ಖಾಯಂ ಓದುಗರು..(ನೀವೂ ಸೇರಬಹುದು)

08 January 2015

Facebook Wall ಗಳಲ್ಲಿನ ಉವಾಚ

1) ಯಳವತ್ತಿ ಕುಡಿಗಥೆ:- “ನಿನ್ನ ಬಗ್ಗೆ ನನಗೆ ಈಗ ಕೇವಲ ಸ್ನೇಹಿತನೆಂಬ ಭಾವವಿದೆಯೇ ಹೊರತು ಬೇರಾವ ಭಾವನೆಗಳಿಲ್ಲ. ಹಿಂದೆಂದೂ ಪಿ.ಯು.ಸಿ. ಯಲ್ಲಿ ಏನೂ ಅರಿಯದ ವಯಸ್ಸಿನಲ್ಲಿ ಆಕರ್ಷಣೆಗೆ ಒಳಗಾಗಿ ಪ್ರೇಮ ಪತ್ರಗಳು ವಿನಿಮಯವಾಗಿದ್ದು ನಿಜವಿದ್ದರೂ, ಅದೆಲ್ಲಾ ಹಳೆಯ ಕಥೆ. ನಾನು ಈಗ ಇಂಜಿನೀಯರಿಂಗ್ ಮುಗಿಸಿ ಕೆಲಸಕ್ಕೆ ಸೇರಲು ಹೋಗ್ತಾ ಇದ್ದೀನಿ. ನೀನು ಏನಾದರೂ ಸಾಧನೆ ಮಾಡು. ನನ್ನ ಬಗ್ಗೆ ಇಲ್ಲದ ಆಲೋಚನೆಗಳನ್ನೆಲ್ಲಾ ಮನಸಲ್ಲಿಟ್ಟುಕೊಂಡು ಕನಸು ಕಾಣಬೇಡ” ಎಂದು ಅತ್ತೆಯ ಮಗಳು ನಿರ್ಭಾವುಕಳಾಗಿ ಹೇಳಿದಳು. ಅಷ್ಟರಲ್ಲಿ ಬಸ್ಸು ಬಂತು. ಏನೂ ಮಾತನಾಡದೇ ಮೂಕ ಪ್ರಾಣಿಯ ಹಾಗೆ ಮನದೊಳಗೆ ಬೇಗುತ್ತಾ, ಅವಳ ಲಗ್ಗೇಜನ್ನು ಬಸ್ಸಿನಲ್ಲಿರಿಸಿ, ಕಂಡಕ್ಟರ್ ಗೆ ಹೇಳಿ ಬೆಂಗಳೂರಿಗೆ ಟಿಕೆಟ್ ತೆಗೆಸಿ ಅವಳ ಕೈಗಿತ್ತನು. ಬಸ್ಸು ಹೊರಟಿತು. "ರಸ್ತೆಯಂಚಿನಲ್ಲಿ ನಿಂತು ಜೋರಾಗಿ ಕೈ ಬೀಸುತ್ತಿದ್ದರೆ, ಬಸ್ಸು ಮೆಲ್ಲನೆ ಸಾಗುತ್ತಿತ್ತು.. ಅವಳ ಮನಸ್ಸು ನಿರಾಳವಾಗಿದ್ದರೆ, ಇಲ್ಲೊಂದು ಮನಸ್ಸಿನಲ್ಲಿ ಸುನಾಮಿಯೊಂದು ಅಪ್ಪಳಿಸಿತ್ತು.

2) ಯಳವತ್ತಿ ಟ್ವೀಟ್:-

ಒಂದೈದು ಕುಡಿಗಥೆಗಳನ್ನು ಕುಡಿಗಥೆಗಳನ್ನು ಬರೆದು ಕಳುಹಿಸಿ ಎಂದರು.
"5-ಕುಡಿಗಥೆಗಳು" ಎಂದು ಬರೆದು ಕಳಿಸಿದೆ. ಯಾಕೋ ಪೇಮೆಂಟ್ ಕಳುಹಿಸಲೇ ಇಲ್ಲ.


3) ಯಳವತ್ತಿ ಕವನ:-
ಇಂದು ಅವಳಿಲ್ಲ
ಮಳೆಯಿದೆ.
ಅವಳಿಲ್ಲ
ಛಳಿಯಿದೆ.
ಅವಳಿಲ್ಲದಾಗಲೇ
ಬಿಸಿ ಬಿಸಿ
ಬೇಕೆನಿಸಿದೆ.
ಅವಳಿಲ್ಲದಾಗಲೇ
ಮನಸು ನೆನಪಿಸಿದೆ..
ಅದರ ರುಚಿ
ಹತ್ತಿದೊಡನೇ
ಅದೇ ಬೇಕೆಂದು
ಕಾಡಿಸುತಿದೆ.
ಅವಳಿಲ್ಲದಾಗಲೇ
ಚಳಿಯು
ಆವರಿಸುತಿದೆ.
ಅವಳ ನೆನಪು
ಮೂಡಿಸುತಿದೆ..
ಎಲ್ಲಿದ್ದೀಯೇ ನನ್ನವಳೇ..
ನನ್ನ ಆಸೆಯ ಪೂರೈಸಲೋಸುಗ
ಬಿಸಿ ಬಿಸಿ ಮಿರ್ಚಿ ಬಜ್ಜಿ ಮಾಡಿಕೊಡುವೆಯಾ???
ಐ ಲವ್ ಯೂ.ಬಿಸಿ ಬಿಸಿ ಮಿರ್ಚಿ ಬಜ್ಜಿ..


4) ಗೋವಾಕ್ಕೆ ಹೋಗಿದ್ದೆ,
ನಿನ್ನಿಷ್ಟದ ಸಮುದ್ರವಿತ್ತು
ಸಾಕಷ್ಟು ಮರಳಿತ್ತು 
ಎತ್ತ ನೋಡಿದರತ್ತ ನೀರಿತ್ತು 
ಅಲೆಗಳ ಜೊತೆ ಆಟವಾಡಲು ಸಮುದ್ರವಿತ್ತು
ನಿನ್ನ ಜೊತೆಯಾಡುವ ಆಟವನ್ನು ಸೆರೆ ಹಿಡಿಯಲು ಚಂದ್ರನ ಬೆಳಕಿತ್ತು
ಅಂದು ಎಲ್ಲಾ ಇತ್ತು, ಆದರೆ, 
ನೀನಿಲ್ಲವೆಂಬ ಕೊರತೆ ಮಾತ್ರ ಕಾಡುತ್ತಿತ್ತು...