ಖಾಯಂ ಓದುಗರು..(ನೀವೂ ಸೇರಬಹುದು)

11 August 2012

ಬಹಳ ದಿನಗಳ ನಂತರ ಒಂದಿಷ್ಟು ಟ್ವೀಟುಗಳು

1) ಯಳವತ್ತಿ ಟ್ವೀಟ್:- ಓ ದೇವರೇ, ನನಗೆ ತುಂಬಾನೆ ದುಃಖವನ್ನು ನೀಡು.. ನೀನೆಷ್ಟೇ ಕಷ್ಟ ಕೊಟ್ಟರೂ, ನನಗೆ ಚಿಂತೆಯಿಲ್ಲ.. ಆದರೆ ಸುಖವನ್ನು ಮಾತ್ರ ಕೊಟ್ಟೀಯ ಜೋಕೆ.. ಯಾಕೆಂದರೆ, ನಾನೀಗ ದುಃಖವನ್ನು ಪ್ರೀತಿಸೋಕೆ ಶುರು ಮಾಡಿದ್ದೇನೆ.. ಅದನ್ನೂ ಸಹ ನನ್ನಿಂದ ಕಿತ್ತುಕೊಬೇಡ..

2) ಯಳವತ್ತಿ ಟ್ವೀಟ್:-
ಮೌನಕ್ಕೆ ಸಾವಿರ ಅರ್ಥವಂತೆ..
ಪ್ರೀತಿಯ ವಿಷಯಕ್ಕೆ ಬಂದಾಗ ನಿನ್ನೀ ಮೌನದಲ್ಲಿ ನನಗೆ ಬೇಕಾದ ಅರ್ಥವನ್ನು ಇನ್ನೂ ಹುಡುಕುತ್ತಲೇ ಇದ್ದೇನೆ..

3) ಯಳವತ್ತಿ ಟ್ವೀಟ್:- ನೀ ದೂರವಾದಾಗ ಜೋರಾಗಿ ಅತ್ತುಬಿಡಬೇಕೆಂದು ಅನಿಸಿತ್ತು.. ಆದರೆ, ನನ್ನ ಕಣ್ಣಾಲಿಗಳಲ್ಲಿನ ನಿನ್ನ ಚಿತ್ರ ಕಣ್ಣೀರಿನಲ್ಲಿ ಕರಗಿ ಹೋದೀತೆಂದು ಭಯವಾಯಿತು.

4) ಯಳವತ್ತಿ ಟ್ವೀಟ್:- ಒಮ್ಮೆಯಾದರೂ ಇಲ್ಲಿ ನೋಡೆಯಾ?? ಈ ನನ್ನ ಫೇಸ್ ಬುಕ್ ಸ್ಟೇಟಸ್ ಮೆಸೇಜ್ ನಲ್ಲಿ ನಿನ್ನ ನೆನಪುಗಳಿಲ್ಲವೆಂದು ನಿನಗೆ ಸಾರಿ ಸಾರಿ ಹೇಳಬೇಕಿದೆ..

5) ಯಳವತ್ತಿ ಟ್ವೀಟ್:-
ಕಾಲವನ್ನು ಹಿಂದಕ್ಕೋಡಿಸುವ ಶಕ್ತಿ ಭಗವಂತನಿಗೆ ಮಾತ್ರ ಗೊತ್ತೆಂದು ತಪ್ಪು ತಿಳಿದಿದ್ದೆ.
ನಿನ್ನ ಚಿತ್ರವನ್ನು ನೋಡಿದೊಡನೆ,
ನಾ ನಿನ್ನ ಜೊತೆಗೆ ಕಳೆದ ಕ್ಷಣಗಳ ನೆನಪುಗಳ ಕಡೆಗೆ ಮನಸ್ಸು ನಿಲ್ಲದೇ ಓಡಿಬಿಡುತ್ತೆ..

Poor fellow ಮನಸ್ಸು


6) ಯಳವತ್ತಿ ಟ್ವೀಟ್:-

ಒಂದೆರಡು ಅಕ್ಷರಗಳನ್ನು
ಕ್ರಮವಿಲ್ಲದೇ ಜೋಡಿಸಿ
ಸೇರಿಸಿ
ಬರೆದೆ.. ಕವನವೆಂದರು..

ಮತ್ತೆ
ಸಾಲಾಗಿ ಕ್ರಮವಾಗಿ
ಕೂಡಿಸಿ ಬರೆದೆ
ಕಥೆಯೆಂದರು..

ನಿನ್ನ ಹಿಂದೆ
ಸಾಲಾಗಿ, ನೆರಳಾಗಿ
ಜೋಡಿಯಾಗಿ ಬರುವೆನೆಂದೆ
ಛೇ....!!!
ನೀನು ಒಲ್ಲೆಯೆಂದೆ................


7)
ಯಳವತ್ತಿ ಚಿತ್ರ ಟ್ವೀಟ್:-

ನೀ ನನ್ನ ಕರೆಗೆ ಓಗೊಡುವುದಿಲ್ಲವೆಂದು ಗೊತ್ತಿದ್ದರೂ ನನ್ನ ಪ್ರಯತ್ನವನ್ನು ಬಿಡಲಾರೆ ಹುಡುಗೀ.. ನಿನ್ನ ಮನಸ್ಸಿಗಿಂತಲೂ ನಿನ್ನ ಕೈಬೆರಳುಗಳ ಮೇಲೆ ನನಗೆ ನಂಬಿಕೆ ಜಾಸ್ತಿ, ಅಕಸ್ಮಾತಾಗಿಯಾದರೂ ನಿನ್ನ ಮೊಬೈಲಿನ Answer ಕೀಯನ್ನು ಒಮ್ಮೆಯಾದರೂ ಒತ್ತುತ್ತವೆಂದು..

8) ನನ್ನ ಮನದಾಳದ ಟ್ವೀಟ್:- ನಾನು ಸತ್ತ ಮೇಲೂ ನನ್ನವರು ನನ್ನ ದ್ವೇಷಿಸಬೇಕು. ಯಾಕೆಂದರೆ, ನನ್ನವರು ನನಗಾಗಿ ಅಳುವುದು ನನಗೆ ಇಷ್ಟವಿಲ್ಲ..