಇಲ್ಲಿಯೇ ಇರೋಣ ಎನಿಸುತ್ತಿದೆ. ಆದರೆ ಹಾಗೆ ಅನಿಸುವುದು ಸ್ವಾರ್ಥ, ನೀನೇ ಹೇಳಿದಂತೆ ಸ್ವಾರ್ಥದೊಂದಿಗೆ ಮಿಳಿತವಾಗಿರುವುದು ಹೇಗೆ ತಾನೆ ಪ್ರೇಮವಾಗಲು ಸಾಧ್ಯ?"

ಸೂಚನೆ:- ಇವತ್ತಿನಿಂದ ಒಂದು ತಿಂಗಳವರೆಗೆ ಸಮಯ ಅಂದರೆ, ದಿನಾಂಕ: 24-11-2010 ಸೋಮವಾರ ಅಂತಿಮ ದಿನ. ನಿಮ್ಮ ಉತ್ತರವನ್ನು shivagadag@gmail.com ಗೆ ಮಿಂಚಂಚೆ ಕಳಿಸಬಹುದು, ಬಜ್ ನಲ್ಲಿ ಅಥವಾ ಬ್ಲಾಗ್ www.shivagadag.blogspot.com ನಲ್ಲಿ ಕಮೆಂಟ್ ಮೂಲಕ ಉತ್ತರಿಸಬಹುದು.. ನಕಾರಾತ್ಮಕ ತಂತ್ರಗಳಿಗೆ ಅವಕಾಶವಿಲ್ಲ..

ಈ ಪ್ರಶ್ನೆ ಕೇಳಿದ ಉದ್ದೇಶವೆಂದರೆ, ಕಾದಂಬರಿಯನ್ನು ಓದಲು ಪ್ರೋತ್ಸಾಹಿಸುವುದು ಹಾಗೂ ನಿಮ್ಮ ಬುದ್ದಿಮತ್ತೆಯನ್ನು ಪರೀಕ್ಷೆ ಮಾಡುವುದು..

ಈ ಬಜ್ ನ್ನು ದಯವಿಟ್ಟು ರೀಶೇರ್ ಮಾಡಿ, ಓದುವುದನ್ನು ಪ್ರೋತ್ಸಾಹಿಸಿ..

-ಯಳವತ್ತಿ

ಶೀರ್ಷಿಕೆ ಕೊಡಲಾಗಲಿಲ್ಲ..

2010-10-17T10:05:00.025+05:30

ಈ ಲೇಖನಕ್ಕೆ ಶೀರ್ಷಿಕೆ ಯಾಕೆ ಕೊಡಬೇಕು ಅಂತಾ ನನಗೆ ಗೊತ್ತಾಗಲಿಲ್ಲ.

ಅವಾಗ ನನಗೆ 12-13 ವರ್ಷ ವಯಸ್ಸು. ನಮ್ಮ ಮನೆಯ ಪಕ್ಕದಲ್ಲೇ ಒಂದು ಮಣ್ಣಿನ ಮನೆಯಿತ್ತು. ತುಂಬಾ ಉದ್ದವಾದ ಮಣ್ಣಿನ ಮನೆ. ಆ ಮನೆಯ ಅರ್ಧ ಭಾಗ ಬಿದ್ದಿತ್ತು. ಇನ್ನರ್ಧ ಭಾಗದಲ್ಲಿ ಯಾರೂ ವಾಸ ಮಾಡದೇ ಖಾಲಿ ಉಳಿದುಕೊಂಡಿತ್ತು. ಆ ಮನೆಗೆ ಯಾವಾಗಲೂ ನಮ್ ದೇವಸ್ಥಾನದ ಪೂಜಾರಪ್ಪ ಬೀಗ ಜಡಿದಿರುತ್ತಿದ್ದರಿಂದ, ನಮಗ್ಯಾವುದೂ ಇದರ ಬಗ್ಗೆ ಒಂಚೂರು ಸಹ ಇಂಟರೆಸ್ಟ್ ಇರಲಿಲ್ಲ. ಆ ಮನೆಯಲ್ಲಿ ಹಿಂದೆ ವಾಸ ಇದ್ದವರೊಬ್ಬರಿಗೆ ಮಳೆ ಬಂದಾಗ ಕರೆಂಟಿನಿಂದ ಗ್ರೌಂಡ್ ಆಗಿ ಶಾಕ್ ಹೊಡೆಸಿಕೊಂಡು ಅಸ್ವಸ್ಥರಾಗಿದ್ದಕ್ಕೆ ಅವರನ್ನು ಕರೆದುಕೊಂಡು ಹೋಗಲು ಆಂಬುಲೆನ್ಸ್ ಬಂದಿತ್ತು. ಆಗಿನ ಸಮಯದಲ್ಲಿ ಯಾರನ್ನಾದರೂ ಕರೆದುಕೊಂಡು ಹೋಗಲು ಆಂಬುಲೆನ್ಸ್ ಬಂದಿತ್ತೆಂದರೆ, ಅದು ಬಹು!! ದೊಡ್ಡ ?? ಸಂಗತಿ.

ಆಮೇಲೆ ಅವರು ಮನೆ ಖಾಲಿ ಮಾಡಿಕೊಂಡು ಹೊರಟು ಹೋಗಿದ್ದರು. ಆ ಮನೆ ದೇವಸ್ಥಾನಕ್ಕೆ ಸೇರಿದ್ದರಿಂದ ಅದರ ಬಾಡಿಗೆ ದೇವಸ್ಥಾನದ ಕಮಿಟಿಗೆ ಹೋಗುತ್ತಿತ್ತು. ಆ ಮನೆಯ ಅಭಿವೃದ್ಧಿಗೆ ಅವರ್ಯಾರೂ ಗಮನ ಕೊಟ್ಟಿರಲಿಲ್ಲ. ಮೊದಲೇ ಮಣ್ಣಿನ ಮನೆ, ಅರ್ಧ ಬಿದ್ದಿರೋದು, ಇನ್ನೂ ಸ್ವಲ್ಪ ದಿನದಲ್ಲಿ ಬಿದ್ದು ಹೋಗುತ್ತೆ ಅಂತ ಸುಮ್ಮನಾಗಿದ್ದರು ಅನ್ಸುತ್ತೆ.

ಆದರೆ, ಒಂದು ದಿನ ಆ ಮನೆಗೆ ಅದೆಲ್ಲಿಂದಲೂ ಒಬ್ಬಳು ಸುಮಾರು 48-50 ವರ್ಷದ ಹೆಂಗಸು ಬಂದು ಸೇರಿಕೊಂಡಳು. ಅವತ್ತು ನಾನು ಮಧ್ಯಾನ್ಹ ಊಟಕ್ಕೆ ಸ್ಕೂಲಿಂದ ಬಂದಾಗ, ಆ ಹೆಂಗಸು ಅಮ್ಮನ ಹತ್ತಿರ ಏನೋ ಮಾತಾಡುತ್ತಿದ್ದಳು. ಆಕೆ ಅಮ್ಮನ ಬಳಿ ಮನೆಕೆಲಸ ಕೇಳಿಕೊಂಡು ಬಂದಿದ್ದಳು. ನಮ್ಮ ಅಪ್ಪ ಕೆಲಸಕ್ಕೆ ಹೆಂಗಸನ್ನು ಇಟ್ಟುಕೊಳ್ಳಲು ಒಪ್ಪುತ್ತಿರಲಿಲ್ಲ. ಆದರೆ, ಆಕೆಯ ಕಷ್ಟಗಳನ್ನು ಅಮ್ಮನ ಬಳಿ ಏನು ಹೇಳಿಕೊಂಡಿದ್ದಳೋ? ಅಮ್ಮ ಅದಕ್ಕೆ ಕರಗಿ, ತಿಂಗಳಿಗೆ ಅರವತ್ತು ರೂಪಾಯಿಯ ಹಾಗೆ, ಎರಡು ದಿನಕ್ಕೊಮ್ಮೆ ನಮ್ಮ ಮನೆ ಬಟ್ಟೆ ಒಗೆಯುವ ಕೆಲಸಕ್ಕೆ ನೇಮಿಸಿಕೊಂಡಳು.

ಆಕೆ ಎರಡು ದಿನಕ್ಕೊಮ್ಮೆ ನಮ್ಮ ಮನೆಯ ಬಟ್ಟೆ ಒಗೆಯಲು ಬರುತ್ತಿದ್ದಳು. ನೋಡಲು ತುಂಬಾ ಉದ್ದವಾಗಿದ್ದಳು, ಮೈಯಲ್ಲಿ ರಕ್ತವಿಲ್ಲದಿದ್ದರೂ, ಕಣ್ಣಲ್ಲಿ ಜೀವಕಳೆ ಕಾಣುತ್ತಿತ್ತು. ನಮ್ಮ ಮನೆಯಲ್ಲದೇ, ಅಕ್ಕ ಪಕ್ಕದ ಮನೆಯಲ್ಲೂ ಸಹ ಒಂದೊಂದು ಕೆಲಸ ಗಿಟ್ಟಿಸಿಕೊಂಡಿದ್ದಳು. ದಿನಾ ಬೆಳಿಗ್ಗೆ ನಮಗಿಂತ ಮೊದಲೇ ಎದ್ದಿರುತ್ತಿದ್ದಳು. 6 ಗಂಟೆಗೆ ನಾವು ಟ್ಯೂಷನ್ ಗೆ ಹೋಗುವ ಮೊದಲೇ ದೇವಸ್ಥಾನದ ಕಸ ಗುಡಿಸಿ, ಸಾರಿಸಿ, ರಂಗೋಲೆ ಇಡುತ್ತಿರುತ್ತಿದ್ದಳು. ಆಕೆ ರಂಗೋಲಿ ಇಡುವುದನ್ನು ನಾವು ನಿಂತು ನೋಡುತ್ತಿದ್ದರೆ, ಆಕೆ ನಮ್ಮನ್ನು ನೋಡಿ ಒಂದು ಮುಗುಳ್ನಗೆ ಬೀರಿ ಸುಮ್ಮನಾಗುತ್ತಿದ್ದಳು. ದಿನಾಲು ಒಂದೊಂದು ಥರಾ ರಂಗೋಲಿ ಇಟ್ಟು ತನ್ನ ಕೌಶಲ್ಯವನ್ನು ತೋರಿಸುತ್ತಿದ್ದರೆ, ದೇವಸ್ಥಾನಕ್ಕೆ ಬರುತ್ತಿದ್ದ ಹೆಂಗಳೆಯರು, ಪ್ರತಿ ದಿನ ರಂಗೋಲಿಯನ್ನು ನೋಡುತ್ತಾ, ಇಷ್ಟರಿಂದ ಇಷ್ಟು ಚುಕ್ಕೆಗಳು ಅಂತಾ ಮನದಲ್ಲಿ ಲೆಕ್ಕ ಹಾಕಿಕೊಂಡು, ಮರುದಿನ ತಮ್ಮ ಮನೆಯ ಮುಂದೆ ಅಂಥದ್ದೇ ರಂಗೋಲಿಯನ್ನು ಇಡಲು ಪ್ರಯತ್ನಿಸಿ, ಒಮ್ಮೊಮ್ಮೆ ಅದು ಸರಿ ಬರದೇ, ಒಂದು ಹೋಗಿ ಇನ್ನೊಂದು ಆಗಿ ಬಿಡುತ್ತಿತ್ತು. ತನ್ನನ್ನು ಅನುಕರಣೆ ಮಾಡುತ್ತಿದ್ದಾರೆಂದು ತಿಳಿದಿದ್ದರೂ ಆಕೆ ಯಾವುದೇ ಗರ್ವ ತೋರುತ್ತಿರಲಿಲ್ಲ. ಹಬ್ಬಗಳು ಬಂದಾಗಲಂತೂ ದೊಡ್ಡದಾದ, ಸುಂದರವಾದ ರಂಗೋಲಿ ಇಟ್ಟಳೆಂದರೆ, ಹಾದಿ-ಬೀದೀಲಿ ಹೋಗುವವರೆಲ್ಲರೂ ಅದರ ಕಡೆಗೆ ದೃಷ್ಟಿ ನೆಟ್ಟಿರುತ್ತಿದ್ದಳು. ಇಷ್ಟೊಂದು ರೀತಿ ರಂಗೋಲಿಯನ್ನು ಇಡೋದನ್ನು ಎಲ್ಲಿಂದ ಕಲಿತೆ ಅಂತಾ ಹೆಂಗಳೆಯರೆಲ್ಲರೂ ಸಂಜೆ ಹೊತ್ತು ಸೇರಿದಾಗ ಕೇಳಿದರೆ, ಒಂದು ನಗು ಬೀರಿ ಸುಮ್ಮನಾಗುತ್ತಿದ್ದಳು.

ಪ್ರತಿ ದಿನ ನಮ್ಮಮ್ಮ ಹೆಚ್ಚಾಗಿ ಉಳಿಯುತ್ತಿದ್ದ ಅಡಿಗೆ, ಹಣ್ಣು-ಹಂಪಲು, ಕೊಡುತ್ತಿದ್ದಳು. ಅವಳೆಂದೂ ತನಗೆ ಕೊಟ್ಟದ್ದನ್ನು ಆಕೆ ಯಾವತ್ತೂ ಅಲ್ಲಿಯೇ ತಿನ್ನುತ್ತಿರಲಿಲ್ಲ. ಅದನ್ನೆಲ್ಲಾ ತಾನಿದ್ದ ಮಣ್ಣಿನ ಮನೆಯಲ್ಲಿ ತೆಗೆದುಕೊಂಡು ಹೋಗುತ್ತಿದ್ದಳು. ಅವಳಿಗೆ ಮಕ್ಕಳೆಂದರೆ ಏನೋ ಪ್ರೀತಿ, ಸಾಯಂಕಾಲದ ಹೊತ್ತು ಎಲ್ಲ ಮಕ್ಕಳೆಲ್ಲರೂ ಆಡುತ್ತಿರುವಾಗ, ನಮ್ಮನ್ನೆಲ್ಲಾ ಕರೆದು ಪೆಪ್ಪರಮೆಂಟು ಕೊಡುತ್ತಿದ್ದಳು. ಮೊದ ಮೊದಲು ಆಕೆಯ ಹತ್ತಿರ ಹೋಗಲು ಹೆದರುತ್ತಿದ್ದರೂ ಸಹ ಆಮೇಲೆ ಆಕೆಯನ್ನು ಕಂಡರೆ ಮಕ್ಕಳೆಲ್ಲರಿಗೂ ಇಷ್ಟವಾಗಿತ್ತು. ಅದಕ್ಕೆ ಅವಳು ಕೊಡುತ್ತಿದ್ದ ಕುರುಕಲು ತಿಂಡಿಗಳ ಆಮಿಷವೂ ಇರಬಹುದು. ಒಮ್ಮೊಮ್ಮೆ, ನಮಗೆ ಚಕ್ಕಲಿ-ಕೋಡುಬಳೆ, ಇತ್ಯಾದಿ ಇತ್ಯಾದಿಗಳ ನೈವೇದ್ಯವೂ ಸಹ ಆಗುತ್ತಿತ್ತು.

ಮಕ್ಕಳಿಗೆಲ್ಲರಿಗೂ ಆಪ್ತಳಾಗಿದ್ದಳು. ಮಕ್ಕಳೆಲ್ಲರೂ ಆಕೆಯ ಮನೆ ಮುಂದೆ ಆಡುತ್ತಿದ್ದುದನ್ನು ನೋಡಿ ಸಂತೋಷಪಡುತ್ತಿದ್ದಳು. ಯಾವುದೇ ದೂರು ಇಲ್ಲದೇ, ಪ್ರತಿ ದಿನ ಒಪ್ಪಿಕೊಂಡ ಮನೆಗಳಿಗೆ ಹೋಗಿ, ತನ್ನ ಕೆಲಸಗಳನ್ನು ಚಾಚೂ ತಪ್ಪದೇ ಮುಗಿಸುತ್ತಿದ್ದಳು. ಅದಕ್ಕೇ ಅನ್ಸುತ್ತೆ, ನಮ್ಮ ಮನೆಯ ಬೀದಿಯ ಹೆಂಗಸರಿಗೆ ಆಕೆಯ ಮೇಲೆ ಏನೋ ಒಂಥರಾ ಹೇಳಿಕೊಳ್ಳಲಾಗದ ಪ್ರೀತಿ. ಆಕೆಗೆ ದಣಿವೆಂಬುದು ಇತ್ತೋ ಇಲ್ವೋ? ಕೆಲಸ ಮುಗಿದ ಮೇಲೆ, ಇನ್ನೇನಾದರೂ ಇದೆಯಾ? ಇದ್ರೆ ಕೊಡಿ ಅಂತಾ ಕೇಳುತ್ತಿದ್ದಳು. ಬಹುಶಃ ಆಕೆ ರೈತನಿಗೆ ಹುಟ್ಟಿದ ಮಗಳೇ ಆಗಿರಬೇಕು (ಈಗಿನವರು ಅಲ್ಲ ಬಿಡಿ). ಕೇರಿಯ ಹೆಂಗಸರೆಲ್ಲರೂ ಸೇರಿಕೊಂಡು ಹರಟೆ ಹೊಡೆಯುವ ಸಮಯದಲ್ಲಿ ಆಕೆಯ ಬಗ್ಗೆ ವಿಷಯ ಬಂದಾಗ, ಚನ್ನಾಗಿ ಕೆಲಸ ಮಾಡುತ್ತಾಳೆ ಅನ್ನೋ ಕಾಂಪ್ಲಿಮೆಂಟ್ಸ್ ಗಳ ಜೊತೆಗೆ ಆಕೆ ಕಷ್ಟದಿಂದ ಬಂದ ಬಡವರ ಮಗಳೆಂದೂ, ಗಂಡ ಯಾವ ಕಾಲದಲ್ಲೋ ಸತ್ತು ಹೋಗಿದ್ದು, ಮಗ ವಿಪ್ರೋದಲ್ಲಿ ಪ್ರತಿ ತಿಂಗಳು ಲಕ್ಷಾಂತರ ದುಡಿಯುವ ಟೆಕ್ಕಿಯೆಂದೂ, ಲವ್ ಮ್ಯಾರೇಜ್ ಮಾಡಿಕೊಂಡನೆಂದೂ, ಸೊಸೆ ಬಂದ ಮೇಲೆ ಮಗ ಬದಲಾದನೆಂದೂ ಮಾತನಾಡಿಕೊಳ್ಳುತ್ತಿದ್ದರು. ಮಗನೇ ಆಕೆಯನ್ನು ಮನೆ ಬಿಟ್ಟು ಓಡಿಸಿದನೆಂದು ಗಾಸಿಪ್ ಮಾಡುತ್ತಿದ್ದರು. ಅಷ್ಟು ಶ್ರೀಮಂತರಾದರೂ ಈಕೆ ಇಲ್ಲಿಗೆ ಬಂದು ಒಬ್ಬಳ್ಯಾಕೆ ಇದ್ದಾಳೆ ಅನ್ನೋ ಪ್ರಶ್ನೆ ಕಾಡುತ್ತಿತ್ತು.

ಆದರೆ, ಅವತ್ತೊಂದಿನ ದೇವಸ್ಥಾನದ ಪೂಜಾರಪ್ಪ ದಿನಂಪ್ರತಿ ಆಕೆ ದೇವಸ್ಥಾನದ ಕಸ ಗುಡಿಸಿ, ಸಾರಿಸಿ, ರಂಗೋಲಿ ಇಡುವುದನ್ನು ಬೇಡವೆಂದಿದ್ದ. ಯಾಕೆ ಪೂಜಾರಪ್ಪ? ನಾನೇನು ಸರಿಯಾಗಿ ಕೆಲಸ ಮಾಡುತ್ತಿಲ್ಲವಾ? ಎಂದು ಕೇಳಿದ್ದಳು.. ಜಾತಿ ಗೀತಿ ಗೊತ್ತಿಲ್ಲದ ಈಕೆ ದೇವಸ್ಥಾನಕ್ಕೆ ದಿನಂಪ್ರತಿ ಕೆಲಸ ಮಾಡುವುದನ್ನು ಹಿಂದಿನ ದಿನದ ಕಮಿಟಿ ಮೀಟಿಂಗಿನಲ್ಲಿ ಕೆಲವರು ವಿರೋಧಿಸಿದ್ದರಂತೆ, ಆಕೆಗೆ ಕೊಟ್ಟಿದ್ದ ಮನೆಯನ್ನು ಒಂದು ವಾರದೊಳಗಾಗಿ ಖಾಲಿ ಮಾಡಿಸಬೇಕೆಂದು ತೀರ್ಮಾನಿಸಿದ್ದರಂತೆ, ಪೂಜಾರಪ್ಪನೂ ಸಹ ಇವಳ ಕಡೆಗೆ ವಾದ ಮಾಡಿದಾಗ, ಆತನನ್ನೇ ಬದಲಾಯಿಸಲು ಕಮಿಟಿ ಮುಂದಾದಾಗ ಆತ ಸುಮ್ಮನಿರಬೇಕಾಯಿತಂತೆ..

ಇಷ್ಟು ಹೇಳಿದ ನಂತರ ಪೂಜಾರಪ್ಪ ಹೆಚ್ಚೇನು ಮಾತನಾಡದೆ ಹೊರಟುಹೋಗಿದ್ದ. ಅವತ್ತು ಆಕೆ ದೇವಸ್ಥಾನದ ಮುಂದೆ ಇಡುತ್ತಿದ್ದ ರಂಗೋಲಿ ಅರ್ಧಕ್ಕೆ ನಿಂತುಹೋಗಿತ್ತು.. ಅವತ್ತಿನ ದಿನ ಆಕೆ ಸಪ್ಪೆ ಮೊರೆ ಹಾಕಿಕೊಂಡು ಕೆಲಸಕ್ಕೆ ಬಂದಾಗ, ಎಲ್ಲವನ್ನೂ ತಾನು ಕೆಲಸ ಮಾಡುತ್ತಿದ್ದ ಮನೆಯ ಒಡತಿಯರೊಂದಿಗೆ ಹಂಚಿಕೊಂಡಿದ್ದಳು. ಅವರೆಲ್ಲರೂ ಅಯ್ಯೋ ಪಾಪ ಎಂದು ಅನುಕಂಪ ತೋರಿಸಲಾಯ್ತೇ ಹೊರತು ಮತ್ತೇನೂ ಮಾಡಲು ಸಾಧ್ಯವಾಗಲಿಲ್ಲ..

ಮಾರನೇ ದಿನ ಆಕೆ ಕೆಲಸಕ್ಕೆ ಬರಲಿಲ್ಲ. ದೇವಸ್ಥಾನದ ಅಂಗಳವೂ ಸ್ವಚ್ಛವಾಗದೇ, ರಂಗೋಲಿಯಿಲ್ಲದೇ ಮುಖ ತೊಳೆಯದ ನನ್ನ ಮುಖದಂತಿತ್ತು. ಮಾರನೇ ದಿನ ಆಕೆ ಕೆಲಸಕ್ಕೆ ಬರದಾಗ, ಆಕೆ ಮನೆ ಬಿಟ್ಟು ಹೋಗಿರಬಹುದೇನೋ ಎಂಬ ಪ್ರಶ್ನೆಯನ್ನು ನಮ್ಮ ಬೀದಿಯ ಹೆಂಗಳೆಯರು ಮನಸ್ಸಿನಲ್ಲಿ ಹೊತ್ತುಕೊಂಡು ಚಡಪಡಿಸುತ್ತಿದ್ದರು. ನಮ್ಮಮ್ಮ ಆಕೆಯಿದ್ದ ಮನೆಗೆ ಬೀಗ ಹಾಕಿದೆಯೋ ಹೇಗೆ ಎಂದು ನೋಡಿಕೊಂಡು ಬರಲು ಹೇಳಿದಾಗ ಹೋಗಿ ನೋಡಿದರೆ, ಮನೆ ಒಳಗಿಂದ ಚಿಲಕ ಹಾಕಿತ್ತು. ಸಂಜೆಯಾದರೂ ಆ ಮನೆಯ ಬಾಗಿಲು ತೆರೆಯದೇ ಇದ್ದಾಗ, ದೇವಸ್ಥಾನದ ಪೂಜಾರಪ್ಪ ಆಕೆಯ ಮನೆ ಬಾಗಿಲು ಬಂದು ನಿಂತು ಬಾಗಿಲು ಬಡಿದ. ಕೇರಿಯ ಹುಡುಗರೆಲ್ಲರೂ ಪೂಜಾರಪ್ಪನ ಸುತ್ತ ನಿಂತುಕೊಂಡು, ಆಕೆ ಬಾಗಿಲು ತೆಗೆಯುವುದನ್ನು ನೋಡುತ್ತಿದ್ದರು. ಆಕೆ ಬಾಗಿಲು ತೆಗೆಯಲೇ ಇಲ್ಲ. ಪೂಜಾರಪ್ಪ ಬಾಗಿಲು ಮುಂದೂಡಿದಾಗ, ಬಾಗಿಲು ತೆರೆದುಕೊಂಡಿತು. ಆಕೆ ಹಾಸಿಗೆ ಮೇಲೆ ಮಲಗಿಕೊಂಡಿದ್ದಳು. ಖೊರ ಖೊರ ಕೆಮ್ಮುತ್ತಿದ್ದುದು ಆಕೆಗೆ ಹುಶಾರು ಇಲ್ಲದೇ ಇದ್ದುದಕ್ಕೆ ಸಾಕ್ಷಿಯಾಗಿತ್ತು. ಸುಸ್ತಾದಂತೆ ಕಾಣುತ್ತಿದ್ದಳು. ಪೂಜಾರಪ್ಪ ಆಕೆಯೊಂದಿಗೆ ಏನೋ ಮಾತಾಡಿ ಮತ್ತೆ ಬಾಗಿಲು ಮುಂದು ಮಾಡಿಕೊಂಡು ಬಂದ. ನಮಗೇನೂ ಅರ್ಥವಾಗಲಿಲ್ಲ. ಸ್ವಲ್ಪ ಹೊತ್ತಿನ ನಂತರ ಪೂಜಾರಪ್ಪ ಮೆಡಿಕಲ್ ಶಾಪ್ ನಿಂದ ಯಾವುದೋ ಮಾತ್ರೆಗಳನ್ನು ತಂದುಕೊಟ್ಟಿದ್ದ.

ಮಾರನೇ ದಿನದ ಮಧ್ಯಾನ್ಹದ ಹೊತ್ತಿನಲ್ಲಿ ಆಕೆ ನಮ್ಮ ಮನೆ ಕೆಲಸಕ್ಕೆ ಬಂದಿದ್ದಳು. ಲವಲವಿಕೆಯಿಂದ ಓಡಾಡುತ್ತಿದ್ದಳು. ನಗುನಗುತ್ತಾ ಕೆಲಸ ಮಾಡುತ್ತಿದ್ದಳು. ಅವತ್ತೇ ಆಕೆ ಅಷ್ಟೊಂದು ನಗು ನಗುತ್ತಾ ಕೆಲಸ ಮಾಡುತ್ತಾ ಲವಲವಿಕೆಯಿಂದ ಇದ್ದುದು. ಇಷ್ಟು ದಿನ ನಮ್ಮಲ್ಲಿ ಕೆಲಸ ಮಾಡುತ್ತಿದ್ದವಳು ಈಕೇನಾ ಅನ್ನಿಸುತ್ತಿತ್ತು. ಅವಳ ನಾಲ್ಕಾಣೆ ಬಿಲ್ಲೆ ಕುಂಕುಮ, ಕರಿಮಣಿ ಸರ ಅದಕ್ಕೆ ಚಿನ್ನದ ಮಾಂಗಲ್ಯ ಅವತ್ತು ಯಾಕೋ ಏನೋ ಪ್ರಕಾಶಿಸುತ್ತಿತ್ತು.

ಸಂಜೆ ಹೊತ್ತು ಮಕ್ಕಳೆಲ್ಲರಿಗೂ ಕರೆದು ಎಲ್ಲರಿಗೂ ಕೈತುಂಬಾ ತಿಂಡಿಗಳನ್ನು ಕೊಟ್ಟಿದ್ದಳು. ಎಲ್ಲರಿಗೂ ಅವತ್ತು ಹಬ್ಬ. ಅವತ್ತು ಬಹಳ ಹೊತ್ತು ದೇವಸ್ಥಾನದ ಮುಂದೆ ಇದ್ದ ಅರಳಿ ಕಟ್ಟೆಯ ಮೇಲೆ ಕೂತುಕೊಂಡು ಮಕ್ಕಳ ಆಟವನ್ನು ನೋಡುತ್ತಿದ್ದಳು. ಬಹಳ ಹೊತ್ತು ಅಲ್ಲಿಯೇ ಕುಳಿತುಕೊಂಡಿದ್ದಳು. ರಾತ್ರಿ 9.00 ಕ್ಕೆ ನಾನು ಅಂಗಡಿಗೆ ಹೋಗಿ ಬರುವಾಗ ಆಕೆ ಅಲ್ಲೇ ಕುಳಿತುಕೊಂಡಿದ್ದಳು. ಅವಳನ್ನು ನೋಡಿ, ಮುಗುಳ್ನಗೆ ಬೀರಿದೆ. ಪ್ರತಿಯಾಗಿ ಅವಳೂ ಮುಗುಳ್ನಗೆ ಬೀರಿದಳು.

ಅವತ್ತು ರಾತ್ರಿಯೆಲ್ಲಾ ಅರಳಿ ಕಟ್ಟೆಯ ಮೇಲೆ ಕುಳಿತುಕೊಂಡಿದ್ದಳು ಅನ್ಸುತ್ತೆ. ಬೆಳಿಗ್ಗೆ ಎಂದಿನಂತೆ 6ಕ್ಕೆ ಟ್ಯೂಶನ್ ಗೆ ಹೋಗುವಾಗ ಆಕೆ ಇನ್ನೂ ಅರಳಿಕಟ್ಟೆ ಮೇಲೆ ಮಲಗಿಕೊಂಡಿದ್ದಳು. ಅವತ್ತು ಭಾನುವಾರ. ಸುಮಾರು 10 ಗಂಟೆಗೆ ಕೇರಿಯ ಹುಡುಗರೆಲ್ಲರೂ ಆಕೆಯ ಕಡೆಗೆ ಹೋದಾಗ, ಪೂಜಾರಪ್ಪ ಅಲ್ಲೇ ನಿಂತಿದ್ದ. ಆಕೆಯು ಏಳದೇ ಇನ್ನೂ ಮಲಗಿಕೊಂಡಿದ್ದಳು. ಅವಳನ್ನು ಮುಟ್ಟಬೇಡಿ ಅಂತಾ ಪೂಜಾರಪ್ಪ ಹೇಳಿದ. ಯಾಕೆ ಅಂತಾ ಗೊತ್ತಾಗಲಿಲ್ಲ. ಆತ ನಮ್ಮನ್ನು ಅಲ್ಲಿಂದ ಓಡಿಸಿಬಿಟ್ಟ. ಮಧ್ಯಾನ್ಹದ ಹೊತ್ತಲ್ಲಿ ಬೀದಿಯ ಹೆಂಗಳೆಯರೆಲ್ಲರೂ ಸೇರಿ ಮಾತನಾಡುತ್ತಿದ್ದರು. ಅವರ ಮಾತಿನಿಂದ ತಿಳಿಯುತ್ತಿತ್ತು.. ಆ ಹೆಂಗಸು ರಾತ್ರಿ ಮಲಗಿದ್ದಾಗ, ಅಲ್ಲಿಯೇ ಸತ್ತು ಹೋಗಿದ್ದಳು. ಆಕೆಗೆ ಹುಶಾರಿಲ್ಲದಾಗ, ಪೂಜಾರಪ್ಪ ಆಕೆಯ ಮಗನಿಗೆ ಫೋನ್ ಮಾಡಿ ವಿಷಯ ತಿಳಿಸಿದನಂತೆ, ಆಕೆಯ ಮಗ, ಅವಳು ಒಂದು ವರ್ಷದ ಹಿಂದೆಯೇ ನನ್ನ ಪಾಲಿಗೆ ಸತ್ತು ಹೋಗಿದ್ದಾಳೆ ಅಂದಿದ್ದನಂತೆ.. ಅದಕ್ಕೆ ಅವಳು ಮನಸ್ಸಿಗೆ ತುಂಬಾನೇ ನೋವು ಮಾಡಿಕೊಂಡಿದ್ದಳಂತೆ...ತಾನೇನಾದರೂ ಸತ್ತು ಹೋದರೆ, ಅವನಿಗೆ ಹೇಳಬೇಡಿ ಅಂದಳಂತೆ. ಪಾಪ, ತಾಯಿ ಮನಸ್ಸು ಎಷ್ಟುಂದು ಸಂಕಟಪಟ್ಟಿತ್ತೋ ಈ ಮಾತನ್ನು ಹೇಳಲು..

ಆಕೆ ಸತ್ತ ವಿಷಯ ಒಬ್ಬರಿಂದ ಇನ್ನೊಬ್ಬರಿಗೆ ಹರಡಿ, ಕೇರಿಯ ಹುಡುಗರೆಲ್ಲಾ ಆಕೆಯ ಹೆಣದ?? ಸುತ್ತ ನೆರೆದೆವು. ಆಗ ಮತ್ತೆ ಎಂಟ್ರಿ ಕೊಟ್ಟ ಪೂಜಾರಪ್ಪ ನಮ್ಮನ್ನೆಲ್ಲಾ ದೂರ ಸರಿಸಿದ. ಆಕೆಯ ಸುತ್ತಲೂ ತನ್ನ ಕೈನ ಪ್ಲಾಸ್ಟಿಕ್ ಕವರ್ ನಲ್ಲಿ ತಗೊಂಡು ಬಂದಿದ್ದ ಬಿಳಿ ಪುಡಿಯನ್ನು ರಂಗೋಲಿ ಇಟ್ಟ ಹಾಗೆ ಇಟ್ಟ. ಇದ್ಯಾಕೆ ಪೂಜಾರಪ್ಪ ಅಂತಾ ಕೇಳಿದಾಗ, ಆಕೆಗೆ ಇರುವೆ ಮುತ್ತುತ್ತಿರುವುದನ್ನು ತೋರಿಸಿದ. ಅದನ್ನು ಮನೆಗೆ ಬಂದು ಅಮ್ಮನ ಎದುರು ಬಂದು ಹೇಳಿದಾಗ ಆಕೆ ಮತ್ತೆ ನೀನು ಅಲ್ಲಿಗೆ ಹೋಗಬೇಡವೆಂದು ತಾಕೀತು ಮಾಡಿದಳು. ನಮ್ಮ ದುಗುಡ ಆಕೆಗೆ ಅರ್ಥವಾಗಲಿಲ್ಲ. ನಮ್ಮ ಬೀದಿಯ ಹೆಂಗಸರ್ಯಾರೂ ಈ ಬಗ್ಗೆ ತಲೆ ಕೆಡಿಸಿಕೊಳ್ಳಲಿಲ್ಲ. ಆದರೂ ಅವರ ಮುಖದಲ್ಲಿ ಅವರ ಮನಸ್ಸಿನಲ್ಲಿ ಹೇಳಿಕೊಳ್ಳಲಾಗದ ಯಾವುದೋ ಚಡಪಡಿಕೆ, ಒದ್ದಾಟ ಕಾಣುತ್ತಿತ್ತು.

ಸಂಜೆ ಐದಾಗುತ್ತಿತ್ತು. ಆಕೆಯ ಸುತ್ತ ಪೂಜಾರಪ್ಪ ಹಾಕಿದ್ದ ಬಿಳಿ ಬಣ್ಣದ ಪೌಡರಿನ ಲಕ್ಷ್ಮಣ ರೇಖೆಯನ್ನು ದಾಟಿ, ಇರುವೆಗಳು ಆಕೆಯನ್ನು ಮುತ್ತಿಕೊಳ್ಳುತ್ತಿದ್ದವು. ಪೂಜಾರಪ್ಪ ಪೊರಕೆ ಹಿಡಿದು, ಇರುವೆಗಳನ್ನೆಲ್ಲಾ ಕಸ ಗುಡಿಸಿ, ದೂರ ಸರಿಸಿದ. ಒಂದೆರಡು ಕ್ಷಣಗಳಲ್ಲಿ ಅರಳೀ ಕಟ್ಟೆಯ ಮುಂದೆ ಮುನ್ಸಿಪಾಲ್ಟಿಯ ಟ್ರ್ಯಾಕ್ಟರ್ ಬಂದು ನಿಂತಿತ್ತು, ಅದರಲ್ಲಿದ್ದ ಇಬ್ಬರು ಖಾಕಿಧಾರಿ ಮುದುಕರಿಬ್ಬರೂ ಅಲ್ಲಿಯೇ ನಿಂತಿದ್ದ ಪೂಜಾರಪ್ಪನ ಹತ್ತಿರ ಒಂದಿಷ್ಟು ವ್ಯಾಪಾರ ಕುದುರಿದ ಮೇಲೆ, ಒಂದೆರಡು ಕ್ಷಣ ಇಬ್ಬರೂ ಬೀಡಿ ಸೇದುತ್ತಾ ಅದು ಇದು ಮಾತಾಡಿಕೊಂಡರು, ಪೂಜಾರಪ್ಪ ಮನೆಗೆ ಹೋಗಿ ಬಂದು, ಒಂದಿಷ್ಟು ದುಡ್ಡನ್ನು ಕೊಟ್ಟ ಮೇಲೆ, ಒಂಥರಾ ವಿಚಿತ್ರ ನಗುವಿನೊಂದಿಗೆ ಕಿಸೆಗಿಳಿಸಿಕೊಂಡು, ಅರ್ಧ ಸೇದಿದ್ದ ಬೀಡಿಯನ್ನು ಹೊಸಕಿ ಹಾಕಿ, ಆಕೆಯ ಹೆಣವನ್ನು ಇಬ್ಬರೂ ಸೇರಿ ಎತ್ತಿ ಮುನಿಸಿಪಾಲ್ಟಿ ಟ್ರ್ಯಾಕ್ಟರ್ ಗೆ ತುಂಬಿದ್ದರು. ಅರ್ಧ ಕಸ ತುಂಬಿದ್ದ ಟ್ರ್ಯಾಕ್ಟರ್ ನ ಒಂದು ಮೂಲೆಯಲ್ಲಿ ಆಕೆಯ ಹೆಣವನ್ನು ಮಲಗಿಸಿ, ಗೋಣೀಚೀಲ ಹೊದ್ದಿಸಿದರು. ಒಂದೆರಡು ಕ್ಷಣಗಳಲ್ಲಿ ಟ್ರ್ಯಾಕ್ಟರ್ ಜಾಗ ಖಾಲಿ ಮಾಡಿತ್ತು. ಅವತ್ತೆಲ್ಲಾ ಏನೋ ಒಂಥರಾ ಭಾವ ಮನೆ ಮಾಡಿತ್ತು. ಯಾಕೋ ಏನೋ ಯಾರಿಗೂ ಆಟ ಆಡಲು ಮನಸ್ಸಾಗಲಿಲ್ಲ..

ಅವತ್ತು ರಾತ್ರಿ ಜೋರಾಗಿ ಮಳೆ ಬಂದಿತ್ತು. ಯಾಕೆ ಅಂತಾ ಗೊತ್ತಾಗಲಿಲ್ಲ.. ಬೆಳಿಗ್ಗೆಯಾಗುವಷ್ಟರಲ್ಲಿ ಆಕೆಯಿದ್ದ ಮನೆ ಕೂಡಾ ಬಿದ್ದು ಹೋಗಿತ್ತು.. ಅದೂ ಸಹ ಯಾಕೆ ಅಂತಾ ಗೊತ್ತಾಗಲಿಲ್ಲ.

(ಕಲ್ಪನೆ..)

ಇಂತಿ,
ಯಳವತ್ತಿ

ನಮ್ಮಜ್ಜ

2010-09-27T15:14:00.002+05:30

ಸುಮ್ಕೆ ಹಿಂಗೇ ಟೈಂಪಾಸ್ತೆ... ಬ್ರೆಡ್ ಒಗ್ಗರಣೆ.. (ಬಜ್ ರಿಕವರಿ)

2010-09-17T21:13:00.004+05:30

Buzziಗರು ಈಗಾಗಲೇ ಇವುಗಳನ್ನು ನೋಡಿದ್ದಾರೆ.. ನೋಡದೇ ಇರೋರಿಗೆ ಈ ಸಾಲುಗಳು..

1) ಇರೋ ಗರ್ಲ್ ಫ್ರೆಂಡುಗಳಲ್ಲಿ ಒಬ್ಬಳನ್ನು ಸೆಲೆಕ್ಟ್ ಮಾಡ್ಕೊಂಡು, ಗಿಫ್ಟ್ ಗಾಗಿ ಜಾಸ್ತಿ ತಲೆ ಕೆಡುಸ್ಕೊಂಡು, ಹೊಸ ಬಟ್ಟೆ ತಗೊಂಡು, ಫ್ರೆಂಡ್ ಗಳ ಸೆಂಟ್ ಹಾಕ್ಕೊಂಡು, ಗುಲಾಬಿ ಹಿಡ್ಕೊಂಡು ಅವಳ ಮುಂದೆ ಪೆಕರನ ಥರಾ ಹೋಗಿ ನಿಂತುಕೊಳ್ಳೋ ವಿಶೇಷ ದಿನಕ್ಕೆ ಫೆಬ್ರವರಿ 14 ಅನ್ನಬಹುದು.

2) ಎಲ್ಲಾ ಪ್ರಶ್ನೆಳಿಗೂ ಉತ್ತರಿಸುತ್ತಿದ್ದ ಹುಡುಗಿಯೊಬ್ಬಳು, ಮುಗ್ಧ ಸಹಪಾಠಿಯ ಮುದ್ದು ಪ್ರಶ್ನೆಗೆ ಉತ್ತರಿಸಲಾಗದೇ, ಅನಿರ್ಧಿಷ್ಟ ಕಾಲಾವಕಾಶ ಬೇಡಿಕೊಂಡು ಬಂದಿದ್ದಳು. ಅಷ್ಟೊಂದು ದಿನದಿಂದ ಕಾದಿದ್ದ ಅವನಿಗೆ ಇವತ್ತಿನ ಅವಳ ವ್ಯಾಲಂಟೈನ್ ಕಾರ್ಡು, ಅವಳ ಉತ್ತರದ ಮುನ್ಸೂಚನೆ ನೀಡಿದೆ. ಅವನ ಕಾಲು ನೆಲದ ಮೇಲೆ ನಿಲ್ಲುತ್ತಿಲ್ಲ.

3) ನೂರಾರು ಗೆಳೆಯರೊಂದಿಗೆ ಪಾರ್ಟಿ ಮಾಡುತ್ತಿದ್ದ ಶ್ರೀಮಂತ ಹುಡುಗನೊಬ್ಬನ ತಂದೆ ತಾಯಿ ತೀರಿಹೋದರು. ಜವಾಬ್ದಾರಿ ಬಂದ ಕೂಡಲೇ ಎಲ್ಲ ಸ್ನೇಹಿತರನ್ನು ಹಿಗ್ಗಾ ಮುಗ್ಗಾ ಬೈದು ವಿನಾಕಾರಣ ದೂರ ಮಾಡಿದ. ನೂರಾರು ಸ್ನೇಹಿತರಲ್ಲಿ ಮೂರು ಜನ ವಾಪಸ್ ಬಂದು, ಬಿಟ್ಟು ಹೋಗುವುದಿಲ್ಲವೆಂದು ಪಟ್ಟು ಹಿಡಿದಿದ್ದಾರೆ.

4) ಹುಡುಗಿಗೆ munch ಕೊಟ್ಟ..

punch ನೀಡಿದಳು..
perk ಕೊಟ್ಟ..
ಪೊರ್ಕಿಅಂದಳು..
ನಾನು ನಿನ್ನ ಪ್ರೀತಿಸ್ತೀನಿ ಕಣೆ Cadbury ಅಂದ..
i too love you ಕಣೋ Don't Worry ಅಂದಳು..
ಒಂದೇ ಒಂದು ಮುತ್ತು ಕೊಡು Alpenliebe ಅಂದ..
ಅಷ್ಟಕ್ಕೇ ಅವಳ ಜೊತೆ ಆಯಿತು Kit-Kat
ಕೊನೆಯಬಾರಿ ಅವಳಿಗೆ ಕೊಡಿಸಿದ್ದು Milky Bar
ಈಗ ಅವನ ವಾಸಸ್ಥಳ only Bar Bar Bar..

5) ಮದುವೆಯಾದ 3ತಿಂಗಳಿಗೇನೇ ನನಗೆ ಸಕ್ಕರೆ ಖಾಯಿಲೆ ಬರುತ್ತೆ ಅನ್ಸುತ್ತೆ.ನನ್ನವಳು ಕೊಡೋ ಮುತ್ತುಗಳು ತುಂಬಾನೇ ಸಿಹಿಯಾಗಿರುತ್ತೆ..

6) ಅವಳಿಗೆ ಪ್ರಪೋಸ್ ಮಾಡಲು ಕವನ ಬರೆದು ಕೊಟ್ಟೆ. ಅವಳು ರಿಜೆಕ್ಟ್ ಮಾಡಿದರೂ ಅವಳ ಜೊತೆಯಲ್ಲಿದ್ದವಳಿಗೆ ಇಷ್ಟವಾಯಿತು. ಇವಾಗ ಅವಳ ಹೆಸರು "ನನ್ನ ಹೆಂಡ್ತಿ"

7) ಎಲ್ಲಾ ಹುಡುಗೀರು Question Bank ಥರಾ, ಅವರಿಗೆ ಯಾವುದಾದ್ರೂ Question ಕೇಳಿ ನೋಡಿ, ವಾಪಸ್ ನಿಮ್ಮನ್ನೇ Question ಕೇಳ್ತಾರೆ.

8) ಅವತ್ತಿನ ಮಾತು.. "ಕೊಡು ದೇವಿ ವರವನ್ನು ಕುಟುಕನಲ್ಲದ ಗಂಡನ..

ಇವತ್ತಿನ ಮಾತು.. "ಕೊಡು ದೇವಿ ವರವನ್ನು ಕಮ್ಮಿ ಕುಡಿಯುವ ಗಂಡನ..

9) ಮಾತು ಬೆಳ್ಳಿ.. ಮೌನ ಬಂಗಾರ.. ಇದು ಮಹೇಶಣ್ಣನ Status ಮೆಸೇಜ್

ನನ್ನವಳು ಇವತ್ತು ಮಾತನಾಡದೇ ಮೌನವಾಗಿದ್ದಾಳೆ...

ನೈಸ್ ಮಾಡಲು ಮೋಸ್ಟ್ಲಿ ಬಂಗಾರ ಕೊಡಿಸಬೇಕೋ ಏನೋ???

10) ನನ್ನವಳು ಮಗು ಥರಾ ಮುದ್ದಾಗಿದಾಳೆ.. ಅದಕ್ಕೆ ಈ ತಿಂಗಳು ಅವಳಿಗಾಗಿ Johnson & Johnson ಬೇಬಿ ಸೋಪ್ ತಗೊಂಡು ಬಂದಿದೀನಿ.

11) ಇಷ್ಟಪಟ್ಟ ಹುಡುಗಿಯ ಪ್ರೀತಿಯನ್ನು ಕಷ್ಟಪಟ್ಟು ಪಡೆದುಕೊಂಡಾಗ ಆಗುವ ಸಂತೋಷದ ನೂರು ಪಟ್ಟು ದುಃಖ ಅವಳನ್ನು ಕಳೆದುಕೊಂಡಾಗ ಆಗುತ್ತೆ.

12) ಇದೇ ಮೊದಲನೇ ಬಾರಿ ಆಂಗ್ಲ ಭಾಷೆಯಲ್ಲಿ ಟ್ವೀಟ್ ಬರೆಯೋಕೆ ಟ್ರೈ ಮಾಡಿದೀನಿ...

(ಗ್ರಾಮರ್ ತಪ್ಪಿದ್ರೆ ಹೇಳಿ...)

ಯಳವತ್ತಿ ಟ್ವೀಟ್:- If he/she is thinking about someone and talking about that person with his friend means that he/she impressed..

13) I LOVE MY INDIA Coz, It is full of sentimentals, "ಉಪ್ಪಿನ ಋಣ ತೀರಿಸೋಕೆ ಆಗಲ್ಲ" ಅಂತಾ ಕಳ್ಳನು ಸಹ ಅದನ್ನು ಕದ್ದುಕೊಂಡು ಹೋಗೋಲ್ಲ.

14) ಯಳವತ್ತಿ ಟ್ವೀಟ್: ಎಲ್ಲಾ ಹುಡುಗೀರೂ ಸಹ ಹುಚ್ಚು ಹುಡುಗೀರೇ.. ನಾನು ಕುಡಿದಾಗ ಮನಸು ಬಿಚ್ಚಿ ಮಾತಾಡ್ತೀನಿ ಅಂದ್ರೆ, ಕುಡಿಯೋಕೆ ಕಾಸು ಕೊಡ್ತೀನಿ ಅಂತಾರೆ..

15) ಯಳವತ್ತಿ ಟ್ವೀಟ್: ನಾನು ಮತ್ತು ನನ್ನವಳು ಸಿನಿಮಾಕ್ಕೆ ಹೋಗಿದ್ವಿ.. ಅವಳು ಮಾತ್ರ ಸಿನಿಮಾ ನೋಡಿದಳು.. ಮನೆಗೆ ಬಂದ ಕೂಡಲೇ ನನ್ನವಳಿಗೆ ದೃಷ್ಟಿ ತೆಗೆದೆ..

16) ಯಳವತ್ತಿ ಟ್ವೀಟ್:-

ಸೈಕಾಲಜಿ ಎಕ್ಸಾಮ್ ನಲ್ಲಿ, ಪ್ರೀತಿ ಅನ್ನೋದನ್ನು 20 ಮಾರ್ಕ್ಸ್ ಗೆ ವಿವರಿಸಿ ಅಂತಾ ಕೇಳಿದರು.. ನನ್ನವಳ ಹೆಸರನ್ನು 20 ಸಲ ಬರೆದು ಬಂದಿದ್ದೀನಿ..

17) ಯಳವತ್ತಿ ಟ್ವೀಟ್:-

ಅವಳ ಫೋಟೋ ಅಂದ್ರೆ, ನಂಗೆ ಇಷ್ಟ & ಕಷ್ಟ..ಎಷ್ಟು ಮುತ್ತು ಕೊಟ್ಟರೂ ಸಹ ಕಿರಿಕ್ ಮಾಡದೇ ಸುಮ್ನೆ ಇರುತ್ತಲ್ಲ..ಅದು ಇಷ್ಟ.. ಮತ್ತು ಅದೇ ಕಷ್ಟ..

18) ಯಳವತ್ತಿ ಟ್ವೀಟ್:-

ನಾನು ಸೊಳ್ಳೆ ಬತ್ತಿ ತರಲಿಲ್ಲ ಅಂತಾ.. ಸೊಳ್ಳೆಯೊಂದು ನನ್ನವಳ ಕೆನ್ನೆಯನ್ನು ಕಚ್ಚಿತು.. ನನ್ನವಳಿಗೆ ಕೋಪ ಬಂದು ನನ್ನ ಕೆನ್ನೆಯನ್ನು ಕಚ್ಚಿದಳು.

19) ಶುಭಶಂಕರಿ:- ನನ್ ಅಪ್ಪ-ಅಮ್ಮ ನಂಗೆ ಪಾಕೆಟ್ ಮನಿ ಕೊಡ್ತಿಲ್ಲ ಕಣೋ..

ಶಿವ:- ಅವರ ಹತ್ರಾನೇ ಸಾಲ ಕೇಳು.., ನನ್ ಮದ್ವೆ ಆದಮೇಲೆ ವಾಪಸ್ ಕೊಡ್ತೀನಿ ಅಂತಾ ಹೇಳು.. ವರ್ಕ್ ಔಟ್ ಆಗುತ್ತೆ....

20) ತೆಲುಗು ನಾಗವಲ್ಲಿ ನಮ್ಮ ಹುಬ್ಬಳ್ಳಿಯವಳಾದ್ರೆ ಆಕೆಯ ಡೈಲಾಗ್ ಹೇಗಿರುತ್ತೆ ಅಂತ ಒಂದು ಹೊಸ ಎಸ್.ಎಮ್.ಎಸ್ ಬಂತು..

"ಏಯ್,, ಊರ್ ಬಾಡ್ಕೊ ತೆಗಿಲೆ ಬಾಗ್ಲಾ ನಿಮ್ಮವ್ವನ್..
ಹೆಂಗಸುರ್ ಮ್ಯಾಲ್ ಧಿಮಾಕ್ ತೋರ್ಸು ನೀ ಯಾವ್ ಊರ್ ಗಂಡ್ಸ್ ಲೇ.. ತೆಗಿಲೇ ಬಾಗ್ಲಾ ಒಮ್ಮೆ.. ತಿಗಿಯೋ ಊರ್ ಹರಾಮಕೋರ್.. ಬರು ಅಮಾಸಿ ರಾತ್ರಿ ನಿನ್ ಕಣ್ ಕಿತ್ತ್, ನಿನ್ ಹೆಣಾ ಎತ್ತಲಿಲ್ಲ ನಾನು ಸವಣೂರ್ ಸಾವ್ಕಾರ್ ಸಿದ್ಧಲಿಂಗಪ್ಪನ ಮಗಳು ನಾಗವ್ವನೇ ಅಲ್ಲ.. "

21) ನನ್ನ ಫ್ರೆಂಡ್ ಒಬ್ಬರು ಕಳಿಸಿದ ಎಸ್ಸೆಮ್ಮೆಸ್ಸು......

ಹುಡುಗೀಯರು ಹೇಳುವ Top 10 ಸುಳ್ಳುಗಳು..

1) ಐ ಲವ್ ಯೂ...

2) ನಿನ್ ಬಿಟ್ಟು ಯಾರನ್ನೂ ಲವ್ ಮಾಡೋಲ್ಲ..

3) ನಮ್ ಅಪ್ಪ ಅಮ್ಮನ್ನ ನಾನೇ ಒಪ್ಪಿಸ್ತೀನಿ..

4) ನೀನು ತುಂಬಾ ಒಳ್ಳೆಯವನು..

5) ಅಕಸ್ಮಾತ್ ಅಪ್ಪ ಅಮ್ಮ ಒಪ್ಪದಿದ್ರೆ, ಇಬ್ರೂ ಸಾಯೋಣ..

6) ನಿನ್ನಿಷ್ಟಾನೇ ನನ್ನಿಷ್ಟ..

7) ನೀನು ನನ್ Sweet Heart..

8) ನಿನ್ನಂಥ ಹುಡುಗನನ್ನ ಪಡೆಯೋಕೆ ಏಳೇಳು ಜನ್ಮದ ಪುಣ್ಯ ಮಾಡಿರಬೇಕು..

9) ಪ್ರಾಣ ಬಿಟ್ರು ನಿನ್ನ ಮಾತ್ರ ಬಿಡೋಲ್ಲ..

10) (ತುಂಬಾ ಇಂಪಾರ್ಟೆಂಟ್..)

ನಿಂಗೆ ನನಗಿಂತ ಒಳ್ಳೆ ಹುಡುಗಿ ಸಿಕ್ಕೇ ಸಿಕ್ತಾಳೆ...........

(ಅಂದ ಹಾಗೆ.. ಇದು ನನ್ನ ಲವ್ ಮಾಡ್ತಿರೋ ಹುಡುಗಿಯರಿಗೆ ಬಿಟ್ಟು... ಸುಮ್ನೆ ನಾನ್ ಯಾಕೆ ರಿಸ್ಕ್ ತಗೋಳೋದು ಅಲ್ವಾ???)

-ಯಳವತ್ತಿ

22) ನಾನ್ ಒಂದ್ ಜೋಕ್ ಬರ್ದಿದೀನ್..

(ಇನ್ ಮ್ಯಾಕ್ ನಾನ್ ಅರ್ಕಾವತ್ ನಾಗ್ ಮಾತಾಡ್ತೀನ್..)

Height of Addiction of Buzz..

ಒಬ್ ನೆಟ್ ಹುಳ ಬಜ್ ನಾಗ ತನ್ ಸೂಪರ್ರಾಗಿರೋ ಹೆಂಡ್ತೀನ್ ಪರಿಚಯ್ ಮಾಡ್ಸಾಕ್ ಅಂತಾ ಅವಳ್ ಒಂದ್ ಫೋಟೋ ಅಪ್ ಲೋಡ್ ಮಾಡಿ, ಅದಕ್ಕ್ "ಇವಳು ನನ್ ಹೆಂಡ್ತಿ" ಅಂತಾ ಫೋಟೋ ಮ್ಯಾಗ್ ಹೆಡ್ಡಿಂಗ್ ಕೊಟ್ಟ... ಜೊತೆಗೆ ಫೋಟೋ ಕೆಳಗ ಹಿಂಗ್ ಬರ್ದ್ ಹಾಕ್ದ..

Warning:- Don't Reshare this Buzz, ಯಾಕಂದ್ರ ಇವ್ಳ್ ನನ್ ಹೆಂಡ್ರು....

23) ಯಳವತ್ತಿ ಟ್ವೀಟ್...
"ಅವಳ ಕೂದಲುಗಳನ್ನು ಅವಳಮ್ಮ ತುಂಬಾ ಮುದ್ದಿನಿಂದ ಸಾಕಿದ್ದಾರೆ ಅನ್ಸುತ್ತೆ. ಅವಳ ಕೆನ್ನೆಗೆ ಮುತ್ತು ಕೊಡಲು ಹೋದಾಗಲೆಲ್ಲಾ ಅಡ್ಡ ಬಂದು ತನ್ನ ನಿಷ್ಠೆಯನ್ನು ತೋರುತ್ತಿವೆ..."

ಇದರಲ್ಲಿ ಯಾರದು ತಪ್ಪು..???

2010-09-01T19:11:00.003+05:30

ಅವತ್ತು ಹೊರಗಡೆ ತುಂತುರು ಮಳೆ ಬರ್ತಿತ್ತು. ರೂಮಲ್ಲಿ ಎಲ್ಲರೂ ರಮ್ಮಿ (ಕಾರ್ಡ್ಸ್) ಆಡ್ತಾ ಇದ್ವಿ. ರಾತ್ರಿ 9.00 ಗಂಟೆ ಆಗಿತ್ತು,. ಊಟದ ಸಮಯ. ಅಂತಾ ಛಳಿ-ಮಳೆಯಲ್ಲಿ ಹೊರಗಡೆ ಊಟ ಮಾಡ್ಕೊಂಡು ಬರೋಕೆ ಎಲ್ಲರಿಗೂ ಬೇಜಾರು. ಯಾರು ಹೋಗ್ತೀನಿ ಅಂತಾರೆ, ಅವರ ಕೈಗೆ ದುಡ್ಡು ಕೊಟ್ಟು ಪಾರ್ಸಲ್ ತರಿಸೋಣ ಅಂತಾ ನಾನು ಪ್ಲಾನ್ ಮಾಡಿದೆ. ಆದರೆ, ಯಾರೂ ಊಟಕ್ಕೆ ಏಳಲಿಲ್ಲ. ಎಲ್ಲರೂ ಸಹ ಇದೇ ಪ್ಲಾನ್ ಮಾಡಿದ್ದರು. ಕೊನೆಗೆ ಹಸಿವು ತಡೆಯಲಾರದೇ, ನಮ್ ರೂಂ ಮೇಟ್ ರಮೇಶ ಊಟಕ್ಕೆ ಹೋಗಲು ನಗು ನಗುತ್ತಾ ಎದ್ದು ನಿಂತ. ಎಲ್ಲರೂ ಅವನಿಗೆ ಮುಗಿ ಬಿದ್ದು, ತಮಗೆ ಏನು ಬೇಕೋ ಅದನ್ನು ಪಾರ್ಸಲ್ ತಗೊಂಡು ಬಾ ಅಂತಾ ದುಡ್ಡು ಕೊಟ್ಟು ಕಳಿಸಿದೆವು.

ನಾವು ಇನ್ನೂ ರಮ್ಮಿ ಆಡ್ತಾ ಇದ್ವಿ, ಸ್ವಲ್ಪ ಹೊತ್ತಿನಲ್ಲಿ ರಮೇಶ ಎಲ್ಲರಿಗೂ ಅವರು ಹೇಳಿದ್ದನ್ನು ಪಾರ್ಸಲ್ ತಂದಿದ್ದ. ಅಶ್ವಿನ್, ಶಿವಕುಮಾರ್, ಗುಂಡ ಮತ್ತು ನಾನು ಎಗ್ ರೈಸ್ ಗೆ ಕಾಸುಕೊಟ್ಟಿದ್ದೆವು , ರಂಗನಾಥ ಚಿತ್ರನ್ನ ತರಿಸಿದ್ದ. ಆದರೆ, ಚಿತ್ರನ್ನ ತಣ್ಣಗಾಗಿತ್ತು. ನಾವು ತರಿಸಿದ ಎಗ್ ರೈಸ್ ಇನ್ನೂ ಬಿಸಿ ಇತ್ತು.

ಆಗ ರಂಗನಾಥ ನನಗೆ ಎಗ್ ರೈಸ್ ಕೊಡು ಅಂತಾ ನನ್ನನ್ನು ಕೇಳ್ದ. ನಾನು ಕೊಡಲಿಲ್ಲ.. ಹೋಗಲೇ.. ಇಂತಾ ಥಳೀಲಿ ಯಾರು ಚಿತ್ರನ್ನ ತಿಂತಾರೆ ಅಂತಾ ಅವನ ಕೋರಿಕೆಯನ್ನು ಖಾರವಾಗಿ ತಿರಸ್ಕರಿಸಿದೆ..

ನಾನು ಕೈ ತೊಳ್ಕೊಳ್ಳೋಕೆ ಹೋದಾಗ ಎಲ್ಲಿ ಎಗ್ ರೈಸ್ ತಿಂದ್ ಬಿಡ್ತಾನೋ ಅಂತಾ ಅದರ ಮೇಲೆ ಥೂ..ಥೂ..ಥೂ.... ಅಂತಾ ಮೂರು ಸರ್ತಿ ಉಗಿದೆ.. ಸಪ್ಪೆ ಮುಖದ ರಂಗನಾಥ, "ಯಳವತ್ತಿ, ನಂಗೆ ಸಿಗದೇ ಇದ್ದುದು ನಿಂಗೂ ಸಿಗಬಾರ್ದು" ಅಂತಾ ಅಂದವನೇ, ಅದೇ ಎಗ್ ರೈಸ್ ಗೆ ಅವನೂ ಸಹ ಥೂ ಥೂ ಥೂ ಅಂತಾ ಉಗಿದ.

ನಂಗೆ ಒಮ್ಮೆಲೆ ಸಿಟ್ಟು ನೆತ್ತಿಗೆ ಏರಿತು. ರಂಗನಾಥ ನನಗಿಂತಲೂ ವಯಸ್ಸಿನಲ್ಲಿ ಎರಡು ವರ್ಷ ದೊಡ್ಡವನು ಅನ್ನೋದನ್ನೂ ಸಹ ನೋಡದೇ..

ರಪ್ಪನೆ ಕಪಾಳಕ್ಕೆ ಬಿಗಿದೆ...!!! ನಮ್ಮ ರೂಂ ನಲ್ಲಿ ಪಿನ್ ಡ್ರಾಪ್ ಸೈಲೆನ್ಸ್.. ರೂಂ ನಲ್ಲಿದ್ದ ಯಾರೂ ಸಹ ಏನೂ ಮಾತನಾಡಲಿಲ್ಲ..

ಮತ್ತೆ ನಾವಿಬ್ರೂ ಯಾರು ಯಾರನ್ನೂ ಸಾರಿ ಕೇಳಲಿಲ್ಲ.. ಅದಾದ ಎರಡು ದಿನಗಳ ನಂತರದಿಂದ ನಾವಿಬ್ರೂ ಸಕತ್ ಕ್ಲೋಸ್ ಫ್ರೆಂಡ್ಸ್ ಆದ್ವಿ.. ಐದು ವರ್ಷಗಳಿಂದಲೂ ಹೀಗೇ ಆತ್ಮೀಯತೆಯಿಂದ ಇದ್ದೀವಿ...

ಆದರೆ, ತಪ್ಪು ಯಾರು ಮಾಡಿದ್ದು ಅಂತಾ ನಮಗೆ ಇನ್ನೂ ಗೊತ್ತಾಗಿಲ್ಲ..

ಇಂತಿ,

ಯಳವತ್ತಿ..

(ನಾನು ಏನು ಬರೆದರೂ ಓದಿ ಸಹಿಸಿಕೊಳ್ಳೋರಿಗೆ ಧನ್ಯವಾದಗಳು)

ನನ್ನ ಮುದ್ದು ಗೆಳತಿಯ ಅಣ್ಣನ ಹುಟ್ಟುಹಬ್ಬ

2010-08-27T09:12:00.003+05:30

ನನ್ನ ಭದ್ರಾವತಿಯ ಪುಟ್ಟ ಮುದ್ದು ಗೆಳತಿ ಶುಭಶಂಕರಿ ತನ್ನ ಅಣ್ಣನಿಗೆ ಬರೆದ ಮೊದಲ ಪತ್ರ ಇದು. ಇವತ್ತು ಅವಳ ಅಣ್ಣನ ಹುಟ್ಟು ಹಬ್ಬ..

ಬಜ್ ನಲ್ಲಿ ಸಹ ಹಂಚಿಕೊಳ್ಳೋಕೆ ಆಕೆ ಒಪ್ಪಿದ್ದಾಳೆ.. ನೀವೋ ಸಹ ಹಾರೈಸಿ..

-ಇಂತಿ,
ಯಳವತ್ತಿ

2004 ನೇ ಇಸ್ವಿಯಲ್ಲಿ ಒಂದು ಶನಿವಾರ...

2010-08-25T20:51:00.007+05:30

ಅದು 2004 ನೇ ಇಸ್ವಿ.. ಶನಿವಾರದ ಒಂದು ದಿನ ಬೆಂಗಳೂರಿನ ಮಲ್ಲೇಶ್ವರಂ ಏರಿಯಾದಲ್ಲಿ ಇರೋ "ರಾಕ್ ಲೈನ್" ಬಾರಿನಲ್ಲಿ ಮೂರು ಜನ ಸ್ನೇಹಿತರು ಬೆಳಿಗ್ಗೆ 11.30 ಕ್ಕೇನೇ ಕುಡಿಯೋಕೆ ಶುರು ಮಾಡಿದ್ರು.. ಆ ಮೂವರ ಹೆಸರು ಶಿವಕುಮಾರ್, ರಂಗನಾಥ ಮತ್ತು ಯಳವತ್ತಿ. ರಂಗನಾಥ್ ಮತ್ತು ಯಳವತ್ತಿ ಕುಡಿಯೋದು ಕಲಿತು ಕೇವಲ 6 ತಿಂಗಳು ಆಗಿತ್ತಷ್ಟೇ.. ಆದರೂ, ಅವತ್ತು ದೊಡ್ಡ ಕುಡುಕರ ಥರಾ ಬೆಳಿಗ್ಗೆಯಿಂದ ಸಂಜೆ 6 ರವರೆಗೆ ಕುಡಿದರು.

ಶಿವಕುಮಾರ್ ಅವರಿಬ್ಬರಿಗೆ ಬೈ ಹೇಳಿ ಬೆಂಗಳೂರಿನ ಯಾವುದೋ ಏರಿಯಾದಲ್ಲಿರೋ ತನ್ನ ಮನೆಗೆ ಹೊರಟ.. ರಂಗನಾಥ ಮತ್ತು ಯಳವತ್ತಿ ಮಧುಗಿರಿಗೆ ಹೋಗಬೇಕಿತ್ತು. ಅದು ಬೆಂಗಳೂರಿನಿಂದ 2 ಗಂಟೆಗಳ ಪ್ರಯಾಣ. ಹೊಸದರ ಹುಮ್ಮಸ್ಸಿನಲ್ಲಿ ಎಲ್ಲರೂ ಜಾಸ್ತೀನೇ ಕುಡಿದಿದ್ದರು. ಅದರಲ್ಲಿ ಯಳವತ್ತಿ ಎಲ್ಲರಿಗಿಂತ 2 ಪೆಗ್ ಜಾಸ್ತಿ ಎತ್ತಿದ್ದ..

ಬಾರ್ ನಿಂದ ಈಚೆ ಬಂದ ಯಳವತ್ತಿ, ಬಾರ್ ನ ಎಡಗಡೆ ರಸ್ತೆಯ ಕಡೆಗೆ ಹೊರಟ. ಆಗ ರಂಗನಾಥ ಇವನನ್ನು ತಡೆದು,

"ಲೇ ಯಳವತ್ತಿ.. ನೀನು ಜಾಸ್ತಿ ಕುಡಿದಿದೀಯ ಕಣ್ಲ. ಮಲ್ಲೇಶ್ವರಂ ಬಸ್ ಸ್ಟ್ಯಾಂಡ್ ಇರೋದು ಈ ಕಡೆ"

ಅಂತಾ ವಿರುದ್ಧ ದಿಕ್ಕಿನಲ್ಲಿ ತೋರಿಸಿದ.. ಅದಕ್ಕೆ ಯಳವತ್ತಿ

"ಲೇ ರಂಗನಾಥ.. ಬಸ್ ಸ್ಟ್ಯಾಂಡ್ ಇರೋದು ಈ ಕಡೆ.. ಬಾ ಅಂತಾ ಕರೆದ.. ಅನುಮಾನಗೊಂಡ ರಂಗನಾಥ ದಾರಿಯಲ್ಲಿ ಬರುತ್ತಿದ್ದ ಮೂವರನ್ನು ಕೇಳಿದ. ಅವರು ಯಳವತ್ತಿ ಹೋಗುತ್ತಿರೋ ಕಡೆಗೆ ದಾರಿ ತೋರಿಸಿದಾಗ, ಮರುಮಾತನಾಡದೇ ಯಳವತ್ತಿ ಹಿಂದೆ ಹೊರಟ.,

ಒಂದೈದು ಹೆಜ್ಜೆ ಹಾಕಿರಬೇಕು.. ಮುಂದೆ ನಡೆದುಕೊಂಡು ಹೋಗುತ್ತಿದ್ದ ಯಳವತ್ತಿಯನ್ನು ರಂಗನಾಥ ಬಂದವನೇ ಹಿಡಿದುಕೊಂಡ.. ಒಳ್ಳೇ ಪೇಷಂಟ್ ನ ಕರಕೊಂಡು ಹೋಗೋ ಹಾಗೆ, ಯಳವತ್ತಿಯ ಎರಡೂ ತೋಳನ್ನು ಹಿಡಿದುಕೊಂಡು ಹೆಜ್ಜೆ ಹಾಕತೊಡಗಿದ. ಕೂಡಲೇ ಯಳವತ್ತಿ ಇದ್ದೋನು..

"ಲೇ ರಂಗ.. ಇದೇನ್ಲ ಇದು.. ನನ್ ಯಾಕೆ ಹಿಂಗೆ ಹಿಡ್ಕಂಡಿದಿಯ? ಬಿಡ್ಲ.. ಜನ ನೋಡ್ದೋರು, ನನ್ ನೋಡಿ ಏನಾರಾ ಅನ್ಕಂಡಾರು"

ರಂಗನಾಥ ಯಳವತ್ತಿಗೆ ಸುಮ್ನೆ ಬಾ, ಆಮೇಲೆ ಹೇಳ್ತೀನಿ ಅಂತಾ ಕರಕೊಂಡು ಹೊರಟ.. ಅಲ್ಲೇ ರಸ್ತೆಯಲ್ಲಿ ಹೊಗುತ್ತಿದ್ದ ಒಂದೆರಡು ಚಂದುಳ್ಳಿ ಚೆಲುವೆಯರು, ಇವರನ್ನೇ ನೋಡಿಕೊಂಡು ಮುಸಿ ಮುಸಿ ನಗುತ್ತಾ ಹೋದಾಗ ಯಳವತ್ತಿಗೆ ಅವಮಾನವಾದಂತಾಗಿ,

"ಲೋ ರಂಗ.. ನಾನು ಎಲ್ರಿಗಿಂತ ಜಾಸ್ತಿ ಕುಡ್ದಿರಬಹುದು, ಆದ್ರೆ, ನಾನು ಕರೆಕ್ಟಾಗಿ ಇದೀನಿ.. ನಾನೇನು ತೂರಾಡ್ಕಂಡು ಬತ್ತಿಲ್ಲ... ನನ್ನ ನೀನು ಹಿಡ್ಕಂಡಿರೋದು ಬಿಡ್ತೀಯೋ ಇಲ್ಲೋ" ಅಂದ.. ಆದರೂ ರಂಗನಾಥ ಅವನನ್ನು ಬಿಡಲಿಲ್ಲ..

ಕೊನೆಗೆ ಯಳವತ್ತಿಗೆ ಸಿಟ್ಟು ಬಂದು.. ಅವನನ್ನು ದೂರ ತಳ್ಳಿ,

" ನಾನೇನು ತೂರಾಡ್ಕಂಡು ಬೀಳಲ್ಲ.. ಸುಮ್ಕೆ ಬಾ." ಅಂತಾ ರಂಗನಾಥನಿಗೆ ಜಬರ್ ದಸ್ತ್ ಮಾಡಿ ಹೇಳಿದ..

ಆಗ ರಂಗನಾಥ ಹೇಳಿದ್ದು,

"ಲೇ ಯಳವತ್ತಿ.. ನೀನು ತೂರಾಡ್ಕಂಡು ಬೀಳ್ತೀಯ ಅಂತಾ ನಾನು ನಿನ್ನ ಹಿಡ್ಕಂಡಿಲ್ಲ.. ನಾನು ಎಲ್ಲಿ ಬಿದ್ದೋಗ್ತೀನಿ ಅಂತಾ ನಿನ್ನ ಹಿಡ್ಕಂಡು ಬತ್ತಿದ್ದೀನಿ ಕಣ್ಲ.." ಅಂದ........

HOW TO DOWNLOAD YOUTUBE VIDEOS?

2010-08-18T19:41:00.001+05:30

YOUTUBE ವೀಡಿಯೋಗಳನ್ನು ಡೌನ್ ಲೋಡ್ ಮಾಡುವುದು ಹೇಗೆ"?

(HOW TO DOWNLOAD YOUTUBE VIDEOS?)

ಇಂತಹ ಒಂದು ಪ್ರಶ್ನೆನಾ ಗೂಗಲ್ ನಲ್ಲಿ ಎಷ್ಟು ಲಕ್ಷ ಜನ ಹಾಕಿದ್ದಾರೋ ಗೊತ್ತಿಲ್ಲ.. ಗೂಗಲ್ ಸಜೆಷನ್ ನಲ್ಲಿ ಯಾವಾಗಲೂ ತೋರಿಸ್ತಾನೇ ಇರುತ್ತೆ..

ಇದೇ ಪ್ರಶ್ನೇನಾ ನಾನೂ ಸಹ ಹಿಂದೆ ಗೂಗಲ್ ನಲ್ಲಿ ಕೇಳಿದ್ದೆ.. ಇದಕ್ಕೆ ಉತ್ತರವಾಗಿ ತರಹೇವಾರು ಸೈಟುಗಳು, ಯೂ ಟ್ಯೂಬ್ ವೀಡಿಯೋ ಡೌನ್ ಲೋಡಿಂಗ್ ಸಾಫ್ಟ್ ವೇರ್ ಗಳು ಸಿಕ್ಕವು.. DAP Video converter/ real player ಇಂತಹ ಸಾಫ್ಟ್ ವೇರ್ ಗಳನ್ನು ಹಾಕಿ ವೀಡಿಯೋ ಡೌನ್ ಲೋಡ್ ಮಾಡಿದೆ..

ಆದರೆ, ಆ ಹಾಡುಗಳು ನನ್ನ ಮೊಬೈಲ್ ನಲ್ಲಿ Mp3 Format ನಲ್ಲಿ ಬೇಕಾಗಿತ್ತು.. Youtube ನಿಂದ ಡೌನ್ ಲೋಡ್ ಆಗುವ ವೀಡಿಯೋಗಳು .flv Format ನಲ್ಲಿ ಇರುತ್ತವೆ. ಮೊಬೈಲ್ ನಲ್ಲಿ ವೀಡಿಯೋ ಬೇಕಾದರೆ, .flv format ನಿಂದ .3gp format ಗೆ Convert ಮಾಡಬೇಕಿತ್ತು.. ಮತ್ತೆ mp3 ಗೆ Convert ಮಾಡೋಕೆ ಬೇರೇ ಇನ್ನೊಂದು Software ಮೊರೆ ಹೋಗಬೇಕಾಗಿತ್ತು.. ಅಲ್ಲದೇ ಇವುಗಳ Quality ತುಂಬಾನೇ ಕಡಿಮೆ ಇರುತ್ತಿತ್ತು..

ಇಷ್ಟು ದಿನಗಳವರೆಗೆ ಇದೇ ಸರ್ಕಸ್ ಮಾಡಿ ಮಾಡಿ ಬೇಜಾರಾಗಿತ್ತು.. ಈಗ ನನಗೆ ಒಂದು ಸುಲಭ ಉಪಾಯ ಹೊಳೆದಿದೆ.. ಅದನ್ನು ನಿಮ್ಮೊಂದಿಗೆ ಹಂಚಿಕೊಳ್ತಾ ಇದ್ದೇನೆ..

http://youtube.com

ನಿಂದ ವೀಡಿಯೋಗಳನ್ನು ಡೌನ್ ಲೋಡ್ ಮಾಡಬೇಕಾದರೆ, ನಿಮಗೆ ಬೇಕಾದ ಮೆಚ್ಚಿನ ಹಾಡಿನ ಲಿಂಕ್ ನ್ನು (URL) ಕಾಪಿ ಮಾಡಿ,

http://keepvid.com

ವೆಬ್ ಸೈಟ್ ಗೆ ಹೋಗಿ, ಅಲ್ಲಿ URL ಅನ್ನೋ ಕಾಲಂ ನಲ್ಲಿ ನಿಮ್ಮ ವೀಡಿಯೋ ಲಿಂಕನ್ನು Paste ಮಾಡಿ, ಡೌನ್ ಲೋಡ್ ಬಟನ್ನನ್ನು ಒತ್ತಿ..

ಒಂದೆರಡು ಕ್ಷಣಗಳು ಕಾದರೆ, ನಿಮ್ಮ ನೆಚ್ಚಿನ ವೀಡಿಯೋಗಳನ್ನ ಡೌನ್ ಲೋಡ್ ಮಾಡಲು ಈ ಕೆಳಗಿನಂತೆ Option ಕೊಡುತ್ತದೆ..

›› Download 3GP ‹‹ - Low Quality - 176x144

›› Download 3GP ‹‹ - Medium Quality - 176x144

›› Download FLV ‹‹ - Low Quality - 400×226

›› Download FLV ‹‹ - Medium Quality - 640×360

›› Download MP4 ‹‹ - High Quality - 480x360

ಆಗ, ನಿಮಗೆ ಬೇಕಾದ Quality ನಲ್ಲಿ ವೀಡಿಯೋಗಳನ್ನು ಸುಲಭವಾಗಿ ಡೌನ್ ಲೋಡ್ ಮಾಡಬಹುದು.. ಈ ವೀಡಿಯೋಗಳು ನಿಮ್ಮ ಮೊಬೈಲ್ ನಲ್ಲಿ ಪ್ಲೇ ಆಗಬೇಕಾದರೆ, 3gp Format ನಲ್ಲಿ ಡೌನ್ ಲೋಡ್ ಮಾಡಿ.. ಒಂದೊಂದು ವೀಡಿಯೋಗಳನ್ನು High Quality ನಲ್ಲಿ ಸಹ ಪಡೆಯಬಹುದು..

ಇದೇ ವೀಡಿಯೋಗಳ mp3 ಬೇಕೇ???

ಅದಕ್ಕೆ ಇನ್ನೊಂದು ವೆಬ್ ಸೈಟ್ ಇದೆ.. (ಮಾನಸ ರವರ ಸಜೆಷನ್)

http://www.video2mp3.net

ಈ ವೆಬ್ ಸೈಟ್ ಮೂಲಕ mp3 Format ನಲ್ಲಿ Download ಮಾಡಬಹುದು..

ಇದು ನಿಮಗೆ ಉಪಯುಕ್ತವಾದರೆ, ಸಂತೋಷ..

-ಇಂತಿ,

ಯಳವತ್ತಿ

http://www.shivagadag.blogspot.com

ಜ್ವರ ಬಂದಾಗ, ಹೀಗೇಕೆ ಆಗುತ್ತೆ? ಯಾರಾದ್ರೂ ಉತ್ತರ ಹೇಳುವಿರಾ?

2010-07-26T08:08:00.000+05:30

ನನಗೆ ನೆನ್ನೆಯಿಂದ ಛಳಿ ಜ್ಚರ, ಕೆಮ್ಮು, ಗಂಟಲುನೂವು.. ಸಖತ್ ಸುಸ್ತು. ಡಾಕ್ಟ್ರಿಗೆ ತೋರಿಸಿದ್ದಾಯಿತು.. ಇನಾಕ್ಯುಲೇಶನ್ (ಚುಚ್ಚುಮದ್ದು) ಮಾಡಿಸಿಕೊಂಡಿದ್ದಾಯಿತು.ಅವರು ಹೇಳಿದ ಮಾತ್ರೆಗಳನ್ನೆಲ್ಲಾ ತಿಂದದ್ದಾಯ್ತು.. ಆದರೂ ನೆನ್ನೆ ರಾತ್ರಿಯೆಲ್ಲಾ ನಿದ್ದೆ ಇಲ್ಲ. ಇವತ್ತು ಮತ್ತೊಮ್ಮೆ ತೋರಿಸಿಕೊಂಡು ಬರಬೇಕು..

ಇವಾಗ ವಿಷಯ ಏನಪ್ಪಾ ಅಂದ್ರೆ, ನಂಗೆ ತುಂಬಾನೇ ಜ್ಷರ ಬಂದಾಗ, ನನ್ನ ಮನಸ್ಸು ತಾನಾಗಿ ತಾನೇ ಎಲ್ಲಾ ರಿವೈಂಡ್ ಮಾಡುತ್ತೆ.
ನನ್ನ ಬಾಲ್ಯದಲ್ಲಿ ನೋಡಿದ ಡಿ.ಡಿ.-1 ಚಾನೆಲ್, ಅದರಲ್ಲಿ ಪ್ರತಿ ಭಾನುವಾರ ಬರುತ್ತಿದ್ದ ಸಂಸ್ಕೃಂತ ವಾರ್ತೆ, (ಇತಿ ವಾರ್ತಾಃ ಅನ್ನೋದು ಬಿಟ್ಟರೆ ಏನೂ ಅರ್ಥವಾಗದಿದ್ದರೂ ಕಣ್ ಕಣ್ ಬಿಟ್ಟು ಕೊಂಡು ನೋಡಿದ್ದು,) ಮೂಕಿ ವಾರ್ತೆ..
ಗೋದ್ರೆಜ್ ಜ ಜಾಹಿರಾತು,

ಕನ್ನಡದಲ್ಲಿ ಬರುತ್ತಿದ್ದ ಭಾವಗೀತೆಗಳು,
1)ಎದೆಯಾಂತರಾಳದಲಿ ಅಡಗಿರುವ ನೂವುಗಳು, ನೂರುಂಟು ನನ್ನ ನಲ್ಲಾ..
2) ಓ ಪುಟಾಣಿ ನೀಲಿ ಹಕ್ಕಿ.. ಹಾಡು ಹಾಡು ಹಾಡು.. ಹಾಡು..
3) ಹಾವು ಅಂದ್ರೆ ಮರಿಗುಬ್ಬೀಗೆ ಭಾರೀ ದಿಗಲೇನೇ.. ನೆನಸಿಕೊಂಡ್ರೆ ಮೈ ನಡಗುತ್ತೆ, ಹಾಡೇ ಹಗಲೇನೇ..
4) ಗುಡ್ಡದ ಭೂತ ಧಾರವಾಹಿ,
5) ಎ ಎಲ್ ಭರತ್ ಗಿಲ್ ತೋನಿಯಲ್' ಅಂತಾ ಮಂತ್ರ ಹೇಳುತ್ತಿದ್ದ ಮಂತ್ರವಾದಿ ಇದ್ದ ಯಾವುದೋ ಧಾರಾವಾಹಿ..
5) ಟೊರಿನೋ ಜಾಹಿರಾತು.
6) ಏನೋ ಮಾಡಲು ಹೋಗಿ, ಏನು ಮಾಡಿದೆ ನೀನು... (ಏಳು ಸುತ್ತಿನ ಕೋಟೆ ಸಿನಿಮಾ ಹಾಡು)
7) ತಲಕಟ್ಟು, ಇಳೆ, ಗುಡ್ಸು, ಗುಡ್ಸುಂಧೀರ್ಗ, ಕೊಂಬು, ಕೊಂಬಿಳೆ ಹೇಳಿಕೊಟ್ಟ ಮಹಾದೇವಪ್ಪ ಮೇಷ್ಟು..

ಎಲ್ಲವೂ ನೆನಪಾಗುತ್ತದೆ. ಇದು ಯಾಕೆ ನನಗೆ ಗೊತ್ತಿಲ್ಲ. ಇದು ನನ್ನೊಬ್ಬನಿಗೆ ಅಷ್ಟೇ ಆಗುತ್ತೊ, ಇಲ್ಲಾ ಎಲ್ಲರಿಗೂ ಅಥವಾ ಕೆಲವೊಬ್ಬರಿಗೆ ಅಷ್ಟೇ ಆಗುತ್ತಾ??
ಇದಕ್ಕೇನಾದರೂ ವೈಜ್ಞಾನಿಕ ಕಾರಣ ಏನಾದ್ರೂ ಇದೆಯಾ? ನಿಮಗೇನಾದ್ರೂ ಈ ಬಗ್ಗೆ ಗೊತ್ತಿದೆಯಾ?

ನಿಮ್ಮೆಲ್ಲರ ಅಭಿಪ್ರಾಯಗಳಿಗೆ ಸ್ವಾಗತ..

-ಇಂತಿ,
ಯಳವತ್ತಿ

ಮೀಸೆ ಆಂದೋಲನ

2010-07-14T09:47:00.000+05:30

ಇವತ್ತು ಬೆಳಿಗ್ಗೆ ಬೆಳಿಗ್ಗೆನೇ ದೂರದೂರಿನಲ್ಲಿರೂ (ಪರದೇಶ) ಗೆಳತಿ ಮಾನಸ ಅವರ ಜೊತೆ ಮೀಸೆ ಬಗ್ಗೆ ಹಾಟ್ ಡಿಸ್ಕಶನ್ ನಡೀತು..

ಹುಡುಗರಿಗೆ ಮೀಸೆ ಅಂದ್ರೆ ಇಷ್ಟ ಇಲ್ಲವಾ? ಸಾಕಷ್ಟು ಜನ ಹುಡುಗರು (ದೇಶಿ ಮತ್ತು ವಿದೇಶಿ ತಳಿಗಳೂ ಸಹ ಸೇರಿ) ಮೀಸೆ ಯಾಕೆ ಬಿಡೋದಿಲ್ಲಾ ಅನ್ನೋದರ ಬಗ್ಗೆನೇ ಚರ್ಚೆ..

ಭಾರ(?)ತೀಯರಿಗೆ ಮೀಸೆ ಅನ್ನೋದು ಗೌರವ, ಮರ್ಯಾದೆ ಅನ್ನೋದರ ಸೂಚಕ.

ನಮ್ಮ ಸ್ವಾತಂತ್ರ ಹೋರಾಟಗಾರರು ಬ್ರಿಟೀಷರ ವಿರುದ್ಧ ಹೋರಾಟ ಮಾಡಬೇಕಾದಾಗ ಮೀಸೆಗೆ ಸಹ ಪ್ರಾಶಸ್ತ್ರ ಕೊಟ್ಟಿದ್ದರು.. ಆದರೆ, ಮೀಸೆ ಬಗ್ಗೆ ಈಗೀಗ ಯಾರೂ ಪ್ರಾಶಸ್ತ್ಯಾನೇ ಕೊಡ್ತಿಲ್ಲಾ ಅನ್ನೋದು ಗಂಭೀರವಾದ ವಿಚಾರ..

ನಮ್ಮ ಭಗತ್ ಸಿಂಗ್ ರವರು ಅವರ ಮೀಸೆಯಿಂದಲೇ ಗುರುತಿಸಿಕೊಳ್ಳುತ್ತಿದ್ದರು. ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಶಾರೂಖ್ ಖಾನ್ ಸಂಜಯ್ ದತ್ ಮುಂತಾದವರೂ ಬಂದಾಗಿನಿಂದ ಅವರ ಹಾಗೆ ಎಲ್ಲರೂ ಮೀಸೆ ಇಲ್ಲದಿರುವುದನ್ನೇ ಫ್ಯಾಷನ್ ಮಾಡಿಕೊಂಡಿರೋದು ಯಾವ ನ್ಯಾಯ?

ಸಿನಿಮಾಗಳಲ್ಲಿನ ವಿಲನ್ ಗಳು ಮೀಸೆ ಬಿಟ್ಟು, ಮೀಸೆಯ ಗೌರವವನ್ನು ಕಾಪಾಡಿಕೊಂಡು ಬಂದಿರುವುದು ನಮ್ಮಂಥ ಮೀಸೆಗಾರರಿಗೆ ಸಮಾಧಾನದ ವಿಷಯ..

ಬಾಲಿವುಡ್ ನಲ್ಲಿ ಎಲ್ಲರೂ ಮೀಸೆ ತೆಗೆಸಿ ನಿಂತಾಗ, ಜಪ್ಪಯ ಅಂದರೂ ಮೀಸೆ ತೆಗೆಸದೆ ತನ್ನ ಹಠವನ್ನು ಬಂದ ಅನಿಲ್ ಕಪೂರ್ ರವರಿಗೆ ನಮ್ಮ ಮೀಸೆಗಾರರ ಏಕ ಸದಸ್ಯ ಸಂಘದಿಂದ ಹೃದಯ ಪೂರ್ವಕ ಧನ್ಯವಾದಗಳು..

ಇತ್ತೀಚೆಗೆ ಮೀಸೆ ಬಗ್ಗೆ ಯಾರೂ ಪ್ರಾಮುಖ್ಯತೆ ನೀಡದೇ ಇರುವುದು ಘನ ಗಂಭೀರವಾದ ವಿಷಯವಾಗಿದೆ..

ಕೆಲವರು ಮೀಸೆ ತೆಗೆಸಿದರೆ, ಅವರು ಹುಡುಗನೋ, ಹುಡುಗೀನೋ ಇಲ್ಲಾ ನಂ.9 ಅಂತಾನೋ ಗೊತ್ತೇ ಆಗಲ್ಲಾ..

ಮೀಸೆ ಬಗ್ಗೆ ಜಾಗೃತಿ(ಕ್ರಾಂತಿ) ಆಗಬೇಕಿದೆ.. ಎಲ್ಲಾ ಹುಡುಗರೂ ಎಚ್ಚೆತ್ತುಕೊಳ್ಳಬೇಕು..
ಯಾವ ರಾಜಕೀಯ ಪಕ್ಷಗಳೂ ಇದರ ಬಗ್ಗೆ ತಲೆ ಕೆಡೆಸಿಕೊಳ್ಳುತ್ತಿಲ್ಲ..
ಎಲ್ಲಾ ಪಕ್ಷಗಳಿಗೂ ನಮ್ಮ ಧಿಕ್ಕಾರ..

ನಮ್ಮ ಮುಂದಿನ ಪ್ರಣಾಳಿಕೆ..
ಮೀಸೆ ಬಚಾವೋ ಆಂದೋಲನ..
ಏನಂತೀರಿ?

(ಈ ಆಂದೋಲನಕ್ಕೆ ಕೆಲವರು ಹುಡುಗಿಯರೂ ಸಹ ತೆರೆಯ ಹಿಂದಿನಿಂದ ಬೆಂಬಲ ನೀಡುವುದಾಗಿ ಘೋಷಿಸಿದ್ದಾರೆ..)

ಇಂತಿ,
ಯಳವತ್ತಿ...

ರೂಂ ಮೇಟ್ಸ್ ಶ್ರೀಮಂತರಾಗಿದ್ದು..

2010-06-30T14:58:00.006+05:30

ಮೊನ್ನೆ ಸಿಕ್ಕಿದವರಿಗೆ ಸೀರುಂಡ ಲೇಖನಕ್ಕೆ ಬಂದ ಪ್ರತಿಕ್ರಿಯೆಗಳನ್ನು ನೋಡಿ ಸಂತೋಷ ಆಯ್ತು.. ಮತ್ತೆ ಹಳೇ ದಿನಗಳ ನೆನಪು ಆಗುವಾಗ ಒಂದು ಚಿಕ್ಕ ಘಟನೆ ನೆನಪಾಯಿತು..

ನಂ ರೂಮಲ್ಲಿ ಅವತ್ತು ಹೊಸ ವರ್ಷದ ಪಾರ್ಟಿ ಮಾಡಿದ್ವಿ. ಪಾರ್ಟಿ ಅಂದ್ರೆ, ಸುಮ್ನೇನಾ?? ನಾವೆಲ್ಲರೂ (ಶಿವಕುಮಾರ್, ಅಶ್ವಿನ್, ರಮೇಶ, ರಂಗನಾಥ, ಗುಂಡ ಮತ್ತು ನಾನು) ಸೇರಿ ದುಡ್ಡು ಹಾಕಿ, ಹೊಸ ವರ್ಷದ ಕೇಕು, ಸುಮಾರು ಹತ್ತು ಬಿಯರ್ (ವಿ.ಸೂ.:- ಬಿಯರ್ ಮಾಡಲ್ ಯಾವ್ದು ಅನ್ನೋದನ್ನು ಓದುಗರ ವಿನಂತಿಯ ಮೇರೆಗೆ ಹೇಳಲಾಗುವುದು. ಅಥವಾ ಯಾವುದೇ ಬಿಯರ್ ಕಂಪನಿಯವರು ದುಡ್ಡು ಕೊಟ್ಟು ತಮ್ಮ ಹೆಸರು ಹಾಕಿಸಿಕೊಳ್ಳಬಹುದು), ಎರಡು ಲೀಟರ್ ನ 3 ಬಿಸ್ ಲೆರಿ ನೀರಿನ ಬಾಟಲ್.. 3 ಕೆ.ಜಿ. ಚಿಕನ್, ಮುದ್ದೆ, ಚಪಾತಿ, ಕಬಾಬು, ಒಂದಿಷ್ಟು ಸೌತೇಕಾಯಿ, ಈರುಳ್ಳಿ, ಇತ್ಯಾದಿ ಇತ್ಯಾದಿ ಅರೇಂಜ್ ಮಾಡಿಕೊಂಡ್ವಿ..

ರಾತ್ರಿ ಹನ್ನೆರಡು ಗಂಟೆ ಆದ ಕೂಡಲೇ ಎಲ್ಲರೂ ಕೇಕ್ ಕಟ್ ಮಾಡಿ, ಎಣ್ಣೆ ಪಾರ್ಟಿ ಮಾಡಿದ್ವಿ.. ಎಲ್ಲಾ ಮುಗಿದು ನಾವು ಮಲ್ಕೊಂಡಾಗ ಬೆಳಿಗ್ಗೆ ನಾಲ್ಕು ಗಂಟೆ ಆಗಿತ್ತು.. ಬೆಳಿಗ್ಗೆ ಸುಮಾರು ಒಂಭತ್ತೂವರೆಗೆ ನನಗೆ ಮತ್ತು ಶಿವಕುಮಾರ್ ಗೆ ಎಚ್ಚರ ಆಯ್ತು.. ಎದ್ದ ಕೂಡಲೇ ಮುಖ ತೊಳೆಯಬೇಕಲ್ಲಾ... ಶಿವಕುಮಾರ್ ನಾನು ಹುಡುಕಿದ್ವಿ.. ಮನೇಲಿ ಸ್ನಾನ ಮಾಡೋಕೆ ಒಂದು ತೊಟ್ಟು ನೀರು ಇರಲಿಲ್ಲ. ಸಿಂಟೆಕ್ಸ್ ಪೂರ್ತಿ ಖಾಲಿ ಆಗಿತ್ತು..

ಮತ್ತೆ ಮನೆಯೆಲ್ಲಾ ಜಾಲಾಡಿದೆವು.. ನಾವು ತಂದ 3 ಬಿಸ್ಲೆರಿ ನೀರಿನ ಬಾಟಲಿ ಪೈಕಿ ಒಂದರಲ್ಲಿ ಮಾತ್ರ ಒಂದು ಲೀಟರ್ ನೀರಿತ್ತು.. ಬೇರೆ ಯಾರೂ ಎದ್ದಿರಲಿಲ್ಲವಾದ್ದರಿಂದ, ನಾನು ಮತ್ತು ಶಿವಕುಮಾರ್ ಒಪ್ಪಂದ ಮಾಡಿಕೊಂಡು, ಆ ಒಂದು ಲೀಟರ್ ನಲ್ಲಿ ಇಬ್ಬರೂ ಮುಖ ತೊಳ್ಕೊಂಡ್ವಿ.. ಆಗ ಅಶ್ವಿನ್ ಎದ್ದು ಬಂದ...

ಶಿವಕುಮಾರ್:- ನೋಡು ಅಶ್ವಿನ್.. ನಾವೆಷ್ಟು ಶ್ರೀಮಂತರಾಗಿದೀವಿ.. ಹದಿನಾರು ರೂಪಾಯಿ ಲೀಟರ್ ನೀರಿನಲ್ಲಿ ಮುಖ ತೊಳ್ಕೊಂಡಿದೀವಿ.......

ಇದನ್ನು ಕೇಳಿ ನಾನೂ ಸಹ ನೀರು ತಗೊಂಡು ಬರ್ತೀನಿ ಅಂತಾ ರೂಮಿನೊಳಗೆ ಹೋದ.. ಪಾಪ ಅವನಿಗೇನು ಗೊತ್ತಿತ್ತು.. ಇದ್ದ ಅಲ್ಪ ಸ್ವಲ್ಪ ನೀರನ್ನೂ ನಾವಿಬ್ಬರೂ ಮೊದಲೇ ಖಾಲಿ ಮಾಡಿದ್ವಿ ಅಂತಾ..

ಅವನು ರೂಮೆಲ್ಲಾ ಹುಡುಕಿ ಬಂದ.. ನೀರು ಸಿಗದೇ ಪೆಚ್ಚು ಮೊರೆ ಹಾಕಿಕೊಂಡ ಅಶ್ವಿನ್ ನ ಮುಖ ನೋಡಿ ನಾವಿಬ್ಬರೂ ಗೇಲಿ ಮಾಡಿ ನಕ್ಕೆವು.. ಅಶ್ವಿನ್ ಗೆ ನಮ್ಮ ನಗು ನೋಡಿ, ಹೊಟ್ಟೆ ಉರಿದು ಹೋಯ್ತು.....

ಮತ್ತೆ ರೂಮಿನೊಳಗೆ ಹೋದವನೇ.. ಮಿಕ್ಕಿದ್ದ ಒಂದು ಬಿಯರ್ ತಗೊಂಡು ಬಂದ..

ಬೇಜಾರ್ ಮಾಡ್ಕೊಂಡು, ಬಿಯರ್ ಕುಡಿದು ಖಾಲಿ ಮಾಡ್ತಾನೆ ಅನ್ಕೊಂಡ್ವಿ...

ಅವನು ಹಾಗೆ ಮಾಡದೇ, ನಮ್ ಕಡೆ ನೋಡ್ತಾ ಹೇಳಿದ..

"ಯಳವತ್ತಿ.. ಶಿವಕುಮಾರ್... ನೀವು ಬರೀ ಹದ್ನಾರ್ ರೂಪಾಯ್ ಲೀಟರ್ ನೀರಿನಲ್ಲಿ ಮುಖ ತೊಳ್ಕೊಂಡ್ತಾ??

ನೋಡಿಲ್ಲಿ.. ನಾನು ಅರವತ್ತು ರೂಪಾಯಿ (ಒಂದಾನೊಂದು ಕಾಲದಲ್ಲಿ ಅರವತ್ತು ರೂಪಾಯಿ ಇತ್ತು.. ಇವಾಗ ಜಾಸ್ತಿ ಆಗಿದೆಯಂತೆ.. ಯಾಕೆಂದರೆ, ನಾನು ಕುಡಿಯೋದು ಬಿಟ್ಟಿದ್ದೀನಿ... ಮೋಸ್ಟ್ಲಿ ಇದು 8 ನೇ ಬಾರಿ ಬಿಡ್ತಿರೋದು ಅನ್ಸುತ್ತೆ...) ಬಿಯರ್ ನಿಂದ ಮುಖ ತೊಳ್ಕೊತ್ತೀನಿ ಅಂದವನೇ.. ಬಿಯರ್ ನಿಂದ ಮುಖ ತೊಳ್ಕೊಂಡು.. ಅರ್ಧ ಬಿಯರ್ ನ ಖಾಲಿ ಮಾಡಿದ....

ವರ್ಷದ ಮೊದಲನೇ ದಿನವೇ ನಾವು ಶ್ರೀಮಂತರಾದ್ವಿ...

ಹಳೆಯ ಲೇಖನಗಳನ್ನು ಓದಿ, ಕಾಮೆಂಟ್ ಬರೆಯುವುದನ್ನು ಮರೆಯದಿರಿ..

ಇಂತಿ,.

ಯಳವತ್ತಿ

ಸಿಕ್ಕಿದೋರಿಗೆ ಸೀರುಂಡ...

2010-06-21T15:40:00.005+05:30

ಬಹಳ ದಿನಗಳಾಗಿತ್ತು.. ಬ್ಲಾಗಿನಲ್ಲಿ ಏನೂ ಬರೆದಿರಲಿಲ್ಲ..

ಇವತ್ತು ನನ್ನ ಜೀವನದ ಒಂದು ಹಳೇ ಕಥೆಯನ್ನು ನಿಮ್ಮ ಮುಂದೆ ಇಡ್ತಿದೀನಿ.

ಇದು ಸುಮಾರು ನಾಲ್ಕು ವರ್ಷದ ಹಿಂದೆ ನಡೆದ ಘಟನೆ. ಅವಾಗ ನಾನು ಮಧುಗಿರಿಯಲ್ಲಿ ಒಂದು ಬಾಡಿಗೆ ರೂಂ ಮಾಡಿಕೊಂಡು ನನ್ನ ಫ್ರೆಂಡ್ಸ್ ಗಳ ಜೊತೆ ಇದ್ದೆ. ರೂಮಿನಲ್ಲಿ ನಾನು, ಶಿವಕುಮಾರ್, ಅಶ್ವಿನ್, ರಮೇಶ, ರಂಗನಾಥ ಮತ್ತು ಗುಂಡ ಇದ್ವಿ...

ನಮ್ಮ ರೂಮಿನಲ್ಲಿ ಒಂದು ನಿಯಮ ಮಾಡಿದ್ವಿ..(ಹಲವಾರು ಇವೆ..) ಐದು ರೂಪಾಯಿಯಿಂದ ಹಿಡಿದು ಸಾವಿರ ರೂಪಾಯಿಯವರೆಗೆ ನೋಟುಗಳು ಬಿದ್ದಿದ್ರೂ ನಾವ್ ಯಾರೂ ಮುಟ್ಟುತ್ತಿರಲಿಲ್ಲ. ಯಾರು ಇಟ್ಟಿರುತ್ತಾರೋ.. ಅವರೇ ಅದನ್ನು ತಗೋಬೇಕಿತ್ತು.. ಆದರೆ, ಯಾರದಾದ್ರೂ ಚಿಲ್ರೆ ಕಾಸು ಬಿದ್ದರೆ... ಯಾರು ಅದನ್ನು ಆಯ್ಕೋತಾರೋ ಅವರಿಗೇ ಅದು ದಕ್ಕುತ್ತಿತ್ತು.. ಸಿಕ್ಕಿದೋರಿಗೆ ಸೀರುಂಡ..

ನಮ್ ರೂಮಲ್ಲಿದ್ದ ರಮೇಶ ಯಾವಾಗಲೂ ಪ್ಯಾಂಟ್ ಹಾಕ್ಕೊಂಡೇ ಮಲ್ಕೋತಿದ್ದ (ನಾವು ಪಂಚೆ/ನೈಟ್ ಪ್ಯಾಂಟ್ ಇತ್ಯಾದಿ ಹಾಕ್ಕೋತ್ತಿದ್ವಿ..).. ಬೆಳಿಗ್ಗೆ ಆಗೋವಷ್ಟರಲ್ಲಿ ಅವನ ಪಕ್ಕದಲ್ಲಿ ಜೇಬಿನಲ್ಲಿದ್ದ ಚಿಲ್ರೆ ಕಾಸು ಬಿದ್ದಿರ್ತಿತ್ತು.. ಈ ವಿಷಯ ರೂಮಿನಲ್ಲಿದ್ದವರೆಲ್ಲರಿಗೂ ಗೊತ್ತಿತ್ತು. ಅದಕ್ಕೇ ಎಲ್ಲರೂ ಬೆಳಿಗ್ಗೆ ಎದ್ದ ಕೂಡಲೇ ಮೊದಲು ರಮೇಶನ ಅಕ್ಕ ಪಕ್ಕದಲ್ಲಿ ಚೆಕ್ ಮಾಡ್ತಿದ್ವಿ.. ಸಿಗೋ ಚಿಲ್ರೆ ಕಾಸು, ಬೆಳಿಗ್ಗೆ ಕಾಫಿ-ಟೀ ಕುಡಿಯೋಗೆ ಆಗ್ತಿತ್ತು...

ರಮೇಶ ಎಲ್ಲಾ ಆದಮೇಲೆ ಎದ್ದಾಗ ಇಂಗು ತಿಂದ ಮಂಗನ ಥರಾ ಮುಖ ಮಾಡಿಕೊಳ್ತಿದ್ದ..

ಒಮ್ಮೆ ಏನಾಯ್ತು ಅಂದ್ರೆ, ನಮ್ ರೂಮಿನಲ್ಲಿದ್ದ ಶಿವಕುಮಾರ್ ತಮ್ಮನ ಮದುವೆಗೆ ಬೆಂಗಳೂರಿಗೆ ಹೋಗಿದ್ವಿ.. ಮದುವೆಯ ಹಿಂದಿನ ದಿನ ಶಿವಕುಮಾರ್ ಮನೇಲಿ ಉಳಿದುಕೊಂಡಿದ್ವಿ. ನಮಗೆ ಹಾಲ್ ನಲ್ಲಿ ಹಾಸಿಕೊಟ್ಟು ಶಿವಕುಮಾರ್ ಫ್ಯಾಮಿಲಿ ಜೊತೆಗೆ ಬೆಡ್ ರೂಮಿಗೆ ಹೋಗಿ ಮಲ್ಕೊಂಡಿದ್ದ..

ನೈಟ್ ಲ್ಯಾಂಪ್ ಕೆಳಗೆ ಎಲ್ಲರೂ ಮಲ್ಕೊಂಡು 2 ನಿಮಿಷ ಆಗಿರಲಿಲ್ಲ.. ನನ್ ಪಕ್ಕ ಮಲ್ಕೊಂಡಿದ್ದ ರಮೇಶನ ಜೇಬಿನಿಂದ ಸಾಕಷ್ಟು ಚಿಲ್ರೆ ಕಾಸುಗಳು ತುಪು ತುಪು ಅಂತಾ ಉದುರಿದವು.. ಎಲ್ಲರೂ ಫುಲ್ ಅಲರ್ಟ್... ಕಾಳಗಕ್ಕೆ ಬಿದ್ದವರಂತೆ, ನಾನು ರಂಗನಾಥ ಮತ್ತು ಅಶ್ವಿನ್ ಮೂರು ಜನರೂ ಬಿದ್ದ ಚಿಲ್ರೆ ಕಾಸುಗಳನ್ನು ಆಯ್ಕೊಳ್ಳೋಕೆ ಶುರು ಮಾಡಿದ್ವಿ..(ಮೋಸ್ಟ್ಲಿ ಎಲ್ಲರೂ ಹೋದ ಜನ್ಮದಲ್ಲಿ ಒಂದೇ ದೇವಸ್ಥಾನದ ಮುಂದೆ ಕೂತ್ಕೋತಿದ್ವಿ ಅನ್ಸುತ್ತೆ..) ಗಲಾಟೆ ಕೇಳಿ, ಶಿವಕುಮಾರ್ ಬೆಡ್ ರೂಂ ನಿಂದ ಓಡಿ ಬಂದು ಲೈಟ್ ಹಾಕಿದ,,, ಅಷ್ಟರಲ್ಲಾಗಲೇ ಚಿಲ್ರೆ ಕಾಸುಗಳು ನಮ್ ಕೈನಲ್ಲಿದ್ವು.. ಅಶ್ವಿನ್ ಗೆ 6 ರೂಪಾಯಿ, ರಮೇಶನಿಗೆ 5 ರೂಪಾಯಿ.. ನಂಗೆ 16 ರೂಪಾಯಿ ಮತ್ತು ರಂಗನಾಥನಿಗೆ 21 ರೂಪಾಯಿ ಸಿಕ್ಕಿತ್ತು.. ಎಲ್ಲರೂ ನಮಗೆ ಬಂದ ಲಾಭದ ಬಗ್ಗೆ ಹೊಗಳಿಕೊಳ್ಳುತ್ತಿದ್ದರೆ, ಅವಾಗ ತಾನೆ ಬಂದ ಶಿವಕುಮಾರ್ ತನಗೆ ಒಂದು ರೂಪಾಯಿಯೂ ಸಿಗದೇ ಇದ್ದುದ್ದಕ್ಕೆ ಬೇಜಾರು ಮಾಡ್ಕೊಂಡ..

ನನಗೆ ಸಿಕ್ಕ ಚಿಲ್ರೆ ಕಾಸುಗಳನ್ನು ಪ್ಯಾಂಟಿನ ಜೇಬಿನಲ್ಲಿ ಇಟ್ಟುಕೊಂಡರೆ ಉದುರಿ ಹೋಗುತ್ತೆ ಅಂತಾ ಹ್ಯಾಂಗರ್ ಗೆ ನೇತು ಹಾಕಿದ್ದ ನನ್ನ ಶರ್ಟ್ ಗೆ ಹಾಕಿ ಬಂದೆ.. ನನ್ನನ್ನು ನೋಡಿ ರಂಗನಾಥ್ ಕೂಡಾ ಅವನಿಗೆ ಸಿಕ್ಕಿದ್ದ ಚಿಲ್ರೆ ಕಾಸುಗಳನ್ನು ಹ್ಯಾಂಗರ್ ಗೆ ನೇತು ಹಾಕಿದ್ದ ಶರ್ಟ್ ಜೇಬಿಗೆ ಹಾಕಿ ಬಂದ.. ಬಂದ ದಾರಿಗೆ ಸುಂಕವಿಲ್ಲ ಎನ್ನುವಂತೆ, ಶಿವಕುಮಾರ್ ಲೈಟ್ ಆಫ್ ಮಾಡಿ, ಬೆಡ್ ರೂಂ ಗೆ ಹೋಗಿ ಮಲ್ಕೊಂಡ..

ನಾವೆಲ್ಲರೂ ಸಲ ಮಲಗಿ ಹತ್ತು ನಿಮಿಷವಾಗಿತ್ತು.. ಆಗ ರಂಗನಾಥ್ ನನ್ನನ್ನು ಎಬ್ಬಿಸಿ..

ಲೇ ಯಳವತ್ತಿ, ಒಂದು ದೊಡ್ಡ ಮಿಸ್ಟೇಕ್ ಮಾಡಿಬಿಟ್ಟಿದ್ದೀನಿ ಕಣ್ಲ... ಎದ್ದು ಲೈಟ್ ಹಾಕು ಎಂದ..
ಯಾಕೋ ಏನಾಯ್ತೋ? ಅಂತಾ ಎದ್ದು ಲೈಟ್ ಹಾಕಿದೆ..

ಎಲ್ಲರೂ ಎದ್ದರು.. ರಂಗನಾಥ್ ಇದ್ದೋನು, ಹ್ಯಾಂಗರ್ ಗೆ ನೇತುಹಾಕಿದ್ದ ಶರ್ಟ್ ಗಳನ್ನು ಹೋಗಿ ಚೆಕ್ ಮಾಡಿ, ಮುಖ ಸಪ್ಪಗೆ ಮಾಡಿಕೊಂಡು ಬಂದು ಕುಳಿತ..

ಏನಾಯ್ತೋ ರಂಗ.. ಅಂತಾ ಎಲ್ಲರೂ ಗಾಭರಿಯಿಂದ ಕೇಳಿದೆವು...

" ಯಳವತ್ತಿ... ಫುಲ್ ಲಾಸ್ ಆಗೋಯ್ತು ಕಣ್ಲ.." ಅಂದ.....

ನಮಗೆ ಅರ್ಥವಾಗಲಿಲ್ಲ.. ಅದೇನು ಅಂತಾ ಬಿಡಿಸಿ ಹೇಳೋ ಅಂದೆವು..

ಅವಾಗ ರಂಗನಾಥ ಹೇಳಿದ..

"ನಾನು ನನ್ನ ಶರ್ಟು ಅಂತಾ ರಮೇಶನ ಶರ್ಟಿನ ಜೇಬಿಗೆ ಚಿಲ್ರೆ ಕಾಸುಗಳನ್ನು ಹಾಕಿ ಬಂದೆ ಕಣೋ" ಅಂದಾ..

ಅವನು ನೈಟ್ ಲ್ಯಾಂಪಿನ ಮಂದ ಬೆಳಕಿನಲ್ಲಿ ರಮೇಶ ಉದುರಿಸಿದ ಕಾಸುಗಳನ್ನು ರಮೇಶನ ಶರ್ಟಿನ ಜೇಬಿಗೆ ಹಾಕಿ ಬಂದಿದ್ದ...

ಇದನ್ನು ಕೇಳಿ ಎಲ್ಲರೂ ಹೊಟ್ಟೆ ಹುಣ್ಣಾಗುವಷ್ಟು ನಕ್ಕೆವು...

ನಮ್ ನಗುವನ್ನು ಕೇಳಿದ ಶಿವಕುಮಾರ್ ಮಿಸೆಸ್ ರೂಂನಿಂದ ಆಚೆ ಬಂದು, ಏನಾಯ್ತು ಅಂತಾ ಕೇಳಿದರು.. ಆಮೇಲೆ ಹೇಳ್ತೀನಿ ಅಂದ ಶಿವಕುಮಾರ್ ನಮಗೆಲ್ಲರಿಗೂ ಗುಡ್ ಬೈ ಹೇಳಿ, ಮಿಸೆಸ್ ಜೊತೆ ಹೋಗಿ ಮಲ್ಕೊಂಡ...

ಸ್ವಲ್ಪ ಹೊತ್ತಿನ ನಂತರ ಬೆಡ್ ರೂಂ ನಿಂದ ಇಬ್ಬರೂ ಜೋರಾಗಿ ನಗೋದು ಕೇಳಿಸಿತು.. ಮತ್ತೆ ನಾವೆಲ್ಲರೂ ನಕ್ಕೆವು..

ವಿ.ಸೂ.:- ರಂಗನಾಥ ರಮೇಶನ ಜೇಬಿಗೆ ಹಾಕಿದ್ದ ಚಿಲ್ರೆ ಕಾಸುಗಳನ್ನು ವಾಪಸ್ ತಗೋಬಹುದಿತ್ತು.. ಆದರೆ ನಮ್ ರೂಮಿನ ಇನ್ನೊ0ದು ನಿಯಮ ಇದಕ್ಕೆ ಅವಕಾಶ ಕೊಟ್ಟಿರಲಿಲ್ಲ.. ಇನ್ನೊಂದು ನಿಯಮದ ಪ್ರಕಾರ "ಯಾರೂ ಸಹ ಇನ್ನೊಬ್ಬರ ಜೇಬಿಗೆ ಕೈ ಹಾಕುವಂತಿಲ್ಲ"

ಇಂತಿ ನಿಮ್ಮ ಪ್ರೀತಿಯ,

ಯಳವತ್ತಿ

ಫ್ರೀ ಇದ್ದಾಗ ಇವುಗಳನ್ನೂ ನೋಡಿ..

1) ಒಂದೆರಡು ಸಾಲಿನ ಕಥೆಗಳು ಭಾಗ-1
2) ಒಂದೆರಡು ಸಾಲಿನ ಕಥೆಗಳು ಭಾಗ-2
3) ಒಂದೆರಡು ಸಾಲಿನ ಕಥೆಗಳು ಭಾಗ-3
4) ಒಂದೆರಡು ಸಾಲಿನ ಕಥೆಗಳು ಭಾಗ-4
5)ಒಂದೆರಡು ಸಾಲಿನ ಕಥೆಗಳು ಭಾಗ-5
6) ಒಂದೆರಡು ಸಾಲಿನ ಕಥೆಗಳು ಭಾಗ-6
7) ನ್ಯಾನೋ ಕಥೆಗಳು ಭಾಗ-1
8) ಒಂದು ವರ್ಷದ ಸಂಭ್ರಮ

ಲೇಖಕರಿಗಾಗಿ ಆಹ್ವಾನ

2010-05-27T12:59:00.002+05:30

ನನಗೆ ಸ್ವಲ್ಪ ಮನೆಯ ಮತ್ತು ಕಚೇರಿಯ ಕೆಲಸದ ಒತ್ತಡಗಳು ಬಹಳ ಇರುವುದರಿಂದ ಬ್ಲಾಗಿನಲ್ಲಿ ಏನ್ನನೂ ಬರೆಯಲು ಆಗುತ್ತಿಲ್ಲ. ಅದಕ್ಕಾಗಿ "ಯಳವತ್ತಿ ಬ್ಲಾಗ್" ನಲ್ಲಿ ಬರೆಯಲು ಇಚ್ಛಿಸುವ ಲೇಖಕರಿಗಾಗಿ ಈ ಮೂಲಕ ಆಹ್ವಾನ ನೀಡುತ್ತಿದ್ದೇನೆ.

ಯಾರಾದರೂ ಇಚ್ಚೆಯುಳ್ಳವರು ನನ್ನನ್ನು ಸಂಪರ್ಕಿಸಬಹುದಾದ ವಿಳಾಸ: shivagadag@gmail.com

ಇಂತಿ ನಿಮ್ಮ ಪ್ರೀತಿಯ,

ಯಳವತ್ತಿ

ಒಂದೆರಡು ಸಾಲಿನ ಕಥೆಗಳು ಭಾಗ-6

2010-05-13T10:47:00.004+05:30

ಮತ್ತದೇ ಬೆಂಗಳೂರಿಗೆ ಹೋಗೋ ಬಸ್ಸಲ್ಲಿ ಕೂತುಕೊಂಡು ಬರೆದ ಸಾಲುಗಳು... ವಿಜಯ ಕರ್ನಾಟಕ ಪೇಪರ್ ನಲ್ಲಿ ದಿನಾಂಕ: 13-05-2010 ರಂದು ಪ್ರಕಟಿಸಿದ್ದಾರೆ.. (ಎಡಿಟರ್ ಇನ್ನೂ ರಜೆಯಿಂದ ಬಂದಿಲ್ಲ ಅನ್ಸುತ್ತೆ...)

ಇಂತಿ ನಿಮ್ಮ ಪ್ರೀತಿಯ,

ಯಳವತ್ತಿ

೧) ಪ್ರೀತಿಸಿ ಮದುವೆಯಾದ ಪ್ರೇಮಿಗಳಿಬ್ಬರು ತಮ್ಮ ಹಳೆ ದಿನಗಳ ಮೆಲುಕು ಹಾಕುತ್ತಿದ್ದರು.. ಹಿಂದೊಮ್ಮೆ ಮುನಿಸಿಕೊಂಡಾಗ ಬೇಕಂತಲೇ ಇವನು ಬೇರೊಬ್ಬ ಹುಡುಗಿಯ ಜೊತೆಗೆ ಹಲ್ಕಿರಿದು ಮಾತನಾಡಿದ್ದನ್ನು ಇವತ್ತು ನೆನಪು ಮಾಡಿಕೊಂಡು ಮುಖ ಊದಿಸಿಕೊಂಡಳು..

೨) ಅಹಿಂಸಾವಾದಿ ಸುಬ್ಬಾ ಶಾಸ್ತ್ರಿಗಳು, ತಮಗೆ ತೊಂದರೆ ನೀಡುತ್ತಿದ್ದ ಸೊಳ್ಳೆಗಳನ್ನು ಒಂದೊಂದನ್ನೇ ಹಿಡಿದು, ಹಿಸುಕಿ, ಸಾಯಿಸಿ ಸಂಭ್ರಮಿಸಿದರು..

೩) ಊರಿನ ಸಹವಾಸವೇ ಬೇಡ ಎಂದು ಮನೆ ಬಿಟ್ಟು ಬಂದಿದ್ದ ರಮೇಶ ಬೆಳ್ಳಂಬೆಳಗ್ಗೆ ಬೆಂಗಳೂರು ಕಡೆಗೆ ಹೊರಟಿದ್ದ ಸೂಪರ್ deluxe ಬಸ್ಸನ್ನೇರಿ ಕುಳಿತಿದ್ದ..
ವೇಗವಾಗಿಯೇ ಹೊರಟ ಬಸ್ಸು, ಇವನ ಮನೆ ಮುಂದೆ ಬಂದ ಕೂಡಲೇ ಮುಂದೆ ಹೋಗಲೊಲ್ಲದೆ ಕೆಟ್ಟು ನಿಂತಿತ್ತು..

೪) ಮದುವೆಯ ಹಿಂದಿನ ದಿನವೇ "ನನಗೆ ಎರಡು ಮದುವೆ ಮಾಡಿಕೊಳ್ಳಬೇಕೆಂದು ಆಸೆ" ಎಂದು ಹೇಳಿದಾಗ ಅವಳ ಕಣ್ಣು ಕೆಂಪಾಗಿ.. ಕಣ್ಣಂಚಿನಲ್ಲಿ ನೀರು ಮೂಡಿತ್ತು.. "ಇವಾಗ ಒಂದು ಸಾರಿ, ಷಷ್ಠಿ ಪೂರ್ತಿಗೆ ಒಂದು ಸಾರಿ" ಅಂತ ಹೇಳಿದಾಗ.. ದುಖ ಕರಗಿ,, ಅವನ ಮೇಲೆ ಅವಳಿಗೆ ಮುನಿಸಾಯಿತು..

೫) ದಿನಂಪ್ರತಿ ೭ಕ್ಕೆ ಏಳುತ್ತಿದ್ದವನಿಗೆ ೫ಕ್ಕೆ ಎಚ್ಚರವಾಗುತ್ತಿದೆ.. ಕೊರೆಯುವ ಚಳಿ ಮೈ ತುಂಬಿಕೊಂಡಾಗ ಮಡದಿಯ ಬಿಸಿ ಅಪ್ಪುಗೆ ನೆನಪಾಗುತ್ತಿದೆ.. ಅಕ್ಕ ಬಂದ ೩ ದಿನಕ್ಕೆ ಕರೆದುಕೊಂಡು ಹೋಗಲು ಬಂದ ಭಾವನನ್ನು ನೋಡಿ ನಾದಿನಿಯರು ಮುಸಿ ಮುಸಿ ನಗುತ್ತಿದ್ದಾರೆ..

೬) ಇಡ್ಲಿ ಮತ್ತು ದೋಸೆ ಜಗಳವಾಡುತ್ತಿದ್ದರು... ಬಿಡಿಸಲು ನಡುವೆ ಬಂದ ತೆಂಗಿನಕಾಯಿ ಚಟ್ನಿಯಾಗಿದೆ.

೭) ಹುಡುಗ ಹುಡುಗಿಗೆ ಸ್ನೇಹವಾಯಿತು..
ಎಸ್ಸೆಮ್ಮೆಸ್ ಗಳ ಸಾಗರವೇ ಹರಿಯಿತು..
ಪ್ರೀತಿಸಿಕೊಂಡರು. ಇಬ್ಬರ ನಂಬರ್ ಬ್ಯುಸಿಯಾಯಿತು..
ಮದುವೆಯಾದರು.. ಇವಾಗ ಇಬ್ಬರ ಮೊಬೈಲ್ ನಲ್ಲಿ currency ಇಲ್ಲವಂತೆ..

೮) "ನೀ ಹೇಗಿದ್ದರೂ ನಂಗೆ ಇಷ್ಟ ಕಣೆ" ಅನ್ನುತ್ತಿದ್ದ ಗಂಡ.. ಇವಾಗ "ನಿಮ್ಮಮ್ಮ ಡುಮ್ಮಿ ಆಗಿಬಿಟ್ಟಿದಾಳೆ" ಅಂಥಾ ಮಗಳ ಎದುರು ಮೂದಲಿಸ್ತಾ ಇದಾನೆ...

-ಯಳವತ್ತಿ

ಒಂದೆರಡು ಸಾಲಿನ ಕಥೆಗಳು ಭಾಗ-5

2010-05-06T07:53:00.000+05:30

ಮೊನ್ನೆ ಬೆಂಗಳೂರಿಗೆ ಬಂದಾಗ ಬಸ್ಸಿನಲ್ಲಿ ಕೂತುಕೊಂಡು ಒಂದೆರಡು ಸಾಲಿನ ಕಥೆಗಳು ಅನ್ನಿಸಿಕೊಳ್ಳುವಂಥದ್ದನ್ನು ಬರೆದಿದ್ದೆ. ಅದನ್ನು ಇವತ್ತಿನ ದಿನಾಂಕ: 06-07-2010 ರಂದು ವಿಜಯಕರ್ನಾಟಕ ಪೇಪರ್ ನಲ್ಲಿ ಪ್ರಕಟಿಸಿದ್ದಾರೆ. ಈ ಬಾರಿಯ ವಿಶೇಷ ಏನಪ್ಪಾ ಅಂದ್ರೆ.. ಒಂದು ಚೂರು ಎಡಿಟ್ ಮಾಡದೇ ಹಾಗೇ ಪ್ರಿಂಟ್ ಮಾಡಿದ್ದಾರೆ. ಮೋಸ್ಟ್ಲಿ ಎಡಿಟರ್ ರಜ ಹಾಕಿದ್ರು ಅನ್ಸುತ್ತೆ.

1) ಪ್ರತಿಯೊಂದು ಸ್ಟಾಪ್ ಬಂದಾಗಲೂ ವಾಚ್ ನೋಡಿ ಚಡಪಡಿಸುತ್ತಿದ್ದಳು. ಅಪ್ಪ ಅಮ್ಮನಿಗೆ ಹೇಳಿದ ಸುಳ್ಳಿಂದ ದಿಗಿಲಾಗುತ್ತಿದ್ದರೂ, ತನಗಾಗಿ ಕಾಯುತ್ತಿದ್ದವನ ನೆನಪಾಗಿ ನಾಚಿಕೊಂಡಳು.

2) ಪ್ರತಿ ಬಾರಿ "ನೀ ನನ್ನ ಪ್ರೀತಿಸ್ತೀಯಾ?" ಅಂತಾ ಕೇಳುತ್ತಿದ್ದ.. ಪ್ರತಿ ಬಾರಿಯೂ "ಇಲ್ಲ ಕಣೋ!!" ಅಂತಾನೇ ಹೇಳುತ್ತಿದ್ದಳು..
"ನಾ ನಿನ್ನ ಪ್ರೀತಿಸ್ತೀನಿ ಕಣೇ!!" ಅನ್ನೋ ಅವನ ಒಂದು ಮಾತಿಗಾಗಿ ಇವಳು ಕಾಯುತ್ತಲೇ ಇದ್ದಳು.

3) ಇಂಟರ್ನೆಟ್ ಫ್ರೆಂಡ್ ಗೆ ಇವತ್ತು "ಐ ಲವ್ ಯೂ" ಅಂತಾ ಹೇಳಬೇಕಿತ್ತು.. ಬಡ್ಡಿಮಕ್ಕಳು ಇವಳ ಅಕೌಂಟನ್ನು ಹ್ಯಾಕ್ ಮಾಡಿದ್ದರು.

4) ಬಿ.ಎಂ.ಟಿ.ಸಿ. ಬಸ್ಸಿನ ಡ್ರೈವರ್ ಗೂ ಕಂಡಕ್ಟರ್ ಗೂ ಜಗಳವಾಗಿದ್ದಕ್ಕೆ ಎಲ್ಲರಿಗೂ ತಡವಾಗಿತ್ತು.. ಇವಳು ಪಾರ್ಕಿಗೆ ತಡವಾಗಿ ಬಂದಿದ್ದಕ್ಕೆ ಅವನು ಇವಳ ಜೊತೆ ಜಗಳ ಮಾಡಿದ.

5) ಪಕ್ಕದ ಸೀಟಿನಲ್ಲಿ ಕುಳಿತ ಚಲುವೆಯ ಮೇಲೆ ಕವನ ಬರೆದು ಅವಳಿಗೆ ಕೇಳಿಸೋ ಹಾಗೆ ಜೋರಾಗಿ ಹೇಳಿಕೊಂಡ. ತನ್ನ ಪಾಡಿಗೆ ತಾನಿದ್ದ ಅವಳು ಬಸ್ಸಿಂದ ಇಳಿಯುವಾಗ ಬಹುಮಾನವಾಗಿ ಸ್ಮೈಲ್ ಕೊಟ್ಟು ಹೋದಳು.

6) "ನಾನು ಯಾರನ್ನೂ ಪ್ರೀತಿಸುತ್ತಿಲ್ಲ!!" ಎಂದು ಹೇಳುತ್ತಿದ್ದವಳು, "ನಿನ್ನನ್ನು ಬಿಟ್ಟು" ಅಂತಾ ಅವನಿಗೆ ಕೊನೆಯವರೆಗೂ ಹೇಳಲೇ ಇಲ್ಲ...

7) ಬೆಂಗಳೂರಿನ ಒಂದೂ ಬಾವಿಯಲ್ಲಿ ನೀರಿಲ್ಲ ಅನ್ನುತ್ತಿದ್ದವನಿಗೆ, ತನ್ನ ಹಿತ್ತಲಲ್ಲಿದ್ದ ದೊಡ್ಡ ಬಾವಿಯನ್ನು ತೋರಿಸಬಾರದಾಗಿತ್ತು ಅಂತಾ ಅನ್ನಿಸಿದ್ದು, ಬಾವಿಯಲ್ಲಿ ಅವನ ಹೆಣ ತೇಲುತ್ತಿದ್ದಾಗಲೇ..

8) ನೂರಾರು ಹುಡುಗಿಯರನ್ನು ಪ್ರೀತಿಸಿಕೊಂಡು ಅಂಡಲೆಯುತ್ತಿದ್ದ ಪೊರ್ಕಿಗೆ, ಅಕ್ಕನ ಮಗಳು ಕೈಹಿಡಿದು ಲಗಾಮು ಹಾಕಿದಳು..

ಇಂತಿ ನಿಮ್ಮ ಪ್ರೀತಿಯ,
ಇಂತಿ,
ಯಳವತ್ತಿ

ಚಿತ್ರಾನ್ನ ಚಿತ್ರಾನ್ನ... ಟ್ವಿಟರ್ ನ ಟ್ವೀಟುಗಳು.. ಭಾಗ-2

2010-05-01T08:52:00.010+05:30

ಲೇಖನದ ಶೀರ್ಷಿಕೆ ನೋಡಿ, ಬುದ್ಧಿವಂತ ಸಿನಿಮಾ ಬಗ್ಗೆ ಹೇಳ್ತಾ ಇದ್ದೀನಿ ಅನ್ಕೋಬೇಡಿ.

ನಾನು ಬಹಳ ದಿನದಿಂದ ಬ್ಲಾಗ್ ಬರೆಯೋಕೆ ಆಗಿರಲಿಲ್ಲ. ಅದಕ್ಕೆ.. ಅದಕ್ಕೆ.. ಈ ಚಿತ್ರಾನ್ನ..

ಗೊತ್ತಾಗಲಿಲ್ಲವಾ?

ಮನೆಯಲ್ಲಿ ರಾತ್ರಿ ಜಾಸ್ತಿ ಅನ್ನ ಉಳಿದಿದ್ದರೆ ಏನ್ ಮಾಡ್ತಾರೆ ಹೇಳಿ? ಅದನ್ನೇ ಬೆಳಿಗ್ಗೆ ಬಿಸಿ ಬಿಸಿಯಾಗಿ ಚಿತ್ರಾನ್ನ ಮಾಡ್ತಾರೆ.

ಇವಾಗ ಚಿತ್ರನ್ನಾದ ವಿಷಯ ಯಾಕೆ ಹೇಳ್ತಾ ಇದೀನಿ ಅಂದ್ರೆ,
ನಾನು ಹಲವು ದಿನಗಳಿಂದ ಆಫೀಸಿನ ಕೆಲಸಗಳಲ್ಲಿ ಸ್ವಲ್ಪ ಬ್ಯುಸಿ ಇದ್ದೆ.. ಅದಕ್ಕೆ ಬ್ಲಾಗ್ನಲ್ಲಿ ಏನೂ ಬರೆಯೋಕೆ ಆಗಿರಲಿಲ್ಲ. ಏನ್ ಸಾರ್ ಏನೂ ಬರೆದಿಲ್ಲವಲ್ಲಾ? ಅಂತಾ ಕೆಲವರು ಕೇಳಿದರೆ, ಬ್ಲಾಗ್ ಬರೆಯೋದು ಮರೆತು ಹೋಯ್ತಾ? ಅಂತಾ ಕೆಲವರು ಮೂದಲಿಸಿದರು.. ಬರೀತೀರೋ ಇಲ್ವೋ? ನಿಮ್ಮ ಬ್ಲಾಗ್ ಮರೆತು ಹೋಗ್ತಾ ಇದೆ...ಅಂತಾ ಕೆಲವರು ಪ್ರೀತಿಯಿಂದ ಕೋಪ? ಮಾಡಿಕೊಂಡು ಕೇಳಿದಾಗ,
ಇನ್ನೂ ಸ್ವಲ್ಪ ದಿನ ಹೀಗೇ ಇದ್ದರೆ, ನನ್ನನ್ನು ನೀವೆಲ್ಲಾ ಮರೆಯುವ ಮುನ್ಸೂಚನೆಯನ್ನು ಅನುಮಾನ ಇಲಾಖೆ ಕೊಟ್ಟಿದ್ದರಿಂದ ಹೆದರ(ರಿ)ದೇ, ಬೆದರ(ರಿ)ದೇ.. ಈ ಕಡೆ ಸೋಲದೇ.. ಗೆಲ್ಲದೇ.. ಈ ಹಿಂದೆ ಬರೆದದ್ದನ್ನೇ ಬಿಸಿ ಮಾಡಿ ಫ್ರೆಶ್ ಆಗಿ ಚಿತ್ರನ್ನಾ ಮಾಡಿ ನಿಮ್ಮ ಮುಂದೆ ಇಡ್ತಾ ಇದ್ದೀನಿ..

ಈ ಟ್ವೀಟುಗಳನ್ನು ಬ್ಲಾಗಿನಲ್ಲಿ ಬರೆದಿರಲಿಲ್ಲ.. ನನ್ನ ಟ್ವಿಟರ್ ಅಕೌಂಟ್ ನಲ್ಲಿ ಬರೆದಿದ್ದೆ.. ಬ್ಲಾಗೋದುಗರಿಗಾಗಿ ಇಲ್ಲಿ ಮತ್ತೆ ಹಾಕ್ತಾ ಇದ್ದೀನಿ..(ಬರೋಬ್ಬರಿ 82 ಟ್ವೀಟುಗಳು.. ಓದಿ ಸುಧಾರಿಸ್ಕೊಳ್ಳಿ...)
ಇದಕ್ಕೂ ಮೊದಲು ಬರೆದ ಟ್ವೀಟುಗಳು ಇಲ್ಲಿವೆ..

ಟ್ವಿಟರ್ ನ ಟ್ವೀಟುಗಳು.. ಭಾಗ-2

1) ಮಾನವನ ಮೂಲ ಮಂಗ ಎನ್ನುವುದು ಎಷ್ಟು ದಿಟ...?? ಅವಳು ದಿನಾ ಬೆಳಿಗ್ಗೆ ಗುಡ್ ಮಾರ್ನಿಂಗ್ ಕೋತಿ ಅಂತಾ ಮೆಸೇಜ್ ಕಳಿಸುತ್ತಾಳೆ.

2) ಅವಳ ಮರೆಯಬೇಕೆಂದು ಕುಡಿದೆ..... ಮತ್ತೆ ನೆನಪಾದಳೆಂದು ಕಣ್ಣೀರಾದೆ......

3) ಈ ಸಂಸಾರದ ಜವಾಬ್ದಾರಿ ನಿಭಾಯಿಸೋದು ತುಂಬಾ ಕಷ್ಟ... ನಮ್ಮಪ್ಪನಿಗೆ ನಾನು ಮೊದಲನೇ ಮಗ...

4) ಪ್ರೀತಿಸಿದವರನ್ನೆಲ್ಲಾ ಮದುವೆ ಅಗೋ ಹಾಗಿದ್ರೆ.., ನಾನು ಮೂರನೇ ಕ್ಲಾಸಲ್ಲೇ ನನ್ನ ಟೀಚರ್ ನ ಮದುವೆ ಆಗ್ಬೇಕಿತ್ತು...
(ಇದಕ್ಕೆ ನನ್ನ ಸ್ನೇಹಿತನೊಬ್ಬ ನನಗೆ ಮೆಸೇಜ್ ಮಾಡಿದ್ದ.. ಅವನೇನಾದರೂ ಪ್ರೀತಿಸಿದವರನ್ನೆಲ್ಲಾ ಮದುವೆ ಆಗೋ ಹಾಗಿದ್ರೆ, ಇಲ್ಲಿವರೆಗೆ 36 ಮದುವೆ ಆಗಬೇಕಿತ್ತಂತೆ..!!)

5) ಕುಡಿಯುವುದು ತುಂಬಾ ಒಳ್ಳೇದು.. ಅವಾಗಲೇ ನಮ್ಮನ್ನು ಪ್ರೀತಿಸುವವರು ನೇನಪಾಗೋದು...
(ಇದನ್ನು ಕೆಲವರು ಆರ್ಕುಟ್ ಸ್ಟೇಟಸ್ ಮೆಸೇಜಿನಲ್ಲಿ ಮತ್ತು ಪ್ರೊಫೈಲ್ ನಲ್ಲಿ ಹಾಕ್ಕೊಂಡಿದಾರೆ..!!)

6) ಅವಳ ನೆನಪು ಮೊಬೈಲ್ ಥರಾ.. ಸ್ವಿಚಾಫ್ ಮಾಡಿ ಕಣ್ಮುಚ್ಚಿದರೂ, ಅಲಾರಂ ನೆಪದಲ್ಲಿ ಕಾಡಿಸ್ತಾ ಇರುತ್ತೆ..
(ಇದು ಇನ್ನೂ ಕೆ(ಹ)ಲವರಿಗೆ ಅರ್ಥ ಆಗಿಲ್ಲ)

7) ಈ ಪ್ರಪಂಚವೇ ಬೇಡ ಅನ್ನಿಸೋದು ನಂಬಿದವರು ಕೈಬಿಟ್ಟಾಗ ಮತ್ತು ಜೇಬಲ್ಲಿ ಕಾಸಿಲ್ಲದಿದ್ದಾಗ..
(ನನ್ನ ಸ್ವಂತ ಅನುಭವ.. ನಿಮಗೂ ಆಗಿರಬಹುದು..)

8) ದಿನವೂ ನೋಡುತ್ತಿದ್ದ ಹುಡುಗ ಒಂದು ಪ್ರಶ್ನೆ ಕೇಳಿದ್ದ..ಉತ್ತರ ಪಡೆಯದೆ ಬೇಸರಗೊಂಡವನನ್ನು ಕರೆಯಲು ಇವಳಿಗೆ ಮಾತು ಬರುತ್ತಿರಲಿಲ್ಲ... (ಇದನ್ನು ಒಂದೆರಡು ಸಾಲಿನ ಕಥೆಗಳಿಗೆ ಸೇರಿಸಬಹುದಿತ್ತೇನೋ?)

9) ಹುಡುಗಿಯರಿಗೆ ಐ ಲವ್ ಯೂ ಅಂತಾ ಹೇಳೋದೇ ತಪ್ಪು.. ಒಪ್ಪದಿದ್ರೆ ದೂರವಾಗ್ತಾರೆ. ಒಪ್ಪಿದ್ರೆ ಹೆಂಡ್ತಿ ಥರಾ ಅಧಿಕಾರ ಚಲಾಯಿಸ್ತಾರೆ..
(ಇದು ಹಲವರ ಅನುಭವ ಅನ್ಕೋತೀನಿ..)

10) ಎಲ್ಲಾ ಆತ್ಮ ಕಥೆಗಳು ಹೇಗೆ ಸತ್ಯವಲ್ಲವೋ ಹಾಗೆ ಎಲ್ಲಾ ಬ್ಲಾಗಿಗರು ಲೇಖಕರಲ್ಲ... ನಂ ಥರಾ.
(100% ನಿಜ ಅಲ್ವಾ??)

11) ನನಗೆ ಗುಣಕ್ಕಿಂತ ರೂಪ ಮುಖ್ಯ,.. ಗುಣ ಬದಲು ಮಾಡಿಕೊಳ್ಳಬಹುದು.. ರೂಪವನ್ನಲ್ಲ.
(ಇದಕ್ಕೆ ನೀವೇನಂತಿರೋ??)

12) ಪ್ರತಿ ವರ್ಷ ಹುಟ್ಟು ಹಬ್ಬ ಮಾಡಿಕೊಳ್ಳೋಕೆ ಖುಷಿ ಆಗುತ್ತೆ.. ಜೊತೆಗೆ ವಯಸ್ಸಾಯ್ತ್ಹಲ್ಲ ಅಂತಾ ಬೇಜಾರು ಕೂಡ ಆಗುತ್ತೆ..
(ನನಗೆ ಹೀಗೆ ಅನ್ನಿಸ್ತು.. ನಿಮಗೆ ನಿಮ್ಮ ಹುಟ್ಟಿದ ಹಬ್ಬದ ದಿನದಂದು ಅನ್ನಿಸಬಹುದು..)

13) ಅವನ ಬಿಸಿ ಅಪ್ಪುಗೆಯಲ್ಲಿ ಇವಳಿಗೆ ಒಂದು ಮುತ್ತು ಬೇಕಾಗಿತ್ತು.. ಅಷ್ಟು ಜನರ ಎದುರು ಇವನು ಅಂತೂ ಇಂತೂ ಧೈರ್ಯ ಮಾಡಿದ.. ಬಡ್ಡಿಮಗ ಡೈರೆಕ್ಟರ್ ಕಟ್ ಹೇಳಿಬಿಟ್ಟ!!!!!
(ಇದನ್ನೂ 1-2 ಸಾಲಿನ ಕಥೆಗಳಿಗೆ ಸೇರಿಸಬಹುದಿತ್ತು)

14) ಗೆಳೆಯ /ಗೆಳತಿಯ ಹುಟ್ಟು ಹಬ್ಬ ಬಂದರೆ ನಂಗೆ ತುಂಬಾ ಖುಶಿ ಆಗುತ್ತೆ.. ಆ ದಿನವನ್ನಾದರೂ ಅವರು ತನ್ನವರೊಂದಿಗೆ ಇರುತ್ತಾರೆ....

15) ನನಗೆ ಪ್ರಾಣಿಗಳನ್ನು ಹಿಂಸೆ ಮಾಡೋದು ಅಂದ್ರೆ ಆಗಲ್ಲಾ.. ಅದಕ್ಕೇ ರೆಡಿ ಇರೋ ಚಿಕನ್ ಪೀಸ್ ಗಳನ್ನೇ ತಿಂತೀನಿ....

16) ಒಂದು ಪುಸ್ತಕ ಬಿಡುಗಡೆ ಸಮಾರಂಭವೆಂದರೆ, ಹೊಸಬನನ್ನು ಪರಿಚಯಿಸುವುದು ಅಥವಾ ಹಳಬನನ್ನು ಮೇಲಕ್ಕೆತ್ತುವುದು ಎಂದರ್ಥ..

17) "ಮಿಸ್ಡ್ ಕಾಲ್ ಕೊಡೋದ್ರಿಂದ ಹುಡುಗಿಯರ ಸೌಂದರ್ಯ ಕ್ಷೀಣಿಸುತ್ತೆ" ಅನ್ನೋ ಒಂದೇ ಒಂದು ಸುಳ್ಳು ತುಂಬಾ ಪ್ರಭಾವಕಾರಿ..ಬೇಕಿದ್ದರೆ ಟ್ರೈ ಮಾಡಿ ನೋಡಿ..
(ಟ್ರೈ ಮಾಡಿದವರ್ಯಾರೂ ಫಲಿತಾಂಶ ತಿಳಿಸಿಲ್ಲವೆಂದು ತಿಳಿಸಲು ವಿಷ(ಸೇವಿಸುತ್ತೇವೆ)ದಿಸುತ್ತೇವೆ..)

18) ನನ್ನ ಆಪ್ತ ಗೆಳತಿ ನನಗೆ ಬಯ್ಯುವ ಒಂದೇ ಒಂದು ಪದ "NEJBB" NEJBB= Ninge E Janmakke Buddi Baralla
(Credit Goes to Anitha..)

19) "ಗೆಳತಿಯ ಹುಟ್ಟು ಹಬ್ಬಕ್ಕೆ ಮೊಬೈಲ್ ಪ್ರೆಸೆಂಟ್ ಮಾಡಿದೆ... FM ಇರೋದು ಬೇಕು ಅಂತಾ ವಾಪಸು ಮಾಡಿದ್ದಾಳೆ"..... ದುರುಪಯೋಗಕ್ಕೊಂದು ಉತ್ತಮ ಉದಾಹರಣೆ...

20) ಆಪ್ತ ಗೆಳತಿಯನ್ನು ಪ್ರೇಯಸಿ ಮಾಡಿಕೊಂಡಿದ್ದೇ ದೊಡ್ಡ ತಪ್ಪಾಯ್ತು.. ಮೊದಲು ಸುಮ್ಮನಿದ್ದವಳು, ಈಗ ನನಗಾಗಿ ಸಿಗರೇಟ್ ಸೇದುವುದು ಬಿಡು ಅಂತಾ ರಾಗ ತೆಗೆದಿದಾಳೆ....

21) ನೀರನ್ನು ಜಾಸ್ತಿ ಕುಡಿಯುವುದೂ ಸಹ ಒಂದು ಉತ್ತಮ ವ್ಯಾಯಾಮ.. TOILET ದೂರದಲ್ಲಿದ್ದರೆ ಇನ್ನೂ ಒಳ್ಳೇದು..
(ಯಾವುದೋ ಒಂದು ನನ್ನ ಫೇವರಿಟ್ ಬ್ಲಾಗಿನಲ್ಲಿ ತೆಳ್ಳಗಾಗಲು ನೀಡಿದ್ದ ಸಲಹೆ.. Credit Goes to that ಬ್ಲಾಗೋತ್ತಮ)

22) ಚಾಟಿಂಗ್ ಮಾಡಲು ಬೋರಾಗುತ್ತಿದೆ ಎಂದರೆ.. ಹೊಸ ಗರ್ಲ್/ಬಾಯ್ ಫ್ರೆಂಡ್ ಸಿಕ್ಕಿಲ್ಲವೆಂದೆ ಅರ್ಥ..

23) ಅವನಿಗೆ ಕಾಫಿ ಅಂದರೆ ಇಷ್ಟ ಅಂತಾ ಇವಳು ಇಲ್ಲಿ ಕಾಫಿ ಕುಡಿಯುತ್ತಿದ್ದರೆ, ಅವಳಿಲ್ಲದೇ ಕುಡಿಯಲು ಮನಸ್ಸಾಗದೇ ಅವನು ಅಲ್ಲಿ ನೆಲಕ್ಕೆ ಚೆಲ್ಲಿದ್ದ...
(ಇದೂ ಸಹ ಒಂದೆರಡು ಸಾಲಿನ ಕಥೆಗಳ ಗುಂಪಿಗೆ..)

24) ಪ್ಯಾಕ್ ಗಟ್ಟಲೇ ಸಿಗರೇಟು ಸೇದಿದೆ.ಎಚ್ಚರವಾಗದಷ್ಟು ಕುಡಿದೆ..ಹಗಲು ರಾತ್ರಿ ಇಸ್ಪೀಟ್ ಆಡಿದೆ..ಹುಚ್ಚನಂತೆ ಊರೂರು ಅಲೆದೆ.ಏನು ಮಾಡಿದರೂ ಅವಳ ನೆನಪು ಹೋಗುತ್ತಿಲ್ಲ
(ಹೊಸ ಐಡಿಯಾ ಇದ್ರೆ ಕೊಡಿ..)

25) ಏನಾದ್ರೂ ಬರೆಯೋಣಾ ಅಂತಾ ಯೋಚಿಸಿದೆ..ನೆನಪು ಮಾಡಿಕೊಂಡೆ, ತಲೆ ಕೆರೆದುಕೊಂಡೆ.. ಏನೂ ಬರಲಿಲ್ಲವಾದರೂ, ಕೈಗೆ ಕೂದಲು ಕಿತ್ತುಬಂದಿತ್ತು.
(ಎಷ್ಟು ಜನಕ್ಕೆ ಬಂದಿದೆಯೋ?)

26) ಅವಳಿಗಾಗಿ ನೂರಾರು ಕಿಲೋಮೀಟರ್ ಸಾಗಿ ಬಂದಿದ್ದೆ,,, ಆದರೆ ಅವಳಿಗೆ ಇವತ್ತು ಕಾಲೇಜಿನಲ್ಲಿ ಸ್ಪೆಶಲ್ ಕ್ಲಾಸ್ ಇದೆಯಂತೆ..

27) ನನಗೀಗ ತುಂಬಾ ತಾಳ್ಮೆ ಬಂದಿದೆ ಅನ್ಸುತ್ತೆ... ನೆನ್ನೆ ಎರಡು ಧಾರವಾಹಿಗಳನ್ನು ಸತತವಾಗಿ ನೋಡಿದೆ..

28) ಕೆಲವು ಸತ್ಯಗಳು ಗೊತ್ತಿದ್ದರೂ ಸಹ ಗೊತ್ತಿಲ್ಲದಿರುವಂತೆ ಇರಬೇಕು.. ಇದರಿಂದ ಸಂಬಂಧಗಳು ಬಹಳ ದಿನ ಉಳಿಯುತ್ತವೆ..

29) ವಿಮಾನದ ಕಿಟಕಿಯಿಂದ ಹೊರಗಡೆ ನೋಡ್ತಾ ಇದಾನೆ ಅಂದ್ರೆ.. ಇದೇ ಮೊದಲ್ನೇ ಬಾರಿ ವಿಮಾನ ಹತ್ತಿದಾನೆ ಅಂತಾ ಅರ್ಥ

30) ಆರ್ಕುಟ್ ಬೇಸರವಾಗಿದೆ ಅಂದ್ರೆ, ಅವನು/ಅವಳು Friend Request Accept ಮಾಡಿಲ್ಲಾ ಅಂತಾ ಅರ್ಥ

31) ಸುಂದರವಾಗಿದಾಳೆ ಅಂತಾ ಕೂಡಲೇ ಪ್ರಪೋಸ್ ಮಾಡಬೇಡಿ.. ಯಾರ್ರಿಗ್ಗೊತ್ತು.. ಅವಳ ಅಕ್ಕ/ತಂಗಿ ಇನ್ನೂ ಸುಂದರವಾಗಿರಬಹುದು.
(ಅತ್ಯಮೂಲ್ಯ ಸಲಹೆ ಅನ್ಕೊಂಡ್ರೂ ಪರವಾಗಿಲ್ಲ...)

32) ಹಗಲು ಮತ್ತು ರಾತ್ರಿ ಎರಡೂ ಸಮಯದಲ್ಲಿ ಕನಸುಗಳನ್ನು ಕಾಣಬೇಕು.. ಅವು ನಿಜವಾಗುವಂತಿದ್ದರೆ ಮಾತ್ರ..

33) ಹುಡುಗ ತುಂಬಾ ಚನ್ನಾಗಿ ಶಾಯರಿ ಬರೀತಾನೆ ಅಂದ್ರೆ, ಹುಡುಗಾನೂ ಚನ್ನಾಗಿ ಇರಬೇಕು ಅಂತೇನಿಲ್ಲ..(ಭವಾನಿ ತಂಗಿ ಸಜೆಷನ್... ನನ್ನ ನೋಡಿಯೇ ಹೇಳಿದ್ದಾಳೆ..)

34) ಬೇಡವೆಂದರೂ ಕಾಡುವಂತದಕ್ಕೆ "ಅವಳ/ಅವನ ನೆನಪು" ಅನ್ನಬಹುದು..
(ಅಥವಾ ಅಳಿಸಲಾಗದ ಪಾಠಗಳು ಅನ್ನಬಹುದು..- ಇದು Kumara Subrahmanya Muliyala ಇವರ ಮಾತು)

35) ಒಳ್ಳೆ ಪಾತ್ರವನ್ನು ಮಾಡಿದಕ್ಕೆ, ಒಳ್ಳೆಯವನಾಗಿರೆಲೇಬೇಕೆಂಬ ನಿಯಮವಿರದಿದ್ದರೂ ಸಹ ಅವರಿಂದ ಸದಾ ಒಳ್ಳೆಯತನವನ್ನೇ ನಿರೀಕ್ಷಿಸುವವರಿಗೆ "ಭಾರತೀಯರು" ಅನ್ನಬಹುದು

36) ಹೆಂಡತಿಗಿಂತ ಸುಂದರವಾದ ಚೆಲುವೆಯರು ಹೆಚ್ಚಾಗಿ ಪಕ್ಕದ ಮನೆಯವನ ಹೆಂಡತಿಯಾಗಿರುತ್ತಾಳೆ
(ಹಿರಿಯರ ಮಾತು.. ನನ್ನದಲ್ಲ..)

37) ಅವಳ ಮುಖ ಅವಳ ನಗು ಅವಳ ಮಾತು ನನ್ನ ನಿದ್ದೆಯನ್ನು ಕೆಡಿಸಿತ್ತು..ಸುಮ್ಮನೆ ಕಾಲೇಜಿನ ಪುಸ್ತಕ ಹಿಡಿದೆ..ಅವಳನ್ನು ಮರೆಸಿತ್ತು,.ನಿದ್ದೆಯನ್ನು ತರಿಸಿತ್ತು.
(ಪ್ರಯೋಗ ಮಾಡಿ ಯಶಸ್ವಿಯಾಗಿದ್ದೇನೆ..)

38) ಉಡುಗೊರೆ ಬೇಕೆಂದು ಪೀಡಿಸುತ್ತಿದ್ದವಳಿಗೆ ಮರೆಯಲಾಗದಂತಹ ಉಡುಗೊರೆ ನೀಡಿದ್ದ..ಮೂರು ತಿಂಗಳು ತುಂಬುವಷ್ಟರಲ್ಲಿ ಓಡಿ ಹೋಗಿದ್ದ..

39) ನಮ್ ಹುಡುಗೀರ್ಗೂ software ಹುಡುಗೀರ್ಗೂ ಇರೋ ವ್ಯತ್ಯಾಸ ಅಂದ್ರೆ ಅವರು ದುಬಾರಿ COSMETICS ಖರೀದಿಸ್ತಾರೆ. ಆದರೆ ನಮ್ ಹುಡುಗೀರ boy frnd ಹತ್ರ ಅಷ್ಟೊಂದು ದುಡ್ಡು ಇರಲ್ಲ..

40) ಚುನಾವಣೆ ಅಂದ್ರೆ ಕೇವಲ ಆಶ್ವಾಸನೆಗಳ ಸುನಾವಣೆ.. ಆಗುವುದಿಲ್ಲ ಯಾವುದೂ ಚಲಾವಣೆ..ಆಗದು ಎಂದೂ ಬದಲಾವಣೆ.. ತಪ್ಪದು ನಮ್ಮಯ ಬವಣೆ..

41) ಹೆಣ್ಣು ಭ್ರೂಣ ಹತ್ಯೆ ಮಹಾಪಾಪ.. ಇದರಿಂದ ಹುಡುಗಿಯರಿಗೆ ಡಿಮ್ಯಾಂಡ್ ಜಾಸ್ತಿ ಆಗುತ್ತೆ.. ಹುಡುಗರ ಮಧ್ಯೆ ಕಾಂಪಿಟೇಶನ್ ಜಾಸ್ತಿ ಆಗುತ್ತೆ..
(ಕೆಲವರ ಗೂಗಲ್ ಟಾಕ್ ಮೆಸೇಜಾಗಿದೆ..)

42) ಅಧಿಕಾರಿಯೊಬ್ಬ ತನ್ನ ಸಹೋದ್ಯೋಗಿಗಳ ಮೇಲೆ ದೂರು ಹೇಳ್ತಾ ಇದಾನೆ ಅಂದ್ರೆ, ಆತ ಒಳ್ಳೆಯ ಆಡಳಿತಗಾರನಾಗಿಲ್ಲವೆಂದೇ ಅರ್ಥ

43) ನಾ ಪಕ್ಕಾ VEG ಅಂತ ಹೇಳ್ಕೊಂಡು ನನ್ನ ಮದುವೆ ಆದಳು..ಆದರೆ,ಇದು ಸುಳ್ಳು ಅಂತಾ ಇವಾಗ ನಂಗೆ ಗೊತ್ತಾಗಿದೆ.ಅದು ಬೇಕು ಇದು ಬೇಕು ಅಂತಾ ದಿನಾ ನನ್ನ ತಲೆ ತಿಂತಿದಾಳೆ..

44) ಇಷ್ಟು ದಿನ ಆದ್ರೂ..ಅವಳು ನನ್ನ Orkut Friend Requst Accept ಮಾಡಿಲ್ಲಾ ಅಂದ್ರೆ,ಅವಳು ಆನ್ ಲೈನ್ ನಲ್ಲಿ ಇಲ್ಲಾ ಅಂತಾ..ಅಥವಾ ಅವಳಿಗೆ ಟೇಸ್ಟ್ ಇಲ್ಲಾ ಅಂತಾ ಅರ್ಥ..

45) ಹುಡುಗೀರು ಫೋನ್ ಮಾಡಲಿ ಅಂತಾ ORKUTನಲ್ಲಿ ನಿನ್ನ Mb. No. ಹಾಕಿದಿಯೇನೋ ತರ್ಲೆ ಅಂತಾ ಶಶಿ ಅಕ್ಕ ಬೈದ್ರು..ನನ್ ದುರಾದೃಷ್ಟ..ಇನ್ನೂ ಯಾರೂ ಫೋನ್ ಮಾಡಿಲ್ಲ.
(ಇವಾಗ ಇದು ಸುಳ್ಳಾಗಿದೆ..)

46) ಲೇ ತಿಕ್ಲು ಮನಸೇ ನೀ ಕನಸನ್ನು ಯಾಕೆ ಕಾಣ್ತಿ?ನನ್ನ ಯಾಕೆ ಹಾಳ್ಮಾಡ್ತಿ?ಈಗ ನೋಡು ದಿನಾ ರಾತ್ರಿ ನಿದ್ದೆ ಬರ್ತಿಲ್ಲ...ಇಂತಿ ನಿನ್ನ ತಲೆ
(ಪ್ರತಿಭಾ ಪಾಟೀಲ್ ಮೇಡಮ್ ಇಷ್ಟಪಟ್ಟಿದ್ದು..)

47) ಹಾಡು ಹೇಳಿಕೊಳ್ಳೋಕೆ ಬಾಥ್ ರೂಂ ಒಂದೇ ಇದ್ದರೆ ಸಾಲದು..ಸ್ನಾನ ಮಾಡಲು ತಣ್ಣಿರು ಇರಬೇಕು ಮತ್ತು ಬಾಗಿಲಿಗೆ ಚಿಲ್ಕ ಇರಬಾರದು..
(ಎಲ್ಲೋ ಓದಿದ್ದು..)

48) ಕುಡಿದು ತೂರಾಡುತ್ತಾ ಬಿದ್ದವನನ್ನು ಕಂಡು ಎಲ್ಲರೂ ದೂರ ಸರಿದರು.. ಕುತೂಹಲ ತಡೆಯಲಾಗದೇ ಅವನ ಬಳಿ ಹೋಗಿ ಕೇಳಿದೆ.. "ಇಷ್ಟೊಂದು ಕಿಕ್ಕು ಕೊಡೋ ಬ್ರಾಂಡು ಯಾವುದು?"

49) ಕನಸಿನಲ್ಲೂ ಕೈ ಕೊಡಬೇಡ ಗೆಳತಿ ಆ ನೋವ ಕನಸಿನಾಚೆಗೂ ನ ಸಹಿಸಲಾರೆ ಯಾಕೆ೦ದರೆ ಕನಸಿನಲ್ಲಿ ನಾ ಕುಡಿವ ವಿಷದಿಂದ ನಾ ಸಾಯಲಾರೆ.(ಮೂಲ: ಸೋಮಾರಿ ಪ್ರಶಾಂತನ ಬ್ಲಾಗ್.. ಇಂಥವನ್ನು ಸಕತ್ತಾಗಿ ಬರೀತಾನೆ.. ಇಲ್ಲಿ ನೋಡಿ.. )

50) ಸುಮ್ಮನೆ ದಿನಕ್ಕೆರಡು ಬಾರಿ ಅವಳ ಪ್ರೋಫೈಲ್ ವಿಸಿಟ್ ಮಾಡ್ತೀನಿ.. ರಿಜೆಕ್ಟ್ ಮಾಡಿದ್ರೆ ಬೇಜಾರಾಗುತ್ತೆ ಅಂತಾ ಫ್ರೆಂಡ್ ರಿಕ್ವೆಸ್ಟ್ ಕಳಿಸೋಕೆ ಹೆದರ್ತೀನಿ..

51) ಗೆಳೆಯನೊಬ್ಬನ ಜಗಳವು ಅವನ ಹೆಂಡತಿ ಅಡಿಗೆ ಮನೆಗೆ ಹೋಗುವುದರೊಂದಿಗೆ ಮುಕ್ತಾಯವಾಗುತ್ತದೆ.. ಅವಳ ತವರುಮನೆ ಚಿತ್ರದುರ್ಗ ಅಂತೆ..
(ಇದೇ ಥರದ್ದನ್ನು ಬೀಚಿ ಈ ಮೊದಲೇ ಬರೆದಿಟ್ಟಿದ್ದಾರಂತೆ...??)

52) ನಾನು ಸಂತೋಷವಾಗಿದೀನಿ ಅಂದ್ರೆ, ಇವತ್ತು ಆಫೀಸಿಗೆ ರಜ ಸಿಕ್ಕಿದೆ ಹಾಗೂ ಜೇಬಲ್ಲಿ ದುಡ್ಡಿದೆ ಅಂತಾ ಅರ್ಥ..

53) ದೆವ್ವ,ಭೂತ,ಪಿಶಾಚಿ,ಮೋಹಿನಿಗಳು ಇರುವುದೆಲ್ಲವೂ ಸುಳ್ಳು ಅಂತಾ ವಾದಿಸುತ್ತಿದ್ದವನೊಬ್ಬ ಈಗ ಸೋಲೊಪ್ಪಿಕೊಂಡಿದ್ದಾನೆ.ಅವನಿಗೆ ಈಗ ಮದುವೆಯಾಗಿ ಮೂರು ತಿಂಗಳಾಗಿದೆ..
(ಇದೇ ಥರದ್ದನ್ನು ಬೀಚಿ ಈ ಮೊದಲೇ ಬರೆದಿಟ್ಟಿದ್ದಾರಂತೆ...??)

54) ನನ್ನವಳ ವರ್ಣಿಸಿ ಬರೆದ ಕವನವನ್ನು ಪೇಪರಿನಲ್ಲಿ ಹಾಕಿಸಿದ್ದೇ ದೊಡ್ಡ ತಪ್ಪಾಗಿದೆ.ಅವಳ ಅಡ್ರಸ್ ಕೇಳಿಕೊಂಡು ನೂರಾರು ಪತ್ರಗಳು ಬಂದಿವೆಯಂತೆ..

55) ಸುಮ್ಮನಿದ್ರೆ,ಫೋನ್ ಮಾಡೋ ಜಾಣ ಅಂತಾಳೆ.ಮಾಡಿದ್ರೆ,ನಂಜೊತೆ ಮಾತಾಡಬೇಡ ಹೋಗೋ ಅಂತಾ ಜಗಳ ಮಾಡ್ತಾಳೆಎಲ್ಲ ಹುಡುಗೀರೂ ಹೀಗೇನಾ?
(ಉತ್ತರ ಸಿಕ್ಕಿಲ್ಲ..)

56) ನಾಬರೆದ ಕಥೆಗಳಲ್ಲಿ,ಟ್ವೀಟುಗಳಲ್ಲಿರೋ ಹಾಗೆ ನನಗೆ ಯಾರೂ ಗರ್ಲ್ ಫ್ರೆಂಡ್ಸ್ ಇಲ್ಲ.ನಂಗಿನ್ನೂ ಅಂಥಾ ಹುಡುಗಿ ಸಿಕ್ಕಿಲ್ಲ.ಇನ್ನೂ3ವರ್ಷ ಯೋಚನೆ ಇಲ್ಲಾ
(ಇದ್ಯಾಕೋ ಓವರ್ ಆಯ್ತಾ?)

57) ಒಬ್ಬಳು ಹುಡುಗಿ ಸುಂದರವಾಗಿದಾಳೆ ಅಂದ್ರೆ, ಅವಳಿಗಿಂತ ಅವಳ ಅಣ್ಣಂದಿರು ಜಾಸ್ತಿ ಪವರ್ ಫುಲ್ ಆಗಿರ್ತಾರೆ ಅಂತಾ ಅರ್ಥ.

58) ಕೆಲವರುತುಂಬಾಹಚ್ಚಿಕೊಳ್ತಾರೆ.ಅಕ್ಕ/ತಂಗಿ,ಗೆಳೆಯ/ಗೆಳತಿಯಿರಬಹುದು1ಲೆವೆಲ್ ಗೆ ಬಂದಮೇಲೆ ಇದ್ದಕ್ಕಿದ್ದಂತೆಅಪರಿಚಿತರಾಗಿಬಿಡ್ತಾರೆ ಗೊತ್ತಿದ್ದೂ ಗೊತ್ತಿಲ್ಲದವರ ಥರಾ..
(ಈಗ ಪ್ರತಿಭಾ ಪಾಟೀಲ್, ದೀಪಾ.. ಇನ್ನೂ ಹಲವರ ಥರಾ..)

59) ಪ್ರಪಂಚವೇ ಗೆದ್ದ ವೀರನೊಬ್ಬ ಎದುರಾಳಿಗಳಿಲ್ಲದೇ ಮಂಕಾದ...

60) ನನಗೂ ಲವ್ ಲೆಟರ್ ಬರೀಬೇಕು ಅಂತಾ ತುಂಬಾನೇ ಆಸೆ.. ಆದರೆ, ಯಾರಿಗೆ ಅನ್ನುವುದೇ ಜಿಜ್ಞಾಸೆ...

61) ಸುಮ್ಮನೆ ಚಿಕ್ಕ ಮಕ್ಕಳನ್ನು ಕರೆದು "ಅಪ್ಪ" ಪದದ ವಿರುದ್ಧ ಪದ ಕೇಳಿ ನೋಡಿ.. 100% "ಅಮ್ಮ" ಅಂತಾನೇ ಹೇಳೋದು.

62) ನನ್ನ ಮಗನನ್ನು ಕಂಡ್ರೆ ಇವಾಗ ಹೊಟ್ಟೆ ಉರೀತಾ ಇದೆ.. ಇವನು ಬಂದ ತಿಂಗಳಿಗೇ ಅವಳು ನನಗೆ ಕೊಡೋ ಮುತ್ತುಗಳ ಸಂಖ್ಯೆ ಕಮ್ಮಿ ಮಾಡಿದಾಳೆ..
(ಬ್ಲಾಗರ್ ಸವಿತಾ ಮೇಡಮ್ ಇಷ್ಟಪಟ್ಟಿದ್ದು..)

63) ಹೃದಯ ಕದಿಯಲು ಸರಿರಾತ್ರಿಯಲ್ಲಿ ಅವಳ ಮನೆಗೆ ಹೋದೆ.ಯಾರ ಕಣ್ಣಿಗೆ ಬೀಳಲಿಲ್ಲವಾದರೂ ಅವಳ ಮನೆ ನಾಯಿ ಮರಿಯ ಕಣ್ಣಿಗೆ ಬಿದ್ದೆ.ಕೊನೆಗೆ ಅದೊಂದನ್ನೇ ಕದ್ಕೊಂಡು ಬಂದೆ..
(ಮತ್ತೇನೂ ಸಿಗಲಿಲ್ವಾ? ಅಂತಾ ಕಾಲೆಳೆದವರು ಹಲವರು..)

64) ಹೃದಯ ಕದಿಯಲುಇನ್ನೊಂದು ರಾತ್ರಿ ಹೋದೆಅವಳಪ್ಪನ ಕೈಗೆ ಸಿಕ್ಕುಬಿದ್ದು ಕಳ್ಳ ಅಂತಾ ಅವಳೆದುರಿಗೇ4ಒದೆ ತಿಂದೆ.ಸತ್ಯ ಹೇಳಿದೆಜೋರಾಗಿ ನಕ್ಕರು.ಇವಾಗ ನಾನವರ ಮನೆ ಅಳಿಯ

65) ಹೃದಯವನ್ನು ಯಾವತ್ತೂ ಖಾಲಿ ಇಡಬಾರದು.. ಸುಮ್ಮನಾದರೂ ಅಲ್ಲಿ ಯಾರನ್ನಾದರೂ(ಸಿನಿಮಾದವರನ್ನಾದರೂ) ಕೂರಿಸಿರಬೇಕು ಇಲ್ಲಾಂದ್ರೆ, ಕದ್ದುಕೊಂಡು ಹೋಗೋದಂತೂ ಗ್ಯಾರಂಟಿ..
(ಸುಂದರವಾಗಿರುವವರಿಗೆ ಮಾತ್ರ ಅನ್ವಯಿಸುತ್ತೆ.. ನನ್ನಂಥವರಿಗಲ್ಲಾ..)

66) ಜೀವನದಲ್ಲಿ ನಾವು ಕಷ್ಟಗಳನ್ನು ಎದುರಿಸುವುದರಿಂದ ಸಿಗುವ ಲಾಭವೆಂದರೆ, ಕಷ್ಟಗಳು ಕಳೆಯುವಷ್ಟರಲ್ಲಿ ನಮ್ಮ ಒಳ್ಳೆ ಸ್ನೇಹಿತರು ಯಾರು ಅನ್ನೋದು ಅರ್ಥವಾಗಿರುತ್ತದೆ.

67) ನೂರು ಖುಶಿ ಇದ್ರೂ ಸಾಲದು ಒಂದು ದುಖ ಮರೆಯೋಕೆ! ಒಂದೇ ಒಂದು ದುಃಖ ಸಾಕು ಜೀವನ ಪೂರ್ತಿ ಕೊರಗೋಕೆ- ನನ್ನ ಗೆಳತಿ ಶುಭ ಶಂಕರಿ ಹೇಳಿದ್ದು..

68) "ಕಬ್ಬಿಣ ಕಾದಾಗಲೇ ಮೆತ್ತಗಾಗೋದು ಅಂತಾರೆ. ಅದಕ್ಕೇ ಇರಬೇಕು, ಹುಡುಗಿಯರು ಹುಡುಗರನ್ನು ನೂರಾರು ದಿನಗಳವರೆಗೆ ಕಾಯಿಸಿ, ಅವರನ್ನು ಮೆತ್ತಗೆ ಮಾಡಿದ ಮೇಲೆಯೇ ಆ ಮಧುರ ಮಾತುಗಳನ್ನು ಹೇಳಿ, ತಮ್ಮ ತೆಕ್ಕೆಗೆ ತೆಗೆದುಕೊಳ್ಳುತ್ತಾರೆ ಅನ್ಸುತ್ತೆ..
( ಪ್ರೇಮಿಗಳ ದಿನದಂದು ಬರೆದಿದ್ದು..ಗೆಳೆಯನೊಬ್ಬನ ಈ-ಮೇಲ್ ನಲ್ಲಿ ಹರಿದಾಡ್ತಿದೆ...)

69) ಪ್ರೀತಿಸಿ ಮದುವೆಯಾಗೋದಕ್ಕೂ, ಮದುವೆಯಾಗಿ ಪ್ರೀತಿಸೋದಕ್ಕೂ ಅಜಗಜಾಂತರ ವ್ಯತ್ಯಾಸ ಇದೆ. ಯಾವುದನ್ನು ಆರಿಸಿಕೊಳ್ಳುತ್ತೀರೋ, ನಿಮಗೆ ಬಿಟ್ಟಿದ್ದು..

70) ಸಂತೋಷವಾಗಿ, ಸ್ವಲ್ಪವಾದ್ರೂ ನೆಮ್ಮದಿಯಿಂದ ಜೀವನ ಕಳೆಯಬೇಕು ಅಂದ್ರೆ, ತಾವಾಗಿ ತಾವೇ ಯಾವುದೇ ಸಮಸ್ಯೆಗಳನ್ನು ಹುಟ್ಟುಹಾಕಿಕೊಳ್ಳಬಾರದು. ಉದಾ: AFFAIR

71) ಅಪ್ಪಟ ಪ್ರೀತಿ ಅನ್ನುವುದು ಎಲ್ಲರಿಗೂ ಸಿಗುವುದಿಲ್ಲ. ಸಿಕ್ಕವರೆಲ್ಲರೂ ಮದುವೆಯಾಗಲು ಪ್ರೀತಿಸಿರುವುದಿಲ್ಲ.

72) ಬೇಡವಾದಾಗ ಜೊತೇಲೇ ಬಿದ್ದು ಸಾಯೋನಿಗೆ, ಬೇಕಾದಾಗ ಕೈಗೆ ಸಿಗದೇ ನಮ್ಮಿಂದ ಉಗಿಸಿಕೊಳ್ಳೋನಿಗೆ ಕ್ಲೋಸ್ ಫ್ರೆಂಡು ಅನ್ನಬಹುದು...

73) ಜೀವನದ ಪ್ರತಿ ವಿಷಯದಲ್ಲಿ ಮೂಗು ತೂರಿಸ್ಕೊಂಡು, ಕಿರಿ ಕಿರಿ ಮಾಡೋ ಹಕ್ಕನ್ನು ಹೇಳದೇ ಕೇಳದೇ ಚಲಾಯಿಸೋನೆ ನಿಜವಾದ ಕ್ಲೋಸ್ ಫ್ರೆಂಡು

74) ನಾವು ಸದಾ ಅವರ ಬಗ್ಗೇನೇ ಯೋಚನೆ ಮಾಡ್ತಾ ಇದೀವಿ ಅಂದ್ರೆ, ಅವರು ನಮ್ಮ ಪ್ರೀತಿ ಪಾತ್ರರಾಗಿರುತ್ತಾರೆ. ಅಥವಾ ಅವರು ನಮ್ಮ ಶತ್ರು ಆಗಿರುತ್ತಾರೆ
(ಎಲ್ಲೋ ಕೇಳಿದ್ದು ಅನ್ಸುತ್ತೆ..)

75) Selfish ಅನ್ನೋದನ್ನು ಅರ್ಥ ಮಾಡಿಕೊಳ್ಳಬೇಕೇ? ಪ್ರೀತಿಸಿದವಳು ನಿಮ್ಮನ್ನು ಬಿಟ್ಟು ಹುಡುಗನ ಜೊತೆ ಹಲ್ಕಿರಿದು ಮಾತನಾಡುವುದನ್ನು ನೋಡಿ.. ಅರ್ಥ ಆಗುತ್ತೆ.
(ನನಗೆ ಅರ್ಥ ಆದ ಮೇಲೇನೇ ಬರೆದಿದ್ದು..)

76) ಈ ಹುಡುಗಿಯರೇ ಹೀಗೆ.. ಯಾವಾಗಲೂ ಹುಡುಗರಿಗೆ ಮೋಸ ಮಾಡ್ತಾರೆ.. ನನ್ನವಳು ಕನಸಿನಲ್ಲಿ ಬರುವೆನೆಂದು ಮಾತು ಕೊಟ್ಟವಳು... ನಿದ್ದೆಯನ್ನೇ ಕೊಡದೇ ಮೋಸ ಮಾಡಿದಳು....

77) ಕವಿಗಳ ಉಗಮಕ್ಕೆ ಹುಡುಗಿಯರೇ ಕಾರಣ, ಯಾಕೆಂದರೆ, ಪ್ರತಿ ಭಗ್ನ ಪ್ರೇಮಿಯೂ ಸಹ ಕವಿಯೇ...

78) ನಮ್ಮನ್ನು ಪ್ರೀತಿಸಿದವರು ನಮ್ಮನ್ನು Neglect ಮಾಡಿದರೆ, ಅದರಿಂದ ಉಂಟಾಗೋ ತಳಮಳ ಅಷ್ಟಿಷ್ಟಲ್ಲ..ಒಮ್ಮೊಮ್ಮೆ ತುಂಬಾನೇ ದುಃಖ ಕೂಡಾ ಆಗುತ್ತೆ ಅಲ್ವಾ??

79) ಫೋಟೋ ಅಷ್ಟೆ ನೋಡಿ ಯಾರು ಯಾರಿಗೂ ಮನಸ್ಸು ಕೊಡಬಾರದು. ಫೋಟೋ ಕನಸು ಇದ್ದ ಹಾಗೆ. ಅವರಿಗೆ ಹೇಗೆ ಬೇಕೋ ಹಾಗೆ ತಿದ್ದಿ ತೀಡಿ ಅಂದವಾಗಿರಿಸಿರುತ್ತಾರೆ. ಅದಕ್ಕೆ ಸುಂದರವಾಗಿರುತ್ತೆ..

80)ಪ್ರೀತಿ ಅನ್ನೋದು ಗೋಧೂಳಿ ಸಮಯದ ಥರಾ ಹಿತವಾಗಿರುತ್ತದೆ. ಪ್ರೀತಿ ಕಡಿಮೆಯಾದರೆ, ಬರಗಾಲ... ಪ್ರೀತಿ ಜಾಸ್ತಿಯಾದರೆ, ಚಳಿಗಾಲ.......

81) ನನ್ನವಳು ದಿನಾ ಬೆಳಿಗ್ಗೆ ತಣ್ಣೀರಿನಲ್ಲಿ ಸ್ನಾನ ಮಾಡಿ, ಗಣೇಶನ ಗುಡಿಗೆ ಹೋಗಿ ಬರ್ತಾಳಂತೆ.ನಾನೂ ಟ್ರೈ ಮಾಡಿದೆ. ಇವಾಗ ಶೀತ ಆಗಿದೆ...

82) ನಾ ಬ್ಲಾಗ್ ಬರೆಯೋದನ್ನು ನಿಲ್ಲಿಸಿದರೆ ನರಕಕ್ಕೆ ಹೋಗ್ತೀನಂತೆ.. ನನ್ನ ಬ್ಲಾಗ್ ಅಭಿಮಾನಿ ಅವಿನಾಶ್ ಹೇಳಿದ್ದು...

ಮನೆಯಲ್ಲಿ ಒಪ್ಪದಿದ್ರೆ ನಿನ್ನನ್ನು ಹಾರಿಸಿಕೊಂಡು ಹೋಗ್ತೇನೆ.

2010-03-28T08:33:00.004+05:30

(ಇದೇ ಮೊದಲ ಪ್ರಯತ್ನ ಎಂಬಂತೆ ಒಂದು ಲವ್ ಲೆಟರ್ ಬರೆದು ವಿಜಯ ಕರ್ನಾಟಕ ಪೇಪರ್ ಗೆ ಕಳಿಸಿದೆ. ಇವತ್ತಿನ ದಿ: 28-03-2010) ರ ಲವಲವಿಕೆ ಪೇಜ್ ನಲ್ಲಿ "ಈ ಗುಲಾಬಿಯು ನಿನಗಾಗಿ" ಶೀರ್ಷಿಕೆಯಡಿ ಪ್ರಕಟಿಸಿದ್ದಾರೆ..
ನಿಮಗಿಷ್ಟವಾದರೆ ನನಗೂ ಸಂತೋಷ.. ಇಷ್ಟವಾಯಿತು ಅಂತಾ ಯಾರಾದ್ರೂ ಸುಂದರವಾದ ಹುಡುಗಿಯರು ನನ್ನ ಲವ್ ಮಾಡೋಕೆ ಶುರು ಮಾಡಿದರೆ, ಇದಕ್ಕೆ ನಾನು ಯಾವುದೇ ಜವಾಬ್ದಾರಿಯನ್ನು ಹೊರಿಸಿಕೊಳ್ಳುವುದಿಲ್ಲ..)

-ಯಳವತ್ತಿ

ನನ್ನವಳಿಗೆ...

ನೀನು ಹೀಗೆ ನನಗೆ ಮೋಸ ಮಾಡಬಾರದಾಗಿತ್ತು ಕಣೇ.. ಕನಸಿನಲ್ಲಿ ಬರುವೆನೆಂದು ಮಾತು ಕೊಟ್ಟು, ನನ್ನ ನಿದ್ದೆಯನ್ನು ಕದ್ದು, ನಿದ್ದೆಯನ್ನೇ ಕೊಡದೇ ಮೋಸ ಮಾಡಿದೆಯಲ್ಲಾ???? ಇದರಿಂದ ನಿನ್ನ ಮೇಲೆ ನನಗೆ ಸಾಸಿವೆ ಕಾಳಿನಷ್ಟು ಕೋಪ, ಸಾಗರದಷ್ಟು ಪ್ರೀತಿ ಬಂದು ಬಿಟ್ಟಿದೆ ಕಣೆ ..ಇವತ್ತು ರಾತ್ರಿ ನಾನು ಏನೆಲ್ಲಾ ಸರ್ಕಸ್ ಮಾಡಿದ್ರೂ ನಿದ್ರಾದೇವಿ ನನ್ನ ಬಳಿ ಬರಲಿಲ್ಲ... ಅದು ಹೇಗೆ ಬರಲು ಸಾಧ್ಯ ಹೇಳು? ನನ್ನ ದೇವಿ ನೀನು ನನ್ನಲ್ಲಿ ಇದ್ದೆಯಲ್ಲಾ..

ನನಗೆ ತಿಳಿಯದಂತೆಯೇ ನನ್ನ ಮನಸ್ಸಿನ ಕೋಟೆಗೆ ಲಗ್ಗೆ ಹಾಕಿ, will u love me?? ಅನ್ನೋ ಒಂದೇ ಒಂದು ವಾಕ್ಯದಿಂದ ನನ್ನ ಸೋಲಿಸಿಬಿಟ್ಟೆ ಕಣೇ ನೀನು...!!! i LoVe yOu ... i Love you so muchhhhhhhhhhhh... ನೀನು ನಂಗೆ ಬೇಕು ಕಣೇ.. I Need you.. ನೀನೇ ನನ್ನವಳು ಅಂತಾ ನನ್ನ ಮನಸ್ಸು ಸಾರಿ ಸಾರಿ ಹೇಳ್ತಾ ಇದೆ. ನನ್ನ ಬಿಟ್ಟು ಒಂದು ಕ್ಷಣವೂ ದೂರ ಆಗಬೇಡ. ನನಗೆ ಮೊದ್ಲಿಂದಾನೂ ನಿನ್ನ ಮೇಲೆ ಪ್ರೀತಿ.. ಗೆಳತಿಯಾಗಿ ಬಂದವಳು, ಇಷ್ಟು ಹತ್ತಿರದವಳಾಗ್ತೀ ಅಂತಾ ಗೊತ್ತೇ ಇರಲಿಲ್ಲ. ನಾನು ಇಷ್ಟು ದಿನಗಳಿಂದ ನಿನ್ನ ಪ್ರೀತಿ ಮಾಡ್ತಾ ಇದ್ದದ್ದು ನಿಂಗೆ ಗೊತ್ತೇ ಆಗ್ಲಿಲ್ವೇನೇ? ದಿನಾ ನಿನ್ನ ಜೊತೆ ಮಾತನಾಡಬೇಕು ಅಂತಾ ಯಾವಾಗಲೂ ಅನ್ನಿಸ್ತಿತ್ತು. ಹೀಗಿದ್ದಾಗ ನಿನ್ನ ಜೊತೆ ಮಾತನಾಡಬೇಕಾದಾಗ, ನೀನು ನನ್ನ ಲೈಫ್ ಗೆ ಯಾಕೆ ಬಂದೆ ಅಂತಾ ಹುಸಿ ಮುನಿಸಿನಿಂದ ಕೇಳಿದೆ.. ಆದರೆ, ನೀನು ನನ್ನ ಲೈಫ್ ಗೆ ಬಹಳ ತಡವಾಗಿ ಬಂದೆ ಅಂತಾ ನಂಗೆ ಅನ್ನಿಸ್ತಾ ಇದೆ. ನನಗೆ ಮೊದಲಿನಿಂದಲೂ ಬೆಂಗಳೂರೆಂದರೆ, ಪಂಚಪ್ರಾಣ.. ಅಲ್ಲೇ ಸಾಯುವಷ್ಟು ಪ್ರೀತಿ.. ಇದು ಯಾಕೆ ಅಂತಾ ಗೊತ್ತಿರಲಿಲ್ಲ jaaanu... ಇವತ್ತು ನನಗೆ ಗೊತ್ತಾಗಿದೆ.. ನನ್ನವಳಾದ ನೀನು ಬೆಂಗಳೂರಿನಲ್ಲೇ ತಾನೆ ಇರೋದು.. ಅದಕ್ಕೇ ಈ ಸೆಳೆತ.. ನನಗೆ ಇವಾಗಲೇ ನಿನ್ನ ಬಳಿ ಓಡಿ ಬಂದು ಬಿಡಬೇಕು ಅನ್ನಿಸಿದೆ. ನಿನ್ನ ನೋಡಬೇಕು. ನಿನ್ನ ಕೈ ಹಿಡಿದು, ಐ ಲವ್ ಯೂ ಕಣೇ ಅಂತಾ ಹೇಳಬೇಕೆನಿಸಿದೆ. ಆದರೆ, ನಾನೇ ಹಾಕಿಕೊಂಡ ನಿಯಮದಂತೆ, ನಾನು ಇನ್ನೂ ಎರಡು ತಿಂಗಳು ಬೆಂಗಳೂರಿಗೆ ಬರೋಕೆ ಆಗಲ್ಲ ಕಣೇ. ನಿನ್ನ ನೋಡಬೇಕು ಅಂತಾ ತುಂಬಾನೇ ಅನ್ನಿಸಿಬಿಟ್ಟಿದೆ.. ಐ ಮಿಸ್ ಯೂ ಸೋ ಮಚ್.. ನಿನಗಾಗಿ ಬೇಗ ಎರಡು ತಿಂಗಳೂ ಕಳೆದುಹೋಗಲೀ ಅಂತಾ ಕಾಯ್ತಾ ಇದೀನಿ..

ನೀನು ದಿನಾಲೂ ತಣ್ಣೀರು ಸ್ನಾನ ಮಾಡ್ತೀನಿ ಅಂದ್ಯಲ್ಲಾ.. ನಾನು ಮೂರು ದಿನದಿಂದ ಟ್ರೈ ಮಾಡಿದೆ.. ಇವಾಗ ಶೀತ ಆಗಿದೆ ಕಣೆ.. ಆದರೂ ನನ್ನಲ್ಲಿ ಒಂಥರಾ ಸಂತೋಷ.. ಪ್ರತಿ ತಣ್ಣೀರಿನ ಹನಿಯ ಚಳಿಯಲ್ಲೂ ನೀನಿರ್ತೀಯ... I am Loving it...

ನೀನೇ ಹೇಳಿದಂತೆ, ಇನ್ನು ಮೂರು ವರ್ಷ ಹೀಗೇ ಇದ್ದು ಬಿಡೋಣ. ದುಡ್ಡು ಒಂದು ಇದ್ದರೆ, ಜಾತಿ ಅನ್ನೋದು ಯೂಸ್ ಲೆಸ್ ಆಗೋಗುತ್ತೆ. ನಾನು ನಿಂಗೋಸ್ಕರ ಜಾಸ್ತಿ ದುಡ್ಡು ಸಂಪಾದನೆ ಮಾಡೋಕೆ ಶುರು ಮಾಡ್ತೀನಿ.. ಅಂದ್ರೆ, ಕೆಲಸದಲ್ಲಿ ಲಂಚ ತಗೋತೀನಿ ಅಂತಲ್ಲಾ, ಅಥವಾ ಬೇರಾವುದೇ ಅಡ್ಡ ಹಾದಿ ಹಿಡೀತೀನಿ ಅಂತಲ್ಲಾ.. ನನ್ನ ಜವಾಬ್ದಾರಿ ಮುಗಿದಂತೆ, ನಾನು ಮತ್ತು ನನ್ನಮ್ಮ ಇಬ್ಬರೂ ಬೆಂಗಳೂರಿಗೆ ಬಂದು ಬಿಡ್ತೀವಿ ಕಣೇ.. ಬೆಂಗಳೂರಿಗೆ ಯಾಕೆ ಅಂತೀಯಾ??? ನಿನಗಾಗಿ ಕಣೇ.. ನಿನ್ನ ಪಡೆಯುವುದಕ್ಕಾಗಿ..

ನಾನು ರಾತ್ರಿಯೆಲ್ಲಾ ಈ ಬಗ್ಗೆ ಯೋಚಿಸಿದೆ. ನನ್ನ ಹೃದಯವನ್ನು ಕದ್ದ ಕಳ್ಳಿ ನೀನು ಅಂತಾ ನೆನ್ನೆ ರಾತ್ರೀನೇ ಸಾಬೀತಾಗಿದೆ. ಅದಕ್ಕಾಗಿ ಹೃದಯವನ್ನು ಕದ್ದ ಕಳ್ಳಿಯನ್ನೇ ಕಿಡ್ನ್ಯಾಪ್ ಮಾಡಲು ನಾನು ಬೆಂಗಳೂರಿಗೆ ವಲಸೆ ಬರಬೇಕಿದೆ.. ಇದು ನಂಗಿಷ್ಟ ಕಣೇ.......... ಏನಾದರೂ ಮಾಡಿ ನಿನ್ನ ಮನೆಯವರನ್ನು ಒಪ್ಪಿಸ್ತೀನಿ.. ಆಗದಿದ್ರೆ.... ಹಾರಿಸಿಕೊಂಡು ಬಂದು ಬಿಡ್ತೀನಿ ಅಷ್ಟೇ.. ಇದೇನು ಮುಂಗಾರು ಮಳೆ ಫಿಲಂ ಡೈಲಾಗ್ ಅಲ್ಲಾ.. ಇದು ನಿನ್ನ ಪ್ರೀತಿಯ ಹುಡುಗನ ಆತ್ಮವಿಶ್ವಾಸದ ಮಾತು...

ಒಂದು ಪುಟ್ಟ ಪ್ರಶ್ನೆ..

ಅಂಥದೊಂದು ಸಂಧರ್ಭ ಬಂದರೆ ನನ್ನ ಬೆಂಬಲಕ್ಕೆ ನೀನಿರ್ತೀಯ ಅಲ್ವಾ?

ಇಂತಿ,

ನಿನ್ನವ........................

ನ್ಯಾನೋ ಕಥೆಗಳು ಭಾಗ-1 (ವಿ.ಕ. ದಲ್ಲಿ ಪ್ರಕಟಿತ)

2010-03-14T08:58:00.004+05:30

ಇವತ್ತು (14-3-2010) ಬೆಳಿಗ್ಗೆ 8.೦೦ ಕ್ಕೆ ಎದ್ದೆ. (ಹಿಂದಿನ ಎರಡು ರಾತ್ರಿಗಳಲ್ಲಿ ಸೊಳ್ಳೆಗಳಿಗೆ ರಕ್ತದಾನ ಮಾಡುವ ಕಾರ್ಯಕ್ರಮದಲ್ಲಿ ನಿದ್ದೆಗೆಟ್ಟಿದ್ದರಿಂದ ಇವತ್ತು ಲೇಟಾಗಿ ಎದ್ದೆ.. ದೊಡ್ಡವರು ಫ್ರೀ ಉಪದೇಶ ನೀಡುವ ಪ್ರಮೇಯವಿಲ್ಲ.) ನಾನು ಬೆಳಿಗ್ಗೇನೆ ಎದ್ದ ಕೂಡಲೇ, ನನ್ ಹೆಂಡ್ತಿ ಹುಡುಕಿದೆ. ಅವಳಾಗಲೇ ತನ್ನ ಇನ್ ಬಾಕ್ಸ್ ನಲ್ಲಿ ಎರಡು ಮೆಸೇಜನ್ನು ತಂದಿದ್ದಳು. ಶಶಿ ಅಕ್ಕ ಮೆಸೇಜು ಮಾಡಿದ್ರು.. ನೀನು ಬರೆದ ನ್ಯಾನೋ ಕಥೆಗಳು ಪೇಪರ್ ನಲ್ಲಿ ಬಂದಿದೆ ನೋಡೋ ಅಂದ್ರು.. ವಿಜಯ ಕರ್ನಾಟಕದ ಸಿಂಪ್ಲಿಸಿಟಿ ಪೇಜಿನ ನ್ಯಾನೋ ಜಾತ್ರೆಯಲ್ಲಿ ನನ್ನ ಎರಡು ನ್ಯಾನೋ ಕಥೆಗಳು ಬಂದಿತ್ತು. ಇದೇ ಮೊದಲನೇ ಬಾರಿ, ನ್ಯಾನೋ ಕಥೆ ಬರೆದಿದ್ದು.. ನಿಮಗಾಗಿ ಇಲ್ಲಿ ಹಾಕ್ತಾ ಇದೀನಿ. ಹೇಗಿದೆ ಅಂತಾ ಓ(ಊ)ದಿ ಹೇಳಿ..

1) ಒಂದು ಸಿನಿಮಾ ಕಥೆ..

ತನ್ನ ಗೆಳೆಯನ ಪ್ರೇಮವನ್ನು ಸಕ್ಸಸ್ ಮಾಡಲು ಇವನು ಎರಡು ದಿನಗಳಿಂದ ಪ್ಲಾನ್ ಮಾಡಿಕೊಂಡ. ಇವನೇ ಮಾಲೆಗಳನ್ನು ಖರೀದಿಸಿದ. ಡಬಲ್ ದುಡ್ಡು ಪೂಜಾರಿಯನ್ನು ಕರೆತಂದ. ಗುಟ್ಟಾಗಿ ತನ್ನ ವಿಧವೆ ತಾಯಿಯ ಚಿನ್ನದ ತಾಳಿಯನ್ನು ಕದ್ದ. ಹುಡುಗಿಯ ಅಪ್ಪ ಇಲ್ಲದಾಗ, ಸರಿ ರಾತ್ರಿಯಲ್ಲಿ ಹಾರಿಸಿಕೊಂಡು ಬಂದ. ಎಲ್ಲವೂ ಸರಾಗವಾಗಿ ನಡೆದಿತ್ತು. ಮದು ಮಗಳು ಸಿಂಗಾರಗೊಂಡು ವೈಯಾರದಿಂದ ನಡೆದು ಮಂಟಪಕ್ಕೆ ಬಂದಾಗಲೇ ಎಡವಟ್ಟು ನಡೆಯಿತು. ಮಂತ್ರ ಹೇಳುತ್ತಿದ್ದ ಪೂಜಾರಿ ಅರ್ಧಕ್ಕೆ ನಿಲ್ಲಿಸಿ, ಇವನ ಮೇಲೆ ಹರಿ ಹಾಯ್ದು, ತನ್ನ ಮಗಳನ್ನು ಮಂಟಪದಿಂದ ಎಳೆದೊಯ್ದ.

2) ಬೆಲ್ಲ ಸಿಕ್ಕಿತು...

ಬೆಂಗಳೂರಿನ ಭಾಗ್ ನ ಮೂಲೆಯಲ್ಲಿ ಪ್ರೇಮಿಗಳಿಬ್ಬರು ಕುಳಿತಿದ್ದರು. ಇವಳು ತಮ್ಮ ಮುಂದಿನ ಭವಿಷ್ಯದ ಬಗ್ಗೆ ಮಾತನಾಡುತ್ತಿದ್ದರೆ, ಅವನು ಅಕ್ಕ-ಪಕ್ಕದ ಪ್ರೇಮಿಗಳನ್ನು, ಅವರ ಸರಸ ಸಲ್ಲಾಪವನ್ನು ನೋಡಿ ಹೊಟ್ಟೆ ಕಿಚ್ಚುಪಟ್ಟುಕೊಳ್ಳುತ್ತಿದ್ದ. ಪ್ರೇಮಿಯ ಮನದಿಂಗಿತವನ್ನು ಅರ್ಥ ಮಾಡಿಕೊಂಡ ಇವಳು, ನನಗೂ ಬೆಲ್ಲ ಬೇಕು ಎಂದು ಮಾದಕವಾಗಿ ಕೇಳಿದಳು..

ಸಾವಿರ ವೋಲ್ಟ್ ಮುಖದವ ಮುತ್ತಿನ ಗಮ್ಮತ್ತಿನಲ್ಲಿ ಅವಳ ಒಂದು ಕೆನ್ನೆ ಕಚ್ಚಿ, ಇದು ಹೇಗಿದೆ ಅಂತಾ ಹುಬ್ಬು ಹಾರಿಸಿ ಕೇಳಿದ. ಅವಳು ಗಂಭೀರಳಾಗಿಯೇ, "ಮೊದಲು ಕಚ್ಚಿದವನಿಗಿಂತ ಬಿಸಿಯಾಗಿಲ್ಲ ಬಿಡು" ಅಂದುಬಿಟ್ಟಳು.

ಕೋಲ್ಮಿಂಚು ಬಡಿಸಿಕೊಂಡ ಇವನು ಕಣ್ಣಂಚಿನಲ್ಲಿ ನೀರು ತುಂಬಿಕೊಂಡು, ಯಾರವನು? ಅಂತಾ ಕೇಳಿದ. ಅವಳು ನಸು ನಗುತ್ತಾ, "ನಮ್ಮ ಮನೆಯ ಸೊಳ್ಳೆ ಕಣೋ..." ಅಂದಾಗ, ಇವನಿಗೆ ಕೋಪ ಬಂದು, ಇನ್ನೊಂದು ಕೆನ್ನೆಯನ್ನು ಜೋರಾಗಿ ಕಚ್ಚಿದ.

ಇನ್ನೊಂದು ಗಂಭೀರವಾದ ಕಥೆ..

3) ಕಠೋರ ಸತ್ಯದ ಅನ್ವೇಷಣೆಗಾಗಿ ಯುವ ವಿದ್ವಾಂಸನೊಬ್ಬ ದೇಶಾಂತರ ಅಲೆದ. ಇಂಗ್ಲೆಂಡ್ ನಲ್ಲಿ ಎಲಿಜಬೆತ್ ರಾಣಿಯ ಆಳ್ವಿಕೆಯ ಮರ್ಮ, ರೋಮ್ ನ ಅರಾಜಕತೆ, ಪಾಕ್ ನ ಭಯೋತ್ಪಾದನೆಯ ಹಿಂದಿನ ಶಕ್ತಿ, ಆಫ್ರಿಕಾದ ವರ್ಣ ಭೇಧ ನೀತಿ, ಅರಬ್ ನ ಶ್ರೀಮಂತಿಕೆಯ ಬಂಡವಾಳ, ಸೂಡಾನ್ ನ ಬಡತನ. ಇಂತಹ ನೂರಾರು ಕಠೋರ ಸತ್ಯಗಳನ್ನು ಟಿಪ್ಪಣಿ ಮಾಡಿದ.. ಆದರೆ, ಎಲ್ಲಕ್ಕಿಂತ ಕಠೋರವಾದ ಸತ್ಯ ತನ್ನ ದೇಶದಲ್ಲೇ ಇರುತ್ತದೆಂದು ತಿಳಿದಿರಲಿಲ್ಲ. ಮಗನ ಕೊರಗಿನಲ್ಲಿ ಸತ್ತು ಹೋದ ತನ್ನ ತಾಯಿಯ ಸಾವಿನ ಸತ್ಯವನ್ನು ಕೊನೆಯವರೆಗೂ ಅರಗಿಸಿಕೊಳ್ಳಲಾಗಲಿಲ್ಲ.

ಹೇಗಿದೆ ಅಂತಾ ಹೇಳಿ..

ಇಂತಿ ನಿಮ್ಮ ಪ್ರೀತಿಯ,

ಯಳವತ್ತಿ.

ಒಂದೆರಡು ಸಾಲಿನ ಕಥೆಗಳು ಭಾಗ-4

2010-03-04T07:41:00.003+05:30

ಇನ್ನೊಂದಿಷ್ಟು ಒಂದೆರಡು ಸಾಲಿನ ಕಥೆಗಳು ಇವತ್ತಿನ (ದಿನಾಂಕ: 04-03-2010) ವಿಜಯ ಕರ್ನಾಟಕ ಪೇಪರ್ ನಲ್ಲಿ ಬಂದಿದೆ. ಬ್ಲಾಗೋದುಗರಿಗೆ ಇಲ್ಲಿ ಪ್ರಸ್ತುತಪಡಿಸುತ್ತಿದ್ದೇನೆ.

1) ರೈಲಿನ ಟಿಕೆಟ್ ಕೌಂಟರ್ ನವ ಎಲ್ಲಿಗೆ ?? ಅಂತಾ ಮೂರನೇ ಬಾರಿ ಕೇಳಿದ.. ಅವನು ಅವಳ ಕಡೆ ನೋಡಿದ. ಅವಳು ಇನ್ನೂಊರುಗಳ ಚಾರ್ಟ್ ನೋಡುತ್ತಿದ್ದಳು.

2) ಪ್ರೀತಿಸಿ ಮದುವೆಯಾದ ಮೂರೇ ತಿಂಗಳಿಗೆ ಮನೆಯ ರೇಷನ್ ಖಾಲಿಯಾಗಿತ್ತು. ಅವಳು ಹೇಗೋ ಮಾಡಿ ರೇಷನ್ ತಂದು ಅಡಿಗೆ ಮಾಡಿದ್ದಳು. ಊಟ ಬಡಿಸಲು ಬಗ್ಗಿದಾಗ ತಾಳಿ ಕಾಣದಾದಾಗ, ಅವನ ಗೊಂದಲಗಳಿಗೆ ತೆರೆ ಬಿತ್ತು.

3) ಅವತ್ತೇ ಅವರು ಮನೆ ಖಾಲಿ ಮಾಡಿಕೊಂಡು ಊರು ಬಿಟ್ಟು ಹೋಗಬೇಕಾಗಿತ್ತು. ಮುದ್ದು ಮಗ ಎದುರುಮನೆಯ ತನ್ನಗೆಳೆಯ ಊರಿಂದ ಬರುವವರೆಗೂ ಇಲ್ಲಿಯೇ ಇರುತ್ತೇನೆಂದು ಹಠ ಮಾಡಿ ಕೂತಿದ್ದ. ಇವನ ಆಟದ ಸಾಮಾನನ್ನು ಅವನು ಕಡಒಯ್ದಿದ್ದ.

4) ಜೀವನದಲ್ಲಿ ಕೊನೆ ಬಾರಿ ನಡೆಸಿಕೊಡಬೇಕಾಗಿದ್ದ ಸಂಗೀತ ಸಂಜೆಯ ಕಾರ್ಯಕ್ರಮದ ದಿನದ ಮುಂಜಾವಿನಲ್ಲಿ ಆ ಹೆಸರಾಂತ ಗಾಯಕನ ದನಿ ಒಡೆದು ಹೋಗಿತ್ತು.

5) ಆಸ್ಪತ್ರೆಯ ಐ.ಸಿ.ಯು. ವಾರ್ಡಿನಲ್ಲಿ ಸಾವಿನ ಕ್ಷಣಗಳನ್ನು ಎಣಿಸುತ್ತಾ ಮಲಗಿದ್ದ ಮುದುಕನೊಬ್ಬ. ಪ್ರತಿ ಬಾರಿ ಮೊಮ್ಮಗನ ಮುದ್ದು ಮಾತುಗಳನ್ನು ಕೇಳಿದಾಗಲೆಲ್ಲಾ ಇನ್ನಷ್ಟು ಕ್ಷಣಗಳಿಗೆ ಮುಂದೂಡುತ್ತಿದ್ದ.

6) ಜನಸಂಖ್ಯಾ ನಿಯಂತ್ರಣಾಧಿಕಾರಿ ಮನೆಯ ನಾಯಿಯೊಂದು ಒಮ್ಮೆಲೆ 7 ಮರಿಗಳನ್ನು ಹಾಕಿ ತನ್ನ ಬಲ ಪ್ರದರ್ಶಿಸಿತು.

ಇನ್ನೊಂದೆರಡು..

1) ಕರೆಂಟ್ ಇಲ್ಲದ ಮನೆಗೆ ಲಾಟೀನು ಹಿಡಿದು ಬಂದವಳು ಜೀವನ ಪೂತಿ ಬೆಳಗಿದಳು.

2) ಜಗಳವಾಡಿಕೊಂಡ ಸಹೋದ್ಯೋಗಿಗಳನ್ನು ಮ್ಯಾನೇಜರು ಕೊಟ್ಟ ಪ್ರಾಜೆಕ್ಟ್ ವರ್ಕ್ ಒಂದು ಮಾಡಿತು.

3) ಉತ್ತಮವಾಗಿ ಕೆಲಸ ಮಾಡುತ್ತಿದ್ದ ಪ್ರತಿಷ್ಠಿತ ಕಂಪನಿಯ ನೌಕರನೊಬ್ಬ ರಿಷೆಷನ್ ಭಯದಿಂದ ಇನ್ನೊಂದು ಕಂಪನಿಗೆ ಅಪ್ಲಿಕೇಷನ್ ಹಾಕಿ, ಇದ್ದ ಕೆಲಸವನ್ನು ಕಳೆದುಕೊಂಡ.

ಇಂತಿ ನಿಮ್ಮ ಪ್ರೀತಿಯ,

ಯಳವತ್ತಿ.

ಬ್ಲಾಗಿನ ಹೊಸ ಓದುಗರಿಗಾಗಿ ಹಳೆಯ ಕೊಂಡಿಗಳು:-
1) ಒಂದೆರಡು ಸಾಲಿನ ಕಥೆಗಳು ಭಾಗ-1
2) ಒಂದೆರಡು ಸಾಲಿನ ಕಥೆಗಳು ಭಾಗ-2
3) ಒಂದೆರಡು ಸಾಲಿನ ಕಥೆಗಳು ಭಾಗ-3

ಬ್ಲಾಗಿಗೆ ಒಂದು ವರ್ಷದ ಸಂಭ್ರಮ

2010-02-23T08:56:00.004+05:30

ಪ್ರೀತಿಯ ಸ್ನೇಹಿತರೇ, "ಯಳವತ್ತಿ ಬ್ಲಾಗ್.. ಕನ್ನಡ ಹಾಸ್ಯ ಶಾಯರಿ, ಎಸ್ಸೆಮ್ಮೆಸ್ಸು ಬ್ಲಾಗ್" ಇವತ್ತಿಗೆ ಅಂದರೆ, ದಿನಾಂಕ: 23-02-2010 ಕ್ಕೆ ಒಂದು ವರ್ಷ ಪೂರ್ಣಗೊಳಿಸಿದೆ.

ಇವತ್ತಿಗೆ ಒಂದು ವರ್ಷದ ಹಿಂದೆ ಸುಮ್ಮನೆ ಯಾರದೋ ಜಿದ್ದಿಗೆ ಬಿದ್ದು, ಸೂಖಾ ಸುಮ್ಮನೆ ಶುರು ಮಾಡಿದ ಈ ಬ್ಲಾಗು ಇಲ್ಲಿಯವರೆಗೂ ಮುಂದುವರೆಯುತ್ತದೆಯೆಂದು ಯಾವತ್ತೂ ಅನ್ನಿಸಿರಲಿಲ್ಲ. ಅವತ್ತಿನ ದಿನ ಶಂಕ್ರಣ್ಣನ ಸೋಮಾರಿಕಟ್ಟೆ ಬ್ಲಾಗ್ ನೋಡಬೇಕಾದರೆ, ನಂಗೂ ಒಂದು ಬ್ಲಾಗು ಮಾಡಬೇಕೆನಿಸಿ, ಆಗಲೇ ಯಳವತ್ತಿ ಬ್ಲಾಗನ್ನು ಸೃಷ್ಟಿ ಮಾಡಿದೆ. ಅದಾಗಲೇ ಕನ್ನಡದಲ್ಲಿ ಸಾವಿರದ ಏಳುನೂರು ಬ್ಲಾಗಿಗರು, ತಮ್ಮದೇ ಆದ ಸ್ವಂತ ಬ್ಲಾಗುಗಳಲ್ಲಿ ಪ್ರಕಾಶಿಸುತ್ತಿದ್ದರು. ಇಷ್ಟೊಂದು ಜನರ ಮಧ್ಯೆ ಈ ಬ್ಲಾಗು ಉಸಿರಾಡುವುದು ಕಷ್ಟ ಅಂತಾ ಅನ್ನಿಸಿದ್ದು ಸುಳ್ಳಲ್ಲ.

ಆದರೂ ಬರೆಯಲು ಶುರು ಮಾಡಿದೆ. ಮೊದಲು ನಾನು ಕೇಳಿದ, ಹೇಳಿದ ಜೋಕುಗಳನ್ನು ಬರೆದು ಹಾಕಿದೆ. ನನ್ನ ಕೆಲವು ಬಾಲ್ಯದ ಘಟನೆಗಳನ್ನು ಬರೆದೆ. ಅಷ್ಟೊಂದು ಫೇಮಸ್ ಇರದೇ ಇದ್ದುದರಿಂದ ಕೇವಲ ಬೆರಳೆಣಿಕೆಯಷ್ಟು ಮಂದಿ ಮಾತ್ರ ಬ್ಲಾಗನ್ನು ನೋಡುತ್ತಿದ್ದರು. ಈ ಬಗ್ಗೆ ನನ್ನ ಸ್ನೇಹಿತರಿಗೆ ಮೆಸೇಜು, ಈ-ಮೇಲ್ ಕಳಿಸಿ ನೋಡ್ರಿ ಅಂತಾ ಹೇಳಿದೆ. ನನ್ನ ಬಲವಂತಕ್ಕಾದರೂ ಬ್ಲಾಗ್ ನೋಡಿದರು. ಕೆಲವರಿಗೆ ಇಷ್ಟವೂ ಆಯಿತೆನ್ನಿ.

1) ಅವಳು... ಕವನ (ಕಷ್ಟವಾದರೂ ಸರಿ, ಈ ಕವನವನ್ನು ಪೂರ್ತಿ ಓದಿರಿ)
2)ಬಿಜಾಪೂರ ಶಾಯರಿ..
3)ಢಾಭಾದಲ್ಲಿ ನಡೆದ ಭಯಂಕರವಾದ ಘಟನೆ...
4)ನಾನು ಹೇಳಿದ್ದು, ಕೇಳಿದ್ದು,, ಜೋಕ್ಸು, ಸಾಂಗ್ಸು.. ಇತರೆ.. ನಿಮಗಾಗಿ
5)ನಿಡಸಾಲೆಯಲ್ಲಿ ನಡೆದ ಘಟನೆ..
6)ದೆವ್ವದ ಕಥೆ..
7)ಆಂಟಿಗೊಂದು ಪತ್ರ...
8)ಹಾಗೆ.. ಹುಡುಗುತನದಲ್ಲಿ...
9)ಗೆಳತೀ.. ನೀ ಹೀಗೇಕೆ ಮಾಡಿದೆ...???

ಈ ಪೋಸ್ಟುಗಳ ನಂತರ ಬ್ಲಾಗಿಗೆ ವೀಕ್ಷಕರು ಬರಲಾರಂಭಿಸಿದರು. ಇದಕ್ಕೆ ಇಟ್ಟಿಗೆ ಸಿಮೆಂಟಿನ ಪ್ರಕಾಶಣ್ಣ, ನೆನಪಿನ ಪುಟಗಳ ಶಿವು, ಶೋಭಾ, ದುಬೈ ಮಹೇಶಣ್ಣ, ಸೋಮಾರಿ ಪ್ರಶಾಂತು, ಅನಾಮಧೇಯ ಗೆಸ್ಟುಗಳು, ನಂದು ಅಣ್ಣ, ಪ್ರತಿಭಾ ಪಾಟೀಲ್, ಮಂಜುಳಾ ಜೋಶಿ, ಸುಗುಣಸಾಗರ, ಜಗದೀಶ, ಜ್ಞಾನಮೂರ್ತಿ, ಶಿವಪ್ರಶಾಂತ್, ಸುನಾಥ ಕಾಕಾ ಇವರೆಲ್ಲರೂ ಕಾಮೆಂಟ್ ಹಾಕಿ ಸಾಥ್ ನೀಡಿದರು.. "ಗೆಳತಿ ನೀ ಹೀಗೇಕೆ ಮಾಡಿದೆ" ಲೇಖನವು ಎಷ್ಟೋ ಜನರ ಮೆಚ್ಚುಗೆಗಳಿಸಿತು. ಇತ್ತೀಚೆಗೆ ಈ ಲೇಖನವನ್ನು ಓದಿದ ದಾವಣಗೆರೆ ಹುಡುಗಿಯೊಬ್ಬಳು ತುಂಬಾ ಅತ್ತುಬಿಟ್ಟಳಂತೆ.. ಹಲವರು ಅತ್ತಿದ್ದು ಸುಳ್ಳಲ್ಲ..

ನಂತರ ನನ್ನ ಬ್ಲಾಗಿನಲ್ಲಿ ಹಾಸ್ಯ ಸರಣಿಯನ್ನು ಮುಂದುವರೆಸಿ ಈ ಲೇಖನಗಳನ್ನು ಬರೆದೆ.

1)ಕನ್ನಡ ಎಸ್ಸೆಮ್ಮೆಸ್ಸು/ ಶಾಯರಿ/ ಜೋಕ್ಸು ಭಾಗ-1
2)ಕನ್ನಡ ಎಸ್ಸೆಮ್ಮೆಸ್ಸು/ ಶಾಯರಿ/ ಜೋಕ್ಸು ಭಾಗ-2
3)ಕನ್ನಡ ಎಸ್ಸೆಮ್ಮೆಸ್ಸು/ ಶಾಯರಿ/ ಜೋಕ್ಸು ಭಾಗ-3
4)ಕನ್ನಡ ಎಸ್ಸೆಮ್ಮೆಸ್ಸು/ ಶಾಯರಿ/ ಜೋಕ್ಸು ಭಾಗ-4
5)ಕನ್ನಡ ಎಸ್ಸೆಮ್ಮೆಸ್ಸು/ ಶಾಯರಿ/ ಜೋಕ್ಸು ಭಾಗ-5

ಇವುಗಳೆಲ್ಲವೂ ಸ್ವಲ್ಪ ಹೆಸರು ತಂದುಕೊಟ್ಟವು.

ಇದಾದ ಮೇಲೆ ಟ್ವಿಟರ್ ಎಂಬ ಕಿರು ಬ್ಲಾಗಿಂಗ್ ನಲ್ಲಿ ದಿನಕ್ಕೊಂದು ಸಾಲುಗಳನ್ನು ಬರೆಯಲಾರಂಭಿಸಿದೆ. www.twitter.com/shivagadag ಇವುಗಳನ್ನೂ ಸಹ ಹಲವರು ಇಷ್ಟಪಟ್ಟರು. ಕೆಲವರು ಆರ್ಕುಟ್ ನ ಸ್ಟೇಟಸ್ ಮೆಸೇಜಿನಲ್ಲಿ ಹಾಕಿಕೊಂಡರು. ಇವೆಲ್ಲದರ ನಡುವೆ ಒಮ್ಮೊಮ್ಮೆ ದೊಡ್ಡ ದೊಡ್ಡ ಕಥೆಗಳನ್ನು ಬರೆಯಲು ಹೋಗಿ ಕೈಸುಟ್ಟುಕೊಂಡೆ.. ಅದಕ್ಕಾಗಿ, ನಾನು ಒಂದೆರಡು ಸಾಲಿನ ಕಥೆಗಳನ್ನು ಬರೆಯಲಾರಂಭಿಸಿದೆ. ಮೂರು ಬಾರಿ ವಿಜಯ ಕರ್ನಾಟಕದವರು ತಮ್ಮ ಪೇಪರ್ ನ ಲವಲವಿಕೆ ಕಾಲಂ ನಲ್ಲಿ ಹಾಕಿದ್ದಾರೆ. ಮತ್ತೊಂದಿಷ್ಟು ಕಳಿಸಿದ್ದೇನೆ.

ಈಗ ಈ ಬ್ಲಾಗು ಸದ್ದಿಲ್ಲದೇ ಒಂದು ವರ್ಷ ಪೂರೈಸಿದೆ. ಇವತ್ತಿಗೆ 108 ಫಾಲೋಯರ್ಸ್ ಆಗಿದ್ದಾರೆ. 14,690 ಹಿಟ್ ಗಳಾಗಿವೆ. ಸುಮಾರು 6,110 ಕಂಪ್ಯೂಟರ್ ನಲ್ಲಿ ಈ ಬ್ಲಾಗ್ ವೀಕ್ಷಣೆ ಕಂಡಿದೆ. ಬ್ಲಾಗ್ ನಲ್ಲಿ ಆರ್ಕುಟ್ ಲಿಂಕ್ ಕೊಟ್ಟಿದ್ದರಿಂದ 707 ಸ್ನೇಹಿತರಾಗಿದ್ದಾರೆ.

ಹಲವಾರು ಬ್ಲಾಗಿಗರು ಆರ್ಕುಟ್ ನಲ್ಲಿ ಸಂಪರ್ಕದಲ್ಲಿದ್ದಾರೆ. ಇತ್ತೀಚೆಗೆ ಬೆಂಗಳೂರಿನ ಶಶಿ ಅಕ್ಕಾ, ದುಬೈ ಮಹೇಶಣ್ಣ, ಶಿವು, ಶುಭಶಂಕರಿ, ಮಂಜುನಾಥ್ ಬಮ್ಮನಕಟ್ಟಿ ಸರ್, ಜ್ಞಾನಮೂರ್ತಿ, ಗುರುಮೂರ್ತಿ, ರಾಣಿ, ಸೋಮಾರಿ ಪ್ರಶಾಂತ, ಮೇಘಾ, ಚಿನ್ಮಯ್, ರಾಜೇಶ್, ಮಂಜುಳಾ, ಇನ್ನೂ ಹಲವರು ತುಂಬಾ ಹತ್ತಿರವಾಗಿದ್ದಾರೆ.

ಎಲ್ಲರಿಗೂ ನಾನು ಚಿರಋಣಿ. ಸಧ್ಯ ಒಂದು ವರ್ಷ ಪೂರೈಸಿದೆ, ಇದೆಲ್ಲದರ ಮಧ್ಯೆ ಜ್ಞಾನಮೂರ್ತಿ (ಜ್ಞಾನಬಿಂದು ಬ್ಲಾಗ್), ಗುರುಮೂರ್ತಿ (ರಾಹುದೆಸೆ) ಇವರು ಬ್ಲಾಗ್ ಡಿಲೀಟ್ ಮಾಡಿದ್ದು, ರಾಜೇಶ್ ಮಂಜುನಾಥ್ ಬ್ಲಾಗ್ ಬರೆಯದೇ ಇದ್ದದ್ದು, ಬೇಸರ ತರಿಸಿದರೆ, ಛಾಯಾಕನ್ನಡಿ ಶಿವು ಸರ್, ನೆನಪಿನ ಪುಟಗಳ ಶಿವು, ಪ್ರಕಾಶಣ್ಣ ಇವರು ಭೇಟಿಯಾದದ್ದು, ಹಾಗೆ ಇಟ್ಟಿಗೆ ಸಿಮೆಂಟು ಬ್ಲಾಗ್ "ಹೆಸರೇ ಬೇಡ" ಪುಸ್ತಕವಾಗಿ ಬಿಡುಗಡೆಯಾದದ್ದು ಆದದ್ದು ಖುಷಿ ಕೊಡುತ್ತವೆ.

ಇವೆಲ್ಲದರ ಮಧ್ಯೆ ಈ ಬ್ಲಾಗ್ ಉಸಿರಾಡಿಕೊಂಡು ಬೆಳೀತಿದೆ. ನಿಮ್ಮೆಲ್ಲರ ಪ್ರೋತ್ಸಾಹ ಹೀಗೇ ಇರಲಿ.

ಇಂತಿ ನಿಮ್ಮ ಪ್ರೀತಿಯ,

ಯಳವತ್ತಿ

ಆರ್ಕುಟ್ಟಿಗರೇ ಎಚ್ಚರಿಕೆ.

2010-02-20T09:02:00.000+05:30

ಯಾರದೇ ಫ್ರೊಫೈಲ್ ನಲ್ಲಿ ಕಾಣೋ

CHECK MY PROFILE FOR FREE MOBILE RECHARGE ಅಥವಾ SEE MY SEXY PHOTOS CLICK HERE

ಅನ್ನೋದನ್ನು ದಯವಿಟ್ಟು ಯಾರೂ ಪ್ರಯತ್ನಿಸಬೇಡಿ.

ಇದರಿಂದ ನಿಮ್ಮ ಅಕೌಂಟ್ ಹ್ಯಾಕ್ ಆಗುತ್ತದೆ. ನಿಮ್ಮ ಅಕೌಂಟ್ ನಿಂದ ನಿಮ್ಮ ಸ್ನೇಹಿತರ ಖಾತೆಗೆ ಮಿಂಚಂಚೆಯನ್ನು ತಾನಾಗೇ ಕಳಿಸುತ್ತದೆ. ನಿಮ್ಮ ಸ್ನೇಹಿತರ ಫೋಟೋಗಳಿಗೆ ತಾನಾಗೇ ಕಳಿಸುತ್ತದೆ. ನಿಮ್ಮ ಸ್ನೇಹಿತರು ಸಹ ಪ್ರಯತ್ನಿಸಿದಲ್ಲಿ, ಅವರ ಖಾತೆಯು ಸಹ ಹ್ಯಾಕ್ ಆಗುತ್ತದೆ. ಒಬ್ಬರಿಂದ ಒಬ್ಬರಿಗೆ ಮೆಸೇಜುಗಳನ್ನು ಕಳಿಸುತ್ತಲೇ ಇರುತ್ತದೆ.

ನನ್ನ ಫ್ರೊಫೈಲ್ ನಲ್ಲಿ ಸಹ ಹ್ಯಾಕ್ ಆಗಿತ್ತು. ಈಗ ಅದನ್ನು ಸರಿ ಮಾಡಿದ್ದೇನೆ. ಈ ರೀತಿ ಆದಲ್ಲಿ ಏನು ಮಾಡಬೇಕು ಅನ್ನೋದರ ಬಗ್ಗೆ ಕೆಲವು ಸುರಕ್ಷತಾ ಸಲಹೆಗಳು.

1) ನಿಮ್ಮ ಸ್ನೇಹಿತರು ಯಾರೇ ಇರಲಿ, ಅವರ ಫ್ರೊಫೈಲ್ ನಲ್ಲಿ ಕಾಣೋ ಸಂಶಯಾಸ್ಪದ ಲಿಂಕ್ ಗಳನ್ನು ಕ್ಲಿಕ್ ಮಾಡಬೇಡಿ.

2) ಅದನ್ನು ಕ್ಲಿಕ್ ಮಾಡಿದರೆ, ಅಥವಾ ಜಾವಾ ಸ್ಕ್ರಿಪ್ಟ್ ನ್ನು ರನ್ ಮಾಡಿದರೆ, ಅದು ನಿಮ್ಮ ಈಮೇಲ್ ನ ಪಾಸ್ ವರ್ಡ್ ಕೇಳುತ್ತದೆ. ಅಥವಾ ನಿಮ್ಮ ಮೊಬೈಲ್ ದೂರವಾಣಿ ಸಂಖ್ಯೆ ಕೇಳುತ್ತದೆ. (ಬ್ಲಾಗ್ ಗಳಲ್ಲಿ ಕಾಮೆಂಟ್ ಬರೆಯುವಾಗ ಪಾಸ್ ವರ್ಡ್ ಕೇಳುವುದು ಸಹಜ.) ಅವಾಗ ನಿಮ್ಮ ದೂರವಾಣಿ ಸಂಖ್ಯೆ ಅಥವಾ ಪಾಸ್ ವರ್ಡ್ ಕೊಡಬೇಡಿ.

3) ನೀವು ಕೊಟ್ಟ ನಂತರ, ನಿಮ್ಮ ಪ್ರೊಫೈಲ್ ನಲ್ಲಿ ಸಹ CHECK MY PROFILE FOR FREE MOBILE RECHARGE ಅಥವಾ SEE MY SEXY PHOTOS CLICK HERE ಅಂತಾ ತೋರಿಸುತ್ತಿದ್ದರೆ, ನಿಮ್ಮ ಪ್ರೊಫೈಲ್ ಹ್ಯಾಕ್ ಆಗಿದೆ ಅಂತಲೇ ಅರ್ಥ.

4) ಒಂದು ವೇಳೆ ನಿಮಗೆ ಗೊತ್ತಿಯೋ, ಗೊತ್ತಿಲ್ಲದೆಯೋ ನಿಮ್ಮ ಖಾತೆ ಹ್ಯಾಕ್ ಆದಲ್ಲಿ, ಮೊದಲು ನಿಮ್ಮ ಗೂಗಲ್ ಖಾತೆಯ ಪಾಸ್ ವರ್ಡ್ ಬದಲಾಯಿಸಿ.

5) ಕುಕೀಗಳನ್ನು ಹಾಗೂ ಟೆಂಪರರಿ ಇಂಟರ್ ನೆಟ್ ಫೈಲ್ ಗಳನ್ನು ಹಾಗೂ ಸಂಗ್ರಹಿಸಿಟ್ಟುಕೊಂಡ ಪಾಸ್ ವರ್ಡ್ ಗಳನ್ನು ಡಿಲೀಟ್ ಮಾಡಿ.

6) ನಿಮ್ಮ ಆರ್ಕುಟ್ ಖಾತೆಯ ಅಪ್ ಡೇಟ್ ಗಳು ಎಲ್ಲರಿಗೂ ಕಾಣುವುದನ್ನು ಮರೆ ಮಾಡಿ.

7) ಪ್ರೊಫೈಲ್ ಎಡಿಟ್ ಮಾಡಿ, about me ಕಾಲಮ್ ನ ಅಳಿಸಿ ಹಾಕಿ.

8) ಎಡಿಟ್ ಮಾಡಲು ಸಾಧ್ಯವಾಗದಿದ್ದಲ್ಲಿ, ಆತುರವಾಗಿ ಆರ್ಕುಟ್ ಖಾತೆಯನ್ನು ಡಿಲೀಟ್ ಮಾಡಬೇಡಿ, ಸುಮಾರು ಎಂಟು ಗಂಟೆಗಳ ತರುವಾಯ ಪ್ರಯತ್ನಿಸಿ, ಆಗ ಸಾಧ್ಯವಾಗುತ್ತದೆ. ಆಗಲಿಲ್ಲವಾದರೆ, ಒಂದೆರಡು ದಿನಗಳವರೆಗಾದರೂ ಕಾಯಬೇಕಾಗುತ್ತದೆ.

9) Phishing Attack ಅಥವಾ Report Abuse (ನಿಂದನೆ ವರದಿ) ವರದಿ ಮಾಡುವುದರಿಂದಲೂ ಸಹ ಇದನ್ನು ಸರಿ ಮಾಡಬಹುದು. ಇದರಿಂದ ನಿಮ್ಮ ಆರ್ಕುಟ್ ಖಾತೆ ಡಿಲೀಟ್ ಆಗುವ ಸಾಧ್ಯತೆಗಳಿವೆ.

10) ಈ ಲೇಖನವನ್ನು ಪ್ರಚಾರಪಡಿಸಿ. ನಿಮ್ಮೆಲ್ಲ ಸ್ನೇಹಿತರಿಗೂ ತಿಳಿಸಿ. ಹ್ಯಾಕಿಂಗ್ ವಿರುದ್ಧ ನಿಮ್ಮ ವೋಟು ಹಾಕಿ.

ಇಂತಿ,
ನಿಮ್ಮ ಪ್ರೀತಿಯ,
ಯಳವತ್ತಿ

ಒಂದೆರಡು ಸಾಲಿನ ಕಥೆಗಳು ಭಾಗ-3

2010-02-18T08:15:00.006+05:30

ಇನ್ನೊಂದಿಷ್ಟು ಒಂದೆರಡು ಸಾಲಿನ ಕಥೆಗಳನ್ನು ಬರೆದು ನಾನು ನನ್ನ ಹುಂಬತನವನ್ನು ಪ್ರದರ್ಶಿಸುತ್ತಿದ್ದರೆ, ವಿಜಯ ಕರ್ನಾಟಕ ಪೇಪರ್ ನೋರು, ಅದನ್ನೇ ಚಂದ ಇದೆ ಅನ್ಕೊಂಡು, ಪೇಪರ್ ನಲ್ಲಿ ಹಾಕ್ತಾನೇ ಇದ್ದಾರೆ. ಇದೋ.. ಒಂದೆರಡು ಸಾಲಿನ ಕಥೆಗಳು, ಈ ಬಾರಿ ಕಥೆಗಳಲ್ಲಿ ಬರೀ ಮೆಸೇಜನ್ನೇ ಇಟ್ಟಿದ್ದೀನಿ. ಪ್ರೀತಿ-ಪ್ರೇಮದ ಕಥೆಗಳ ನಡುವೆ ಸೇರಿಸಿದ್ದರೆ ನಿಮಗೆ ಇಷ್ಟವಾಗುತ್ತಿತ್ತೇನೋ ಅಂದನಿಸುತ್ತಿದೆ.

ಇನ್ನೊಂದು ಸಾಲು:

ತನಗಿಂತ ದೊಡ್ಡ ಹುದ್ದೆಯಲ್ಲಿದ್ದಾಳೆಂದು ಸಿಡುಕುತ್ತಿರುತ್ತಿದ್ದ ಗಂಡನಿಗೆ, ಅವಳ ಪೂರ್ತಿ ಸಂಬಳ ಇವನ ಜೇಬಿಗೆ ಸೇರುತ್ತಿದ್ದುದು ಅಂತಾ ದೊಡ್ಡ ವಿಷಯವೇನೂ ಅನ್ನಿಸಿರಲಿಲ್ಲ.

ಇಂತಿ ನಿಮ್ಮ ಪ್ರೀತಿಯ,

ಶಿವಶಂಕರ ವಿಷ್ಣು ಯಳವತ್ತಿ

ಗಂಡು ನೋಡಲು ಹುಡುಗಿಯ ಕಡೆಯವರು ಬಂದಿದ್ದು..

2010-02-07T18:00:00.008+05:30

ಇದು ನನ್ನ ಗೆಳೆಯನೊಬ್ಬನ ಜೀವನದಲ್ಲಿ ಇತ್ತೀಚೆಗೆ ನಡೆದ ಒಂದು ಘಟನೆ..

ನನ್ನ ಗೆಳೆಯನೊಬ್ಬ ಮದುವೆ ಮಾಡಿಕೊಳ್ಳೋಕೆ ಹುಡುಗೀನ ಹುಡುಕ್ತಾ ಇದ್ದ. ಅವನು ಕೆಲಸ ಮಾಡುತ್ತಿದ್ದ ಕಚೇರಿ ಮ್ಯಾನೇಜರೊಬ್ಬರು ಇವನಿಗೆ ಅದಾಗಲೇ ಒಂದೆರಡು ಹೆಣ್ಣುಗಳನ್ನು ಸಹ ತೋರಿಸಿದ್ದರು. ಅವರ್ಯಾರೂ ಇವನಿಗೆ (ಸೈಜ್ ಗೆ ಮತ್ತು ಏಜ್ ಗೆ) ಮ್ಯಾಚ್ ಆಗಲಿಲ್ಲವಾದ್ದರಿಂದ ಬೇಜಾರು ಮಾಡಿಕೊಂಡಿದ್ದ.

ಅಪ್ಪ ಅಮ್ಮ ಇಲ್ಲದ್ದರಿಂದ ಅಜ್ಜಿಯ ಜೊತೆಯಲ್ಲಿ ಬೆಳೆದ ಇವನಿಗೆ ಏನಾದರೂ ಮಾಡಿ ಮದುವೆ ಮಾಡಿಸಲೇಬೇಕೆಂದು ಪಟ್ಟು ಹಿಡಿದ ಮ್ಯಾನೇಜರು, ಒಳ್ಳೆ ಅಂದ-ಚಂದದ ಹುಡುಗಿಯನ್ನು ಇವನಿಗಾಗಿ ಹುಡುಕಲು ಶುರು ಮಾಡಿದರು. ಅಷ್ಟರಲ್ಲಿ ಅವರ ಪರಿಚಯದ ಹಳೇ ಸ್ನೇಹಿತರು ಆಫೀಸಿಗೆ ಬಂದಾಗ, ಇವನ ಬಗ್ಗೆ ಹೇಳಿ ಪರಿಚಯ ಮಾಡಿಸಿದರು.

ನಿಮ್ಮ ಕೆ.ಬಿ. (ಕುಲ ಭಾಂಧವರು) ಇದ್ದಾನೆ. ಒಳ್ಳೇ ಹುಡುಗ. ಸರಕಾರಿ ಕೆಲಸ. ಅದು ಇದು ಅಂತಾ ಒಂದಿಷ್ಟು ಮಸಾಲೆ ಸೇರಿಸಿ, ನಿಮ್ಮ ಪರಿಚಯದಲ್ಲಿ ಯಾರಾದರೂ ಒಳ್ಳೇ ಹುಡುಗಿ ಇದ್ದರೆ ಹೇಳಿ ಅಂತಾ ಅವಲತ್ತುಗೊಂಡರು. ಆಯ್ತು ಅಂತಾ ಹೇಳಿದ ಅವರು, ಖಂಡಿತಾ ಹೇಳ್ತೀನಿ ಅಂತಾ ಭರವಸೆ ನೀಡಿ ಹೋದರು.

ಅವತ್ತಿನ ರಾತ್ರಿಯೇ ಅವರಿಂದ ಮ್ಯಾನೇಜರ್ ಗೆ ಫೋನ್ ಬಂದಿತ್ತು. ನನ್ನ ಮಗಳೊಬ್ಬಳಿದ್ದಾಳೆ. ಅವಳಿಗೂ ಮದುವೆ ಮಾಡಬೇಕೆಂದು ವಿಚಾರ ಮಾಡಿದೀನಿ.ನಾನು ಹುಡುಗನ ಮನೆಯವರನ್ನೊಮ್ಮೆ ನೋಡಬೇಕು ಅಂದರು. ನಾಳೆಯೇ ಬನ್ನಿ ಅಂತಾ ನಮ್ಮ ಮ್ಯಾನೇಜರು ಆಹ್ವಾನ ನೀಡಿದರು. ಆದರೆ, ಇವನಿಗೆ ಹೇಳುವುದನ್ನು ಮರೆತರು.

ಮಾರನೇ ದಿನ ಹುಡುಗಿಯ ಅಪ್ಪ (ಮ್ಯಾನೇಜರ ಸ್ನೇಹಿತ) ಮತ್ತು ಹುಡುಗಿಯ ಅಣ್ಣ ಸೀದಾ ಆಫೀಸಿಗೆ ಬಂದಾಗ, ಇವರಿಗೆ ನೆನಪಾಯಿತು. ಕೆಲಸ ಮಾಡುತ್ತಿದ್ದ ಇವನನ್ನು ಬಿಡಿಸಿ, ನಿಮ್ಮ ಮನೆಯನ್ನೊಮ್ಮೆ ನೋಡಬೇಕಂತೆ ಎಂದು ಹೇಳಿ, ತಡಮಾಡದೇ ಅವರನ್ನು ಇವನ ಮನೆಗೆ ಕರಕೊಂಡು ಬಂದರು.

ಅವನ ಮನೆಯಲ್ಲಿ ಅವರ ಅಜ್ಜಿ ಮಾತ್ರ ಇದ್ದರು. ಬಂದವರು ಅವರ ಪರಿಚಯ ಮಾಡಿಕೊಂಡು, ಅಜ್ಜಿಯನ್ನು ಮಾತನಾಡಿಸಹತ್ತಿದರು. ಅಷ್ಟರಲ್ಲಿ ಇವನು ಕಿಚನ್ ಗೆ ಹೋಗಿ ಬಂದವರಿಗೆ ಚಹಾ ಮಾಡಿಕೊಂಡು ಬಂದ. ಇವನೇ ಇದ್ದದ್ದರಿಂದ ಒಂದು ತಟ್ಟಯಲ್ಲಿ ಚಹಾ ಲೋಟಗಳನ್ನು ತಂದು ಕೊಟ್ಟ. (ಹುಡುಗಿಯರು ಚಹಾ ಕೊಡುವಂತೆ)

ಅಷ್ಟರಲ್ಲಿ ಚಾಟು ಚಟಾಕಿನ ಅಜ್ಜಿಯು ಬಂದವರಿಗೆ ಮೊಮ್ಮಗನನ್ನು ತೋರಿಸುತ್ತಾ,

"ನನ್ನ ಮೊಮ್ಮಗ ನಿಮಗೆ ಇಷ್ಟವಾದನಾ??" ಅಂತಾ ಕೇಳಿದರು.

ಟಕ್ಕನೆ ಎಲ್ಲರಿಗೂ ನಗು ಬಂದಿತು. ಅಲ್ಲಿಯೇ ಚಹಾದ ತಟ್ಟೆ ಹಿಡಿದುಕೊಂಡು ನಿಂತಿದ್ದ ಇವನಿಗೆ ನಗು ತಡೆಯಲಾರದೇ, ರೂಮಿನೊಳಗೆ ಹೋದ..
ಆಗ ಅವನ ಮ್ಯಾನೇಜರ್ ಇದ್ದವರು..

"ನೋಡಿ ನೋಡಿ, ನಾಚಿಕೊಂಡು ಒಳಗೆ ಹೋಗ್ತಾ ಇದಾನೆ.." ಅಂದುಬಿಟ್ಟರು..

ಮತ್ತೆ ಎಲ್ಲರೂ ನಕ್ಕರು..

ಅಲ್ಲಿಗೆ ಇವನ "ಗಂಡು ನೋಡುವ ಪ್ರಹಸನ" ಮುಗಿದಿತ್ತು.. ಬಂದವರು ಇವನನ್ನು ಮೆಚ್ಚಿಕೊಂಡು ಹೋಗಿದ್ದರು. ನಗು ನಗುತ್ತಾ...!!!

ಇಂತಿ ನಿಮ್ಮ ಪ್ರೀತಿಯು,

ಶಿವಶಂಕರ ವಿಷ್ಣು ಯಳವತ್ತಿ

ಒಂದೆರಡು ಸಾಲಿನ ಕಥೆಗಳು ಭಾಗ-2

2010-01-28T08:53:00.002+05:30

ಮೊನ್ನೆ ಹದಿನೇಳನೇ ತಾರೀಖಿಗೆ ಒಂದೆರಡು ಸಾಲಿನ ಕಥೆಗಳು ಭಾಗ-1 ರ ಕಾಲಂ ವಿಜಯ ಕರ್ನಾಟಕ ಪೇಪರ್ ನಲ್ಲಿ ಪ್ರಕಟವಾದಾಗ ಖುಶಿ ಆಗಿತ್ತು. ಇದೇ ಖುಶಿಯಲ್ಲಿ ಇನ್ನೊಂದಿಷ್ಟು ಬರೆದಿದ್ದೆ.. ಅವುಗಳನ್ನೂ ಸಹ ಇವತ್ತಿನ (ದಿ: 28-01-2010) ವಿಜಯ ಕರ್ನಾಟಕ ಪೇಪರ್ ನಲ್ಲಿ ಪ್ರಕಟಿಸಿದ್ದಾರೆ. ನಾನು ಹೇಗೆ ಬರ್ದಿದೀನಿ ಅಂತಾ ನಂಗೆ ಗೊತ್ತಿಲ್ಲ.. ನಿಮ್ಮ ಮುಂದೆ ಇಡ್ತಾ ಇದೀನಿ.. ಹೇಗಿದೆ ಅಂತಾ ಹೇಳೋದಿ ನಿಮಗೆ ಬಿಟ್ಟಿದ್ದು.

ಇಂತಿ ನಿಮ್ಮ ಪ್ರೀತಿಯ,

ಶಿವಶಂಕರ ವಿಷ್ಣು ಯಳವತ್ತಿ

ಉತ್ತರ ಕರ್ನಾಟಕ ಶೈಲಿಯಲ್ಲಿ "ಬಾಲಿವುಡ್ ಸಿನಿಮಾಗಳು"

2010-01-24T12:51:00.007+05:30

ಕಳೆದ ಬಾರಿ ನನ್ನ ಸ್ನೇಹಿತ ನಾಗರಾಜ್ ಹಾಗೂ ಅವೀನ್ ಕುಮಾರ್ ಕಳಿಸಿದ್ದ "ಉತ್ತರ ಕರ್ನಾಟಕ ಧಾಟಿಯಲ್ಲಿ ಹಾಲಿವುಡ್ ಸಿನಿಮಾಗಳು" ಲೇಖನವನ್ನು ಬಹಳ ಮಂದಿ ಇಷ್ಟಪಟ್ಟಿದ್ದರು. ಇದಕ್ಕೆ ಸಾಕ್ಷಿ ಹೆಚ್ಚಿನ ಕಾಮೆಂಟುಗಳು ಮತ್ತು ವೀಕ್ಷಕರು.(ಹಿಂದಿನ ಯಾವ ಲೇಖನಕ್ಕೂ ಇಷ್ಟು ವೀಕ್ಷಕರು ಬಂದಿರಲಿಲ್ಲ ಹಾಗೂ ಕಾಮೆಂಟುಗಳು ಬಂದಿರಲಿಲ್ಲ.)

ಇದೇ ರೀತಿ "ಉತ್ತರ ಕರ್ನಾಟಕ ಧಾಟಿಯಲ್ಲಿ ಬಾಲಿವುಡ್ ಸಿನಿಮಾಗಳು" ಬರೀಬೋದಲ್ವಾ ಅಂತಾ ಅವಧಿ ಬ್ಲಾಗ್ ನ ಸುನಾಥ ಕಾಕ ಮತ್ತು ಇಟ್ಟಿಗೆ ಸಿಮೆಂಟು ಬ್ಲಾಗಿನ 'ಬ್ಲಾಗ್ ಲೋಕದ ಸಜ್ಜನ' ಅಂತಾ ಖ್ಯಾತಿವೆತ್ತ ಪ್ರಕಾಶಣ್ಣ ಐಡಿಯಾ ಕೊಟ್ಟಿದ್ದರು.. ಇರಲಿ ನೋಡೋಣಾ ಅಂತಾ ಒಂದು ಸಣ್ಣ ಪ್ರಯತ್ನ ಮಾಡ್ತಿದೀನಿ...

1) Paa..................ಯಪ್ಪಾ!
2) Three idiots....ಮೂರು ಮಂಗ್ಯಾಗೋಳು. (1 ಮತ್ತು 2 ಸುನಾಥ ಕಾಕಾ)
3) Dhadkan........ಎದಿ ಗುಂಡಗಿ ಸದ್ದು
4) Hum Aap ke Hain Koun.....ನೀ ನಂಗೇನಾಗ್ಬೇಕಾಗೈತಿ?
5) Nani.........ಯಮ್ಮಾ ಬೇ
6)Nartaki....ಮನ್ಯಾಗ ಡ್ಯಾನ್ಸ್ ಮಾಡಾಕಿ
7) Kaho na pyaar hain... ಲವ್ ಮಾಡ್ತೀ ಇಲ್ಲಾ?
8) Mission Kashmir.... ಬೆಳಗಾಂವ್ ನ್ಯಾಗೊಂದು ಮಿಶಿನ್ನು
9) Hadh kar di aapne.... ನಿಂದು ಭಾಳ ಆಗ್ಯಾತೀ
10) Hamara dil aapke paas hain...ನಂ ಕಡೆ ಇದ್ದಿದ್ದು ನಿಂ ಕಡೆ ಐತಿ
11) He Raam,... ಲೇ ರಾಮ್ಯಾ..
12) Le chale apna sang... ನಿಂ ಜೋಡಿ ಕರ್ಕೊಂಡು ಹೋಗು
13) Papa the great.. ಯಪ್ಪಾ, ನೀನಾ ದೊಡ್ಡಂವಾ..
14) Raju chacha.. ರವ್ಯಾ ಕಾಕಾ
15) Tera jadoo chal gaya.. ನೀ ಮಾಟ ಮಾಡ್ಸಿದ್ದು ಆಗ್ಯಾತಿ ನೋಡು
16) Indian.. ನಮ್ಮೂರ್ನಾಗಿನ್ ರೈತ
17) Dil chahta hain... ನನ್ನ ಹೃದಯ ಕೇಳಕತ್ಯಾತಿ
18) Chori chori chupke chupke... ಒಳೊಳ್ಗ ಕದ್ದು ಮುಚ್ಚಿ
19) Mujhe Kuch Kehna Hain... ನಾ ಏನಾ ಒಂದ್ ಹೇಳವ ಅದೀನಿ
20)Awara Paagal Deewana.. ಯಡಿಯೂರಪ್ಪ-ದೇವೇಗೌಡ ಮತ್ತ ನಮ್ ಕರ್ನಾಟಕ
21) Hum Tumhare Hain Sanam.. ನಾ ನಿನ್ನವಾಂ ಅದೀನಿ..
22) Ankhiyon se goli maare.. ಕಣ್ಣಿಂದ ಗುಂಡಾ ಆಡ್ತಾಳ
23) Chalo ishq ladaye.. ಪಟಾಸೋಕ ಗುದ್ದಾಡೋಣು ಬಾ..
24) Main Hu naa.. ನಾ ಇರ್ತೀನಿ, ಚಿಂತಿ ಬಿಡು..
25) Hum Kisise Kam Nahin... ನಾ ಯಾವಳ್ಗಿಂತ ಕಮ್ಮಿ ಇಲ್ಲೇಳು..
26) Khalnayakon ka Khalnayak.. ಗುಂಡಾಗಳ ಗ್ಯಾಂಗಿನ ಮಾವ
27) Tumko naa bhool payenge... ನಾ ಮರೆತಿಲ್ಲ ನಿನ್ನ ಹಳ್ಳಿ, ನೆನಪು ಬರತೈತಿ ವಳ್ಳಿ ವಳ್ಳಿ
28) Munnabhai MBBS.. ಬಸ್ಯಾ MBBS
29) Darna Mana Hain.. ಹೆದರಿ ಸಾಯ್ ಬೇಡ್ ಲೇ
30) Ek Din 24 Ghante... ಒಂದ್ ದಿವ್ಸ್ ಅಂದ್ರ ಇಪ್ಪತ್ನಾಲ್ಕು ತಾಸು
31) Escape from Taliban.. ವಿಜಾಪೂರ ಗಲ್ಲಿನಾಗಿಂದ ತಪ್ಪುಸ್ಕೊಂಡು ಬಂದಾವ

ನಿಮಗೆ ಯಾವುದಾದರೂ ಹೊಳೆದಿದ್ದರೆ, ದಯವಿಟ್ಟು ಕಾಮೆಂಟಿನಲ್ಲಿ ತಿಳಿಸಿ ಅಥವಾ ನನಗೆ shivagadag@gmail.com ಗೆ ಮಿಂಚಂಚೆ ಕಳಿಸಿ...

ಇಂತಿ ನಿಮ್ಮ ಪ್ರೀತಿಯ,

ಶಿವಶಂಕರ ವಿಷ್ಣು ಯಳವತ್ತಿ

ಈ ಲೇಖನವನ್ನ ಸಂಪದದಲ್ಲಿ ಓದಿದ ಶ್ರೀಹರ್ಷ ಸಾಲಿಮಠ ಸರ್ರ್ ತಮಗೆ ಹೊಳೆದಿದ್ದೊಂದಿಷ್ಟನ್ನು ಕಳುಹಿಸಿದ್ದಾರೆ..
ನಿಮಗಾಗಿ ಇಲ್ಲಿದೆ..

GURU - ಗುರ್ಯಾ
ANARI- ತೆಪರಾ
Welcome to Sajjanpur- ಹೋಗಾನ ಬಾರಪಾ ಹಲಗೇರಿಗೆ!
kamine - ಲುಚ್ಚಾ
wanted- ಎಲ್ಲದಾನವಾ?
sikandar - ಬಹುದ್ದೂರ
oye lucky lucky oye- ಏನಪಾ ದೇಶವಾನಾ
barah ana- ಹನ್ಯಾಲ್ಡಾಣೆ
padosan- ಮಗ್ಗುಲ ಮನಿಯಾಕಿ
what's your Rashi? - ಯಾವೂರು ನಿಂದು?
billu barber- ಹಡಪದೋರ ಹಣಮ್ಯಾ
wake up sid - ಎದ್ದೇಳಲೇ ಸಿದ್ದ

ಉತ್ತರ ಕರ್ನಾಟಕ ಧಾಟಿಯಲ್ಲಿ ಹಾಲಿವುಡ್ ಸಿನಿಮಾಗಳು........ಇನ್ನೊಂದಿಷ್ಟು

2010-01-22T10:02:00.001+05:30

ಮೊದಲನೇ ಪೋಸ್ಟನ್ನು ಓದಿದ ಸ್ನೇಹಿತ ಅವೀನ್ ಕುಮಾರ್ ರವರು ಇನ್ನೊಂದಿಷ್ಟು ಬರಹಗಳನ್ನು ಕಳುಹಿಸಿದ್ದಾರೆ...

ಅವರಿಗೆ ಧನ್ಯವಾದಗಳು....

ಉತ್ತರ ಕರ್ನಾಟಕ ಧಾಟಿಯಲ್ಲಿ ಹಾಲಿವುಡ್ ಸಿನಿಮಾಗಳು

2010-01-22T06:30:00.004+05:30

ಕೆಲವು ದಿನಗಳ ಹಿಂದೆ ಗದಗದಲ್ಲಿನ ರಾಷ್ಟ್ರೀಯ ಸೂಚನಾ ವಿಜ್ಞಾನ ಕೇಂದ್ರದಲ್ಲಿರೋ ನನ್ನ ಗೆಳೆಯ ನಾಗರಾಜ್ ನಂಗೊಂದು ಮಿಂಚಂಚೆ ಕಳಿಸಿದ್ದರು. ಹಾಲಿವುಡ್ ಸಿನಿಮಾಗಳನ್ನು ನಮ್ಮ ಉತ್ತರ ಕರ್ನಾಟಕದ ಧಾಟಿಯಲ್ಲಿ ತೆಗೆದರೆ ಹೇಗಿರುತ್ತೆ ಅಂತಾ.. ಓದಿ ನಕ್ಕು ನಕ್ಕು ಸಾಕಾಗಿತ್ತು..ಒಮ್ಮೆ ಓದಿದರೆ ಸಾಕಾಗಲ್ಲ.. ಮತ್ತೊಂದೆರಡು ಬಾರಿ ಓದಿಸಿಕೊಳ್ಳುತ್ತೆ.. ಇವುಗಳ ಕರ್ತ ಯಾರು ಅಂತಾ ಗೊತ್ತಿಲ್ಲ.. ನಿಮಗೇನಾದರೂ ಗೊತ್ತಿದ್ದರೆ ತಿಳಿಸಿ..

ಇಂತಿ ನಿಮ್ಮ ಪ್ರೀತಿಯ,
ಶಿವಶಂಕರ ವಿಷ್ಣು ಯಳವತ್ತಿ

ಒಂದೆರಡು ಸಾಲಿನ ಕಥೆಗಳು ಭಾಗ-1

2010-01-17T13:36:00.007+05:30

ಬಹಳ ದಿನಗಳವರೆಗೆ ಬ್ಲಾಗ್ ಕಡೆ ತಲೆ ಹಾಕಿರಲಿಲ್ಲ.. ಹಾಗಂದ್ರೆ, ಬ್ಲಾಗ್ ಮೇಲೆ ಇಂಟರೆಸ್ಟ್ ಹೋಗಿದೆ ಅಂತಲ್ಲಾ..
ಬ್ಲಾಗ್ ಬರೆಯೋಕೆ ಟೈಮ್ ಆಗಿರಲಿಲ್ಲ ಅಷ್ಟೆ.. ಅವಾಗವಾಗ ಟ್ವಿಟರ್ ನಲ್ಲಿ ದಿನಕ್ಕೊಂದು ಸಾಲು ಬರೀತಿದ್ದೆ.. ಈ ಕೆಲಸದ ಮಧ್ಯೆ ಏನೂ ಬರೆಯಲು ಆಗಿಲ್ಲ.. ಇತ್ತೀಚೆಗೆ ನಂಗೆ ಇಷ್ಟುದ್ದ ಕಥೆಗಿಂದ ಒಂದೆರಡು ಸಾಲಿನಲ್ಲಿ ಏನಾದ್ರೂ ಹಾಳು ಮೂಳು ಬರೆಯೋದು ಇಷ್ಟವಾಗ್ತಾ ಇದೆ.. ಆದ್ರೂ ಬ್ಲಾಗ್ ನ ಬಿಡಲ್ಲ.. ಹಾಗೇ ಸುಮ್ನೆ ಬಸ್ಸಿನಲ್ಲಿ-ರೈಲಿನಲ್ಲಿ ಹೋಗಬೇಕಾದ್ರೆ ಮನಸ್ಸಿಗೆ ಅನ್ಸಿದ್ದನ್ನು ಎರಡು ಸಾಲಿನಲ್ಲಿ ಗೀಚಿ ನೋಡೋಣಾ ವಿಜಯ ಕರ್ನಾಟಕಕ್ಕೆ ಕಳಿಸಿದೆ.. ಅದನ್ನು ದಿ: 17-01-2010 ರ ವಿಜಯ ಕರ್ನಾಟಕದಲ್ಲಿ ಪ್ರಕಟಿಸಿದ್ದಾರೆ.. (ಅವರ ಧೈರ್ಯವನ್ನು ಮೆಚ್ಚಬೇಕು.. ಕಥೆಗಳನ್ನು ಓದಿ ಪೇಪರ್ ನವರನ್ನು ಬೈದುಕೊಂಡರೆ, ಓದಿ ಅರ್ಥವಾಗದೇ ಕನ್ ಫ್ಯೂಸ್ ಆಗಿ ಹುಚ್ಚು ಹಿಡಿದರೆ, ಖಂಡಿತವಾಗಿ ನಾನು ಯಾವುದೇ ಜವಾಬ್ದಾರಿಯನ್ನು ವಹಿಸಿಕೊಳ್ಳುವುದಿಲ್ಲ..ಹಾಗೂ ಯಾವುದೇ ವೈದ್ಯಕೀಯ ವೆಚ್ಚವನ್ನು ಭರಿಸುವುದಿಲ್ಲ..) ಬ್ಲಾಗ್ ನಲ್ಲಿ ಹಾಕ್ತಿದೀನಿ.. ಓದಿ ನೋಡಿ....

1) ಪ್ರೇಮಿಗಳ ಮಧ್ಯೆ ವಿರಸ ಉಂಟಾಯಿತು. ಅವನು ಕೊಟ್ಟ ಉಡುಗೊರೆಗಳನ್ನೆಲ್ಲಾ ವಾಪಸ್ ಮಾಡಿ, ತಾನು ಕೊಟ್ಟಿದ್ದನ್ನು ಕೇಳಿದಳು...

ಅವಳು ಕೊಟ್ಟ ಮುತ್ತುಗಳ ಲೆಕ್ಕ ಸಿಗದೆ ಹುಡುಗ ಸೋಲೊಪ್ಪಿಕೊಂಡ.. ಹುಡುಗಿಯಕೆನ್ನೆ ಕೆಂಪಾಯಿತು.. ಅಲ್ಲಿಗೆ ವಿರಸದ ಕಥೆ ಮುಗಿಯಿತು.

2) ಅವಳಿಗೆ ಫೋನ್ ಮಾಡಲು ಕಾರಣ ಸಿಗದೆ ಒದ್ದಾಡಿ ಹೋದ.. ತಕ್ಷಣ ಮಿದುಳಿನಲ್ಲೊಂದು ಮಿಂಚು ಸುಳಿಯಿತು.. ಇವತ್ತು ಅವನ ಮುತ್ತಜ್ಜಿ ಬರ್ಥಡೇ ಅಂತೆ..

3) ಪ್ರೀತಿಸುವ ತಾಯಿ ಸತ್ತಾಗ ಭೋರೆಂದು ಅತ್ತಿದ್ದ.. ಬದುಕು ಕಲಿಸಿದ ತಂದೆ ಸತ್ತಾಗ, ಒಂದು ಹನಿ ಕಣ್ಣೀರು ಬರಲಿಲ್ಲ..ಅಪ್ಪ ಕಲಿಸಿದ್ದು ಸಾರ್ಥಕವಾಗಿತ್ತು.. ಗಂಭೀರನಾದ ಅವನಲ್ಲಿ ಮೌನವೇ ಮಾತಾಗಿತ್ತು..

4) ಯಾರ ಮಾತೂ ಕೇಳದ ಅವನು ಅವಳ ಮಾತು ಕೇಳಿ ಪರೀಕ್ಷೆ ಬರೆದ.. Rank ಬಂದ ದಿನವೇ ಒಪ್ಪಂದದ ಪ್ರಕಾರ ಮೂರು ಮುತ್ತುಗಳನ್ನು ಪಡೆದುಕೊಂಡ

5) ಬಸ್ಸಿನಲ್ಲಿ ಎಫ್.ಎಂ. ಕೆಳುತ್ತಿದ್ದವಳಿಗೆ ಪಕ್ಕದಲ್ಲಿ ಕುಳಿತವ ಏನೋ ಹೇಳಿದ.. ಅವಳು ದುರುಗುಟ್ಟಿಕೊಂಡು ನೋಡಿ ಸುಮ್ಮನಾದಳು ಸೀಟಿನಿಂದ ಎದ್ದ ಕೂಡಲೇ ಮೊಳೆಗೆ ಸಿಲುಕಿದ್ದ ಸೀರೆ ಹರಿಯಿತು

"ನಾನು ಮೊದಲೇ ಹೇಳಿದೆ" ಎಂದು ಅವನು ಪಿಸುಗುಟ್ಟಿದ್ದು ಕೇಳಿಸಿತು..

6) ಕಣ್ಣೆದುರಿಗೇ ಅಪ್ಪ ಸತ್ತಿದ್ದ, ಅಮ್ಮ ಸತ್ತಿದ್ದಳು.. ಪ್ರಾಣ ಸ್ನೇಹಿತ ಸತ್ತಿದ್ದ.. ಇವಾಗ ಮಗ ಸತ್ತಿದಾನೆ.. ಈ ಹಾಳು ಸಮಾಜ ಕಣ್ಣೀರಾಕಲು ಬಿಡುತ್ತಿಲ್ಲ.. ಗಂಡಸರು ಅಳಬಾರದಂತೆ... "ಅಳುವ ಗಂಡಸನ್ನು ನಂಬಬೇಡ, ನಗುವ ಹೆಣ್ಣನ್ನು ನಂಬಬೇಡ" ಎಂಬ ಮಾತೇನಾದರೂ ಕೆಲಸ ಮಾಡುತ್ತಿದೆಯೇ? ಅಥವಾ ಅಳುವುದು ಹೆಣ್ಣುಮಕ್ಕಳಿಗೆ ಮಾತ್ರ ಟೆಂಡರ್ ಆಗಿದೆಯೇ?.

7) ಸ್ಕೂಲಲ್ಲಿ ಭೇಟಿಯಾದರು, ಜೊತೆಯಲ್ಲಿ ಆಡಿದರು, ಓದಿದರು, ಕಾಲೇಜು ಮೆಟ್ಟಿಲು ಹತ್ತಿದರು, ಪ್ರೀತಿಸಿಕೊಂಡರು, ಮದುವೆಯಾದರು..ಮಕ್ಕಳು-ಮೊಮ್ಮಕ್ಕಳಾದರೂ ಇವರ ಮದುವೆ ಆಸೆ ತೀರಿಲ್ಲ...ಇವರು ಮತ್ತೆ ಮದುವೆಯಾಗಲು ಹೊರಟಿದ್ದಾರೆ...ಕಂಗ್ರಾಟ್ಸ್ ಹೇಳಿ ಪ್ಲೀಸ್... ಅವರ ಷಷ್ಠಿ ಪೂರ್ತಿ ಚನ್ನಾಗಿರಲಿ ಅಂತಾ..

8) ಪೆನ್ನು ತಗೊಂಡೆ, ಪೇಪರ್ ತಗೊಂಡೆ, ಒಳ್ಳೆ ಸ್ಥಳ ಹುಡುಕಿ ಏಕಾಂತದಲ್ಲಿ ದಿನವೆಲ್ಲ ಕಳೆದರೂ ಅವಳ ವಿಷಯವನ್ನು ಬಿಟ್ಟು ಬೇರೆಯದನ್ನು ಬರೆಯಲು ಮನಸ್ಸು ಒಪ್ಪುತ್ತಿಲ್ಲ.. ಬಲವಂತ ಮಾಡಿದೆ.. ಮನಸ್ಸಿಗೆ ಜ್ವರ ಬಂತು.!!.

9) ಅವಳಿಗಾಗಿ ಕಷ್ಟಪಟ್ಟು, ತರಬೇತಿ ಪಡೆದೆ, ನದಿಯಲ್ಲಿದ್ದ ಚಿಪ್ಪುಗಳನ್ನು ಹೆಕ್ಕಿ ತಂದು, ಲಕ್ಷಾಂತರ ಬಂಡವಾಳ ಹಾಕಿ, ಕೃಷಿಕನಾಗಿ ಶಸ್ತಚಿಕಿತ್ಸೆ ಮಾಡಿ, ಕೆರೆಯ ನೀರಿನಲ್ಲಿ ಬಚ್ಚಿಟ್ಟು, ಹದಿನಾಲ್ಕು ತಿಂಗಳು ಕಾದ ನಂತರ ಅದರಲ್ಲಿದ್ದ ಸುಂದರವಾದ ಮುತ್ತೊಂದನು ಅವಳಿಗೆ ಪ್ರೆಸೆಂಟ್ ಮಾಡಿದೆ.. ನನಗೆ ಬೇಡವೆಂದು ವಾಪಸ್ ಮಾಡಿದ್ದಾಳೆ.. ನಾನು ಕೇಳಿದ್ದೇ ಬೇರೆ ಅಂತಾ ಕೆನ್ನೆ ತೋರಿಸಿದ್ದಾಳೆ...

10) ಕುಡಿದು ಬಿದ್ದ ಹಳೇ ಪ್ರಿಯಕರನನ್ನು ನೋಡಿ ನಕ್ಕಳು. ಅವನಿಗೆ ಅರ್ಥವಾಗಲಿಲ್ಲ. ಪ್ರೀತಿಸಿದ ಐದು ವರ್ಷ ಜೊತೆಯಲ್ಲಿ ಇರುವುದಕ್ಕಿಂತ ಐದು ನಿಮಿಷ ಏಕಾಂತದಲ್ಲಿ ಕಳೆದಿದ್ದರೆ, ನಿನ್ನ ಸ್ಥಿತಿ ಹೀಗಿರುತ್ತಿರಲಿಲ್ಲ ಎಂದಳು. ಮತ್ತೆ ಅರ್ಥವಾಗಲಿಲ್ಲ. ಕುಡಿಯುವುದು ಮುಂದುವರಿಸಿದ. ಅವಳು ಗಂಡ ಮಕ್ಕಳೊಂದಿಗೆ ಸುಖವಾಗಿದ್ದಳು.

11) ಹಳಬ ಪ್ರೀತಿಸುತ್ತಿದ್ದ. ಹೊಸಬ ಪ್ರೀತಿಸುತ್ತಿದ್ದಾನೆ. ಅವನ ಬಳಿ ದುಡ್ಡು ಕಾರು ಇರಲಿಲ್ಲ. ಇವನ ಬಳಿ ಇದೆ. ಅವನು ಜೊತೆಯಲ್ಲಿ ಸಿನಿಮಾ ನೋಡುವುದು ಬೇಡ ಅನ್ನುತ್ತಿದ್ದ. ಇವನು ಬರೀ ಸಿನಿಮಾಗೆ ಕರೆಯುತ್ತಾನೆ. ಅವನು ಮದುವೆಯಾಗೋಣ ಅನ್ನುತ್ತಿದ್ದ. ಇವನಿಗೆ ಈಗಾಗಲೇ ಮದುವೆ ಆಗಿದೆ. ಇಬ್ಬರಿಂದಲೂ ಮೋಸವಾಗಿದೆ. ಅವನು ಮದುವೆಯಾಗದೇ ಮೋಸ ಮಾಡಿದ. ಇವನು ಮದುವೆ ಮಾಡಿಕೊಂಡು ಮೋಸ ಮಾಡಿದ. ಹಾಗಾದರೆ ಹುಡುಗಿ?

ಇಂತಿ ನಿಮ್ಮ ಪ್ರೀತಿಯ,

ಶಿವಶಂಕರ ವಿಷ್ಣು ಯಳವತ್ತಿ.